Wrestling Federation of Cambodia

ពិធីបិទការប្រកួតកីឡាចំបាប់ជ្រើសរើសជើងឯកប្រចាំឆ្នាំ២០២៥

រាជធានីភ្នំពេញ៖ នារសៀលថ្ងៃទី៥ ខែមករា ឆ្នាំ២០២៦ លោក ខេ ស៊ីបាណេត អនុប្រធាន តំណាងដ៏ខ្ពង់ខ្ពស់របស់ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំ យុវជន និងកីឡា និងជាប្រធានសហព័ន្ធកីឡាចំបាប់កម្ពុជាបានអញ្ជើញជាអធិបតីភាពក្នុងពិធីបិទការប្រកួតកីឡាចំបាប់ជ្រើសរើសជើងឯកប្រចាំឆ្នាំ២០២៥ នៅសាលហ្វឹកហាត់របស់សហព័ន្ធ ក្នុងពហុកីឡដ្ឋានជាតិអូឡាំពិក ដោយមានការចូលរួមពីសំណាក់ លោក ផាត បញ្ញាសុជាតក៍ លោកគ្រូ អ្នកគ្រូ ព្រមទាំងកីឡាករ កីឡាការិនីជាច្រើន ។

លោកស្រី កាង ណុចបវរ អគ្គលេខាធិការសហព័ន្ធបានបញ្ជាក់ថាការប្រកួតឆ្នាំ២០២៦ជាលទ្ធផល៖
-ចំណាត់ថ្នាក់លេខ១ ក្រសួងមហាផ្ទៃ
-ចំណាត់ថ្នាក់លេខ២ កងយោធពលខេមរភូមិន្ទ
-ចំណាត់ថ្នាក់លេខ៣ ក្លឹបកីឡាចំបាប់ខេត្តត្បូង
-ចំណាត់ថ្នាក់លេខ៤ ក្លឹបកីឡាឃ្លាំងមឿង
-ចំណាត់ថ្នាក់លេខ៥ ក្លិបកីឡាចំបាប់គិរីបារមីដំរីមានរិទ្ធ
-ចំណាត់ថ្នាក់លេខ៦ ក្លឹបចំបាប់បាទី ខេត្តតាកែវ
-ចំណាត់ថ្នាក់លេខ៧ ក្លិបកីឡាចំបាប់បារមីមេទ័ពម៉ឺនឯក
-ចំណាត់ថ្នាក់លេខ៨ ក្លឹបកីឡាចំបាប់តាគប់មានរិទ្ធ
-ចំណាត់ថ្នាក់លេខ៩ ក្លឹបកីឡាចំបាប់យាយព្រីងមានរិទ្ធ
-ចំណាត់ថ្នាក់លេខ១០ ក្លឹបកីឡាចំបាប់ឬទ្ធិសែន
-ចំណាត់ថ្នាក់លេខ១១ ក្លឹបកីឡាចំបាប់ប្រយ៉ាបមានរិទ្ធ
-ចំណាត់ថ្នាក់លេខ១២ ក្លឹបព្រះធាតុ
-ចំណាត់ថ្នាក់លេខ១៣ ក្លឹបចំបាប់សមាគមន៍វិហាសួរគ៍
-ចំណាត់ថ្នាក់លេខ១៤ ក្លឹបបាក់សីចាំក្រុងវិហាសួរគ៍។

សម្មកភាពការប្រកួតជ្រើសរើសជើងឯកវគ្គផ្តាច់ព្រ័ត្រកីឡាចំបាប់បុរាណ និងចំបាប់សម័យ ៕ 🤼‍♀️🤼

កំរងរូបភាពការប្រកួតជ្រើសរើសជើងឯកថ្នាក់ជាតិ កីឡាចំបាប់បុរាណ-សម័យ អាយុក្រោម15 ឆ្នាំ នៅពហុកីឡដ្ឋានជាតិ ៕ 🤼🤼🤼‍♀️

សកម្មភាពការប្រកួតជ្រើសរើសជើងឯកថ្នាក់ជាតិប្រចាំឆ្នាំ2025 កីឡាចំបាប់បុរាណ និងសម័យ ៕

សកម្មភាពក្រុមកីឡាករកីឡាការិនី ពិនិត្រសុខភាព និង ថ្លឹងគីឡូ មុនប្រកួត។

សកម្មភាពការប្រកួតជ្រើសរើសជើងឯកថ្នាក់ជាតិប្រចាំឆ្នាំ2025 ។

ពិធីបិទវគ្គបណ្តុះបណ្តាលអាជ្ញាកណ្តាល ចៅក្រមកីឡាចំបាប់កម្រិតមូលដ្ឋាន

រាជធានីភ្នំពេញ៖ នាព្រឹកថ្ងៃទី២៧ ខែវិច្ឆិកា ឆ្នាំ២០២៥ លោក ស៊ឹម ទូច អនុប្រធាន និងជាតំណាងដ៏ខ្ពង់ខ្ពស់របស់ឯកឧត្តម វ៉ាត់ ចំរើន ប្រធានសហព័ន្ធកីឡាចំបាប់កម្ពុជាបានអញ្ជើញចូលរួមក្នុងពិធីបិទវគ្គបណ្តុះបណ្តាលអាជ្ញាកណ្តាល ចៅក្រមកីឡាចំបាប់កម្រិតមូលដ្ឋាន នៅទីស្នាក់ការគណៈកម្មាធិការជាតិអូឡាំពិកកម្ពុជា ដោយមានការអញ្ជើញចូលរួមពីសំណាក់លោកស្រី កាង ណុចបវរ អគ្គលេខាធិការ លោក កាង ដែនពិសិដ្ឋ នាយកបច្ចេកទេស លោក យឹង សុផាន់ណារ៉ាគ្រូឧទ្ទេស និងលោក នុត សេរីរដ្ឋាគ្រូឧទ្ទេស ព្រមទាំងលោក លោកស្រីជាសិក្ខាកាមជាច្រើនរូបទៀត។

