Hlimawm

Tunge a hming sawi thei? 😊😇

Hmeichhiate Hi Duat An Ngai

Hmeichhia te hi awm nem zawk leh pangti nem zawk leh mipa te aia an no zawk em avang hian hnampui tihdan (ti ve khanglang ila) care an ngai em em a. An no em avang leh duat an ngaih em avang hian mipa te hian hrethiamlo in anmahni hmasial vang leh tanghma hai thiam luatah kan ngai thin. Hmeichhia te hi an secure loh em avang hian thlamuantu,duattu an mamawh em em a, chu chu mipa thenkhat (Keimah tetea Thingtlangpa) te hian kan hai thelh fo thin,..

Duat phu hmeichhia hian an mahni duat tu leh zah tu, care tu an hmuh chuan hla te khua mi pawh ni raw sek sek.eng ang chhungkua leh eng ang mi zia paw ni se, an thlamuanna leh himna ni a an hriat chu tukhum sai ngar ngar khawpin an um duh zu nia.Chuti khawpa duat mamawh leh care mamawh an nih avang chuan Pathian hian enkawl a duat turin Mihring siamtirh ata mipa te hi min lo ruat tih i hria ang u..! An himna tur leh thlamuanna tur chuan tlawm leh zah pawh thlasik dai pal hmiah hmiah thei khawp a duat phu leh ngaisak phu hmeichhia ngei hi an lo ni..Thlamuang tak a awm chak leh duh hmeichhia hian mipa tih ngam loh leh tih theilo hi zu ti thei tlat tho pek a.

Mahni in duat, hmasial a kan ngaih hmeichhia hi duat in han ti heuh heuh peih teh,awmnem zawk leh no zawk hian i suangtuah phak ai a nasa in a duat let ang che.Nang chuah tiin vawi tam lo bum tawh mahla anmahni care tu leh duattu (der pawh nise) mipa bulah chuan an thla a muangin an hlim leh thei tho sin.In khua a kamding fapa leh duh duh nei thei paw nimahla a tan a thlamuanna tur leh himna tur nihloh chuan runhmun in leng dunlo tawp ang.I ngaihsak thiam a keh thei dawma a dawm phawt chuan 'tunge inih' a zawt lo'ng che,itan a neih zawng zawng nen a in hlan phal vek zawk ang.

Mi special hmeichhia te hian nang chauh ti a rawn bekbawr sar sar na zawng hi anlo welcome vek lo sin.Tlem a alo biak that che vang khan mual let liamah uanpui va chang mai suh, a ten leh ngei zawng nang mipa i zah sen tawn tawn a hlauh avang khan nui har har chungin a in a thlah liam mai zawk che nih kha.Bumna ngaiah vawi 7 a bum theih tiin i hmuhsitna chilper kha chhakchhuak fo teh suh..khawvel miropui zawng zawng hi hmeichhia hrin vek a sin.Min chhandamtu isua Krista pawh kha hmeichhe hrin,mipa tel ve loh na nih kha. Khawvel mihring hi tu hrin chhuah vek nge?Nang mipa ipian dawn khan i nu hmeichhia khan thisen engzatnge a hlauh? Hmeichhia te hi khawvel tifamkimtu leh ti buai thei khawp in Pathian hian anmahni ah power dah sin.Lal Edward VIII, King of England pawh kha envang a Lalthuthleng kha kalsan nge anih, Hmeichhia vang a ni lwm ni?

A mit it zawng a hlah lo i ti maw? Khawvel hmeichhe nalh leh hmeltha hi engvang a chitthli uai duah duah a lo hisap nge inih i chhut ngai em? An thawmhnaw/incheina nalh leh mawi em vang ani lo mi? I nupui/ ngaizawng kha thawmhnaw manah a in seng tiin imit lo thip thin maw?anih leh thawmhnaw tunlai lo leh hlui ltk in lo in chei tase tunge zahpui ta ng? I thenawmpa bulah i uanpui ngam dawn em ni? Tunlai tak a in chei hmeichhia (tho) dang melh bak hmabak i nei chuanglo.I hnathawk bang kha thawmhnaw thing lutuk leh mawilo zet nen lo welcome thin ta che se la,amah ah feelings i nei reng angem? Kan chenna khawvel hi a ngai rengin a kal lo tih chu i hriat ve reng kha.Darkar tinin fashion thar a chhuak thin tih pawh.Khawvel fashion her rual a in her ve in nu kha i khap ang maw?thing bik ngawih ngawih se i tih anih nghal lo chuan.Thawmhnaw man tam alei tiin i phun nung nung zel a maw?nang aiin in i fate chaw nghei a hlau zawk.

