គ្រូហែលទឹក-coach vitiny

ឯកឧត្តម ស៊ុន ចាន់ថុល បន្តជាប់ជាប្រធានសហព័ន្ធកីឡាក្នុងទឹកកម្ពុជា អាណត្តិទី៨ (២០២៥–២០២៩)

ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា (ក.អ.ក.) ត្រូវបានបោះឆ្នោតគាំទ្រ ១០០% ឱ្យបន្តកាន់តំណែងជាប្រធាន សហព័ន្ធកីឡាក្នុងទឹកកម្ពុជា សម្រាប់អាណត្តិទី៨ (២០២៥–២០២៩) ក្នុងមហាសន្និបាតសហព័ន្ធ។

ក្នុងឱកាសនោះ មហាសន្និបាតក៏បានអនុម័តលើការធ្វើវិសោធនកម្មលក្ខន្តិកៈរបស់ សហព័ន្ធខ្មែរកីឡាហែលទឹក ដោយផ្លាស់ប្តូរឈ្មោះជាផ្លូវការមកជា សហព័ន្ធកីឡាក្នុងទឹកកម្ពុជា ដើម្បីឆ្លុះបញ្ចាំងពីវិសាលភាពនៃការអភិវឌ្ឍវិស័យកីឡាក្នុងទឹកឱ្យកាន់តែទូលំទូលាយ។

សមាសភាពគណៈកម្មាធិការប្រតិបត្តិ សហព័ន្ធកីឡាក្នុងទឹកកម្ពុជា អាណត្តិទី៨ (២០២៥–២០២៩) មានសមាជិកចំនួន ១១ រូប រួមមាន៖

១. ឯកឧត្តម ស៊ុន ចាន់ថុល — ប្រធាន
២. ឯកឧត្តម ប៉េង ពោធិ៍នា — អនុប្រធាន
៣. លោកអ្នកឧកញ៉ា លាង ឃុន — អនុប្រធាន
៤. ឯកឧត្តម ទ្រី ដាលុច — អនុប្រធាន
៥. ឯកឧត្តម សួង ហេង — អនុប្រធាន
៦. ឯកឧត្តម ហឿន សំនៀង — អនុប្រធាន
៧. ឧកញ៉ា ជា ហុយ — អនុប្រធាន
៨. លោក ហែម គីរី — អគ្គលេខាធិការ
៩. លោក នាង សូរិទ្ធិយ៉ា — អគ្គលេខាធិការរង
១០. អ្នកនាង ស៊ុន សីមុនី — អគ្គលេខាធិការរង
១១. កញ្ញា ហែម ថុនវិទិនី — អគ្គហេរញ្ញិក

សូមអបអរសាទរចំពោះថ្នាក់ដឹកនាំ និងគណៈកម្មាធិការប្រតិបត្តិថ្មី នៃសហព័ន្ធកីឡាក្នុងទឹកកម្ពុជា។