FEB Félag eldri borgara í Reykjavík og nágrenni

Langar þig ekki að sjá listaverk Ólafs Elíassonar í Vestmannaeyjum “Sjónarhorn flakkarans”? Þá kemur þú með okkur í FEB-ferðum í dagsferð til Vestmannaeyja 15. júní😊 EKKI verður farið nema siglt sé frá Landeyjahöfn.

Nánari lýsing á ferðinni til Vestmannaeyja
Brottför frá Stangarhyl 4 að morgni mánudagsins 15. júní kl. 7:15 (mæting ekki seinna en klukkan 7:00). Gert er ráð fyrir að hópurinn verði kominn aftur til baka um kl. 21:00. Ekið er sem leið liggur austur fyrir Fjall og í Landeyjahöfn, þar sem skipið bíður okkar, og ferjar bæði rútu og hópinn yfir til Eyja. Þar byrjum við á að aka út á Eiðið og inn í Herjólfsdal áður en við fáum hádegisverð á Tanganum. Maturinn er innifalinn í verði ferðar. Eftir hádegi liggur leiðin m.a. út á Stórhöfða, um „nýja hraunið“ og Skansinn, áður en við förum í Eldheima og kynnum okkur afleiðingar Heimaeyjargossins í janúar 1973. Þaðan fer svo hópurinn aftur um borð í skipið og ekur síðan til Reykjavíkur.
Leiðsögumaður: Kári Jónasson
Erfiðleikastig: 1 skór
Verð: 24.000 kr. (3.000 kr. bætast við ef þátttakandi er utanfélagsmaður)

Skelltu þér með okkur 😊

Bókanir fara fram á skrifstofu FEB, í gegnum síma 588 2111 (sími er opinn frá kl. 10:00-14:00 alla virka daga) eða með því að senda póst á netfangið [email protected].

Aldurstakmörkin á lækknisvottorðum hafa verið hækkuð þegar kemur að endurnýjun ökuskírteina eldra fólks.

Læknisvottorðs verður framvegis ekki krafist sjálfkrafa sökum aldurs fyrr en umsækjandi hefur náð 75 ára aldri, í stað 65 ára aldurs áður.

Helstu rök heilbrigðisráðuneytisins fyrir breytingunni eru að heilsa fólks hefur batnað samhliða hækkandi lífaldri . Þá hefur reynslan sýnt að við endurnýjun ökuskírteina hjá þessum aldurshópi er læknisvottorð veitt nær undantekningalaust.

Breytingarnar munu því draga úr álagi sem skapast vegna reglulegrar endurnýjunar ökuskírteina og er því jákvæð breyting fyrir eldri ökumenn auk þess að draga úr óþarfa vottorðaskrifum heimilislækna.

Sjá hlekk á frétt Heilbrigðisráðuneytisins í athugasemdum:

Vegna forfalla voru 3 sæti að losna til Vestmannaeyja þriðjudaginn 2. júní. Ölduhæðaspá fyrir þann dag lofar góðu, en EKKI verður farið nema siglt sé frá Landeyjahöfn.

Skelltu þér með okkur 😊

Nánari lýsing á ferðinni til Vestmannaeyja
Brottför frá Stangarhyl 4 að morgni þriðjudagsins 2. júní kl. 8:00. Gert er ráð fyrir að hópurinn verði kominn aftur til baka í síðasta lagi kl. 20:00. Ekið er sem leið liggur austur fyrir Fjall og í Landeyjahöfn, þar sem skipið bíður okkar, og ferjar bæði rútu og hópinn yfir til Eyja. Þar byrjum við á að aka út á Eiðið áður en við fáum hádegisverð á Tanganum. Maturinn er innifalinn í verði ferðar. Eftir hádegi liggur leiðin m.a. inn í Herjólfsdal út á Stórhöfða, um „nýja hraunið“ og Skansinn, áður en við förum í Eldheima og kynnum okkur afleiðingar Heimaeyjargossins í janúar 1973. Þaðan fer svo hópurinn aftur um borð í skipið og ekur síðan til Reykjavíkur.
Leiðsögumaður: Kári Jónasson
Erfiðleikastig: 1 skór

Verð: 24.000 kr. (3.000 kr. bætast við ef þátttakandi er utanfélagsmaður)
Bókanir fara fram á skrifstofu FEB, í gegnum síma 588 2111 (sími er opinn frá kl. 10:00-14:00 alla virka daga) eða með því að senda póst á netfangið [email protected].

Síminn og FEB stóðu fyrir tækninámskeiði fyrir fèlagsmenn í byrjun maí og komust færri að en vildu - stemmt er að því að endurtaka leikinn í haust

Eldra fólk segir síður frá ofbeldi - sjá frétt á RÚV.is
https://www.ruv.is/frettir/innlent/2026-05-13-eldra-folk-segir-sidur-fra-ofbeldi-474910

Eldra fólk segir síður frá ofbeldi - RÚV.is Fræðsla fyrir eldri borgara um ofbeldi miðast að því að valdefla, segir samfélagslögreglumaður. Eldra fólk leitar síður til lögreglu en aðrir hópar, segir félagsráðgjafi – ekki síst þegar gerandi er ættingi eða aðstandandi.

Yndislegir vortónleikar kórs FEB og karlakórsins K*K voru haldnir í Bústaðakirkju þann 8. maí. Bestu þakkir fyrir flutninginn 🎼

FEB lætur í sér heyra í aðdraganda borgarstjórnarkosninga

„Líta á málefni eldri borgara sem aukastærð“ Stjórnmálaflokkarnir sem bjóða sig fram í sveitarstjórnarkosningunum líta á málefni eldri borgara sem aukastærð, auk þess sem borgaryfirvöld hafa ekki sýnt Félagi eldri borgara (FEB) mikla virðingu.