Rahma Wadhaify - رحمة الوظائفي

في كل خطوة ثابتة نخطوها اليوم، هناك يدٌ خفيةٌ امتدت لنا بالأمس لتمنحنا التوازن. 🤍
الأب ليس مجرد حضور، بل هو الجذور التي تمدنا بالثبات والدعم النفسي لنواجه العالم بصلابة. قوتنا، ثقتنا بأنفسنا، وقدرتنا على الصمود... كلها بذورٌ بدأت منه.

#امتنان

🔗👇 اقرئي هالكلام بقلبك إذا حاسة إنك مستنزفة وتعبانة...
في طريقك لترضي الكل.. وتهتمي بالكل.. العيلة، الشغل، الأولاد، والأصدقاء..
👤 هل مررتِ بنفسك؟
هالسؤال بيوجع.. بس حقيقي ومهم جداً.
كأنكِ صرتِ عايشة في دور "الاحتواء" ونسيتي تعيشي "حياتكِ" إنتِ. تعودتي تلغي مشاعرك، وتتظاهري بمشاعرهم، لدرجة إن قراءتك لحاجاتك النفسية صار مؤجل.. ومعلّق.. ومشروط بإنك تسعديهم وتلبيلهم احتياجاتهم، ورغباتهم وطلباتهم للأسف ما بتخلص!
💡 الفكرة اللي لازم تستوعبيها اليوم:
إنكِ تسمعي لشعورك ، لأفكارك، تهتمي برغباتك، تعبري عن مايجول بخاطرك هادا مش أنانية، وإنك تضعي حدود تحميكي من الاستنزاف وتجاوز قدراتك في التحمل مش معناه قسوة.
لما تكوني محور حياتك، هاد مش معناه تلغي الناس، اأو تنعزلي عنهم .. هدا معناه بس انك ما تلغي نفسكِ لأجلهم.
قبل ما توافقي على أي طلب أو التزام جديد، او أو قبل ما تلغي رأيك أو تهملي نفسيتك واحتياجاتك اسألي حالكِ:
🔹 أنا عم بعمل هاد الشي كواجب حقيقي ولا عشان خايفة من شعور الذنب؟
🔹 هل هالعطاء رح ياكل من صحتي، وقتي، وراحتة بالي؟
🔹 شو الثمن اللي رح تدفعه نفسي وروحي إذا ضليت بهالشكل؟
أكيد بإمكانك تعطي وتساعدي بس من مكان مليان توازن، مش من مكان مستنزف ومجبور.
أنتِ مش بحاجة تختفي من حياة الناس عشان تلاقي حالك، بس بحاجة تعطي من وقتك لنفسك وتسمعي لصوتك الداخلي ، مشاعرك ، وأفكارك، وتعطي لوجعك اهتمام، وهيك بتكوني في نفس الصف مرئيه الك وجود كما للاخرين وجود بحياتك
💖 شاركينا بالتعليقات وتفاعلي معنا:
لو هالكلام لامس قلبكِ، احكيلي: شو أكتر ضريبة حاسة إنك دفعتيها من عمرك وصحتك؟




#وعي

مع بداية العام الهجري الجديد 1448، فرصة جميله نقف مع أنفسنا ونعيد النظر بما نرغب أن نكون عليه في هذا العام
وما يتطلب منا أن نعقد العزم على نغيره
في عاداتنا ،
في أفكارنا ومعتقداتنا،
في نياتنا.. الخ
فرصة لبداية جديده مع ان التغيير لا يحتاج الى بداية مثالية، والمهم نبدأ بخطوة صغيرة ونية صادقة.

وأسأل الله أن يعطيكم من الخير والبركة ما تسعد به أرواحكم
🤍✨كل عام وأنتم بخير،



⁩

كم مرة مرّ يومك وإنتِ موجودة فيه بجسمك… بس عقلك كان بمكان ثاني؟

مرة راجعه للماضي، بتعيدي مواقف خلصت من زمان،
ومرة رايحة للمستقبل، بتفكري بأشياء لسه ما صارت.

بترجعي تفكري بنفس الموقف عشرات المرات،
وبتلومي حالك على أشياء ما عاد بإمكانك تغيريها.
و بتقلقي من بكرة، وبترسمي سيناريوهات كثيرة،
وبتعيشي مخاوف يمكن ما تصير أصلاً.

وبين الماضي والمستقبل…
بتضيع منك اللحظة اللي إنتي فيها الآن.
مع إنها اللحظة الوحيدة اللي بتقدري تعملي فيها فرق،
اللحظة اللي بتقدري تتعلمي فيها،
وتتخذي فيها قرار،
أو تغيري فيها عادة،
وتقربي فيها خطوة من أهدافك.

هي اللحظة اللي بتقدري تنتبهي فيها للنعم اللي حواليكي،
وتستمتعي فيها بتفاصيل بسيطة يمكن ما تعطيها أي اهتمام،
وتكوني أكثر حضوراً مع نفسك ومع الناس اللي بتحبيهم.

انك تعيشي باللحظة الحالية ما بيعني تنسي الماضي،
ولا يعني تتوقفي عن التخطيط للمستقبل.

بالعكس…

بنتعلم من الماضي،
وبنخطط للمستقبل،
بس بدون ما نخلي أي واحد منهم يسرق منا يومنا.

افهمي من الماضي دروسه،
وارجعي للحظة اللي بين إيديك الآن
واعملي فيها اللي يوصلك للمستقبل الي بتطمحيله

#تفاؤل

ترتقي الأرواح حين تتعلّق بخالقها، فيزداد الإنسان وعيًا بمعنى وجوده، ويعلم أن الطمأنينة الحقيقية تكمن في التسليم لله والثقة بحكمته وتدبيره. 🤍

ويأتي هذا العيد ليذكّرنا بأن السموّ الروحي يبدأ من الداخل؛
من قلبٍ أكثر صفاء، وعقلٍ أكثر وعياً برسالته، ونفسٍ تتعلّم في كل مرحلة كيف تنضج، وتتجاوز، وتنهض من جديد.

وفي كل عام، نزداد فهمًا للحياة، وقرباً لمعاني الرضا والسلام، وأكثر قدرة على الاستمرار والتطوّر رغم كل التحديات.

أضحى مبارك علينا وعليكم،
جعله الله عيد بهجةٍ لقلوبكم، وسموٍّ لأرواحكم، ونورٍ لخطواتكم
اللهم امين

80 عاماً من المجد والعزة…
80 عاماً والأردن يكبر بقيادته وشعبه وإنجازه 🇯🇴
كل عام ووطننا بألف خير
وكل عام والأردن مصدر فخر وقوة وأمان


#الأردن

في رحلتنا نحو النمو والتطوير نؤمن أن النجاح الحقيقي يبدأ من سلام القلب واتزان الروح
ومع نفحات الأيام العشر من ذي الحجة، نذكّركم أن التطوير لا يكون فقط للعقل… بل للروح أيضًا 🤍🤍 #وعي #اتزان

أحيانًا أكثر ما يُتعبنا هو ليس ما نفعله… بل ما نحمله بداخلنا دون انتباه.
بين التفكير الزائد، وضغط المسؤوليات، والعلاقات، والحاجة للراحة… تضيع طاقتنا

الوعي بمصدر الاستنزاف هو أول خطوة لاستعادة توازنك النفسي 🌱

ايش أكثر شيء بيستنزف طاقتك هالفترة لاتنسى
#تطويرالذات