13/04/2026
សូមប្រសិទ្ធពរជ័យ សិរីមង្គល វិបុលសុខ បវរមហាប្រសើរ សូមគោរពជូនចំពោះ
ឯកឧត្តមបណ្ឌិត ហ៊ុនសុខា ទីប្រឹក្សាសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងលោកជំទាវ ព្រមទាំង បុត្រាបុត្រី
ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៦៩ គ.ស.២០២៦
សូម ឯកឧត្ដម និងលោកជំទាវ ព្រមទាំងក្រុមគ្រួសារជាទីស្រលាញ់ ជួបប្រទះនូវសិរីសួស្ដី ជ័យមង្គល វិបុលសុខ សុខភាពល្អបរិបូរណ៍ អាយុយឺនយូរ កម្លាំងខ្លាំងក្លារ ប្រាជ្ញាឈ្លាសវៃ និងសូមប្រកបដោយពុទ្ធពរទាំង៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
29/12/2025
ថ្នាក់ដឹកនាំនិងសមាជិកសមាជិកា ទាំងអស់នៃ សមាគមសម្ព័ន្ធអ្នកសារព័ត៌មានសកលសន្តិភាព ទាំងអស់រួមគ្នាលើកកម្ពស់ គុណតម្លៃ និងវប្បធម៌សន្តិភាព និងប្តេជ្ញាការពារ ថែរក្សាសន្តិភាព ដែលជាគ្រឹះដ៏រឹងមាំ និងមានតម្លៃបំផុតសម្រាប់ការអភិវឌ្ឍវិស័យមុខងារសាធារណៈរបស់កម្ពុជា និងសេចក្តីសុខចម្រើនប្រកបដោយអភិវឌ្ឍ និងវិបុលភាពនៃប្រជាជាតិកម្ពុជា។
29/12/2025
សម្ព័ន្ធយុវជនសេនាមរតកសន្តិភាព សូមសម្តែងការអបអរសាទរ «ទិវាសន្តិភាពនៅកម្ពុជា» និងទិវាបញ្ចប់សង្គ្រាមនៅកម្ពុជា តាមរយៈការអនុវត្តនយោបាយ ឈ្នះឈ្នះ ថ្ងៃទី២៩ ខែធ្នូ ឆ្នាំ២០២៥នេះ ជាការរម្លឹកដឹងគុណ និងចងចាំជាប់ជានិច្ចនូវគំរូវីរភាពដ៏អង់អាចក្លាហាន និងការធ្វើពលិកម្មគ្រប់បែបយ៉ាងរបស់វីរបុរសស្នេហាជាតិ និងវីរនារីស្នេហាជាតិរបស់កម្ពុជា ដែលបានប្រយុទ្ធ និងតស៊ូ យ៉ាងស្វិតស្វាញនៅគ្រប់សមរភូមិ ទាំងសមរភូមិសង្គ្រាម ទាំងសមរភូមិការទូត ទាំងសមរភូមិ នយោបាយ រហូតសម្រេចបាននូវការបញ្ចប់ជាស្ថាពរនូវសង្គ្រាមនៅកម្ពុជា ហើយសម្រេចបាននូវ ការបង្រួបបង្រួមជាតិ ឯកភាពជាតិ និងនាំមកជូនជាតិ និងប្រជាជនកម្ពុជានូវសុខសន្តិភាពពេញផ្ទៃប្រទេស នៅព្រះរាជាណាចក្រកម្ពុជា។
29/03/2025
សេចក្តីបំភ្លឺព័ត៌មាន!
