Sports for all

មុនពេលប្រឡងប្រជែងលើប្រភេទវិញ្ញាសាអនុវត្តកីឡា បេក្ខជនគួរឈ្វេងយល់ពីលក្ខណៈបច្ចេកទេស និងលក្ខខណ្ឌនៃដំណើរការប្រឡងប្រជែង

នាព្រឹកថ្ងៃទី២៩ ខែមករា ឆ្នាំ២០២៤ នៅវិមានកីឡដ្ឋានជាតិអូឡាំពិក គណៈកម្មការរៀបចំការប្រឡងប្រជែង បានរៀបចំបទបង្ហាញបច្ចេកទេស និងនីតិវិធីក្នុងការអនុវត្តលើវិញ្ញាសាអនុវត្តន៍កីឡា ដើម្បីឱ្យបេក្ខជនអាចត្រៀមខ្លួនជាមុននិងយល់ដឹងច្បាស់អំពីលក្ខខណ្ឌនៃការប្រឡង ។ បទបង្ហាញនាព្រឹកនេះ មានការចូលរួមពីវាគ្មិនជានាយករងវិទ្យាស្ថានជាតិអប់រំកាយ និងកីឡា, នាយក នាយករងមជ្ឈមណ្ឌលស្រាវជ្រាវវិទ្យាសាស្ត្រអប់រំកាយ និងកីឡា និងអនុប្រធានការិយាល័យសមោធានឯកសារកីឡា លើវិញ្ញាសាចំនួន៣ រួមមាន៖ ១.ចោលដុំដែក ២.លោតចម្ងាយ និង ៣.រត់ល្បឿន។

សូមបញ្ជាក់ថា៖ ការប្រឡងប្រជែងជ្រើសរើសគ្រូបង្រៀនជំនាញអប់រំកាយ និងកីឡា វិញ្ញាសាអនុវត្តន៍កីឡា នឹងត្រូវចាប់ផ្តើមនៅពេលរសៀលថ្ងៃនេះតទៅ នៅវិទ្យាស្ថានជាតិអប់រំកាយ និងកីឡា៕

:ក្រសួងមុខងារសាធារណះ

ការប្រឡងប្រជែងប្រភេទវិញ្ញាសាអនុវត្តន៍កីឡា នឹងចាប់ផ្តើមនារសៀលនេះ។ សូមបេក្ខជនពិនិត្យប្លង់នៃមណ្ឌលប្រឡង និងទីកន្លែងឱ្យបានត្រឹមត្រូវ ហើយត្រូវអនុវត្តតាមបទបញ្ញាត្តនានាឱ្យបានខ្ជាប់ខ្ជួន។

សូមភ្ជាប់ជូនទីតាំងមណ្ឌលប្រឡងវិញ្ញាសាអនុវត្តន៍កីឡា៖ វិទ្យាស្ថាន ជាតិអប់រំកាយ និងកីឡា។

https://maps.app.goo.gl/B4J2VyFdr22dbv8g6?g_st=ic

គណៈ​កម្មការ​រៀបចំ​ការ​ប្រឡង​ប្រជែង​ជ្រើសរើស​គ្រូបង្រៀន​ឯកទេស​អប់រំ​កាយ​ និង​កីឡា​ ចាប់​ផ្ដេីម​កែ​សន្លឹក​កិច្ច​បេក្ខជន​

សន្លឹក​កិច្ច​ការ​របស់​បេក្ខជន​ជិត​ ២០០០នាក់​ ដែល​បាន​បញ្ចប់​វិញ្ញាសា​សរសេរនៅ​ថ្ងៃ​ទី២៨​ មករា​ ត្រូវបាន​គណៈ​កម្មការ​រៀបចំ​ការ​ប្រឡង​ ចាប់ផ្ដើម​កែនៅ​ថ្ងៃទី២៩​ មករានេះ។

តាម​ការ​រំពឹងទុក​ លទ្ធផល​នៃ​ការ​ប្រឡង​ប្រជែង​ជ្រើសរើស​គ្រូបង្រៀន​ឯកទេស​អប់រំ​កាយ​ និង​កីឡា​ នឹង​ចេញ​ផ្សាយ​នៅ​ថ្ងៃទី៥​ កុម្ភៈ​ខាងមុខ។