Ka tai ana chuti khati tiin a in sawisel thin ang chu.I dan theilo nang aia ropui zawk pathianin an thlatin awmdan tur (period) ipian hma khan a ruatsak sin.Vawikhat tih tlak pawh i zawi thei nawi nawi nen.ka tai a na ka chu ti ka khati a tih a a mut zen zen chuan ngaih sak duh vak suh, khawi lai pawl chhuak inti thlarau mi Pathianthu hril intia vak vel in, in khua an rawn fan hun ah meuh chuan a taina kha in ah dah tha in a tai na lo kha vuah in khawi lai veng keltil ah mikhual te nen an va hallelui rual leh thap thap tho ang.tiin i sawisel maw? Min chhandamtu hi kan dam that lai chauh hian fak ila a lawm a ngem?'thim ka hlau min va thlah teh"ti a nang mipa a thlamuanpui a sawm tawk tawk che kha ,ler vang leh nangmah a beisei vangah ipuh nih chuan thlamuanpui awmlo mipa pawnfen feng tlak i ni. Zan khaw tai rek rek ah chhungte thlim in khawilam fahrah riang vai ah thim zing ah a bialpa a pan ngam hauh lo ang le "iti maw?A mipa zawkin nghaktlat hek che, ani mahni bialpa te tan a inpumpek thin chuan i tum leh bur bur tur kha a khawngaih che ni kha.

Kehtheidawm a dawm ngai hmeichhia hi duat ngailo i la ti pung pung nih chuan an itawmna leh mawina chauh duh, mahnihmasial tak leh tanghmahai mahni leh mahni in duat fel thlap taw chu nang ngei hi ilo ni e..Belval val a vala 'Hmeichhe finin tuikhur ral a kai lo'tina culture a awm i ni miau a.
- Hriata Lelhchhun

RAMRI VENGTUTEN HLO THLAWHPUI

Kawrthah Hmarveng Branch YMA ( Khuangchera Team ) Local Task Force Rammu te chuan Duty kar awlah, Mizoram leh Tripura inrinna Pu Sailokhuma hlo an thlawhpui, Pu Sailokhuma hi k*m 64 ni tawhin Lo neih hi an ei zawnna ber a ni.

Nula Tlangval Inngaizawngte An Lo Inthenin Hmeichhia Nge Tuar Rei Zawk Mipa?

London University pakhatin zirchianna a neihna atanga a lan danin inngaizawngte an inthen hian a tuar rei zawk chu>>>>>

Nula Tlangval Inngaizawngte An Lo Inthenin Hmeichhia Nge Tuar Rei Zawk Mipa? - MIZO VIRAL Romantic movie en thinte chuan kan hre theuh awm e. Hmeichhiate hi mipa nen an inthenin an rilru a na bika an tuar zawk a ang hle. Mahse, mipate hi inthen nikhua a lo thlenin rilru na lo leh lungleng lo angin an lang der fo thin. Hei hi chu film satliah a ni tih … Continue reading "Nula Tlangval I...

KA THIAN

Ni tin hi k*m khata ni țha ber a ni tih hria la, duhsak taka pek i ni tih theihngilh suh.

I vui liam takte chan kha i la tawn ve tur a ni tih theihnghilh lo la.

I nuihpui i țhiante khan mittui nen an la thlah ve ang che.

Duhsak bik nei lo thihna hian i țhat lai a thliar lo va.

Chu ngei chuan i taksa a la hmet dai ve ang.

Hlim taka khawvel thara i luhpui theih loh hlimna chu thlahlel lo la.

I luhpui theih hlimna dik chu zawng zawk rawh.

Ni tin hun a her liam zel ang hian, i tawpna tur pawh a hnai zel tih theihnghih ngai suh.

Vawiina kan vui liam takte hi, nimin lawka hlim taka nuite an ni tih hre reng rawh.

Nakin lawka chuai mai tur țhat lai hun chu hlim takin hmang la.

Chuai tawh ngai lo tur van nun nei turin inbuatsaih theihnghilh ngai suh.

Chelh din theih loh thlarauvin i taksa a la chhuahsan ve dawn tih hria la.

Khawvel thar hmachhawn turin i in peih em?

