Sportskii Maanta

Atletico Madrid iyo Real Madrid ayaa la filayay in ay colaadi dhexmarto ka dib heshiiskii aan gardarada ahayn ee la jabiyay, laakiin xaaladdu waxay u gudubtay heer cusub usbuucyadii la soo dhaafay.

Imaanshaha Iker Bravo ee sawirka ayaa la arkay dhinbiil dib uga dhex huraya labada dhinac. Labada kooxood ayaa isku dayaya inay helaan adeega weeraryahanka, waxaana tartanka uu ku sii dhamaan karaa maalinta ugu dambeysa ee daaqada

Sida laga soo xigtay warbixinnada
( Mario Cortegana , Los Rojiblancos )
diyaar uma aha inay hoos u dhigto dagaal la'aan. Kooxda Diego Simeone ayaa sare u qaaday dalabkooda ku aadan weeraryahanka Bayer Leverkusen iyadoo la eegayo in deriskooda ay si lama filaan ah u soo galeen tartanka. Aazaa
by

Man Utd vs Atletico Madrid: baahinta tooska ah, kanaalka TV-ga, waqtiga la bilaabayo & sida loo daawado
NISANTH V EASWAR
12 saacadood ka hor

Atletico Madrid Manchester United
MANCHESTER UNITED
MANCHESTER UNITED VS ATLÉTICO MADRID
ATLÉTICO MADRID
SAAXIIBTINIMADA NAADIGA
PREMIER LEAGUE
Kooxda Erik ten Haag ayaa weyn doonta Cristiano Ronaldo kulanka Atletico Madrid
Maqaalka ayaa ku socda hoos
Manchester United ayaa la ciyaari doonta kooxda reer Spain ee Atletico Madrid kulankeedii shanaad ee saaxiibtinimo

Red Devils ayaan wax guuldaro ah la kulmin kulamada isku diyaarinta xilli ciyaareedka cusub, iyagoo badiyay seddex kulan oo ay ciyaareen ka hor inta aysan barbaro 2-2 ah la gelin Aston Villa, waxaana waqtigii dhimashada iska dhaliyay Calum Chambers.

GOAL ayaa kuu soo gudbinaysa dhammaan macluumaadka aad uga baahan tahay kulanka saaxiibtinimo ee ka dhici doona garoonka Ullevaal ee magaalada Oslo
Nagu soo biir fadlan 🙏 fallow DHEH
by

[ Shaxda Rasmiga Ah Ee Athletic Bilbao vs Barcelona – Miyay Griezmann Iyo De Jong Ku Soo Bilowdeen Kulankoodii Ugu Horeeyay Ee La Liga? ]

Kooxda difaacaneysa horyaalka La Liga ee Barcelona ayaa caawa fureysa xilli ciyaareedka cusub ee horyaalka Spain iyagoo marti ku ah garoonka kooxda Athletic Bilbao, waana kulan weyn oo madadaalo fiican noqon kara.

Barcelona waxaa kulanka caawa ka maqan xiddigooda Lionel Messi kaasoo ka soo kabsanaya dhaawac yar oo ka soo gaaray tababarka kooxda.

Antoine Griezmann ayaa ku soo bilowday shaxda Barcelona kulankiisii ugu h**eysay ee La Liga ee isagoo xiran maaliyada Barcelona, waxaana uu ka garab ciyaarayaa Ousmane Dembele iyo Luiz Suarez oo weerarka hogaaminaya.

Dhanka daafaca dhexe waxaa iska garab ciyaara Gerard Pique iyo Lenglet iyadoo Jordi Alba iyo Semedo ay garbaha daafaca ka dheelayaan.

Sidoo Kale Akhri: Diego Godin Oo Sharaxaad Ka Bixiyay Sababtii Uu Isaga Diiday Manchester United
Khadka dhexe waxaa ku soo bilowday saxiixa cusub Frenkie de Jong oo ay ka garab ciyaarayaan Sergi Roberto iyo Alena.

Shaxda Athletic waxaa hogaaminaya weeraryahanka sagaalka sannadood u saxiixay kooxda Inaki Williams kaasoo xagaagan ay dooneysay Manchester United.

SHAXDA RASMIGA AH EE ATHLETIC VS BARCA

Athletic Bilbao (4-2-3-1) Unai Simón; Capa, Yeray, Núñez, Berchiche; Unai López, Dani García; De Marcos, Raúl García, Muniain; Williams.

