ក្លឹបរដ្ឋសភាសែនជ័យ-ក្រុមកីឡាវាយកូនឃ្លីលើតុ

កីឡាករប៉េងប៉ុង នៃអគ្គលេខាធិការដ្ឋានរដ្ឋសភា មកចូលរួមគាំទ្រកីឡាករបាល់ទាត់ នៃអគ្គលេខាធិការដ្ឋានរដ្ឋសភា ជើងទី១ លទ្ធផល 2 Vs 2 ក្រសួងមុខងារសាធារណៈ។
សូមចូលរួមលេងកីឡា និងលើកស្ទួយកីឡា ពីព្រោះកីឡានាំមកនូវសុខភាព មិត្តភាព និងសាមគ្គីភាព 🙏❤️

ក្លឹបរដ្ឋសភាសែនជ័យ​ ចូលរួមការប្រកួតកីឡាវាយកូនឃ្លីលេីតុ​ ជ្រេីសរេីសជេីងឯកថ្នាក់ជាតិ និងពានរង្វាន់សហព័ន្ធកីឡាវាយកូនឃ្លីលេីតុកម្ពុជា​ លេីកទី១​ ចាប់ពីថ្ងៃទី១៩​ ដល់ថ្ងៃទី២៤​ ខែតុលា​ ឆ្នាំ២០២០​ នៅសាលដំបូលទូក​ នៃពហុកីឡដ្ឋានជាតិអូឡាំពិក។

តោះជប់លៀង បងប្អូនត្រៀមៗ

ក្លឹបរដ្ឋសភាសែនជ័យបេីកការប្រកួតកីឡាវាយកូនឃ្លីលើតុ​ លេីកទី៥​ អបអរសាទរខួប​ ១៣ឆ្នាំ​ នៃវិមានរដ្ឋសភា
-----------------------------------------------

នារសៀលថ្ងៃទី៧ ខែកក្កដា​ ឆ្នាំ២០២០ ក្លឹបប៉េងប៉ុងរដ្ឋសភាសែនជ័យ បានរៀបចំការប្រកួតលក្ខណៈមិត្តភាព​ ដេីម្បីអបអរសាទរខួប​ ១៣ឆ្នាំ​ នៃអគារវិមានដ្ឋសភា​ ដែលបានសម្ពោធកាលពីថ្ងៃទី៧​ ខែកក្កដា​ ឆ្នាំ២០០៧​ ដែលរហូតមកដល់ពេលមានអាយុកាល​ ១៣ឆ្នាំ។

បន្ទាប់ពីប្រកួតត្រូវបានបញ្ចប់រួចមក​ តំណាងដ៏ខ្ពង់ខ្ពស់របស់ឯកឧត្តម​ ហង្ស​ វិចិត្រ​ ប្រធានក្លឹបរដ្ឋសភាសែនជ័យ​ ឯកឧត្តម​ ប៉ែន​ ប្រាកដ​ បានបំពាក់មេដាយជ័យលាភី​ ជូនដល់កីឡាករដែលទទួលបានជ័យជំនះ​ ដែលចំណាត់ថ្នាក់លេខ១​ ឯកតជន​ បានទៅលេី​ លោក​ ងី​ វិចិត្រ​ និងចំណាត់ថ្នាក់លេខ១​ វាយគូ​ បានទៅលេី​ លោក​ សែម​ ពីសី​ និង​ លោក​ ងី​ វិចិត្រ​ ។ នៅក្នុងការប្រកួតនេះ​ មានកីឡាកចូលរួមប្រកួត ប្រមាណ ៥០នាក់។

ក្លឹបរដ្ឋសភាសែនជ័យប្រកាសជ័យលាភី និងប្រគល់ពានរង្វាន់កីឡាវាយកូនឃ្លីលើតុ
-----------------------------------------------

នារសៀលថ្ងៃទី១១ ខែមិថុនា ឆ្នាំ២០២០ ឯកឧត្តម ហង្ស វិចិត្រ ប្រធានក្រុមសកម្មជនយុវជនអគ្គលេខាធិការដ្ឋានរដ្ឋសភា និងជាប្រធានក្លឹបប៉េងប៉ុងរដ្ឋសភាសែនជ័យ បានចូលរួមជាអធិបតីក្នុងពិធីប្រគល់ពានរង្វាន់ និងមេដាយជ័យលាភី ជូនកីឡាករវាយកូនឃ្លីលើតុ លក្ខណៈមិត្តភាពលើកទី៤ ដើម្បីប្រយុទ្ធប្រឆាំងមេរោគកូវីដ១៩។

នៅក្នុងពិធីប្រគល់ពានរង្វាន់ និងមេដាយជ័យលាភីនេះ មានការចូលរួមពីក្រុមសកម្មជនយុវជន នៃអគ្គលេខាធិការដ្ឋានរដ្ឋសភា និងក្រុមកីឡាករដែលបានចូលរួមប្រកួតផងដែរ ប្រមាណ ៥០នាក់។