In ngaihtuah fo ang che.

Bungraw hlutna chu amahah a in nghat a, mihring hlutna erawh a thil tih ah a in nghat thung. A tha ber beisei la, a chhe ber hmachhawn in huam ang che. Chawimawi i nih chhan sawifiah a ngai a nih chuan i phulo tihna. Thla (moon) kah fuh tum ţhin rawh, i fuhlo a nih pawh in arsi khawi emaw ber tal khi i fuh tho tho ang. Ngaisangtu tur zawngtu chuan nuihzattu a tawng hlauh ţhin. Ngilneihna hian ţawngkam thiamna aiin mi a siam ţha zawk ţhin. Hmangaihna chu thlahrang ang mai a ni, mi tu te pawh in an sawi huai huai a, mahse, a taka hmutu erawh tlemte chauh an ni. Mite hian an nunah bang chhah tak an siam chhan chu, chu bang ti chhe duh khawpa amahni hmangaihtu an zawn vang a ni. Hmangaihna chuan engmah dawn let ve tur a nei dawn lo tih hre reng chung pawn a in hlan ngam ţhin. Thil ropui tak ti tur in duh thu sam la, ti hlawhtling turin theih tawp chhuah rawh. Hlawhtlin ka tumna hi a chak tawk a nih phawt chuan, hlawhchhamna hian min ti beidawng ngailo ang. Hmangaihna chu min ti hlumtu ni lovin nun thar min petu a ni. Hmangaih pahnih i neih chuan a hmasa zawk kha ţhen rawh, a hmasa zawk kha hmangaih tak tak ni la chuan a hnuhnung zawk ami kha i hmangaih miah lo ang. Ţhian thar leh hmelma hlui chu ring ngai suh ang che.

Mipuite Timangangtu Nupa Tuak Thar

Holiday hmanga BALI khawpuia an inhmuh hnuah Indonesian tlangval Karna leh British nula Polly te chuan April ni 11 khan 'tiamtlat e' an ti a. An taksa vun rawng inang lo tak chuan thlirtute mit a hip hneh hle.

Polly hi England ram Manchester khawpuia awm a ni a, k*m kalta khan chawlh hmangin Bali ah a kal a, hetih lai hian Karna pawh hi hna thawkin Bali ah a lo awm ve a, a vawikhatna atan inhmuhna hun țha an nei ta a. An vawikhat inhmuhna ațang an inngaina dun hle. Tichuan, an inhmuh zin deuh hnuah chuan run khata leng dun tura khuanu sam suih an nih ngei an inring a. Hma lam pana kal zel an rilru a.

Nupa tuak thar, Karna leh Polly, te chuan thlirtu mipuite mit ko a tisang hle a, mak ti lo reng reng an awm lo. Karna chuan foreign nula hi nupui atan ka dil ngai reng reng lo, mahse Pathianin Polly hi ka nupui ni turin thutlukna a siam a, ani ang nupuia ka nei thei hi ka hlim tak zet a ni, a ti a. Polly pawhin Instagram ah tihian post a siam ve a, "I love you means that I will love you and stand by you even through the worst of times." "Ka hmangaih che a, ka hmangaih reng ang che. I chhiat ni leh i chauh niah pawh i bulah ka awm reng ang, chu chu ka hmangaih che tih awmzia chu a ni," tiin a ziak a.

Hmangaihna hi pawn lam lan danah a innghat lo va, hmangaihna dik tak chu mihringte hriatthiam rual loh chhung lam ațanga lochhuak a ni.

Phir Unau Leh Phir Unau Innei- An Fate Pawh Phir Tho

Thil nithei lo tur a kan ngaih hi a lo ni thei zel a sin! A mak em emna chu an fate thlengin phir an nei leh zel hi a ni.😇😇

Miriami kha Kan La Hria Em Aw?

