យិត ភីរៈ YITH Phireak

ឯកឧត្ដម ឧត្ដមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការ​ដ្ឋានក្រុមប្រឹក្សាកីឡាក្រសួងមហាផ្ទៃ ផ្ញើសាររំលែកមរណទុក្ខគោរពជូន ឯកឧត្តមសន្ដិបណ្ឌិត នេត សាវឿន ឧបនាយករដ្ឋមន្ត្រី និងលោកជំទាវ ព្រមទាំងក្រុមគ្រួសារ ចំពោះមរណភាពរបស់ឧបាសិកា នេត សុគន្ធ ត្រូវជាបងស្រីរបស់​ឯកឧត្តមសន្ដិបណ្ឌិត ដែលបានទទួលមរណភាព កាលពីថ្ងៃចន្ទ ៧រោច ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែកក្កដា ឆ្នាំ២០២៦ វេលាម៉ោង១៣:៥៧នាទី ក្នុងជន្មាយុ ៧៨ឆ្នាំដោយរោគាពាធ។

ភ្នំពេញ ៖ រសៀលថ្ងៃទី០៦ ខែកក្កដា ឆ្នាំ២០២៦ ឯកឧត្ដម ឧត្ដមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បានអញ្ជើញចូលរួមកិច្ចប្រជុំ ស្តីពីការផ្សព្វផ្សាយរបៀបរបបរៀបចំឯកសារ និងការចុះធ្វើជំរឿនមន្ត្រីនគរបាលជាតិកម្ពុជា។

កិច្ចប្រជុំនេះប្រព្រឹត្តទៅនៅ ទីស្ដីការក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ឯកឧត្តមសន្ដិបណ្ឌិត ចាន់ អ៊ាន រដ្ឋលេខាធិការ ក្រសួងមហាផ្ទៃ៕

ភ្នំពេញ៖ ល្ងាចថ្ងៃទី៣ ខែកក្កដា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋាន ក្រុមប្រឹក្សាកីឡាក្រសួងមហាផ្ទៃ បានអញ្ជើញចូលរួមជាគណៈអធិបតី ក្នុងពិធីបិទការប្រកួតពានរង្វាន់កីឡាបាល់ទះ «តេជោលីគ​» រដូវកាលទី៣​ ឆ្នាំ២០២៦ វគ្គផ្ដាច់ព្រ័ត្រ រវាងសមាគមបាល់ទះវិសាខា ប្រកួតជាមួយ ក្រុមបាល់ទះបញ្ជាការដ្ឋានអង្គរក្ស ​ដែលបានប្រារពធ្វើឡើងក្រោមអធិបតីភាពភាពដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានសហព័ន្ធកីឡាបាល់ទះកម្ពុជា នៅវិមាន​ពហុកីឡដ្ឋាន​ជាតិ​ រាជធានី​ភ្នំពេញ។

គួរជម្រាបជូនថា ការប្រកួតពានរង្វាន់កីឡាបាល់ទះ «តេជោលីគ» រដូវកាលទី៣ បានប្រព្រឹត្តទៅ ចាប់ពីថ្ងៃទី១៦ ខែឧសភា ដល់ថ្ងៃទី០៣ ខែកក្កដា ឆ្នាំ២០២៦ ដោយបែងចែកជា២ជុំ និងមានក្រុមចំនួន៨ចូលរួមប្រកួតប្រជែង រួមមាន៖

១.ក្រុមបញ្ជាការដ្ឋានអង្គរក្ស
២.វិសាខា
៣.ក្រសួងមហាផ្ទៃ
៤.ស្នងការដ្ឋាននគរបាលខេត្តស្វាយរៀង
៥.ស្នងការដ្ឋាននគរបាលរាជធានីភ្នំពេញ
៦.កងពលធំអន្តរាគមន៍លេខ៣
៧.ស្នងការដ្ឋាននគរបាលខេត្តកោះកុង
៨.ក្រុមស្នងការដ្ឋាននគរបាលខេត្តព្រះសីហនុ

