28/12/2025
⚜️ មកដល់ស្រុកភ្លាម..(ពោធិ៍សាត់) អ្នកភូមិខ្ញុំបាននិយាយរឿងពិត១ .. ជារឿងរបស់លោកអ៊ុំដែលជាវីរៈកងទ័ពយើងជួរមុខយើងមួយរូប ដែលជាមេក្រុមនៅតំបន់សមរភូមិក្តៅមួយ លោកអុំម្នាក់នេះគ្រប់គ្រងកូនទ័ពដ៏ក្មេងៗ ៥នាក់ ទាំងដែលគាត់ជាមនុស្សចាស់តែម្នាក់ ហើយថែមទាំងធ្លាប់ជាអតីតទាហានខ្មែរក្រហមទៀតផង។
- លោកអុំជា យុទ្ធពលរាងរូវស្តើង មាឌគាត់តូចល្មមទេ តែចិត្តឆៅក្លាហាន ។ អ្នកទាំងអស់គ្នាដឹងទេ? អ្នកដែលនៅរស់ទាំងអស់បានដំណាលតគ្នាថា នៅពេលចាប់ផ្តើមផ្ទុះសង្រ្គាម ប៉ុន្តែមិនទាន់ក្តៅខ្លាំង ខាងសត្រូវមានគ្នាជាង20នាក់ .. ប្រដាប់ដោយអាវុធគ្រប់ដៃ បណ្តើរគ្នាឡើង ប្រសាចពេញព្រៃ យាត្រាសម្តៅមកចំពីមុខត្រង់សេ ពួកគាត់ហើយ យកចុងកាណុងកាំភ្លើងតម្រង់ច្រករូង រួចស្រែកគំរាមបញ្ចេញសំឡេងរដឺនខ្លាំងៗថា៖
« អាខ្មែរដែលនៅខាងក្នុង! ឆាប់ចេញមក ..ហើយទម្លាក់អាវុធចុះ មិនអញ្ចឹងទេពួកយើងបាញ់ !! »
យុវជន ៥នាក់ទើបហាត់ទ័ពចប់គេបញ្ជូលមក សម្ងំស្ងៀម ..
តែអង្គុយប្រុងពីមុខ គឺ លោកអ៊ុំ នាយទាហាន ដែលកែវភ្នែកកំពុងមើលទៅពន្លឺខាងក្រៅ ដោយប្រុងស្មារតី ។
បុរសចាស់ លឺសំឡេងខាងថៃ ហើយគាត់បានងាក ប្រាប់ទៅកូនក្រុមគាត់ថា៖
«ពួកឯង នៅឲ្យស្ងៀម! យកកាំភ្លើងមកត្រៀម. ទុកឲ្យអញ!
ហើយមិនបាច់ឡើងទៅទេ .. ហើយចាំនៅពីក្រោយអញ! »
យុទ្ធជនចំណាស់ ឯកសណ្ឋានយោធាពេញសុទ្ធធូលី ស្មាមានប៉ាក់ទង់ជាតិកម្ពុជា យារដៃយកកាំភ្លើងមកស្ពាយ.. លូនវារយឺតៗ សម្តៅទៅមាត់ត្រង់សេ ហើយក្រោកយឺតៗ … ក្នុងព្រៃនៃសមរភូមិប្រៀបបានរងើកភ្លើង។
អ្នកទាំងអស់គ្នាមានដឹងមិចទៀតហ្ហេស? មុនគាត់ចាកចេញ គាត់បានពោលប្រាប់ក្មេងៗ ជាយុទ្ធជន ដែលលោកការពារក្នុងនាមមេក្រុមថា៖
«តើពួកឯង ឲ្យអញទម្លាក់កាំភ្លើងចោលយ៉ាងមិច ?
