20/06/2026
សូមកុំរង់ចាំដល់ថ្ងៃដែលនៅសល់តែសំបុត្រ… ❤️🩹
ម្សិលមិញ ខ្ញុំអានព័ត៌មានមួយ ហើយសោកសង្រេងក្នុងចិត្តយ៉ាងខ្លាំង💔 មិនមែនដោយសារតែព័ត៌មាននោះគួរអោយភ្ញាក់ផ្អើលទេ…
តែដោយសារតែខ្ញុំជាម្តាយរបស់កូនពីរនាក់🌸
ខ្ញុំមិនបានអង្គុយគិតថា អ្នកណាត្រូវ អ្នកណាខុសទេ?
ខ្ញុំគ្រាន់តែសម្លឹងមើលសំបុត្រដែលក្មេងស្រីម្នាក់បានសរសេរទុក ហើយគិតថា…
តើគាត់ឈឺចាប់ប៉ុណ្ណា ទើបដើរដល់ផ្លូវនេះ?
ហើយតើឪពុកម្តាយរបស់គាត់ នឹងឈឺចាប់ប៉ុណ្ណា នៅពេលបានអានសំបុត្រនោះ?
ហើយខ្ញុំជឿថា…
គ្មានឪពុកម្តាយណាម្នាក់ មិនស្រលាញ់កូនរបស់ខ្លួនទេ😢
ហើយក៏គ្មានកូនណាម្នាក់ ចង់ធ្វើអោយឪពុកម្តាយរបស់ខ្លួនឯងឈឺចាប់ដែរ😢
តែពេលខ្លះ…
មនុស្សដែលស្រលាញ់គ្នាជាងគេ
បែរជាមិនយល់ពីគ្នាខ្លាំងជាងគេ☹️
ឪពុកម្តាយខ្លះ ខំធ្វើការទាំងថ្ងៃទាំងយប់ ខំរកលុយ ខំតស៊ូ…
ព្រោះចង់អោយកូនមានអនាគតល្អ។
តែកូនខ្លះ…
✨គាត់គឺមិនបានប្រាថ្នាចង់បានអ្វីច្រើននោះទេ😢
🌟គេគ្រាន់តែចង់បានអ្នកណាម្នាក់
🌟ដែលស្តាប់គេដោយមិនកាត់សេចក្តី
🌟ដោយមិនប្រៀបធៀប
🌟ដោយមិនប្រញាប់ប្រាប់ថា គាត់គួរធ្វើអ្វី?
🌸ពេលយើងសួរកូនថា
“រៀនបានពិន្ទុប៉ុន្មាន?”
“ប្រឡងបានប៉ុន្មាន?”
“ធ្វើការងារផ្ទះហើយឬនៅ?”
❤️🩹តើយើងធ្លាប់សួរគាត់ទេថា…
“ថ្ងៃនេះ កូនសុខសប្បាយទេ?”
“មានរឿងអ្វីដែលកូនពិបាកចិត្តទេ?”
“កូនហត់ទេ?”
💔❤️🩹ហើយសម្រាប់កូនៗវិញ…
បើថ្ងៃណាមួយ អ្នកមានអារម្មណ៍ថា គ្មានអ្នកណាយល់ពីអ្នក
👉សូមកុំសម្រេចចិត្ត នៅក្នុងថ្ងៃដែលអ្នកឈឺចាប់បំផុត
👉សូមនិយាយជាមួយអ្នកណាម្នាក់
👉សូមប្រាប់អ្នកណាម្នាក់
👉សូមអោយអ្នកណាម្នាក់បានដឹងថា អ្នកកំពុងទ្រាំអ្វីខ្លះ?
🌸🌟ព្រោះទោះអ្នកគិតថា ខ្លួនឯងគ្មានតម្លៃប៉ុណ្ណា
ក៏នៅមានមនុស្សជាច្រើន ដែលមិនអាចទទួលយកការបាត់បង់អ្នកបានទេ ជាពិសេសគឺឪពុកម្តាយរបស់អ្នក។ 😢
ក្នុងនាមជាម្តាយម្នាក់
ព័ត៌មាននេះមិនបានធ្វើអោយខ្ញុំខឹងកូននោះទេ☹️
ហើយក៏មិនបានធ្វើអោយខ្ញុំវាយតម្លៃឪពុកម្តាយណាម្នាក់ដែរ
វាគ្រាន់តែធ្វើអោយខ្ញុំចង់ត្រលប់ទៅអោបកូនរបស់ខ្ញុំបន្តិចទៀត…
ស្តាប់គាត់បន្តិចទៀត…
អត់ធ្មត់ជាមួយគាត់បន្តិចទៀត…
ហើយប្រាប់គាត់អោយបានញឹកញាប់ជាងមុនថា…
🌸✨“មិនថាមានរឿងអ្វីកើតឡើងទេ… ផ្ទះមួយនេះ នៅតែជាកន្លែងដែលកូនអាចត្រលប់មកវិញបានជានិច្ច។”✨🌸
សូមកុំរង់ចាំដល់ថ្ងៃដែលនៅសល់តែរូបថត❤️🩹
សូមកុំរង់ចាំដល់ថ្ងៃដែលនៅសល់តែសំបុត្រ❤️🩹
សូមនិយាយថា
“ប៉ា ម៉ាក់ស្រលាញ់កូន”
“កូនគឺសំខាន់សម្រាប់ប៉ា ម៉ាក់ណាស់”
ខណៈដែលយើងនៅមានឱកាសនិយាយវា។
ព្រោះចុងក្រោយ…
🌸កូនមិនចាំបាច់ត្រូវការឪពុកម្តាយដែលល្អឥតខ្ចោះទេ❤️🩹💔
🌸ហើយឪពុកម្តាយក៏មិនចាំបាច់ត្រូវការកូនដែលល្អឥតខ្ចោះដែរ❤️🩹💔
🫶🏻ពួកយើងគ្រាន់តែត្រូវការគ្នា…នៅពេលដែលត្រូវការបំផុតតែប៉ុណ្ណោះ។ ❤️
#សូមកុំរង់ចាំដល់ថ្ងៃដែលនៅសល់តែសំបុត្រ
#ស្តាប់កូនអោយបានច្រើន
#កូនក៏មានបេះដូង
#គ្រួសារគឺជាកន្លែងត្រលប់មកវិញ
#កូនសំខាន់សម្រាប់ប៉ាម៉ាក់