Bronsleikar ÍR

Bronsleikar ÍR er íþróttahátíð fyrir öll börn 11 ára og yngri en þar fá þau að spreyta sig á fjölbreyttum þrautum sem reyna á hreyfifærni og úthald. 16.

september árið 2000 stóð Vala Flosadóttir á verðlaunapalli á Ólympíuleikunum í Sydney í Ástralíu. Hún tók við bronsverðlaunum í stangarstökki eftir að hafa sveiflað sér yfir rána í 4.50m hæð. Í tilefni af því verða Bronsleikar ÍR haldnir í þriðja sinn laugardaginn 29. september klukkan 9:30-12:30. Einu sinni áður höfðu ÍR-ingar eignast verðlaunahafa á Ólympíuleikum en það var þegar Vilhjálmur Ein

arsson fékk silfurverðlaun í þrístökki á Ólympíuleikunum í Melbourn árið1956 með stökki upp á 16,26m. Þess má geta að Vilhjálmur á enn Íslandsmetið í þrístökki 16,70m sem sett var 7. ágúst 1960. Til heiðurs Vilhjálmi heldur Frjálsíþróttadeild ÍR Silfurleika ÍR í nóvember ár hvert og til heiðurs Völu höldum við nú Bronsleika í annað sinn en þeir voru haldnir í fyrsta sinn í fyrra, á 10 ára afmæli verðlauna hennar. Til Bronsleika ÍR bjóðum við öllum börnum 10 ára og yngri. Á Bronsleikunum verður áhersla lögð á gleði og gaman og fjölbreyttar þrautir á stöðvum víðsvegar um Frjálsíþróttahöllina í Laugardal. Þessi íþróttahátíð hentar öllum börnum hvort sem þau æfa íþróttir eða ekki. Hér er áherslan ekki á keppni heldur skemmtilega og fjölbreytta þrautabraut þar sem allir eru með. Börnunum er skipt í 8 til 12 manna hópa eftir aldri og óskum barnanna og fullorðinn liðsstjóri fylgir hverjum hópi í gegnum þrautabrautina. Börn fædd 2004 og yngri verða saman í hópum og börn fædd 2002 og 2003 verða saman í hópum. Hver hópur verður myndaður og útbúin viðurkenningarskjöl sem verða aðgengileg til útprentunar á heimasíðu Frjálsíþróttadeildarinnar ÍR að leikunum loknum. Allir keppendur fá verðlaunapening að lokinni þátttöku.

Á Bronsleikum er keppt í Fjölþraut barna sem samanstendur af þrautum sem reyna á styrk, snerpu, úthald og samhæfingu. Þrautirnar eru þróaðar sérstaklega fyrir þann aldurshóp sem þær eru lagðar fyrir svo allir ættu að fá skemmtileg viðfangsefni við hæfi. Bronsleikarnir eru nú í fyrsta skipti hluti af Alþjóðlega hjartadeginum sem lesa má nánar um hér http://www.hjarta.is/upplysingatorg/hjartadagurinn en þess má geta að kl. 10:30 fer Hjartagangan (2,7km eða 3,8km) af stað frá Laugardalshöllinni. Kjörið er fyrir alla fjölskylduna að sameinast í Laugardalshöllinni, sumir fara í fjölþraut barna, aðrir fylgjast með eða skella sér í hjartagöngu.

Áhugasamir geta lesið nánar um fjölþrautamót sem þetta hér á heimasíðu deildarinnar. http://www.ir.is/Deildir/Frjalsar/FrjalsithrottavidburdirIR/StormotIR/Thrautabraut/

03/09/2017

8. Bronsleikar ÍR nálgast, mótið verður haldið í Laugardalshöllinni 7. október.

10/10/2016

Það styttist óðum í 7. Bronsleika ÍR. Mótið fer fram 15. október og er skráning í fullum gangi. Upplýsingar um mótið er að finna á heimasíðu Frjálsíþróttadeildar ÍR

www.ir.is Bronsleikar ÍR

02/10/2015

Það verður heldur betur fjör á morgun en 355 krakkar eru skráðir til leiks. Keppni í fjölþraut 7 ára og yngri og 8-9 ára hefst stundvíslega kl 9:30 en keppendur í fjórþraut munu hita upp undir stjórn tugþrautarkappans Einars Daða Lárussonar kl 10:30 og hefja keppni fljótlega uppúr því.

Sjáumst eldhress á morgun.

01/10/2015

Skráningin er að nálgast 300. Enn hægt að skrá, lokar fyrir forskráningu kl 12:00 á morgun, föstudag.

05/10/2014

Takk fyrir komuna á Bronsleika!

02/10/2014

Nú styttist óðum í fjörið.
Minnum á að forskráningu lýkur á hádegi á morgun, föstudag.
Sjáumst hress og kát tímanlega í Laugardalshöll á laugardagsmorguninn.

http://www.ir.is/Deildir/Frjalsar/Myndasafn/2013/

07/10/2013

Fullt af myndum og von á fleirum!

http://www.ir.is/Deildir/Frjalsar/Myndasafn/2013/ 2013

05/10/2013

Vel heppnaðir Bronsleikar ÍR að baki, a.m.k. að mati mótshaldara. Hvað segja keppendur, foreldrar og þjálfarar?

04/10/2013

Forskráningu lýkur nú í hádeginu og þegar hafa 18 hópar verið skráðir til leiks auk fjölda einstaklinga. Hægt er að skrá á staðnum þar til keppni byrjar í fyrramálið. Skráningin á staðnum opnar 8:30.