នរណាទុកចិត្តចោរបានទៅ? បើអាវុធ ឃ្លាតពីដៃ តាមវាបញ្ជា ពួកវា លេបសម្តី .. ចូលមកដាក់យើង តែម្នាក់មួយដៃមួយជើងក៏ងា.ប់បាត់ហ្ហាស នរណាទៅទុកចិត្តចោរបាន?? »
សមរភូមិនេះជាលើកដំបូងរបស់គ្រប់គ្នា មើលបុរសចំណាស់មិនរារ ដើរចេញអង្គឯង។
ឈរនៅខាងក្រៅ ៥នាក់ក្មេងៗខាងក្នុងសម្ងំស្ងាត់ជ្រាបចាំស្តាប់ សភាពការណ៍។ ពួកសៀមរំពឹងថា លោកអុំនឹងដើរមកដាក់កាំភ្លើងលើដី លត់ជង្គង់លើកដៃឡើងលើ ។ នរណាទៅដឹងថា បុរសស្ពាយខ្សែគ្រាប់ ឈរពាំងមុខត្រង់សេយ៉ាងក្លាហាន ជះស្រមោលចូលត្រង់សេ ឈរភ្ជង់កាណុងកាំភ្លើង ទៅពួកវាវិញ ។
សំឡេង ស្រែកគំរាមរបស់បុរសចាស់ បានបន្លឺ!
លោកអុំម្នាក់ឯង តបទៅគេជាងម្ភៃនាក់ ជាមួយកាំភ្លើងមិនទម្លាក់ តែតម្រង់ពួកសៀមទាំងអស់ ដោយកែវភ្នែក សំឡក់មិនខ្លាចនឹងយកជីវិតខ្មាំង តតាំងសម្តីជាភាសាខ្មែរទៅវាថា :
« ពួកហែងបកក្រោយវិញ ឲ្យឆាប់‼️
បើមិនទៅ! អញ ប្តូរនឹងពួកអស់ហែងហើយ!»
លឺមនុស្សអាយុស្មើឪពុកស្រែកខ្លាំងៗ យ៉ាងអត់ខ្លាចបែបនេះ
ម្នាក់ខាងមុខបែរជាភ័យវិញក៏ដើរត្រឡប់ ទៅរកពួកទ័ពយុវជនសៀមជាង២០នាក់វិញ ។
[ស្ងាត់!] មួយជំហានម្តងៗ ក្រោយលោកអុំស្រែក:
«ហែងទៅមិនទៅ! !»
ជាមួយដៃអា ម៉េ កាំភ្លើងញាក់កំឡើញ !
មានណា ពួកវាក៏ដកថយវិញមែន ! 😊
ឃើញស្រមោលវាចេញឆ្ងាយ ភ្លាមៗ អ៊ុំ គាត់ រត់មកត្រង់សេ វិញ ស្រែកថា: ក្មេងៗ!! ពួកហែងយកឥវ៉ាន់ចេញៗៗ!
ដេញឲ្យកូនក្រុមគាត់ផ្លាសប្តូរទីតាំងមិនចាំយូរ ក្រោយពួកនោះចុះទៅបាត់ស្រមោលហើយ ។ យុទ្ធជនកម្លោះៗ ងើបម្នីម្នារយកកាតាបមួយជាប់ខ្លួនចេញម្តងម្នាក់ៗពីត្រង់សេ។ មួយសន្ទុះមក
ដូចអ្វីដែលគាត់គិតមែន … លឺតែ ប៊ូម.. ‼️
គ្រាប់ផ្លោង ហោះ វីវ….. មកបុកចូលត្រង់សេ យុទ្ធជនខ្មែរ ហើយផ្ទុះកក្រើករញ្ជួយធរណី។ គេផ្លោងមកឡើងខ្ទេចត្រង់សេគាត់អស់ ក្នុង ៣វិនាទី។
ការពិត គឺពួក២០នាក់នោះឡើងមកគឺមកមើលទីតាំងសោះ‼️