Barcelona (4-3-3): Ter Stegen; Semedo, Piqué, Lenglet, Jordi Alba; Sergi Roberto, de Jong, Aleñá; Dembélé, Suárez, Griezmann.

Keyd: I. Rakitic, Sergio, Rafinha, Umtiti, Junior, Iñaki Peña, C. Pérez
By

( RASMI: Bayern Munich Oo La Wareegtay Xiddig Ay Dhowr Sannadood Man United Ceyrsanaysay
August 13, 2019 Balaleti )

Bayren Munich ayaa xaqiijisay inay heshiis amaah hal xilli ciyaareed ah oo ay bixineyso 4.6 milyan ginni kula wareegtay xiddigii Inter Milan Ivan Perisic.

30 jirka reer Croatua ayaa tijaabada caafimaadka shalay oo Isniin aheyd u maray kooxda heysata horyaalka Jarmalka.

Perisic ayaa lala xiriirinayay inuu u wareegato Old Trafford markii uu Jose Mourinho tababare ka ahaa kooxda, waxaa sidoo kale lala xiriirinayay xagaagan oo uu kooxda hogaaminayo Ole Gunnar Solskjaer.

Bayern ayaa bixin doona 20 milyan ginni kale haddii ay doonayaan inay heshiiska ka dhigaan mid joogta ah dhamaadka xilli ciyaareedkan.

Perisic ayaa yiri: “Aad ayaan ugu faraxsanahay inaan ku soo laabto Jarmalka. Bayern waa mid ka mid ah kooxaha ugu waa weyn Yurub. Waxaan dooneynaa inaan ku guuleysano Bundesliga, DFB Cup iyo sidoo kale Champions League.”

Agaasimaha isboortiga Bayern Munich Hasan Salihamidzic ayaa yiri: “Ivan waxa uu ina caawin doonaa sida ugu dhakhsiyaha badan madaama uu leeyahay khibrad sannado badan ah.

“Farsamo ahaan waa xiddig xoogan kuna fiican weerarka. Waan hubaa inuu si dhaqso ah kooxda u la qabsan doono maadaama uu yaqaana Bundesliga iyo tababaraheena Niko Kovac.”

Wararka sheegayay in tababare Inter Antonio Conte inuu isku dayay inuu Perisic ka qeyb dhigo heshiiskii Romelu Lukaku ay kula soo wareegeen oo ay uga baxday 73 milyan ginni.

Laakiin Bayern Munich ayaa soo bandhigtay baahida ay u qabaan xiddigaan madaama ay raadinayaan bedelka Ribery iyo Robben
By

( Dadku Waxay Ka Hadlaan Alexander Arnold Laakiin Isagu Sida Wan-Bissaka Uma Difaacan Karo, Wan-Bissaka Waa Daafaca Midig Ee Ugu Fiican Premier League!!. )

Daafacii h**e ee kooxda Manchester United ee Paul Parker ayaa ka hadlay arrimaha saxeexa cusub ee kooxdiisii h**e ee Aaron Wan-Bissaka isaga oo ka hor mariyay dhigiisa kooxda Liverpool ee Trent Alexander Arnold.

Alexander Arnold ayaa xilli ciyaareedkii h**e wacdarro soo dhigay isaga oo ka qayb noqday shaxdii xilli ciyaareedka ee Premier League isla markaana isku soo muujiyay kooxdiisii booska labaad ka gashay miiska kala sarreynta horyaalka kuna soo guuleysatay UEFA Champions League.

Wan-Bissaka ayaa sidoo kale bandhigo ciyaareed oo ilqabad leh kusoo sameeyay kooxda Crystal Palace taas oo dhalisay inuu 50 Milyan ugu soo wareego Old Trafford.

Aragtida isbar-bardhiga labadan daafaca ayaa tan iyo markaas soo badanaysay, Wan-Bissaka ayay dad badani ku sifeeyaan mid ka difaacasho wanaagsan Arnold halka Arnold uu yahay mid dilaa ku ah kubaddaha weerarka.

Haatan Parker ayaa isla aragtidaas qaba waxaana uu sheegay in dadku ay ka hadlaan daafaca Reds balse uusan isagu awood u lahayn inuu kubadda u difaacdo sida Wan-Bissaka oo uu u arko midka ugu wanaagsan booskiisa.

Paul Parker ayaa yidhi “Anigu marar badan ayaan sheegay, Waan daawaday isaga in badan sanadkii h**e, Anigu waan jecalahay waxa uu sameeyo”.