រូបភាព​៖​ ញឹក​ ស្រីល័ក្ខ

Cr:

#សំណួរប្រលងគ្រូកីឡា កាលពីព្រឹកថ្ងៃទី28/01/24
#វប្បធម៌ទូទៅ មណ្ឌលប្រឡង ស.ភ.ន.វ.ស រយៈពេល ១:៣០នាទី

●តើតុលាការកាត់ទោសមេដឹកនាំ ខ្មែរក្រហមមានឈ្មោះពេញដូចម្តេច? ហេតុអ្វីបានត្រូវកាត់ទោស?

●ហេតុអ្វីបានជ័យជម្នះថ្ងៃទី៧ ខែមករា ឆ្នាំ១៩៧៩ជាថ្ងៃដែលចាត់ទុកជាប្រវត្តិ សាស្រ្ត?

●តើរចនាសម្ព័ន្ធស្ថាប័នសំខាន់របស់ កម្ពុជាមានអ្វីខ្លះ?

●ប្រទេសជាតិអភិវឌ្ឍទៅបានអាស្រ័យ ដោយធនធានមនុស្ស។ចូរស្រាយបំភ្លឺ។ ៥.ចូរបង្ហាញពីចតុស្តម្ភនៃការអប់រំ? ឥទ្ធិពល ៦.តើវប្បធម៌បរទេសបានជះឥទ្ធិពល ដូចម្តេចចំពោះយុវជនខ្មែរ?ក្នុងនាមជា គ្រូបង្រៀនចូរបង្ហាញពីវិធានការ ទប់ស្កាត់។

●តើគ្រូបង្រៀនមានលក្ខណៈសម្បត្តិ បង្រៀនល្អ ដូចម្តេចខ្លះដើម្បីក្លាយជាគ្រូបង្រៀនល្អ ពិតប្រាកដ?

●តើការសិក្សាវប្បធម៌ អរិយធម៌មាន សារៈសំខាន់ដូចម្តេចខ្លះចំពោះប្រជាជន ខ្មែរ?

●តើរបបមាតាធិបតេយ្យបានជះឥទ្ធិពល អ្វីខ្លះក្នុងសង្គមខ្មែរបច្ចុប្បន្ន?

●តើព្រះពុទ្ធសាសនាមានសារៈសំខាន់ សម្រាប់ប្រជាពលរដ្ឋខ្មែរដូចម្តេចខ្លះ?

ការប្រឡងប្រជែងជ្រើសរើសគ្រូបង្រៀន ឯកទេសអប់រំកាយ និងកីឡា ឆ្នាំ២០២៣ ឱ្យចូលបម្រើការងារក្នុងក្របខណ្ឌក្រសួងអប់រំ យុវជន និងកីឡានឹងមកដល់នៅថ្ងៃស្អែកនេះហើយ។

សូមបេក្ខជនពិនិត្យប្លង់នៃមណ្ឌលប្រឡង និងបន្ទប់ប្រឡងឱ្យបានត្រឹមត្រូវ ហើយត្រូវអនុវត្តតាមបទបញ្ញាត្តនានាឱ្យបានខ្ជាប់ខ្ជួន។

សូមភ្ជាប់ជូន ទីតាំងមណ្ឌលប្រឡងវិញ្ញាសាសរសេរ៖ សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច។

https://maps.app.goo.gl/SBGTYZnd5a7M2teg8?g_st=it

សូមអញ្ជើញបេក្ខជនដែលចូលរួមប្រឡងប្រជែងជ្រើសរើសគ្រូបង្រៀន ឯកទេស អប់រំកាយ និងកីឡា ចូលរួមស្ដាប់បទបង្ហាញ នៅវិមានពហុកីឡាដ្ឋានជាតិអូឡាំពិក។