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល សូមជម្រាបជូនសាធារណជន និងបណ្តាញសារព័ត៌មាន ជ្រាប ពាក់ព័ន្ធករណីជនសង្ស័យធ្វើសកម្មភាពយកអាវុធភ្ជង់រថយន្តអ្នកធ្វើដំណើរជិះគេចខ្លួននៅចំណុចផ្លូវល្បឿនលឿន។
ចំពោះករណីខាងលើនេះ ជាករណី (ឆក់) ដោយមានមុខសញ្ញា ចំនួន០២នាក់ ជិះម៉ូតូ ០២គ្រឿង ធ្វើសកម្មភាព ឆក់ ទៅលើជនរងគ្រោះកំពុងជិះម៉ូតូ នៅចំណុចផ្លូវជាតិលេខ៤ ភ្លាមៗនោះកម្លាំងសមត្ថកិច្ចយើងធ្វើការឃាត់ខ្លួនជនសង្ស័យបាន ០១នាក់ និងជនសង្ស័យ ០១នាក់ទៀតរត់គេចខ្លួន។ ក្នុងពេលកិច្ចប្រតិបត្តិការដែលសមត្ថកិច្ចដេញតាមជនសង្ស័យរត់គេចខ្លួននេះ ជនសង្ស័យបានផ្ទុះអាវុធមកលើកម្លាំងសមត្ថកិច្ចយើង ហើយកម្លាំងសមត្ថកិច្ចបានស្ទាក់និងបានដេញមុខសញ្ញានេះត្រឡប់មកខាងផ្លូវជាតិលេខ៥១ វិញ។ ពេលនោះសមត្ថកិច្ចបានឃាត់ខ្លួនជនសង្ស័យបាន០១នាក់ ចំណែក ០១នាក់ទៀតរត់គេចខ្លួនទៅផ្លូវល្បឿនលឿន និងបានភ្ជង់រថយន្តជនរងគ្រោះក្នុងរូបភាពនោះជិះគេចខ្លួន។
បញ្ជាក់ ៖ ករណីនេះ មិនមែនជាករណី ប្លន់ នៅផ្លូវល្បឿនលឿននោះទេ ជាករណី ឆក់ ជនរងគ្រោះជិះម៉ូតូ នៅចំណុចផ្លូវជាតិលេខ៤។
បច្ចុប្បន្ន កម្លាំងជំនាញពាក់ព័ន្ធកំពុងតាមស្វែងរកជនសង្ស័យដែលរត់គេចខ្លួន។
អាស្រ័យហេតុនេះ សូមសាធារណជន និងបណ្តាញសារព័ត៌មានជ្រាប តាមការការគួរ!
21/03/2025
អបអរសាទរ ពិធីបុណ្យទន្លេលើកទី៩ ក្រោមប្រធានបទ « គុណតម្លៃនៃទន្លេ៖ ផ្សារភ្ជាប់វប្បធម៌ និងទេសចរណ៍ធម្មជាតិ » ដើម្បីលើកកម្ពស់តម្លៃនៃផលិតផលក្នុងស្រុក ជំរុញសេវាកម្មទេសចរណ៍ និងផ្សព្វផ្សាយតំបន់សក្ដានុពលទេសចរណ៍នៅខេត្តជាប់ដងទន្លេ ក្នុងព្រះរាជាណាចក្រកម្ពុជា
ខេត្តតាកែវ ថ្ងៃទី ២១, ២២ និង២៣ ខែមីនា ឆ្នាំ២០២៥
25/08/2023
ពាក្យ ១០ឃ្លា ម៉ែតែងលាក់ បើអ្នកបានឮ អាចស្រក់ទឹកភ្នែក
១. ម៉ែយំព្រោះកូន
