Íþróttamiðstöðin í Vogum

Full ástæða til að benda fólki á hvaða litir eru mest áberandi í sundlauginni!

Áberandi litir á sundfatnaði!!
English below

Okkur langar að vekja athygli á því hversu mikilvægt það er að velja sér áberandi og sýnilega liti á sundfatnaði í ljósi þess að nú verður töluvert meiri traffík af fólki í lauginni hjá okkur.

Á þessari mynd má sjá hvaða litir eru mest áberandi í vatni og hvaða liti er erfitt að greina – sérstaklega þegar sundlaugin er full af fólki eða vatnið á mikilli hreyfingu.

Með því að velja sýnileg og áberandi sundföt auðveldar þú sundlaugavörðum að fylgjast með sundgestum og bregðast hratt við ef þörf krefur.

Öryggi í sundlaugum er sameiginlegt verkefni okkar allra – og stundum getur liturinn á sundfötunum skipt meira máli en margir gera sér grein fyrir 🙌🏼

—————————————————————

We would like to highlight the importance of choosing bright and highly visible swimwear colors, especially as we expect a significant increase in visitor numbers at the pool in the coming weeks.

This image shows which colors are the most visible in the water and which are more difficult to spot — particularly when the pool is crowded or the water is in constant motion.

By choosing bright and visible swimwear, you make it easier for lifeguards to monitor swimmers and respond quickly if assistance is needed.

Pool safety is a shared responsibility, and sometimes the color of your swimwear can make a bigger difference than many people realize. 🙌🏼

✨ Slökun í sundlauginni í Vogum á Jónsmessunni

💙 Slökun í vatni með Aqua Jóga
📍 Íþróttamiðstöðin í Vogum
📅 Jónsmessa 24. júní

Á Jónsmessunótt er sagt að mörkin milli hins sýnilega og ósýnilega verði örlítið þynnri. Þetta er nótt kyrrðar, birtu og töfra.

Laugin verður hituð upp og fáið þið allan þann búnað sem þarf til að fljóta áreynslulaust í dýrmæta vatninu okkar á meðan slakandi tónlist og andrúmsloft hjálpa þér að sleppa tökunum og njóta augnabliksins.

✨ Kyrrð fyrir hugann
✨ Hvíld fyrir líkamann
✨ Næring fyrir sálina
✨ Töfrandi stund á björtustu nótt ársins

💧 Hentar öllum sem vilja slaka á og njóta.

📞 Skráning og nánari upplýsingar eru hjá Aqua Jóga
💰 Verð: 1.500 kr.

Innifalið er aðgangur í laugina og heitt seremóníu kakó.

Leyfðu vatninu að halda utan um þig á Jónsmessunótt 💙

FOLFNÁMSKEIÐ Í VOGUM 🥏

Saman í samfélagi býður ykkur á folfnámskeið ! (endilega fylgið FB síðu Saman í samfélagi og Vogar - Heilsueflandi samfélag)

Við erum svo ótrúlega heppin hérna í Vogum að eiga frábæra folf völlinn okkar við Aragerði. Því ekki að læra réttu handtökin og nýta folf völlinn í sumar, fyrir vinahópana, fjölskyldur, einn við æfingar eða hvað sem ykkur dettur í hug.

Hér íÍþróttamiðstöðinni í Vogum er hægt að fá lánað grunnsett til að leika sér með fyrir litlar 500 kr.

📅 15. júní | 17:00–19:00
📍 Aragerði við Íþróttamiðstöðin í Vogum.

Skráning á síðu Saman í samfélagi með því að skilja eftir athugasemd.

FOLFNÁMSKEIÐ Í VOGUM 🥏
Saman í samfélagi býður ykkur á folfnámskeið !

Við erum svo ótrúlega heppin hérna í Vogum að eiga frábæra folf völlinn okkar við Aragerði. Því ekki að læra réttu handtökin og nýta folf völlinn í sumar, fyrir vinahópana, fjölskyldur, einn við æfingar eða hvað sem ykkur dettur í hug.

Í íÍþróttamiðstöðinni í Vogum er hægt að fá lánað grunnsett til að leika sér með fyrir litlar 500 kr.

Folf er vaxandi íþrótt á Íslandi, sem kemur ekki á óvart. Gallup-könnun frá 2023 sýndi að tæplega 20% þjóðarinnar hafði spilað að minnsta kosti eina lotu það ár. Meðal 18–24 ára ungmenna var hlutfallið yfir 48% — næstum helmingur ungs fólks! Þetta er sport sem hentar öllum aldurshópum: mjúkt fyrir liðina, góð hreyfing í frábæru náttúrulegu umhverfi og þarf ekki mikið til að byrja.

📅 15. júní | 17:00–19:00
📍 Aragerði við Íþróttamiðstöðin í Vogum.

Endilega skiljið eftir athugasemd ef þið hafið áhuga á að koma svo við getum gróflega áætlað fjölda - viðburðurinn er öllum að kostnaðarlausu 🤩

Sumarkortin eru komin í sölu.