វេទិកាចែករំលែកព័ត៌មាននេះ ធ្វើឡើងដើម្បីអនុញ្ញាតឱ្យបេក្ខជនទទួលបានព័ត៌មានជាក់លាក់ ក៏ដូចជាបានត្រៀមលក្ខណៈជាមុន ហើយយល់ដឹងច្បាស់ពីលក្ខខណ្ឌនៃការប្រឡងប្រជែងវិញ្ញាសាអនុវត្តន៍កីឡា តាមរយៈបទបង្ហាញនានា ដោយបែងចែកជា ២វគ្គ ផ្សេងគ្នាគឺ៖

វគ្គទី១៖ វេលាម៉ោង ៧:៣០ ដល់ម៉ោង ៨:៣០ នាទីព្រឹក ថ្ងៃទី២៩ ខែមករា ឆ្នាំ២០២៤

វគ្គទី២៖ វេលាម៉ោង ៨:៣០ ដល់ម៉ោង ៩:៣០ នាទីព្រឹក ថ្ងៃទី២៩ ខែមករា ឆ្នាំ២០២៤។

សេចក្តីជូនដំណឹងរបស់គណៈកម្មការរៀបចំការប្រឡងប្រជែង ស្តីពីការទទួលសាធារណជនចុះឈ្មោះជាអ្នកសង្កេតការណ៍ក្នុងដំណើរការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡា ឱ្យចូលបម្រើការងារក្នុងក្របខណ្ឌក្រសួងអប់រំ យុវជន និងកីឡា។

គណៈកម្មការរៀបចំការប្រឡងប្រជែងបានសម្រេចឱ្យសាធារណជនស្ម័គ្រចិត្តចំនួន ១០នាក់ ដាក់ពាក្យស្នើសុំចូលរួមសង្កេតការណ៍ ដោយផ្ទាល់នៅមណ្ឌលប្រឡងសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច (វិញ្ញាសាសរសេរ) នៅថ្ងៃទី២៨ ខែមករា ឆ្នាំ២០២៤ និងនៅវិទ្យាស្ថានជាតិអប់រំកាយ និងកីឡា (វិញ្ញាសាអនុវត្តន៍កីឡា) នាថ្ងៃបន្តបន្ទាប់ ហើយនឹងនៅមណ្ឌលកំណែសាលាភូមិន្ទរដ្ឋបាល ចាប់ពីថ្ងៃទី២៩ ខែមករា ឆ្នាំ២០២៤តទៅ។

សាធារណជនអាចដាក់ពាក្យតាមរយៈ QR Code ឬ Link https://docs.google.com/forms/d/e/1FAIpQLSdE_LTTLVxciIS68ibB9Qb4EV6v0REiEHvuwmFmRwWgYOWxRA/viewform?usp=sf_link ចាប់ពីថ្ងៃផ្សាយដំណឹងនេះរហូតដល់ថ្ងៃពុធ ទី២៤ ខែមករា ឆ្នាំ២០២៤ ត្រឹមម៉ោង១៧.០០។

បញ្ជាក់៖ ចំពោះព័ត៌មានផ្សេងៗ សូមទំនាក់ទំនងតាមទូរស័ព្ទ ឬប្រព័ន្ធ Telegram៖ ០៨៩ ៧៤៥ ៤០៧, ០១៧ ៥៨៤ ៩៩៨, ០៧០ ៣៣៦ ២៥៦, ០១១ ៨៥៨ ៥១១, ០១១ ៥៥២ ៥៧៧។

ពាក្យមុនហួសសុពលភាពហើយ🙏
សម្រាប់បងប្អូនដែមានបំណងចង់ប្រលងគ្រូឯកទេសអប់រំកាយនិងកីឡាអាចធ្វើការទាញពាក្យខាងក្រោមនេះបាន រួចយកពាក្យនេះទៅដាក់នៅវិទ្យាស្ថានជាតិអប់រំកាយ និងកីឡា ។

ប៉ុស្តិ៍តាមខេត្ត​ និងពាក្យប្រឡងជ្រេីសរេីសគ្រូបង្រៀន​ ឯកទេសអប់រំកាយ​ និងកីឡាជំនាន់ទី៣១
#ទាញយកពាក្យ: https://drive.google.com/file/d/1lKJniuibTUTU2kkifw3Ci5VbBPosxtN4/view?usp=drivesdk