ជាលទ្ធផល បញ្ជាការដ្ឋានអង្គរក្ស បានគ្រងជើងឯកពានរង្វាន់កីឡាបាល់ទះ តេជោលីគ​ រដូវកាលទី៣​ ឆ្នាំ២០២៦ ក្រោយ​យក​ឈ្នះ​លើ ​សមាគមបាល់ទះវិសាខា ដោយ​លទ្ធផល​ ៣សិត​ទល់០សិត៕

ភ្នំពេញ៖ ព្រឹកថ្ងៃទី២៣ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃបានអញ្ជើញជាគណៈអធិបតី ក្នុងកម្មវិធីបរិច្ចាគឈាម ក្រោមប្រធានបទ “ តំណក់ឈាមសាមគ្គីភាព ជាតិរឹងមាំ” ដែលបានប្រព្រឹត្តទៅនៅទីស្តីការក្រសួងមហាផ្ទៃ ក្រោមអធិបតីភាពដ៏ខ្ពងខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយស ក្រុមការងារសហភាពសហព័ន្ធយុវជនកម្ពុជា (ស.ស.យ.ក) ក្នុងវិស័យមហាផ្ទៃ៕

ភ្នំពេញ៖ ព្រឹកថ្ងៃទី១៩ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បានអញ្ជើញផ្តល់បទសម្ភាសន៍ដល់ស្ថានីយ៍វិទ្យុ និងទូរទស្សន៍មហាផ្ទៃ ស្ដីពី វឌ្ឍនភាពការងារសម្រេចបាន ប្រចាំឆមាសទី១ ឆ្នាំ២០២៦ របស់អគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ។

កិច្ចសម្ភាសន៍នេះ ប្រព្រឹត្តទៅ នៅទីស្តីការក្រសួងមហាផ្ទៃ ដោយមានការអញ្ជើញអមវត្តមានចូលរួមពីសំណាក់ ឯកឧត្តមអគ្គលេខាធិការរង លោក-លោកស្រី ប្រធាន-អនុប្រធានអង្គភាព លោកនាយការិយាល័យ និងមន្ត្រីពាក់ព័ន្ធ។

សូមជម្រាបជូនថា យោងតាមគោលការណ៍ណែនាំដ៏ខ្ពង់ខ្ពស់របស់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអនុញ្ញាតឱ្យ អគ្គស្នងការដ្ឋាន អគ្គនាយកដ្ឋាន និងអង្គភាពប្រហាក់ប្រហែលចំណុះក្រសួងមហាផ្ទៃ ព្រមទាំងរដ្ឋបាលរាជធានី-ខេត្ត ធ្វើកិច្ចសម្ភាសន៍អំពីវឌ្ឍនភាពការងារសម្រេចបានក្នុងឆមាសទី១ ជាមួយស្ថានីយ៍វិទ្យុ និងទូរទស្សន៍មហាផ្ទៃ៕

ទូលព្រះបង្គំតាងនាមថ្នាក់ដឹកនាំ នាយនគរបាល និងមន្ត្រីនគរបាល ព្រមទាំងប្រតិភូ ប្រតិភូរង គ្រូបង្វឹក គ្រូជំនួយ កីឡាករ កីឡាការិនីទាំងអស់ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ សូមព្រះបរមរាជានុញ្ញាតសម្តែងនូវអំណរសាទរ ប្រកបដោយសេចក្តីសោមនស្សយ៉ាងក្រៃលែងថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ក្នុងឱកាសដ៏នក្ខត្តឫក្សនៃព្រះរាជពិធីបុណ្យចម្រើនព្រះជន្មាយុ សម្តេចព្រះមហាក្សត្រី ព្រះវររាជមាតាជាតិខ្មែរ នាថ្ងៃទី១៨ ខែមិថុនា ឆ្នាំ២០២៦ នេះ ។

ក្នុងឱកាសប្រកបដោយសិរីមង្គលឧត្តុង្គឧត្តមនេះ ទូលព្រះបង្គំសូមលើកហត្ថប្រណម្យបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក ទេវតារក្សាព្រះមហាស្វេតច្ឆត្រ និងទេវតាឆ្នាំថ្មី ព្រះនាម គោរាគៈទេវី សូមជួយប្រោះព្រំសព្ទសាធុការពរបវរមហាប្រសើរថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គបានប្រកបដោយព្រះពុទ្ធពរទាំង បួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ដើម្បីគង់ជាម្លប់ដ៏សុខដុមសម្រាប់ប្រជារាស្រ្ដខ្មែរ ជានិច្ចនិរន្តរ៍តរៀងទៅ៕