ពេលដឹងខ្លួនមានផ្ទៃពោះ ម៉ែស្រក់ទឹកភ្នែក ព្រោះសប្បាយចិត្តពេករកអ្វីមកប្រៀបពុំបាន។ ពេលប្រសូតបុត្រភ្ងារួចបានពរភ្លាម ម៉ែហូរទឹកភ្នែកម្ដងទៀត ដោយហេតុឃើញកូនកើតមកមានសព្វមានគ្រប់ ក្លាយជាសមាជិកថ្មីក្នុងសន្តានចិត្តអាណិតមេត្តា។ រីករាយ ខ្លាចរអា អាណិត ស្រឡាញ់ សុទ្ធតែធ្វើឲ្យម៉ែស្រក់ទឹកភ្នែកទប់មិនជាប់។ ពេលកូនយំ ម៉ែនៅមិនសុខទប់មិនបាន យំតាមកូន... ដឹងទេគ្រប់យ៉ាងព្រោះម៉ែស្រលាញ់កូន ទើបទឹកភ្នែកម៉ែងាយស្រក់យ៉ាងនេះ។
២. ម៉ែចង់ចម្អិនអាហារឲ្យកូន
រហូតដង្ហើមចុងក្រោយសេចក្ដីសុខរបស់ម៉ែ អាចឃើញកូនធំធាត់ មានសុខភាពល្អ។ ពេលម៉ែឃើញកូន អង្គុយចាំអាហារបើកភ្នែកក្រឡង់ដោយភាពហេវហត់ ម៉ែប្រញាប់រួសរាន់ធ្វើម្ហូបសម្រាប់កូន។ មានសុភមង្គលបំផុត ឃើញកូនសប្បាយចិត្តពេលទទួលទានអាហារ ប្រាប់ម៉ែថាឆ្ងាញ់ណាស់។ ទោះពេលម៉ែចាស់ ធ្លាក់ទឹកដៃ ម្ហូបលែងឆ្ងាញ់ដូចមុន តែសង្ឃឹមថាអាចធ្វើឲ្យកូនបានញ៉ាំទៀត កុំធុញនឹងម៉ែអីណា។
៣. ម៉ែឈឺណាស់
៩ខែ ១០ថ្ងៃ ម៉ែរងទុក្ខ រស់នៅមិនសុខព្រោះតែព្រួយ ឯខ្លួនប្រាណវិញចាញ់ឥតស្បើយ នេះហើយឈឺព្រោះពរពោះកូន។ ពេលកូនប្រសូត ម៉ែត្រូវឈឺម្ដងទៀត ឈឺរហូតពេលខ្លះមិនអាចនឹងថ្លាថ្លែងបាន។ ពេលកូនបោចសក់ម៉ែ ពេលកូនខាំម៉ែ ពេលកូនខ្ញាំម៉ែ ពេលកូនបៅ ដឹងទេថាម៉ែឈឺណាស់ តែមិនខឹងទេ សប្បាយចិត្តដែលកូនរស់រវើក មានកម្លាំង។ រាងកាយម៉ែ អាចឲ្យឈឺ តែមិនអាចឲ្យឈឺដល់កូនទេ រាងកាយម៉ែអាចឈឺ តែមិនអាចឲ្យកូនយំទេ។ ទោះម៉ែឈឺយ៉ាងណាក៏មិនហាស្តី ព្រោះខ្លាចកូនមិនសប្បាយចិត្ត។
៤. ម៉ែខ្លាចណាស់
ចាប់តាំងពីពេលពពោះ រហូតដល់ពេលប្រសូត ម៉ែតែងតែធ្វើគ្រប់យ៉ាងដើម្បីការពារកូន ព្រោះម៉ែខ្លាចបាត់បង់កូន។ ម៉ែប្រែជាមនុស្សចង្អៀតចង្អល់ចំពោះអ្នកដទៃ មិនឲ្យគេពរកូន ព្រោះខ្លាចគេមិនប្រយ័ត្ន កូនធ្លាក់ពីដៃ។ ពេលកូនទៅណា មកណា ម៉ែខ្លាចកូនមានគ្រោះថ្នាក់ ត្រូវនៅចាំមាត់ទ្វារផ្ទះ មិនថាយប់ ឬថ្ងៃ។ កុំគិតថាម៉ែតឹងតែងចំពោះកូន ធ្វើបែបនេះក៏ព្រោះខ្លាចបាត់បង់កូន។
