Hammer Gym

ميزات عديدة ولسا في كمان 😉

اعرفوا أكثر من خلال زيارة موقعنا الإلكتروني

رمضان عالأبواب واحنا مجهزينلكم عروض ناااار!! للتسوق عبر الموقع الإلكتروني https://www.kabsfitfactory.com/collections/special-offers العنوان: - الصويفية شارع باريس مجمع دجلة رقم ١٣ - الرابية مجمع ابو عزام التجاري بجانب مطعم عقل و الحاج حسين - طبربور شارع طارق مجمع سلامة مول مقابل البنك العربي الإسلامي. - العبدلي مقابل مجلس النواب بجانب دالاس للسياحة والسفر. - عبدون شارع اربد نادي DNA نفس عمارة فيزا في للمزيد من المعلومات يرجى الاتصال ب 0795022780 اهلا وسهلا بالجميع. #كابز #KABS #KABSFitFactory

المعظم بحب يغيّر شكل جسمه للأحسن.
فيه ناس بحبوا الرياضة بس فيه ناس ما بتحب الرياضة بس عندهم إرادة منيحة و بيلتزموا بالأكل و بينحفوا .

فيه ناس بس بيمشوا ع دايت معين و فعلا بينزلوا (بالوزن) بدون رياضة .

رح أحكيلكم شوية أشياء ممكن تستفيد منها إذا لعبت رياضة ممكن ما رح تتحقق إذا بس عملت دايت.

مع إنه ع فكرة .. إذا عندك إرادة تمسك أكل إنت عملت ٨٠% من العملية و عملت الإشي الأصعب بس ضيّعت ع حالك فرصة أشياء أحلى ممكن تصير مع الرياضة زي ..( للمثال لا الحصر) :

🎯اذا بلشت تلعب رياضة رح تحس إنت مالِك حالك .. يعني عندك القدرة تاخد قرار ...هذا الإشي مش سهل و رح يزيد ثقتك بنفسك .
🎯رح تاخد آكشن بالتالي رح تأكشنها 🤣
🎯ممكن تنضم لجم أو مجموعة بالتالي رح تتعرف ع ناس و صحاب و يصير عندك دائرة إجتماعية .
🎯ع الأغلب رح تتشجع تاكل أحسن لإنك إشتغلت ( تمرنت) ف بالتالي ما بدك تضيّع تعب التمرين .
🎯صحتك رح تتحسن . يعني رح تقدر تسيطر ع الكلسترول و السكري و الضغط اذا عندك مع حمية منيحة طبعا و الدوا .
🎯أوجاع المفاصل رح تخف عشان العضلات صارت أقوى و صارت تخفف ضغط وزنك عن مفاصلك .
🎯رح تنزل نسبة الدهون مش كل الوزن و بالتالي شكلك رح يصير أحلى

🎯رح تزيد نسبة العضلات و هيك كمان شكلك بصير أحلى و بتصير أقوى .
🎯رح تتعلم مهارات حركية جديدة
🎯رح يصير عندك محتوى حلو و ممتع للسوشال ميديا الخاصة فيك .
🎯رح تشتري أواعي جداد عشنك مبسوط و حابب شكلك .
🎯رح تزيد نظافتك الشخصية لإنك رح تصير تحلق تحت أباطك و تتحمم و تستعمل مزيل رائحة عرق و تفرشي سنانك أكتر لإنه الرياضة هيك متطلباتها .
🎯رح تشتري ملابس داخلية و جرابات جداد كل فترة و هاد الإشي صحي و بينعكس ع طاقتك كاملة .
🎯ممكن تتعلم لعبة معينة نفسك تتعلمها من زمان .
🎯رح تزيد عناصر اللياقة البدنية عندك و تصير أقوى و أسرع و أكثر ليونة و أكثر تحمّل و أكثر رشاقة و يتطور التوافق العضلي العصبي عندك .
🎯إذا صار عندك عناصر لياقة أحسن زي إنك صرت أقوى رح تصير تقدر تحمل الأشياء أو تفرجي مرتك حجم الباي عندك أو ما تخاف من المتحرشين بالشارع لإنك عارف إنك بتقدر تواجههم .
🎯رح تقدر تلعب مع ولادك و هيك رح يحبوك و ما رح تشعر يخيبة أمل إنك مو قادر تلعب معهم .
🎯رح تتحسن نفسيتك من الهرمونات الحلوة تاعت الرياضة و تصير مبسوط و مرح أكتر .
🎯رح تنتج بشغلك أكتر لإنه طاقتك رح تتنظم في الرياضة و تزيد و تتنظّم .
🎯حياتك الجنسية رح تتحسن لإنه طاقتك رح تزيد .
🎯ممكن تبطّل دخان أو كحول عشنك حسّيت قديه حلو يكون جسمك نضيف و صحي و طاقتك طبيعية .

و كتير كتير كتير أشياء تانية ( ممكن ) ما رح تتحقق لو ( بس ) حكيت أنا بس بدي أزبط أكلي بدون رياضة .

الله ولي التوفيق
كابتن إيهاب قويدر