“Dadku waxay ka hadlaan wiilka Liverpool jooga (Alexander Arnold) laakiin isagu uma difaacan karo sida Wan-Bissaka kaas oo difaacashadiisa iyo boos qaadashadiisu ay tahay mid aad u wanaagsan, Isagu waxa uu doonayaa inuu difaacdo, Wuu jecelyahay difaacashada”

“Markasta oo uu ku guuleystay Taakal (Kulankii Chelsea) shaki kumuu jirin inuu si nadiif ah ugu guuleystay, Waxaad ku fikiraysay inuu halkaas joogay sanado, Anigu isaga waxaan u xukumayaa ka daafac ahaan, Isagu waa daafaca midig ee ugu fiican Premier League”.
By

( Wararkii Ugu Danbeeyay Ee Xaalada Neymar, Barcelona Oo Wafdi Uu Hogaaminayo Eric Abidal U Dirtay Paris & Dalabkii Ugu Horeeyay Ee Rasmi Ah Oo Ay Gudbin Doonaan Maanta )

Madaxweyne Jose Maria Bartomeu iyo Barcelona weli k**a aysan quusanin saxiixa Neymar, inkastoo xaqiiqda ay tahay in Paris Saint-Germain ay kaga cagajiideyso inay heshiis la gaarto koox ay colaadi kala dhaxeyso.

Wafuud ka socota Camp Nou ayaa u safray caasimada Faransiiska si ay isagu dayaan inay si rasmi ah u bilaabaan wadahadalka la xiriira saxiixa xiddiga reer Brazil.

Barcelona iyo Real Madrid ayaa si fool ka fool ah ugu tartamaya saxiixa weeraryahankii h**e ee Santos oo ay doonayaan inay ku soo celiyaan La Liga, laakiin Real Madrid ayaa ah kooxda ay PSG dooneyso inay la hadasho.

Sida ay sheegtay RAC1, wafdi ka kooban Javier Bordas, Eric Abidal iyo Andre Cury ayaa lagu amaaninay inay maanta oo Talaado ah magaalada Paris kula kulmaan agaasimaha PSG Leonardo.

Barcelona ayaa si weyn u dooneysa inay si shaqsi ah u la kulmaan dhigooda kooxda heysata horyaalka Faransiiska kuwaasoo diidanaa ilaa iyo haatan inay wadahadal fool ka fool ah la yeeshaan Blaugrana.

Abidal ayaa fure u noqon kara kulanka maanta iyadoo xiddigii h**e ee France uu yahay nin si weyn looga ixtiraamo dalkiisa islamarkaana xiriir fiican la leh madaxda PSG.

Waxaana muhim ah in Abidal uusan qeyb ka aheyn wadahadalkii ay Barcelona uga careysiisay PSG ee la xiriiray doonistoodii Marco Verratti sannado ka hor.

PSG ayaa rajeyneysa in Neymar uu ku biiro Real Madrid, laakiin kooxda Catalans ayaa si adag uga shaqeyneysa sidii ay uga hortagi lahaayeen inay taasi dhacdo.

Wadahadalka rasmiga ah ee maanta waxaa qeyb ka ah dalab miiska la soo saari doono, iyadoo Abidal uu isku dayi doono inuu heshiiska ka qeyb dhigo Philippe Coutinho.

Sidoo Kale Akhri: Barcelona blow Double chance as Valencia win Copa del Rey final
PSG waxay dooneysaa kaash iyo ciyaaryahan, waxaana cad in kulanka maanta uusan aheyn kulan kaliya madaama waqti badan uu ka harsan yahay suuqa kala iibsiga Yurub
By

( Cristiano Ronaldo Oo Banaanka Soo Dhigay Sababta Uu Uga Fiican Yahay Lionel Messi Iyo Inuu Isaga Yahay Xiddiga Abid Ugu Fiican K/Cagta )

Cristiano Ronaldo ayaa banaanka soo dhigay sababta uu isaga u yahay xiddiga abid ugu fiican kubada cagta oo uu ka h**eeyo Lionel Messi.

Ronaldo iyo Messi ayaa loo arkaa labada xiddig ee abid ugu fiicnaa ee soo gala garoon kubada cagta ah.

Labada nin waxa ay jabiyeen inta badan rikooradii hortood la dhigya, waxaana uu mid walba ku guuleystay abaalmarinta Ballon d’Or shan jeer.

Si kastaba, Ronaldo ayaa aaminsan inuu isaga wax badan qabsaday madaama uu guulo ku soo gaaray kooxo kala duwan.