៥. ម៉ែដឹងថាម៉ែមិនល្អគ្រប់យ៉ាងទេ
ម៉ែតែងតែចង់ធ្វើជាម្ដាយដ៏ល្អឥតខ្ចោះម្នាក់ ប៉ុន្តែម៉ែធ្វើមិនបាន។ ពេលខ្លះម៉ែស្អប់ខ្លួនឯង ដែលមិនអាចធ្វើអ្វីតាមកូនចង់បាន។ អ្វីដែលអាចរៀនបាន ម៉ែនឹងប្រឹងរៀនបន្ថែមទៀត ដើម្បីធ្វើជាអ្នកម្ដាយដ៏ល្អម្នាក់របស់កូន។
៦. ម៉ែចូលចិត្តមើលកូនគេង
ម៉ែគេងមិនលក់ ព្រោះលង់នឹងភាពគួរឲ្យស្រលាញ់ ពេលកូនគេង លង់នឹងមុខដ៏គួរឲ្យក្នាញ់។ ពេលកូនគេងមិនលក់ ម៉ែតែងច្រៀងបំពេ ទោះម៉ែត្រូវនឿយហត់ប៉ុនណាក៏មិនគិត។ ពេលគេងលក់ ម៉ែត្រូវនៅចាំមើលកូនទៀត ខ្លាចកូនភ្ញាក់ ឃើញកូនអាចគេងលក់ស្កប់ស្កល់ទើបម៉ែបានស្ងប់។
៧. ម៉ែត្រូវពរកូនអស់ច្រើនខែ
ម៉ែត្រូវរៀនពរកូន ពេលចម្អិនអាហារ ពេលបោសសម្អាត និងពេលរៀបចំផ្ទះ ព្រោះមានតែម៉ែទេដែលអាចធ្វើបានបែបនេះ។ ម៉ែបីកូនឲ្យគេង អង្រួនកូនឲ្យបាត់យំ ម៉ែត្រូវផ្លាស់ប្ដូរគ្រប់យ៉ាងដើម្បីកូន។ ដៃម៉ែរោយណាស់ ចង្កេះម៉ែចុកណាស់ តែម៉ែសប្បាយចិត្តពេលបានពរកូន។
៨. ម៉ែឈឺចាប់ណាស់ ពេលឮកូនយំ
គ្មានអ្វីឈឺចាប់សម្រាប់អ្នកម្ដាយ ជាងពេលឃើញកូនយំនោះទេ។ពេលកូនរត់មករកម៉ែដោយទឹកភ្នែកហូររហាម ម៉ែព្យាយាមធ្វើកាយវិការក្រមិចក្រមើម ដើម្បីលួងកូនឲ្យបាត់យំ។
៩. កូនជាមនុស្សទីមួយជានិច្ច
មកពីធ្វើការវិញ ទោះម៉ែហត់ ឬងងុយគេងយ៉ាងណា ក៏ម៉ែត្រូវមើលថែកូនមុន។ ពេលកូនឃ្លាន ម៉ែចម្អិនអាហារឲ្យកូន ពេលកូនពិបាកចិត្ត ម៉ែលួងកូន និយាយលេងជាមួយកូន។ ម៉ែប្រើកម្លាំងទាំងអស់ដែលខ្លួនមានដើម្បីឲ្យកូនសប្បាយចិត្ត ហើយតែងទុកកូនសំខាន់ជាងខ្លួនឯង។
១០. គ្រប់យ៉ាងម៉ែអាចធ្វើបានដើម្បីកូន
គ្មានការងារអ្វីដែលពិបាកជាងធ្វើជាម្ដាយគេទេ ប៉ុន្តែទោះពិបាកយ៉ាងណាក៏ម៉ែអាចធ្វើបានដើម្បីកូនដែរ ព្រោះម៉ែសប្បាយចិត្តពេលបាននៅជិតកូន។ ទោះបីជាមានការឈឺចាប់ មិនបានដេកពួន ត្រូវភ្ញាក់ពីយប់ ប៉ុន្តែម៉ែនៅតែអាចធ្វើបាន ដើម្បីកូនម្នាក់គត់។
មានអ្វី ចង់និយាយទៅកាន់អ្នកម្ដាយវិញទេ?
