04/05/2026
هاد دري سميتو يوسف شنقاوي كاين لي كيعرفو وكاين لي مكيعرفوش مهم هاد دري بحال كاع شباب بدا مسيرة عادية بقى كيقلب على خدمة وكيحاول يبدل من راسو وديما كيقول واحد نهار يجي ف*ج مشى خدم فواحد اوطيل من بعد خدم فواحد لاصال كوتش حيت هو كيدير رياضة "كمال أجسام" وعندو تبارك الله فورما زوينة مهم هاد لاصال لي كان خدام فيه كان في مدينة مراكش ونتوما عارفين مراكش مدينة سياحية وجميلة كيجيو ليها كاع الناس مهم كان خدام واحد نهار جا داك مغني "إيكون" هاد مغني أمريكي معروف فاش جا لداك لاصال شاف يوسف تما وتعرف عليه وقالو نتا تجي معاك عارض أزياء ويوسف بكل عفوية قالو وراه كندير عارض أزياء قالها حيت بصح كان كيبغي هاد ضومين صافي قالو تا تسالي خدمة ونتلقاو ونهضرو فهادشي مهم تلقاو وبقاو كيهضرو وصدفة وهما كالسين فواحد مقهى جا واحد السيد قاليه الى بغيتي واش نقدر نصورك راه تقد تخدم معانا عارض أزياء فلول متيقش صافي قالو وخا صورو وخلا ليه كونطاكت ديالو من بعد داز شهر تاصل بيه وقاليه راك مقبول وصيفط ليه ڤيزا تا هنا راه مزال ما تاق بلي هادشي بصح صافي مشى الامارات بدا خدمة تما ومع هو كيعجبو ضومين ديال "كمال أجسام" بدا كيدير صناعة محتوى وكيشارك مع الناس محتوى طبخ وكيفاش يديرو رياضة صافي ڤيديوهاات ديالو بقاو كيمشيو ڤيرال تعرف ولاو الناس كيحبوه هنا فين يبدا يتعرف على الناس وتعرف على واحد روسية وجات المغرب وبقى كيتساراو واحد نهار تناقشو مشات بحالها وبقى فيه حال وهو يقرر يمشي عندها بلادها باش يطلب منها سماحة هي استغربات حيت جا عندها مهم تسامحو قاليها انا نمشي بحالي قاتليه زيد جلس شوية معايا قالها لا خاصني نمشي صافي بقى كيدور فداك بلاد شوية رجع الامارات طراو شي بلانات مبغاش يدوي عليهم مبقاش خدام رجع لزيرو ورجع معندو والو وهو يحبس صناعة محتوى وغبر من سوشل ميديا تما بدا كيقلب على خدمة خدم مع شي الناس تما مبغاوش يخلصوه قال ماشي مشكل مشى عند واحد اخور خدم معاه مخلصوش هنا يوسف تعصب وبقى كيقول علاش كيطرا ليا هكا بقى كيدعي الله وهو يجي ف*ج خدم مع شي الناس ورجع مزيان وكيخلصوه وبدات حياتو كترجع من لول مهم خلاصة قصة عمرك تيق كتر من قياس وعمرك تقول لا راه كلشي يكون بحالي لا خدم عقلك ومتخليش بنادم يستغلك حيت لا كنت ضريف بزاف غادي تحكر ديما حاول تكون جدي نتمنى أي واحد يفهم شنو بغيت نوصل ليكم وراه حياة فيها زوين وفيها خايب واحد حاجة نقولها ليكم عمرك تقنط من رحمة الله ف*ج ديما قريب الله يسهل على أي واحد .❤️
03/01/2023
13/08/2022
25/11/2018
09/06/2017