មជ្ឈមណ្ឌលយូណាយធីតយូហ្គាអាស៊ី

(English below) អ្នកជំនាញយូហ្គាកម្ពុជា ជួបអ្នកជំនាញអូស្ដេអូផាធីអឺរ៉ុប (Osteopathy)! ជួយគ្នាទៅវិញទៅមកដើម្បីសហគមន៍កម្ពុជា!

ចុងសប្តាហ៍នេះផងដែរ យើងទទួលបានដំណឹងល្អពិសេសពីលោកគ្រូ Piseth Lun / លន់ ពិសិដ្ឋ នាយកប្រតិបត្តិនៃ មជ្ឈមណ្ឌលយូណាយធីតយូហ្គាអាស៊ីយើង អំពីការរៀបចំសិក្ខាសិលា និងការព្យាបាលឥតគិតថ្លៃ ដល់អ្នកសហគមន៍យូវ៉ាអេ នៅខែកក្កដាខាងមុខនេះ 💗💗💗។ ដំណឹងបន្ថែមនឹងផ្តល់ជូនឆាប់ៗនេះ! សិក្សាបន្ថែមអំពី Osteopathy តាមបទសំភាសន៍ក្នុងតំណរភ្ជាប់នេះ https://www.facebook.com/share/v/1BP28CqVCG/?mibextid=wwXIfr 🌸🌸🌸

A heartfelt thank you to Dr. Patrick for bringing another dedicated osteopathy team to support Cambodia through Hattha Vichesas. We are also grateful for the opportunity to lead special yoga sessions for the team, helping restore balance and energy throughout their time of service. 💗💗💗

ពិធីជួបជុំសហគមន៍យូហ្គាសមាធិកម្ពុជា និងអបអរសាទរទិវាយូហ្គាអន្តរជាតិ ២០២៦ នៅឯផ្ទះខ្មែរសសរ១០០។

ស្វាគមន៍សមាជិកនៃសហគមន៍យូហ្គាសមាធិកម្ពុជា និងសមាជិកថ្មីអាចចូលរួមបានដោយសេរី ដោយបំពេញពាក្យតាម Google Forms នេះ https://forms.gle/GRCgEsRpkyJUwNf96

ទីតាំងនៃផ្ទះខ្មែរសសរ១០០ ៖ https://maps.app.goo.gl/96ZFSuzJHhjrsiWu7?g_st=ic 🔆

សូមចូលរួមជាមួយសហគមន៍យូហ្គាកម្ពុជា នៅផ្ទះខ្មែរសសរ១០០ ដើម្បីអបអរសាទរទិវាយូហ្គាអន្តរជាតិឆ្នាំ ២០២៦ ដែលនឹងប្រារព្ធឡើង នៅថ្ងៃអាទិត្យ ទី២១ ខែមិថុនា ចាប់ពីម៉ោង ២:០០ រសៀល
ដល់ម៉ោង ៧:០០ យប់។

ការជួបជុំដ៏ពិសេសនេះ គឺជាឱកាសមួយក្នុងការបង្កើនទំនាក់ទំនងគ្នាតាមរយៈការប្រតិបត្តិយូហ្គា សមាធិ និងការចែករំលែកមេរៀនជីវិតល្អៗដល់បងប្អូនអ្នកសហគមន៍យូហ្គាកម្ពុជារបស់យើង។ មិនថាអ្នកទើបតែបានចាប់ផ្តើមប្រតិបត្តិយូហ្គា ឬជាអ្នកប្រកាន់ភ្ជាប់ជាមួយការប្រតិបត្តិយូហ្គាប្រចាំថ្ងៃនោះទេ យើងខ្ញុំសូមស្វាគមន៍យ៉ាងកក់ក្តៅចំពោះការចូលរួមចំណែកក្នុងកម្មវិធីដ៏ល្អឯកនេះ ដែលផ្តោតលើការអបអរសាទរទិវាយូហ្គាអន្តរជាតិឆ្នាំ ២០២៦ និងមិត្តភាពក្នុងសហគមន៍យូហ្គាកម្ពុជារបស់យើង។

📍 ទីតាំង៖ ផ្ទះខ្មែរសសរ១០០ https://maps.app.goo.gl/s8AnHJWGn45HqEtA7
🧘 សំភារៈត្រូវយកមកតាមខ្លួន៖ កម្រាលយូហ្គា និងកន្សែងជូតខ្លួន
📋 កម្មវិធីទាំងមូលនៅក្នុងលិខិតផ្សព្វផ្សាយនេះ។
🌼 សូមចុះឈ្មោះតាមរយៈការស្គែន និងបំពេញបែបបទក្នុងការចូលរួម!