អត្ថបទ៖ វិសាល
12/05/2023
ដឹងមូលហេតុហើយ! ទំនាស់ពាក្យសម្ដី រឿងផ្នូរកប់លើដី ខ្មាន់កាំភ្លើងបានបាញ់រះទៅលើប្ដីប្រពន្ធមួយគូ បណ្ដាល ឲ្យប្រពន្ធស្លាប់ខណៈប្ដី រងរបួសធ្ងន់
កំពង់ចាម៖ ករណីឃាតកម្មនេះ ស្ថិតនៅភូមិអណ្ដូងត្រាំង ឃុំស្រម៉រ ស្រុកជើងព្រៃ ខេត្តកំពង់ចាម កាលពីវេលាម៉ោង ១២ និង ០០នាទី ថ្ងៃទី ១១ ខែឧសភា ឆ្នាំ ២០២៣នេះ។
ជនរងគ្រោះមានឈ្មោះ (ប្ដី) ផុន សុភ័ណ្ឌ រងរបួសធ្ងន់ធ្ងរ រីឯ(ប្រពន្ធ) ជិន ចាន់ណា បានស្លាប់។ជនសង្ស័យមានឈ្មោះ ឆេង សេង ហៅធីវ(ខ្មាន់កាំភ្លើង)
ដោយឡែកដំបូងឡើយ ជនរងគ្រោះបានទាក់ទងទៅជនសង្ស័យ( ត្រូវជាប្អូនជីទួតមួយ) ឱ្យមកពិភាក្សាគ្នាពាក់ព័ន្ធនឹងរឿងផ្នូរបានកប់លើដីរបស់គាត់។ ក្រោយមកជនសង្ស័យបានបើករថយន្តទៅដល់ផ្ទះជនរងគ្រោះពិភាក្សា គ្នាតែមិនត្រូវគ្នា ក៏មានការឈ្លោះប្រកែកពាក្យសំដី។ខណៈនោះជនសង្ស័យបានស្ទុះទៅដាល់ជនរងគ្រោះចំផ្ទៃមុខ មួយដៃ រួចដកកាំភ្លើងខ្លីពីចង្កេះបាញ់រះចំនួន ៥ទៅ៦គ្រាប់ ទៅលើជនរងគ្រោះបណ្ដាឲ្យជនរងគ្រោះ របួសចំប្រអប់ដៃខាងស្ដាំ និងប្រពន្ធត្រូវចំខ្ទង់ច្រមុះ បណ្ដាលឱ្យស្លាប់នៅនឹងកន្លែងកើតហេតុ។
ក្រោយធ្វើសកម្មភាពខ្មា.ន់កាំភ្លើងបានបើករថយន្តគេចខ្លួនបាត់។
កម្លាំងជំនាញនៃអធិការដ្ឋាននគរបាលស្រុកជើងព្រៃ សហការជាមួយកម្លាំងប៉ុស្តិ័នគរបាលរដ្ឋបាលស្រម៉រ បានចុះទៅដល់ កន្លែងកើតហេតុ បញ្ជូនជនរងគ្រោះទៅមន្ទីរពេទ្យ នឹងធ្វើការស្រាវជ្រាវតាមដានរកជនសង្ស័យ ដើម្បីយកមកចាត់ការតាមនីតិវិធីច្បាប់៕
07/05/2023
ក្រុមការងារសមាគមសម្ព័ន្ធអ្នកសារព័ត៌មានសាកលសន្តិភាព ចុះសួរសុខទុក្ខនិងនាំយកថវិកាជូនក្រុមគ្រួសារ លោក ងួន ផល្លា និពន្ធនាយករងគេហទំព័រភីភីធីញូស៍ ដែលកំពុងសម្រាកព្យាបាលជំងឺនៅក្នុងមន្ទីពេទ្យ
ភ្នំពេញ៖ កាលពីព្រឹកថ្ងៃទី០៧ ខែឧសភា ឆ្នាំ២០២៣ លោក ប៉ាល់ សៅជាតិ អគ្គលេខាធិការរង តំណាងលោក ហ៊ុន មករា ប្រធានសមាគមសម្ព័ន្ធអ្នកសារព័ត៌មានសាកលសន្តិភាព បានដឹកនាំក្រុមការងារចុះសួរសុខទុក្ខនិងនាំយកថវិកាសប្បុរសធម៌ជូនដល់ លោក ងួន ផល្លា និងក្រុមគ្រួសារ ដែលកំពុងសម្រាកព្យាបាលជំងឺនៅមន្ទីរពេទ្យ។