លោកស្រី កាង ណុចបវរ អគ្គលេខាធិការសហព័ន្ធកីឡាចំបាប់កម្ពុជាបានបញ្ជាក់ថាៈ ឆ្លងតាមការសិក្សានូវចំណេះដឹងបន្ថែមទៀតជាច្រើន ដើម្បីអភិវឌ្ឍជំនាញអាជ្ញាកណ្តាល ចៅក្រមល្អៗជាច្រើន ដូចជាការ យល់អំពីច្បាប់ ការដាក់ពិន្ទុ លក្ខន្តិកៈការប្រកួត ការវិនិច្ឆ័យដាក់ពិន្ទុ តេស្តបច្ចេកទេស បទពិសោធន៍ល្អៗ ដល់សិក្ខាកាមរបស់យើង ដើម្បីបង្កើនធនធានជាមន្ត្រី អាជ្ញាកណ្តាល ចៅក្រមជំនាញ
កីឡាចំបាប់ឲ្យកាន់តែរីកចំរើន ។

លោក ស៊ឹម ទូច អនុប្រធានសហព័ន្ធ
កីឡាចំបាប់កម្ពុជាបានថ្លែងកោតសរសើរ និងវាយតម្លៃខ្ពស់ចំពោះលោកគ្រូ អ្នកគ្រូ គ្រូឧទ្ទេស គណៈកម្មការរៀបចំវគ្គបណ្តុះបណ្តាលដែលបានរៀបចំវគ្គបណ្តុះបណ្តាលអាជ្ញាកណ្តាល ចៅក្រម
កីឡាចំបាប់កម្រិតមូលដ្ឋាន ឱ្យប្រព្រឹត្តទៅដោយរលូនទៅតាមការគ្រោងទុកប្រកបដោយភាពជោគជ័យ និងបរិយាកាសសប្បាយរីករាយ និងសូម
កោតសរសើរចំពោះសិក្ខាកាមទាំងអស់ដែលបានខិតខំប្រឹងប្រែងយកចិត្តទុកដាក់អស់ពីសមត្ថភាព ក្រេបជញ្ជក់យកនូវចំណេះដឹង ដោយទទួលបានលទ្ធផល
ល្អប្រសើរ ៕

វគ្គបណ្ដុះបណ្ដាលអាជ្ញាកណ្ដាល ចៅក្រមកីឡាចំបាប់ កម្រិតមូលដ្ឋានឆ្នាំ 2025។

ពិធីបិទវគ្គបណ្តុះបណ្តាលមន្ត្រីបច្ចេកទេសកម្រិតមូលដ្ឋាន

រាជធានីភ្នំពេញ៖ នាព្រឹកថ្ងៃទី១៩ ខែវិច្ឆិកា ឆ្នាំ២០២៥ លោក ស៊ឹម ទូច អនុប្រធាន និងជាតំណាងឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំយុវជន និងកីឡា និងជាប្រធានសហព័ន្ធកីឡាចំបាប់កម្ពុជា បានអញ្ជើញជាអធិបតីភាពក្នុងពិធីបិទវគ្គបណ្តុះបណ្តាលមន្ត្រីបច្ចេកទេសកម្រិតមូលដ្ឋាន នៅទីស្នាក់ការ
គណៈកម្មាធិការជាតិអូឡាំពិកកម្ពុជា ក្នុងពិធីនេះដែលមានការចូលរួមពីសំណាក់ លោកស្រី កាង ណុចបវរ អគ្គលេខាធិការសហព័ន្ធ គ្រូឧទ្ទេស ព្រមទាំងសិក្ខាកាមទាំងអស់។

លោកស្រី កាង ណុចបវរ អគ្គលេខាធិការសហព័ន្ធបានគូសបញ្ជាក់ថាៈ ឆ្លងតាមការសិក្សាសិក្ខាកាមទាំងអស់បានទទួលនូវចំណេះដឹង ដើម្បីអភិវឌ្ឍបច្ចេកទេសល្អៗជាច្រើនដូចជា ការចុះឈ្មោះក្នុងប្រព័ន្ធ ការដាក់ពិន្ទុ ការចាប់គូប្រកួត ប្រព័ន្ធនៃការវិនិច្ឆ័យ ការធ្វើតេស្តបច្ចេកទេស បង្កើតទិន្នន័យចាប់ការប្រកួត បទពិសោធន៍ល្អៗ និងជាពិសេសដើម្បីបង្កើនធនធានជាមន្ត្រីបច្ចេកទេសជំនាញកីឡាចំបាប់ឲ្យកាន់តែរីកចំរើន ដូចបណ្តាប្រទេសនានា ។

ពិធីបើក វគ្គបណ្តុះបណ្តាល មន្ត្រីបច្ចេកទេសកីឡាចំបាប់ កម្រិតមូលដ្ឋាន ឆ្នាំ2025 ៕