Duong Khae

ចំនួនសិស្សទទួលបាននិទ្ទេស A តាមបណ្ដារាជធានី/ខេត្ត

លទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦

សម្តេចធិបតី ហ៊ុន ម៉ាណែត ៖ ប្រាក់ឈ្នួលកម្មករ ២១០ដុល្លារ នឹងទទួលបានចាប់ពីខែមករា ឆ្នាំ២០២៦តទៅ

ភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានសម្តែងការអបអរសាទរជាមួយកម្មករនិយោជិត ផ្នែកវាយនភណ្ឌ កាត់ដេរ ផលិតស្បែកជើង ផលិតផលធ្វើដំណើរ និងកាបូបដែលនឹងចាប់ផ្ដើមទទួលប្រាក់ឈ្នួលអប្បបរមាចំនួន២១០ដុល្លារ ចាប់ពីខែមករា ឆ្នាំ២០២៦នេះតទៅ ខណៈប្រាក់ឈ្នួលកាលពីឆ្នាំ២០២៥ មានតែ២០៨ដុល្លារ។

កាលពីថ្ងៃទី១៧ ខែកញ្ញា ឆ្នាំ២០២៥ ក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៤ បានសម្រេចការកំណត់ប្រាក់ឈ្នួលអប្បបរមា សម្រាប់កម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៦ ចំនួន២០៨ដុល្លារ ក្រោយកិច្ចប្រជុំពិភាក្សាជាមួយភាគីពាក់ព័ន្ធអស់ជាច្រើនលើកច្រើនសារ ប៉ុន្តែបន្ទាប់ពីរាយការណ៍ទៅសម្តេចធិបតី នាយករដ្ឋមន្រ្តី សម្តេចក៏សម្រេចបន្ថែម២ដុល្លារទៀត ។ ដូច្នេះសរុបទាំងអស់២១០ដុល្លារ តែបើបូកទាំងអត្ថប្រយោជន៍ផ្សេងទៀត កម្មករនិយោជិត នឹងទទួលបានប្រាក់ឈ្នួលយ៉ាងតិចចន្លោះពី ២២៧ ដុល្លារ ដល់ ២៣៨ដុល្លារ ក្នុងមួយខែៗ៕

សម្តេចរាជបុត្រីព្រះអនុជ នរោត្តម អរុណរស្មី ជាទីគោរពដ៏ខ្ពង់ខ្ពស់ ស្តេចសព្វព្រះហឫទ័យយាងទទួលសា្វគមន៍ដំណេីរមាតុភូមិនិវត្តន៍ នៃកងយោធពលខេមរភូមិន្ទទាំង ១៨រូប ។ 🇰🇭🇰🇭🇰🇭

ទោះជាយូរបន្តិច ប៉ុន្តែយើងមិនដែលភ្លេចបងប្អូនទេ។

ថ្ងៃនេះរាជរដ្ឋាភិបាលបានបំពេញកាតព្វកិច្ចសំខាន់ៗទាំងបីសម្រាប់ បងប្អូនវីរៈយុទ្ឋជនទាំង ១៨រូប ដែលយើងបានកំណត់ដាក់ចេញភ្លាមចាប់តាំងពីថ្ងៃដែលបងប្អូនត្រូវបានចាប់ខ្លួននៅថ្ងៃទី ២៩ កក្កដា ២០២៥ (១៥៥ថ្ងៃគត់) ។ កាតព្វកិច្ចសំខាន់ទាំងបីនោះគឺ÷ ១) ការធានាអាយុជីវិត, ២) ការធានាសុខសុវត្ថិភាព, និង ៣) ការស្វែងរកសេរីភាព ជូនបងប្អូន។

សូមអបអរសាទរចំពោះការទទួលបាននូវសេរីភាព វិលត្រលប់មកជួបជុំគ្រួសារវិញរបស់បងប្អូនបងប្អូនវីរៈយុទ្ឋជនទាំង ១៨រូប។

#ហ៊ុនម៉ាណែត
#កម្ពុជា

🚨*ព័ត៌មានក្តៅៗ : នៅរសៀល ថ្ងៃអាទិត្យ ទី២៨ ខែធ្នូ ឆ្នាំ២០២៥នេះ យោងតាមគេហទំព័រផ្លូវការរបស់ «ឯកឧត្តម Wang Wenbin» ឯកអគ្គរដ្ឋទូត នៃសាធារណរដ្ឋប្រជាមានិតចិន 🇨🇳 ប្រចាំនៅព្រះរាជាណាចក្រកម្ពុជា 🇰🇭 បានមានប្រសាសន៍ថា៖

«ដើម្បីជួយដល់ជនភៀសសឹកខ្មែរ ដែលទទួលរងផលប៉ះពាល់ដោយជម្លោះព្រំដែនរវាងកម្ពុជា-ថៃ រដ្ឋាភិបាលចិន 🇨🇳 បានសម្រេចផ្តល់ជំនួយមនុស្សធម៌សង្គ្រោះបន្ទាន់ សរុបក្នុងទឹកប្រាក់ចំនួន ២០លានយន់ (RMB 20 million-worth) ដល់រដ្ឋាភិបាលកម្ពុជា»។

*ឯកឧត្តម បន្ថែមថា៖ «ជំនួយរបស់ចិនដំបូងនេះ បានមកដល់ប្រទេសកម្ពុជាហើយ ដោយក្នុងនោះរួមមាន៖ តង់ ភួយ និងអាហារ»។

*ឯកឧត្តម សង្កត់ធ្ងន់ថា៖ «ការផ្គត់ផ្គង់ជំនួយមនុស្សធម៌របស់ចិនទាំងនេះ នឹងក្លាយជាជំនួយជួយសង្គ្រោះបន្ទាន់ទាន់ពេលវេលា សម្រាប់ជួយដល់ជនភៀសសឹកខ្មែរ 🇰🇭 ដែលកំពុងតែរងគ្រោះ ដោយសារតែជម្លោះព្រំដែននេះ ដើម្បីលើកកម្ពស់ជីវភាពរស់នៅប្រចាំថ្ងៃ និងជម្នះរាល់ការលំបាក នាពេលបច្ចុប្បន្ននេះ 🇰🇭❤️🇨🇳🕊️💐»៕ (Smeyy)

*ប្រភព : Wang Wenbin Chinese Ambassador to the Kingdom of Cambodia 汪文斌 (https://www.facebook.com/share/p/1S4YaLqpaW/?mibextid=wwXIfr)