តំណាងឱ្យក្រុមកីឡាករទាំងអស់ លោក ហាយ កុសល បានលើកជាមតិយោបល់ផ្ទាល់ខ្លួន អំពីការប្រកួតប៉េងប៉ុងមិត្តភាព ក្របខ័ណ្ឌផ្ទៃក្នុងនេះ គឺមានលក្ខណៈប្លែក ទាមទារនូវភាពរហ័សរហួន ការពិភាក្សាក្នុងក្រុម និងភាពវ័យឆ្លាតក្នុងការកំណត់ពីបច្ចេកទេសរបស់ដៃគូប្រកួត ទើបអាចរៀបចំសមាសភាពប្រកួតដែលអាចទទួលបានជោគជ័យ។

ជាមួយគ្នានេះផងដែរ ក្រុមកីឡាករក៏បានសំណូមពរ ដល់ឯកឧត្តមប្រធាន ជួយរៀបចំអភិវឌ្ឍន៍ក្លឹបឱ្យមានសោភ័ណ្ឌភាព និងស្អាតបន្ថែមទៀត និងស្នើសុំ រៀបចំនូវឈុតសំលៀកបំពាក់កីឡាប៉េងប៉ុង មួយឈុតម្នាក់ផងដែរ។

ឯកឧត្តម ប្រធានក្រុមសកម្មជនយុវជនអរស ក៏បានទទួលយកនូវសំណូមពររបស់ក្រុមកីឡាករ ដែលបានលើកឡើង ទាំងការអភិវឌ្ឍន៍ក្លឹបប៉េងប៉ុង ក៏ដូចជា ការរៀបចំឱ្យមានកីឡាផ្សេងៗទៀតផងដែរ។ ឯកឧត្តមប្រធាន ក៏បានស្នើឱ្យកីឡាករយើងទាំងអស់ ជួយបំផុសឱ្យមន្រ្តីយើង ងាកមកលេងកីឡាឱ្យបានច្រើន មិនថាតែកីឡាប៉េងប៉ុងនេះទេ គឺគ្រប់កីឡាទាំងអស់ ត្រូវចូលរួមលេងកីឡា ដើម្បីសុខភាព មិត្តភាព និងសាមគ្គីភាព។

សូមជម្រាបថា​ ក្នុងចំណោមក្រុមកីឡាករទាំង៩ក្រុម​ ដែលក្នុងមួយក្រុម​ មាន៣រូប​ ដែលបានចូលរួមប្រកួតសន្សំពិន្ទុ​ រយៈពេលជាងមួយខែមកនេះ​ ចំណាត់ថ្នាក់លេខ១​ បានទៅលេីក្រុមកីឡាករ​ក្រុមទី៨​ ដែលមាន​ លោក​ ហាយ​ កុសល​ លោក​ ឆន​ ឆាយ​ និងលោក​ បុិន​ រិទ្ធី​ ចំណាត់ថ្នាក់លេខ២​ បានទៅលេីក្រុមទី៥​ ដែលមាន​ លោក​ បួ​ ទិត្យធារ៉ា​ លោក​ ម៉ៅ​ ឡាដា​ និងលោក​ អ៊ុំ​ សោភារម្យ​ ចំណែកចំណាត់ថ្នាក់លេខ៣​ បានទៅលេីក្រុមទី១​ គឺមាន​ លោក​ អ៊ុក​ មិនា​ លោក​ តូច​ រតនា​ និង​ លោក​ ដេ​ រដ្ឋា​ ។

លោក គ្រួច ពិសិដ្ឋ តំណាងបងប្អូនកីឡាករវាយកូនឃ្លីលើតុ នៃក្លឹបរដ្ឋសភាសែនជ័យ បានពាំនាំនូវថវិកាចូលបុណ្យសពលោកយាយរបស់ លោក ផាត់ សុផាន់ណា ដើម្បីរំលែកការលំបាកខ្លះ។

សូមថ្លែងអំណរគុណយ៉ាងជ្រាលជ្រៅ ជូនចំពោះ
#ឯកឧត្តម_ហ្សង_វិចិត្រ ប្រធានក្លឹបរដ្ឋសភាសែនជ័យ ដែលបានឯកភាពលើសំណើបញ្ជូនកីឡាករវាយកូនឃ្លីលើតុទៅចូលរួមប្រកួតកីឡាវាយកូនឃ្លីលើតុដណ្តើមពានរង្វាន់ #សម្តេចក្រឡាហោម_ស_ខេង លើកទី៤ ឆ្នាំ២០២០ ចាប់ពីថ្ងៃទី៦ ដល់ទី៨ ខែមីនា ឆ្នាំ២០២០។

សូមជូនពរ ឯកឧត្តមប្រធានក្លឹប មានសុខភាពល្អ កម្លាំងពលំមាំមួន ដើម្បីដឹកនាំក្លឹបរដ្ឋសភាសែនជ័យ កាន់រីកចម្រើនបន្ថែមទៀត។

កីឡានាំមកនូវសុខភាព ១៣/០២/២០២០