ក្នុងនោះក៏មានការអមដំណើរពី សំណាក់ លោក អ៊ុក សារឹម អនុប្រធានលេខាធិការដ្ឋាន និងលោក អ៊ុន សារឿន ប្រធានការិយាល័យទំនាក់ទំនងផងដែរ។
ឆ្លៀតក្នុងឱកាសនោះ លោក ប៉ាល់ សៅជាតិ អគ្គលេខាធិការរង បានពាំនាំនូវការសាកសួរសុខទុក្ខពីសំណាក់ លោកប្រធានសមគម ព្រមទាំងសមាជិកសមាជិការនៃសមាគមទាំងអស់ជូនចំពោះក្រុមគ្រួសាររបស់ លោក ងួន ផល្លា ដែលជាសមាជិក សមគមសម្ព័ន្ធអ្នកសារព័ត៌មានសកលសន្តិភាពផងដែរ។
លោក ប៉ាល់ សៅជាតិ បានបន្ថែមថា ថវិកាសប្បុរសជនចូលរួមជួយ ថ្វីត្បិតមិនច្រើនណាស់ណាទេ ប៉ុន្តែយ៉ាងណាក៏អាចជួយសម្រួលក្នុងការចែករំលែកការលំបាកក្នុងគ្រាអាសន្នអន់ក្រមួយគ្រាផងដែរ។
លោក ងួន ផល្លា បានសម្ដែងនូវការត្រេកអរនិងថ្លែងអំណរគុណយ៉ាងជ្រាលជ្រៅចំពោះ ថ្នាក់ដឹកនាំគ្រប់ជាន់ថ្នាក់នៃសមាគម ដែលតែងតែយកចិត្តទុកដាក់ ចំពោះសុខទុក្ខបងប្អូនអ្នកសារព័ត៌មាន ដែលមានជីវភាពខ្វះខាត ជំងឺឈឺស្កាត់ លំបាកកន្លងមក។
សប្បុរសជនដែលបានចូលរួមជួយឧបត្ថម មូលនិធិមិត្តរួមអាជីព មាន ៖
១-លោក ហ៊ុន មករា ៥ មុឺនរៀល
២-លោក ប៉ាល់ សៅជាតិ (រហស្សនាម ពន្លឺពេជ្រ) ឧបត្ថម្ភ ១០ ដុល្លា
៣-លោក យ៉េប ហាំ (រហស្សនាម ភ្នំដា) ឧបត្ថម្ភ ១០ ដុល្លា
៤-លោក អ៊ុក សារឹម (រហស្សនាម ពន្លឺពេជ្រ២) ឧបត្ថម្ភ ១០ ដុល្លា
៥-លោក ជួន ឌីណា (រហស្សនាម ពន្លឺពេជ្រ១៦) ឧបត្ថម្ភ ២មុឺនរៀល
៦-លោក អ៊ុន សារឿន (រហស្សនាម ពន្លឺពេជ្រ៥) ឧបត្ថម្ភ ៣មុឺនរៀល
៧-លោក វណ្ណា ប៊ុនហួរ (រហស្សនាម ពន្លឺពេជ្រ១០៩) ឧបត្ថម្ភ ៥ ដុល្លា
៨-លោកស្រី អ៊ា សាភ័ន (រហស្សនាម ពន្លឺពេជ្រ១១០) ឧបត្ថម្ភ ៥ ដុល្លា
៩-លោក ច័ន្ទ សុភារិទ្ធ (រហស្សនាម ពន្លឺពេជ្រ៧២) ឧបត្ថម្ភ ៥ ដុល្លា
១០-លោក សុង ភា (រហស្សនាម ពន្លឺពេជ្រ៩៧) ឧបត្ថម្ភ ២មុឺន
១១-លោក ពោ ពិសិដ្ឋ (រហស្សនាម ពន្លឺពេជ្រ៤៧) ឧបត្ថម្ភ ១០ ដុល្លា
១២-ព្រៃគុប០១ ឧបត្ថម្ភ ៥ មុឺនរៀល
១៣-ព្រះខន្ត០៩ ឧបត្ថម្ភ ៥ មុឺនរៀល
១៤-លោកស្រី ភី ធារ៉ា (រហស្សនាម ពន្លឺពេជ្រ១១១) ឧបត្ថម្ភ ២មុឺនរៀល
១៥-លោក ប៉ែន នួច (រហស្សនាម ពន្លឺពេជ្រ៤៨) ឧបត្ថម្ភ ៥ ដុល្លា