Manchester United, Real Madrid iyo haatan Juventus, weeraryahanka ayaa ka dhex muuqday koox walba uu maaliyadeeda gashto.

Messi waxa uu ku negaaday Barcelona tan iyo makii uu kooxda Newell’s Old Boys ka soo wareegay sannadii 2001.

“Farqiga inoo dhaxeeya aniga iyo isaga waxaa weeye inaan aaday kooxo kala duwan oo aan kula soo guuleystay Champions League” ayuu Ronaldo u sheegay warbaahinta DAZN.

“Waxaan noqday gooldhaliyaha ugu sareeya Champions League lix jeer oo isku xigta.

“Waxaa jira ciyaartoy badan oo koobka ku guuleystay shan jeer. Aniga koobkaan waxa uu ii yahay tilmaamteyda.

“Messi waa xiddig aad u fiican, kaliya laguma xusuusan doono Ballon d’Or laakiin inuu meesha ugu sareysa joogay sannadba sannadka ku xigay sideyda oo kale.”

Ronaldo ayaa sidoo kale guulo la gaaray xulka dalkiisa Portugal oo uu la qaaday koobka Qaramada Yurub iyo weliba koobka UEFA Nations League oo ay hanteen xagaagan.

Laakiin Messi ayaa weli sugaya inuu koob weyn la qaado xulka qarankiisa Argentina.
By

( Wariye Shaaciyay In Zinedine Zidane Uu Qarka U Saaran Yahay Inuu Iska Casilo Shaqada Tababare Ee Real Madtkd & Sababta Ka Danbeysa )

Tababare Zinedine Zidane ayaa qarka u saaran inuu isaga tago Real Madrid ka dib markii looga baxay balantii aheyd in kooxda la keenayo xagaagan Paul Pogba.

Zidane ayaa xagaagan oo dhan ku amrayay madaxweynaha Real Madrid Florentino Perez inuu xaqiijiyo soo xerogelinta xiddiga khadka dhexe ee Man United Pogba.

Los Blancos ayaa lacag badan qarashgareysay xagaagan iyagoo soo iibsaday xiddigo ay ka mid yihiin Eden Hazard, Luka Jovic, Ferland Mendy iyo Eder Militao.

Laakiin Zidane waxa uu doonayaa Pogba, waxaana uu ku adkeysanayaa inay qasab tahay in loo keeno xiddiga Manchester United haddii ay doonayaan inay koobabka waa weyn kula tartamaan Barcelona iyo Atletico Madrid.

Joornaaliistaha Diego Torres oo u sheegay wargeyska Isbaaniska ee El Pais ayaa u sheegay wargeyska Ingariiska The Independent in Zidane uu qarka u saaran yahay inuu iska casilo shaqadiisa madaama balantii looga baxay.

“Inaan lala soo wareegin Pogba waxa ay ka dhigeysaa Zidane mid qarka u saaran inuu iscasilo” ayuu yiri Torres.

“Zidane ayaa si shaqsi ah uga balanqaaday Pogba inuu keeni doono Madrid, haatana waxaa laga dhigay nin balantii uga baxay Pogba.

“Waxay tani sii kordhineysaa kalsooni xumada ka dhaxeysa Zidane iyo Florentino Perez.

“Zidane isaga ahaan waa isagu mid Pogba iyo qorshihiisa kooxda. Wixii loo balanqaaday looma sameynin.

“Zidane waxa uu u soo laabtay inuu gaashaan u noqdo Florentino, laakiin durbaba waa laga gaaray dantii siyaasadeed iyo midii mushtamac ee laga lahaa.”
By

Hordhac: Liverpool vs Chelsea – Klopp Iyo Lampard Oo Ku Dagaalamaya Koobka UEFA Super Cup, Saadaasha Sportiskii Maanta Iyo Shaxda Macquulka Ah Ee Labada Kooxood

Uefa Super Cup ee 2019 waxaa ku dagaalamaya labada kooxood ee Liverpool iyo Chelsea oo habeenka Arbacada isku arki doona magaalada Istanbul.Turki

Liverpool ayaa kulankaan ciyaareysa iyadoo soo qaaday Champions League ka dib markii ay 2-0 ku soo garaaceen finalkii kooxda Tottenham bishii June halka Chelsea ay 4-1 kaga badisay Arsenal finalkii Europa League.

Adigana Sadaali Cimmentiga
Like dheh pagekan fallow gareyna
Asxaabtaadana la wadaag mahadsanid
By