ភ្នំពេញ៖ ព្រឹកថ្ងៃទី១៦ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បានអញ្ជើញចូលរួមក្នុងពិធីចុះហត្ថលេខាលើកិច្ចព្រមព្រៀងរវាងក្រសួងមហាផ្ទៃ នៃព្រះរាជាណាចក្រកម្ពុជា និងមជ្ឈមណ្ឌលសហប្រតិបត្តិការសន្តិសុខ និងសមាហរណកម្មអនុវត្តច្បាប់មេគង្គ-ឡានឆាង (LMLECC) ស្តីពី “គម្រោងអភិវឌ្ឍន៍ប្រព័ន្ធនគរបាលវៃឆ្លាតក្នុងតំបន់មេគង្គ-ឡានឆាង ប្រព័ន្ធដំណើរការ និងវិភាគវីដេអូ នៅរាជធានីភ្នំពេញ” ដែលបានប្រព្រឹត្តទៅ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម យូ ស៊ាវវិន (You Xiaowen) អគ្គលេខាធិការនៃមជ្ឈមណ្ឌលសហប្រតិបត្តិការសន្តិសុខ និងសមាហរណកម្មអនុវត្តច្បាប់មេគង្គ-ឡានឆាង នៅសាលប្រជុំទីស្តីការក្រសួងមហាផ្ទៃ។

ពិធីនេះ ក៏មានការអញ្ជើញចូលរួមពីសំណាក់ឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ផងដែរ៕

ភ្នំពេាញ៖ រសៀលថ្ងៃទី១៥ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បានអញ្ជើញដឹកនាំកិច្ចប្រជុំ បូក សរុបលទ្ធផលការងារដែលសម្រេចបានពី "ការប្រកួតកីឡាវាយសីជ្រើសរើសជើងឯកនគរបាលអាស៊ីអាគ្នេយ៍ (Southeast Asia Police Badminton Championship 2025) ពានរង្វាន់ ឯកឧត្តមអភិសន្តិបណ្ឌិត ស សុខា លើកទី២ ឆ្នាំ២០២៥” ។

កិច្ចប្រជុំនេះ ប្រព្រឹត្តទៅនៅសាលប្រជុំ មជ្ឈមណ្ឌលអភិវឌ្ឍធនធានកីឡាជាតិកម្ពុជា ស្ថិតនៅក្នុងសាលាបឋមសិក្សាចៅពញាហុក សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ដោយមានការអញ្ជើញចូលរួមពីសំណាក់ ឯកឧត្តម លោក លោកស្រី ប្រធាន និងអនុប្រធានអនុគណៈកម្មការទាំងអស់៕

ភ្នំពេញ ព្រឹកថ្ងៃទី១៥ ខែមិថុនា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បានអញ្ជើញដឹកនាំកិច្ចប្រជុំ ត្រៀមរៀបចំឆ្លើយតបនឹងកម្រងសំណួរស្តីពី វឌ្ឍនភាពការងារប្រចាំឆមាសទី១ ឆ្នាំ២០២៦ របស់អគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ ក្នុងកិច្ចសម្ភាសន៍នៅស្ថានីយ៍ទូរទស្សន៍មហាផ្ទៃ ។

កិច្ចប្រជុំនេះ ប្រព្រឹត្តទៅនៅសាលប្រជុំ មជ្ឈមណ្ឌលអភិវឌ្ឍធនធានកីឡាជាតិកម្ពុជា ស្ថិតនៅក្នុងសាលាបឋមសិក្សា ចៅពញាហុក សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ដោយមានការអញ្ជើញចូលរួមពីសំណាក់ លោកអគ្គលេខាធិការរង លោក លោកស្រីប្រធានអង្គភាព អនុប្រធានអង្គភាព ជំនួយការឯកឧត្តមអគ្គលេខាធិការ នាយការិយល័យ និងនាយរងការិយាល័យ៕