Badmintondeild Tindastóls

Umhverfisdagur FISK Seafood er á morgun!
Forskráning á: https://fisk.is/skraning/
Sjáumst á morgun! :D

Skráning fyrir umhverfisdag Visit the post for more.

Meistaramót Íslands fór fram um helgina í íþróttahúsinu við Strandgötu. Tindastóll sendi tvo keppendur til leiks. Júlíu Marín sem keppti í einliðaleik í 2.deild. Hún stóð sig vel en tapaði naumlega í 8 liða úrslitum.
Emma Katrín spilaði einliðaleik í Úrvalsdeild og spilaði í 8 liða úrslitum gegn ríkjandi Íslandsmeistara, Emma spilaði vel en tapaði. Í tvenndarleik spilaði Emma í 1.deild, ásamt Ásgeiri frá Samherja. Þau náðu sér ekki á strik og töpuðu í fyrstu umferð. Í tvíliðaleik kvenna spilaði Emma með Lenu úr BH í 1.deild. Þær voru ríkjandi Íslandsmeistarar og gerðu sér lítið fyrir og vörðu titilinn. Emma Katrín er því annað árið í röð Íslandsmeistari í tvíliðaleik kvenna 1.deild. Til hamingju Emma!

Myndir frá Badmintonsambandi Íslands

Badmintonmótin farin af stað!

Helgina 4.-5.okt fór fram Unglingamót TBS á Siglufirði. Tindastóll sendi þrjá keppendur sem öll kepptu bæði í einliða- og tvíliðaleik. Aron Elmar keppti í U11B, Jóel Darri í U11C, og saman í tvíliðaleik U11A. Þeir spiluðu marga hörkuleiki og sýndu frábær tilþrif. Júlía Marín spilaði í U17B í bæði einliðaleik og tvíliðaleik.

Helgina 11.-12.okt fór fram TBR Opið, í húsakynnum TBR í Laugardal. Tindastóll sendi einn keppanda til leiks, Emmu Katrínu. TBR Opið er fullorðinsmót og er keppt í úrvalsdeild, 1.deild og 2.deild. Emma Katrín spilaði í einliðaleik í úrvalsdeild og stóð sig vel á þessu fyrsta móti í úrvalsdeild. Emma spilaði svo í 1.deild í tvíliðaleik ásamt Lenu Rut frá BH og sigruðu þær mótið.

Badmintonkeppnisveturinn fer sannarlega vel af stað hjá iðkendum Tindastóls.

Framundan eru æfingabúðir BSÍ, helgina 17.-19.okt sem Emma Katrín tekur þátt í,

Nordic Camp æfingabúðirnar fara nú fram í Kristinssand í Noregi. Þátttakendur eru frá öllum Norðurlöndunum auk Eystrasaltsríkjanna. Ísland sendir 6 fulltrúa og er ein þeirra. Emma fékk meðal annars styrk til fararinna úr Minningarsjóð Rúnars Inga Björssonar sem aðalstjórn Ungmennafélagins Tindastóls sér um.
Á instagram aðgangi Badmintondeildarinnar má fylgjast með ferðinni og lífinu í æfingabúðunum.

Badmintondeild Tindastóls

Tindastóll sendi tvo þátttakendur til keppni í Sandefjord í Noregi um nýliðna helgi og afraksturinn eitt gull, eitt silfur og eitt brons

Emma og Júlía gera gott mót í Sandefjord Tveir keppendur frá badmintondeild Tindastóls tóku í vikunni þátt í Sandefjord Open mótinu sem fer fram í bænum Sandefjord í Noregi. Keppendur á mótinu eru

Takk!

Opið þakkarbréf til FISK Seafood frá Aðalstjórn Tindastóls.

🏆🏆 Tveir Íslandsmeistaratitlar til Tindastóls!

Meistaramót Íslands fór fram í húsnæði TBR við Gnoðarvog dagana 24.-26. apríl. Tindastóll sendi tvo keppandur til leiks, Emmu Katrínu Helgadóttur, sem keppti í 1.deild og Júlíu Marín Helgadóttur sem keppti í 2.deild. Júlía keppti í einni grein, einliðaleik og stóð sig vel en varð úr í 8 liða úrslitum. Emma Katrín spilaði mjög vel og vann mótið sannfærandi, án þess að tapa lotu í bæði einliðaleik og tvíliðaleik, með meðspilara sínum, Lenu úr BH. Í tvenndarleik spilaði Emma með Rúnari Gauta úr BH en þau komust ekki í úrslit að þessu sinni.

Emma Katrín er því tvöfaldur Íslandsmeistari í 1.deild í badminton!

Frekari fréttir af úrslitum mótsins má finna á heimasíðu Badmintonsambandsins, www.badminton.is

Íslandsmeistaratitill norður og alls þrjú á verðlaunapalli!