នៅពីក្រោយរណ្តៅមានព្រៃស៊ុបទ្រុប យោធិនខ្មែររត់ចេញមកសម្ងំយ៉ាងសុវត្ថិភាព និង ស្ងប់ស្ងាត់ កែវភ្នែកមើលទៅ ត្រង់សេហុយជុក .. ។ អុំ ប្រាប់ យុវជនទាំង៥ នៅឲ្យស្ងៀម ។ រួចអុំ ងើបចេញ រត់ទៅ ដាក់ គ្រាប់បែក បញ្ជា ១ នៅមាត់រូង ហើយប្រញាប់ពួននៅជ្រុងម្ខាងទៀតភ្លាមមួយរំពេច ។ ចំណែកឯ #ប្រដាប់ចុចឲ្យផ្ទុះគឺ 🕹️ក្មេងៗអ្នកកាន់ ។ ដាក់រួចអុំរមៀលពួនបាត់។
👉🏻ក្រឡេកទ័ពសៀមខាងនោះគិតថាផ្លោងត្រូវចំគោលដៅស្លា.ប់ អុំ និង ក្មេងៗទាហានក្នុងត្រង់សេអស់ហើយ ។ អា20នាក់ជាង ក៏ឡើងមកម្តងទៀត មានណាឲនមើលត្រង់សេ អុំឲ្យក្មេងៗចុច យុវជនកម្លោះនាំគ្នាចុចតាម គ្រាប់បែកផ្ទុះប៊ូម ២០នាក់ប៉ើងដួលពេញមុខលេនដ្ឋាន ហុយទ្រលោមជាលើកទី២ ។ ទាហានសៀម កំពុង ក្រាបខ្លះសន្លប់ ខ្លះប្រវេរប្រវាររកអាវុធ លោក អ៊ុំ សម្ងំក្រោយដើមឈើ ប្រាប់ក្មេងៗតាមអាយកូមថា:
« មាន់ប៉ុន្មានក្បាលនេះទុកឲ្យអញ អញលេងអា 20នាក់ជាងនេះម្តង!🥹 » អាខ្លះដេកនឹងកន្លែង អាខ្លះរត់ 👉🏻 អុំ មួលជើងខោ លាត់ដៃអាវ កាន់កាំភ្លើងដើរតម្រង់ទៅទាហានឈ្លានពាន ស្រែក បាញ់រះ យកៗ.. យ៉ាងអង់អាច កក្រើកព្រៃ ធ្វើឲ្យសៀមស្រែករត់បាត់ស្រមោល ។
គ្រប់យ៉ាងបានស្ងប់ លោកអ៊ុំគាត់ចាស់ហើយ.. ល្វើយអស់កំលាំងផង ក្រោយស្នូរគ្រាប់បានរលត់ សល់តែផ្សែងនៅចុងកាណុង បុរសចំណាស់ក៏ទន់ជង្គង់ សន្លប់ភ្លឹងលើគំនរធូលី និង សំបកគ្រាប់ដ៏ច្រើនលើព្រះធរណីជាដីខ្មែរដែលលោកយកជីវិតការពារទាល់អស់រលីងពីខ្លួន។
ដឹងខ្លួន ឡើងដល់ពេទ្យបាត់ ព្រោះបានកូនក្រុមគាត់ជួយជូនយកមកក្រោយសភាពស្ងាត់។ ទាហានទាំង៥ ដែលគោរពពលីកម្មភាពលោក គោរព និង ហៅលោក ដូច #លោកឪពុក ញញឹមរំភើបពេលឃើញមេក្រុមមានស្មារតី។
បច្ចុប្បន្នលោកអ៊ុំគាត់សុខសប្បាយទេកំពុងតែសម្រាកព្យាបាល បើបានជួបអ៊ុំផ្ទាល់អីមិនដឹងល្អយ៉ាងម៉េចទេ វីរៈបុរសជាតិ💕។
(អ៊ុំ ជាយុទ្ធជនជើងចាស់ ក្តាប់ស្ថានការណ៍បានរហ័ស រៀបក្បួនទប់ទល់លឿន អញ្ចឹងបានថា ក្មេងដើរលឿន តែចាស់ស្គាល់ផ្លូវ ពិតមែន💕)
នេះជារឿងដែលខ្ញុំបានដំណាលតពីវីរភាពលោក!
ស្តាប់ចប់ញ៉ាក់សាច់ គួរឲ្យស្ងើចជើងចាស់អតីតខ្មែរក្រហម 🥶💀
—————
្មៅ 🐺🖤
07/12/2025
07/12/2025
07/12/2025
07/12/2025
07/12/2025
30/11/2025
30/11/2025
26/11/2025
24/11/2025
09/11/2025