Endilega nýtið ykkur þetta frábæra tilboð 🌟☀️

Eins og síðustu dagar bera vitni um þá er sumarið loksins komið.
Þá er ekki úr vegi að minna íbúa og gesti á fallegu náttúruna og möguleikana til útvistar hér í Vogum og í kringum bæinn 🤸‍♀️

🏊 Sund sund sund. Fyrir okkur er augljósasti kosturinn að koma við í sundlauginni. Synda nokkrar ferðir (eða margar), njóta heitu pottanna og nýja saunaklefans á milli þess sem þið sólið ykkur á sólbekkjunum. Sundlaugin í Vogum er fræg (sáu þið ekki örugglega áramótaskaupið) og fólk kemur langt að til að njóta fegurstu aðstöðunnar og kyrrðarinnar 🥰

🚴 Þeir sem eiga hjól ættu að nýta góðar stundir til að hjóla inn Vatnsleysuströnd og út að Stapa og í áttina að Njarðvík. Það er líka hægt að hjóla að Reykjanesbraut og undir hringtorgið og fara meðfram brautinni utanvegar (þeir sem eru á góðum dekkjum þ.e.a.s.). Hefur þú hjólað hérna í kring og ertu með meðmæli að góðri hjólaleið?

🏃 Mikið er af göngustígum sem henta vel í gönguferðir og skokk. Vinsælt að fara í Háabjalla, labba meðfram Stapanum, fara inn á Strönd og þess vegna innanbæjar, enda fallegt bæjarstæði og mikið líf núna þegar það er orðið svo bjart allan daginn. Hvaða leið er þín uppáhalds?

👣 Aragerði er dásamlegur áningastaður inn í miðjum bænum, hvort sem það er fyrir gesti eða íbúa. Þar er hægt að sitja með krökkunum í lautarferð, grilla pylsur þegar það er barnaafmæli, fara í útileiki, sitja í kyrrðinni eða hvað sem er. Aparólan og hoppubelgurinn eru vinsæl leiktæki fyrir börnin en hefur fullorðan fólkið prufað? Hvað finnst þér skemmtilegast að gera í Aragerði?

⛰ Folfvöllurinn. Ekki má gleyma 9 holu folfvellinum sem er við íþróttamiðstöðina og Aragerði. Fljótlega verður hægt að leigja folfsett í íþróttamiðstöðinni (frá 1. júní) og hvetjum við öll til að koma og prufa.

⛳ Golfklúbbur Vatnsleysustrandar við Kálfatjörn er einn vinsælasti ferðamannastaður sveitarfélagsins. Glæsilegur 9 holu völlur og öll aðstaða til fyrirmyndar.

🏊 Saunagus og sjósund nýtur sífellt vaxandi vinsælda og er það nú stundað árið um kring hér í Vogum. Tilvalið að skoða heimasíðu Saunagus Reykjanes til að sjá hvort þau eru ekki með tíma sem hentar þér. Mælum svo sannarlega með.

Þetta er alls ekki tæmandi upptalning og hvetjum við ykkur til að setja í athugasemdir það sem ykkur finnst gaman að gera hér í Vogum og í kring yfir sumartímann 😃

Fyrir viku síðan opnuðum við endurnýjaðan saunaklefa við mikinn fögnuð sundgesta. Vandað var til verka og kunnum við Matta umsjónarmanni fasteigna og öllum þeim sem komu að smíði klefans miklar þakkir 😃 Sundlaugagangurinn var tekinn í gegn í leiðinni og á bara eftir að setja upp skiltin á ganginn en að öðru leyti er þetta tilbúið.

Í klefanum er tímastilltur takki sem skammtar vatni á ofninn og þarf að bíða þrjár mínútur þar til hægt er að skammta á ný. Vatnið þyrfti að dreifast betur yfir steinana og það verður fundið út úr því fljótlega en að öðru leyti er þetta bara dásamlegt í alla staði 😍

Vonum að þið séuð jafn ánægð með endurbæturnar og við og hvetjum við öll til að koma sem fyrst í heimsókn og taka út verkið 😎

Í næstu viku ætla krakkarnir í Borunni að slútta vetrinum með sundlaugapartý. Við lokum sundlaugarsvæðinu á meðan. Um er að ræða tvær tímasetningar.

18:00 - 20:00 miðvikudaginn 27. maí
20:00 - 21:00 föstudaginn 29. maí

We close the pool area and sauna to the public
18:00 - 20:00 27th of may - wednesday
20:00 - 21:00 29th of may - friday

Opnunartími um hvítasunnuna í íþróttamiðstöðinni:

Hvítasunnudagur LOKAÐ
Annar í hvítasunnu opið 10:00 -16:00

Líf og fjör í sundlauginni í Vogum.

Byrjum á þeim frábæru fréttum að nýji saunaklefinn verður tekinn í notkun á föstudaginn. Nánar um það síðar 😃

Það verður líf og fjör hjá sunddeild Þróttar í dag frá sirka kl. 17:30 - 18:30. Því verður lokað í laugina rétt á meðan.

Það er lokað í íþróttamistöðinni eftirfarandi daga:

Miðvikudaginn 13. maí 2026 vegna skyldunámskeiðs og starfsdags hjá starfsfólki.

Fimmtudaginn 14. maí 2026 - Uppstigningardag.

Vekjum athygli á heimaleik hjá Þrótti á Uppstigningardag og hvetjum öll til að mæta og hvetja sitt lið 👏