Íslandsmót unglinga fór fram í húskynnum TBR um nýliðna helgi. Tindastóll sendi 12 keppendur til leiks og átti fulltrúa í öllum aldursflokkum, aldrei hafa fleiri keppendur tekið þátt fyrir hönd Tindastóls! Tindastólskrakkarnir, sem mörg hver voru að taka þátt í sínu fyrsta móti stóðu sig með einstakri prýði og náðu frábærum árangri.
Í U11 átti Tindastóll fimm fulltrúa, þá Ólaf Bjarna, Karl Goðdal, Sigurþór, Aron Elmar og Jóel Darra. Ekki er keppt til úrslita í þessum aldursflokki en strákarnir stóðu sig allir mjög vel, mörg hörkutilþrif, mikið keppnisskap í ungum mönnum og smitandi leikgleði.
Í U13B átti Tindastóll 4 keppendur, þau Sigurbjörgu Sól sem keppti í einliðaleik og tvenndarleik, Víking Tý sem keppti í einliðaleik og tvenndarleik, Orra Frey sem keppti í einliðaleik og Hauk Frey sem keppti í einliðaleik og tvíliðaleik. Í einliðaleik var keppt í riðlum svo krakkarnir fengu öll nokkra leiki og stóðu sig öll mjög vel.
Í U15A keppti Júlía Marín fyrir hönd Tindastóls í öllum greinum. Hún spilaði til undanúrslita í tvenndarleik og í úrslitum í tvíliðaleik. Júlía Marín ásamt Laufeyju Láru úr BH enduðu í 2.sæti.
Í U17A keppti Emma Katrín í öllum greinum og náði ásamt Iðunni úr TBR Íslandsmeistaratitli í tvíliðaleik!
Í U19B keppti Gísli. Hann lenti í 2.sæti í einliðaleik og í tvíliðleik ásamt Hilmari Veigari úr ÍA.

Frábær árangur hjá Tindastólskrökkunum!

Framundan er Íslandsmót fullorðinna þar sem Emma Katrín mun spila í 1.deild, en hún var Íslandsmeistari í 2.deild í fyrra, og Júlía Marín sem spilar í 2.deild. Íslandsmót fullorðinna fer fram helgina 22.-24.apríl.

"Í æfingabúðum BSÍ um síðastliðna helgi fór fram sérstök úrtaksæfing fyrir ungar badmintonstelpur. Tuttugu efnilegum stelpum úr badmintonklúbbum víðsvegar af landinu voru boðaðar til að taka þátt í æfingu með landsliðsþjálfara okkar, Kenneth Larsen"

Úrtaksæfingin var fyrir stelpur á aldrinum 12-14 ára og átti Tindastóll einn fulltrúa í hópnum, Júlíu Marín.

Úrtaksæfing fyrir stelpur í æfingabúðum BSÍ – Nýr stelpuhópur í bígerð 🏸✨ Í æfingabúðum BSÍ um síðastliðna helgi fór fram sérstök úrtaksæfing fyrir ungar badmintonstelpur. Tuttugu efnilegum stelpum úr badmintonklúbbum víðsvegar af landinu voru boðaðar til að taka þátt í æfingu með landsliðsþjálfara okkar, Kenneth Larsen og honum til aðstoðar ...

Frábær árangur Tindastólskrakka á badmintonmótum undanfarið

Um nýliðna helgi fór Landsbankamót ÍA fram á Akranesi þar sem keppt var í einliðaleik og tvenndarleik. Tindastóll sendi 4 keppendur til leiks, þau Sigurbjörgu Sól og Víking Tý sem keppa í U13, Júlíu Marín sem keppir í U15 og Emmu Katrínu sem keppir í U17.
Tindastólskrakkarnir stóðu sig frábærlega og unnu öll til verðlauna. Sigurbjörg og Víkingur urðu í 2.sæti í tvenndarleik, Júlía Marín varð í 2.sæti í einliðaleik og tvenndarleik ásamt Erik Val úr BH og Emma Katrín sigraði báðar sínar greinar, í tvenndarleik spilar hún með Rúnari Gauta úr BH.

Helgina 22.-23.feb fór Óskarsmót KR fram, þar sem einungis er keppt í fullorðinsflokki. Emma Katrín keppti fyrir hönd Tindastóls í 1.deild í öllum greinum. Emma Katrín og Lena úr BH urðu í 2.sæti í tvíliðaleik, Emma og Rúnar Gauti úr BH urðu í 2.sæti í tvenndarleik og Emma Katrín sigraði einliðaleik kvenna.

Framundan hjá Badmintondeild Tindastóls með Reykjavíkurmót fullorðinna helgina 15.-16.mars, þar sem Emma Katrín mun taka þátt, helgina 22.-23.mars eru æfingabúðir landsliða, þar sem Emma Katrín og Júlía Marín taka þátt. Dagana 4.-6.apríl fer Íslandsmót unglinga fram og stefnir í metþáttöku Tindastólskrakka.