នាំមកជូនដោយ៖
🪷 United Yoga Asia
🪷 ផ្ទះខ្មែរ សសរ១០០ - Khmer House Sorsor100
🪷 ភោជនីយដ្ឋាន ផ្ទះខ្មែរ និង #ក្រុមការងារយូហ្គាសម្រាប់សហគមន៍យូហ្គាកម្ពុជា

យើងខ្ញុំបានសម្រួលកម្មវិធី សក្តានុពលយូហ្គា សម្រាប់បុរស ទៅអាទិត្យក្រោយ ថ្ងៃទី៧ មិថុនា រួចរាល់។ សូមបងបងបុរស កក់កន្លែង និងត្រៀមខ្លួនរួចរាល់ក្នុងការទទួលការសិក្សាជាមួយលោកគ្រូ CHETRA YOGA.

សូមទាក់ទងក្រុមការងារនៅម៉ោងការងារ តាមតេលេក្រាមលេខ +855 90311341 🪷🪷🪷

ជីវិតបែបណាក៏មានឧបសគ្គដែរ តែការប្តេជ្ញាបន្តដើរទៅមុខលើបុព្វហេតុពិតនៃជីវិតដែលយើងបានកំណត់ គឺមានតែយើងទេដែលមានសិទ្ធិសម្រេច។ ដូចការប្រតិបត្តិយូហ្គាលើកម្រាលរបស់យើងដែរ បើយើងរាថយតាំងពីដំបូង ម្លេះមិនបានសម្រេចនូវក្បួនសាស្ត្រថែទាំសុខភាពកាយ និងសុខភាពចិត្តដ៏មហារឹងមាំបែបនេះទេ។

កុំនៅរារែកអី! តស់ ទៅរៀន!

———

មជ្ឈមណ្ឌលយូណាយធីតយូហ្គាអាស៊ី ផ្តល់ជូនថ្នាក់យូហ្គាជាភាសាអន្តរជាតិតាម United Yoga Asia និងថ្នាក់យូហ្គាសមាធិ ជាភាសាខ្មែរ ដូចខាងក្រោម៖

🪷 ថ្នាក់ថ្មី រៀងរាល់ថ្ងៃអង្គារ និងព្រហស្បត៍ វេលាម៉ោង ៩-១០ ព្រឹក
🪷 ថ្នាក់ទូទៅ រៀងរាល់ថ្ងៃច័ន្ទ ដល់ថ្ងៃសុក្រ វេលាម៉ោង ៦-៧ ល្ងាច
🪷 ថ្នាក់ឯកជនពិសេស ជ្រើសរើសម៉ោងតាមការសំណូមពរ
🪷 ថ្នាក់ជាក្រុមតាមការិយាល័យ និងមជ្ឈមណ្ឌលថែទាំសុខភាពជុំវិញក្រុងភ្នំពេញ
🪷 សិក្ខាសិលាធំៗសម្រាប់ការបង្កើនចំណេះដឹងថ្មីៗដល់សហគមន៍យូហ្គាកម្ពុជា
🪷 វគ្គបណ្តុះបណ្តាលគ្រូយូហ្គាស្តង់ដារអន្តរជាតិ

និង

🪷 ជំនួបយូហ្គាសមាធិប្រចាំខែនៅក្រុងភ្នំពេញ
🪷 ការងារសប្បុរសធម៌ជូនសហគមន៍នៅទីជនបទក្នុងប្រទេសកម្ពុជា

ទំនាក់ទំនងយើងខ្ញុំតាមក្រុមតេឡេក្រាម https://t.me/UnitedYogaAsia_PhnomPenh 🪷🪷🪷

Happy Birthday to His Majesty Norodom Sihamoni, King of Cambodia 🇰🇭

The United Yoga Asia community sincerely wishes His Majesty good health, happiness, and continued success. Long live the King! 🧡🧡🧡

យូហ្គា មានប្រវត្តិយូរអង្វែងមកហើយ! ដើមកំណើតរបស់វាគឺចេញអរិយធម៌ឥណ្ឌូស (តាមបណ្តោយទន្លេឥណ្ឌូស ចុះពីតំបន់ភ្នំទីបេ ដល់សមុទ្រអារ៉ាប់) ដែលជាអរិយធម៌ចំណាស់មួយនៃអរិយធម៌ចំណាស់ទាំងបីលើពិភពលោក (២ទៀតគឺ មេសូប៉ូតាមី និងអេហ្ស៊ីប)។ ដើមឡើយ យូហ្គាមិនមែនផ្តោតតែទៅលើការបំប៉នសុខភាពប្រាណ ឬការបង្កើនសមត្ថភាពនៃផ្នែកកាយណាមួយប៉ុណ្ណោះទេ ប៉ុន្តែជាក្បួនសាស្ត្រមួយសម្រាប់អភិវឌ្ឍការយល់ដឹង សមាធិ វិន័យ និងជីវិត។