K*m 3 lai alo liam ta reng mai... K*m 2016 April khan Mamit a Chhungkaw pakhata cheng nu leh pa ber leh an fapate 3 chu pa eisual vangin an thi a,Miriami an fanu k*m 2 mi lek an thihsan vek dan kha a rapthlak tak zet. Miriami k*m 2 mi lek a chhungte zawng zawngin pa eisual vanga an thihsan vek kha mipuiin kan khawngaiha rampum t**i a tling anih kha!!
Enkawltu neilo fahrah naute Miriami chuan mipui hriatlohvin hmangaihtu alo nei ru reng alo ni tih vawiin hian Mamitah ka hmuchiang ta hlauh mai..Aizawl FC Neitu leh tuna Sports Minister nita Pu Robert Romawia Royte te nupa chuan he naupang khawngaih thlak hi thlatina a chawmna sum fai pein k*m 3 dawn an lo chawm reng tawh alo ni a,chawm zui zel pawh an la tum niawm tak a ni.
Vawiin ni 24/5/2019 a Minister Pu RRRan Mamit a tlawh tum pawh hian Kawr leh hnuamhnaw dangte hawn sakin Tourist Lodge-ah Miriami leh a enkawltu a ni hi Zanriah eiah a sawm ve a ni.
Pu RRRa te chhung hian mi hriatloha mi rethei tanpui hi an va ngah dawn em ve aw!!
Mi diriam leh deusawh avanga a tum thulh chuanglo;mi tlawn leh fakna avanga danglam velo....mirethei leh hausa,milian leh te tepawh inang khat veka ngaitu,a Minister hma leh Minister hnu pawha a zia thlak miahlo tu Pu RRRa leh amah thlawp tlattu a nupui Pi Mapari te hi Miriami tan hian an va hlu em!!

-Sangtea

K*m 10 Kan Inneih Hnuah Kan Nu Ka Țhena Mahse Ka Lo Thiam Lo A Ni

Nupui ka neia, kan nu nen chuan k*m 15 lai kan innei hman a. Mahse kan inneih k*m 10-na wedding anniversary a thlen hma thla 2 ah kan nu chu ka kalsan a. Fa duhawm tak tak pahnih kan nei a, tunah chuan tleirawl an ni ve tawh a. Mahse, ka chhuahsan ni chuan k*m 7 leh k*m 9 chauh an la ni.

Hna thawkin ka zin kual reng țhin a, karkhat ah zan thum tal hi chu hotel ah ka riak ngei ngei țhin. Chu chu Eve nen ka intawn dan a ni. Kan inkawm ngaih țan ta em em a. Facebook lam ațang te zing zanin kan inbe țhin a. Ani pawh keimah ang thoin fa pahnih nei tawh a ni a. Thil tam tak ah inanna kan neih avang chuan rei loah kan inngaizawng ta nghal a. Min duh hle ni pawhin ka hria a.

Kan chhungkua ah buaina kan tawh lai tak a ni a. Ka hlim lo hle a. În lama hawn pawh ka tum lo. Kan nu a hlim lo em em țhin a, biak pawh kan inbe thei ngai lo. Îna ka awm chuan kan nu a thinrim reng țhin a. Keimah vanga thinrim leh lungawi lo a ni a. Ka ngaihsak ngai lova a hmel hlim lo lutuk chu ka lo thinrim ve zawk țhin. Ka nun chu keimahin ka hmanga. Kan nu hian min hmangaih lo a niang ka ti a. Online ațang midang ka kawm țhin a.

A hun awl chu kan tan a hmang a. Fate ei tur a chhûm a, thawmhnaw a su a, în chhung hna zawng zawng a thawk fel vek a. Chuan, naupangte a infiam pui țhin bawk. Tichuan, ama hna pangngai thawh tur a nei bawk a. Mahse, min biak ve chang hi chuan sawiselna ringawt a ni țhin a. Mahse, chung zawng zawng chu ka ngaihsak min dilna alo ni a. Weekend hmang tura chhungkuaa chhuah te, movie ena in-date ang chi te chu ka khualzinnaa Eve ka tawn hnu chuan ka bansan ta vek a. Inngaihthlak tawn mai kha kan tih tur anih laiin kan inhau reng ta zawk a.

Eve nena kan inlaichinna pawh chu a țha cho zel a. Tunah chuan nun tharin bul kan țan tawh a. Nupa nun ah pawh kan hlim dun hle a. Ka chhung ten an duh a, ka fate pawhin an ngaina em em a. Mahse kan nu hlui chuan rawn hmuh pawh a tum lo. Chuvang chuan asual thlak lutuk tiin ka huat phah em em mai bawk a. Ka hlimna tur a ngaihtuah ngai lo reng alawm ka ti a. A tawrh dan tur ngaihtuah bik hauh loin kan thlalak chu facebook ah ka post lui kher a. Eve nen chuan nun thar hlim takin kan hmang dun a.