សរុប លុយខ្មែរ ២៦មុឺន និង ដុល្លា ៦០ ដុល្លា
សូមបញ្ជាក់ថា សមាគមសម្ព័ន្ធអ្នកសារព័ត៌មានសាកលសន្តិភាពដែលមាន លោក ហ៊ុន មករា ជាប្រធានមិនដែលព្រងើយកន្តើយឡើយ តែងតែយកចិត្តទុកដាក់គ្រប់ពេលវេលាចំពោះសមាជិកនៃសមាគមទាំងអស់ដែលជួបបញ្ហាមិនថាតិចក្ដីច្រើនក្ដីនោះទេ
ដូចសុភាសិតចឺងថា ជួយគ្នាក្នុងគ្រាក្រ មានមិត្តល្អក្នុងគ្រាមានអាសន្ន៕
06/05/2023
ចាប់បានហើយ!ល្បង២នាក់ ដែលបន្លំខ្លួនធ្វើជាសមត្ថកិច្ចឆែកឆេរប្រជាពលរដ្ឋ តាមដងផ្លូវ ចាប់បានម្នាក់ហើយ នៅឡើយ ល្បងដោះអាវ
ភ្នំពេញ ៖ បុរស២នាក់ដែលបន្លំខ្លួនធ្វើជាសមត្ថកិច្ចឆែកឆេរប្រជាពលរដ្ឋកាលពីយប់មិញវេលាម៉ោង ១១ និង៣០ នាទីយប់ថ្ងៃទី ៥ ខែឧសភា ឆ្នាំ ២០២៣ នៅតាមបណ្ដោយផ្លូវ ១៩៨៦ សង្កាត់ភ្នំពេញថ្មី ខណ្ឌសែនសុខរាជធានីភ្នំពេញ។ ត្រូវបានអាវុធហត្ថរាជធានីភ្នំពេញធ្វើការឃាត់ខ្លួនបានម្នាក់ ហើយ យកមកសួរនាំហើយ ។
សូមរំលឹកបុរសពីរនាក់ ជិះម៉ូតូណៃហត ១គ្រឿង ធ្វើខ្លួនឯងជាសមត្ថកិច្ច ចាប់ប្រជាពលរដ្ឋឆែករកគ្រឿងញៀននិងប្រើហិង្សា ។
ហេតុការណ៏បង្កឲ្យមានការភ្ញាក់ផ្អើលនេះកើតទ្បើងនៅម៉ោងជិត១២យប់ថ្ងៃទី ៥ ខែឧសភា ឆ្នាំ ២០២៣ នៅតាមបណ្ដោយផ្លូវ១៩៨៦ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បន្ទាប់ពី ពិធីបើកព្រឹត្តិការណ៍ស៉ីហ្គេមលើកទី៣២(32nd SEA Games) និង អាស៊ានប៉ារ៉ាហ្គេមលើកទី១២(12th ASEAN Para Games ) បានបញ្ចប់ បានជាង ១ម៉ោង។
ក្រោយកើតហេតុភ្លាមៗជនស៊ីវិលទាំងពីរនាក់នោះ បានជិះម៉ូតូគេចខ្លួនបាត់ស្រមោល ចំណែកជនរងគ្រោះ មិនចង់មានរឿងវែងឆ្ងាយក៏នាំគ្នាជិះម៉ូតូត្រឡប់ទៅផ្ទះ រៀងៗខ្លួនទៅ ។
ទោះជាជនរងគ្រោះ មានការភ័យខ្លាច និងមិនចង់ឲ្យមានករណីវែងឆ្ងាយនោះក៏ដោយ ឬគ្មានពាក្យបណ្ដឹង ក៏ ចំពោះសមត្ថកិច្ចនគរបាលខណ្ឌសន្តិសុខ មិននៅស្ងៀមក្នុងរឿងនេះឡើយ។
សូមជម្រាបជូនថា ក្រុមជនឆក់ឱកាស ច្រើនធ្វើសកម្មភាព ផ្សេងៗទៅលើប្រជាពលរដ្ឋ ហើយប៉ះពាល់ដល់ស្ថាប័នសមត្ថកិច្ចក្នុងមូលដ្ឋាន ដែលជាកត្តាត្រូវលុបបំបាត់ឱ្យខានតែបាន ៕
29/03/2025
21/03/2025
25/08/2023
12/05/2023
07/05/2023
06/05/2023