បច្ចុប្បន្ន មនុស្សលើពិភពលោកនិយមប្រតិបត្តិយូហ្គាសម័យទំនើបដែលចាប់ផ្តើមនៅចុងសតវត្សទី២០។ ទោះបីយូហ្គាបានល្បីល្បាញតាមបែបសម័យទំនើប តែមនុស្សភាគច្រើននៅតែនិយមសិក្សាទស្សនវិជ្ជា វប្បធម៌ សមាធិ និងការសិក្សាអំពីខ្លួនឯងដើម្បីសុខុមាលភាពជីវិត ហើយមានតែមនុស្សភាគតិចប៉ុណ្ណោះដែលនិយមផ្តោតលើការបំប៉នរូបរាងខាងក្រៅ។ ក្នុងនេះផងដែរ គឺមិនសូវមានការបើកឱកាសជូនបុរសៗស្វែងយល់អំពីការសិក្សាយូហ្គានោះឡើយ បើទោះបីជាប្រភពនៃយូហ្គាសម័យទំនើបនេះផងដែរ គឺបានចាប់ផ្តើមដោយមហាបុរស គ្រីស្នាម៉ាឆារីយ៉ា។

ដូច្នេះហើយ យើងខ្ញុំសូមអញ្ជើញបងៗបុរសកម្ពុជាដែលបានលឺពីយូហ្គា និងមានចំណាប់អារម្មណ៍ស្វែងយល់អំពីយូហ្គាឲ្យកាន់តែស៊ីជម្រៅ មកចូលរួមសិក្សា និងប្រតិបត្តិជាមួយគ្នា។ កម្មវិធីនេះជាកម្មវិធីលើកដំបូងនៅកម្ពុជា សម្រាប់បុរសកម្ពុជា ក្នុងទិសដៅបង្កើនការយល់ដឹងអំពីយូហ្គា និងជៀសវាងការភាន់គំនិតមិនហ៊ានដឹកនាំខ្លួនមកសាកល្បង ត្បិតមានដំណឹងចចាមអារ៉ាមថា “យូហ្គាសម្រាប់តែស្ត្រី” ‼️

តស់! បងបុរស សូមរស់រាន់ចុះឈ្មោះសិក្សាជាមួយយើងខ្ញុំណា៎។ ទំនាក់ទំនងតាមតេលេក្រាម +85590311341

សម្រាប់ការចូលរួមក្រុមតេឡេក្រាម https://t.me/UnitedYogaAsia_PhnomPenh 🪷🪷🪷

ដំណឹងផ្លាស់ប្តូរនៃថ្ងៃចាប់ផ្តើម #វគ្គបណ្តុះបណ្តាលគ្រូកម្ពុជា 🪷

ដោយមានការបន្ថែមម៉ោងក្នុង វគ្គបណ្តុះបណ្តាលគ្រូអន្តរជាតិជុំទី១ ដល់ចុងខែឧសភា ដូចច្នេះទេយើងខ្ញុំបានផ្លាស់ប្តូរថ្ងៃចាប់ផ្តើមនៃ វគ្គបណ្តុះបណ្តាលគ្រូយូហ្គាកម្ពុជា​​ កំរិតមូលដ្ឋាន ២០២៦ - ២០២៧ ពីថ្ងៃទី៦ ខែមិថុនា ទៅថ្ងៃទី២៧ ខែមិថុនា។ សូមបងប្អូន ទទួលជ្រាបជាដំណឹង។

ចំពោះបងប្អូនមានចំណាប់អារម្មណ៍ចុះឈ្មោះសិក្សាក្នុងវគ្គបណ្តុះបណ្តាលគ្រូយូហ្គាសញ្ជាតិខ្មែរ ស្តង់ដារអន្តរជាតិនេះ សូមរួសរាន់ចុះឈ្មោះដាក់ពាក្យអោយបានមុនខែមិថុនា កុំបីខាន។ សូមអរគុណ 🪷🪷🪷

ពិតជាដំបូន្មានដ៏ល្អពីលោកគ្រូពិតមែន៖ តពីនេះទៅ គឺនៅតែជាការប្រតិបត្តិ 🙏🏻

គឺលោកបញ្ជាក់ទៅសិក្ខាកាមអន្តរជាតិ និងសិក្ខាកាមខ្មែរ ពេលបញ្ចប់វគ្គបណ្តុះបណ្តាលគ្រូ គឺត្រូវតែបន្តការប្រតិបត្តិ បង្កើនចំណេះ បង្កើនបទពិសោធន៍ពីខ្លួនឯង លុះវេលាមួយមកដល់យើងនឹងអាចឈានដល់ការដឹកនាំបង្រៀនអ្នកដទៃដោយជំនាញរបស់យើងពិត។

ដូច្នេះទេ យើងរៀនយូហ្គាដោយបេះដូង ដោយកុំកំណត់ខ្លួនទៅនឹងផលប្រយោជន៍ក្រៅខ្លួន ក្រែងធ្លាក់ចូលការស្រមើស្រមៃផ្តេសផ្តាស លុះមិនបានផលប្រយោជន៍ក្រៅខ្លួននោះហើយ ស្រាប់តែបាត់បង់ការប្រតិបត្តិដែលមានគុណសម្បត្តិសម្រាប់ជីវិតខ្លួនដ៏មហាសាលនោះ។