Țha taka inkutsuihna nei lem lo chuan Eve nen chuan k*m 6 vel kan inkawp a. Kan nu hlui nena k*m 15 lai inrem hlei thei lova kan awm hnu chuan Eve hi ka tana khuanu ruat chu a ni ngei ang ka ti a. Mahse, engtiang khawp pawhin bul țan țha mah ila, engtiang khawp pawhin kan nupa nun ah chuan hlim dun mah ila, atawp atawp ah chuan "honeymoon" chuan tawp ni alo nei ve leh a. Eve nen chuan kan inhau zeuh zeuh țan a. Kan inngaih lo cho ta em em mai a.

Zan khat chu 2 AM velah hian chiang takin ka inngaibtuah a. Chhungkua min siam saktu hmeichhia kha ka ngai em em mai a. Eve ka ngaihsak angin kan nu hlui kha lo ngaihsak ve ila. Darkar tam tak Eve tan ka hman ang khan kan nu hlui tan khan lohmang ve ila. Alaka mawi lo taka awm reng lo khan ka awm dan kha lo thlak ni ila chuan tunah hian kan inlaichinna hi a danglam tur, tiin ka inngaihtuah harh ta a. Ka ngaihsak em em țhin niin ka lo inhriaa mahse ka ngaihtuah chian hian ka lo ngaihsak ngai reng reng lo. Hmeichhe țha a ni lo ka loti țhin bawk a.

Mahse, ka lo dik lo a ni. Ka fate ka ngai a, chhungkaw hlim tak kan nih lai kha ka ngai thei ngawt mai. An nu chak lo tak châwm turin ka tlansan a ni si a. Eve nen chuan chaw tui tak tak kan ei a, mahse nu chauh enkawlna hnuai ah chuan eng chaw tak ei ang che u maw, tiin ka ngaihtuah a. Pawisa tam tak min dil ngai lo va, pawisa a awm loh vangin engmah a sawisel ngai lo.

Tih tur ka sawiin ka peih lo a ti ngai lo va, ka nuin hun awl a neih theih nan amahin engkim a ti țhin. A tan a na viau ang, mahse Eve nen nun kan hman theih nan a tuar hram hram a. Inhmuh thiam loh deuh vang mai mai khan hmeichhe fel tak leh fa duhawm tak tak te chu ril țam leh rual awt turin ka lo tlansan ta mai a. Pawi tihin awmzia a nei tawh si lo va.

K*m 8 chhung mi dang kawp miah loin fate a enkawl a. Mahse, atawpah chuan kawppui tur mipa dang a hmu ve ta. Mipa dang a tawn vanga ka tawrh hi ka lo inring ngai lo. Anihna ang anga pawm duhtu an awm chuan a țha a ni mai alawm, ka lo ti satliah mai țhin. Mahse, ka lo dik lo hulhual a ni. Ka thîk a. Ka thin hi chhun ang maiin a na a. Phatsan niin ka inngai a, ka thinrim lutuk hi theihtawpa au vak vak ka châk tak zet a. Mahse, tihtheih ka nei tawh chuang lo.

A bialpa thar Craig te înah chuan fate nen an insawn lut ta a. Tunah chuan ka ngaih em em ka fate nen mipa dang înah chhungkaw tharin bul an țan ve ta. Tuisik ringawt pawh lem a har khawp mai. Ka kâah hian engkim hi a khâ vek mai ni hian ka hria a. Tunah chuan kan inthen avanga k*m tam tak chhung alo tawrhna kha ka hrethiam ve ta. Lungtuma chhut sawm ang mai alo ni.

Ka fate chu ralkhat ațang ka thlir reng țhin a. An pahrawnin a hauh chang chuan ka rilru a na hle țhin a, an hlim chang pawhin ka fate tihlimtu ka nih theih loh avangin ka thîk em em bawk a. Mahse, ka fate chuan malsawm an dawng a, an pahrawn chhungte chuan an ngaina a. An chhungkuaa an lalut thei chu an lawm em em a. Hlim takin an awm dun ta a ni.

Vawin ah hian keimahin ka khawsa a, ka fate chu achang zeuh zeuhin ka hmu thei a. Mahse, ka tlansan avang khan min haw khawp mai. Huat tur awm tak pawh ka ni. Hmeichhe fel tak ka lersan vang leh ka fate bula ka awm thei tawh lo hi ka inchirna ber a ni.

Awle! Hei hian, Nupa tam tak a puih ka beisei. Love your wife, and appreciate a good waman!

Min lo share sak leh rawh le!