Reem Kabbara

الرقي الحقيقي بيبدا بأفكارك وأفعالك

الرقيّ المزيّف بيبدا بمظهرك قبل عقليتك

حياتك كلها بتتبدل بمجّرد تغيير بسيط بطريقة التفكير، بارتقاء الأفكار، والأفعال والعادات والطباع

وتلقائياً النتايج كلها رح تتبدّل للنمو والنجاح والثراء 😉

قديه بتعتمد ع شعورك لتنجز عملك؟

مقولة أعجبتني ☺️

#مقولة #عقلية #تدريب

تشرين، شهر التفاصيل الصغيرة…
فيه خطوات جديدة،
فيه لحظات تعب،

بس دايماً في قلب شاكر وراضي بكل شي ربنا سبحانه وتعالى كتبه وقدّره 🤲🏻

الحمد لله ☺️

شو رأيكم؟

#قناعة #استسلام #عقلية

قكّر فيها !

مش لأنه كلن عم يعملو هيك يعني هيدا الصح

أحياناً الصح أنك تكون غيرن كلن

#تغيير #عقل #فكرجديد #واقع #ثروة

ما تعيش بوهم الإيجابية..

الإيجابية مش إنك تبعد عن كل شي سيئ

الإيجابية إنك توسّع قلبك لتشوف الخير بكل شي حولك

حتى لو ما كان عاجبك

رب الخير ما بيجيب إلا الخير،

بس بدّك تصبر شوي، وتكبّر إيمانك وتوثق برب العالمين 🤲🏻

#إيمان #ايجابية

شهر أيلول هو الشهر يلي بترجع كل الناس للحياة الروتينية، للركض، للدرس، للشغل..

بأيلول بيبدا فصل الخريف، فصل بتعيد الطبيعة تجديد حياتها..

انا دايماً بعتبره الشهر للتخطيط وللأهداف الجديدة، للسعي وللطموح، اكتر من راس السنة

هيدا الشهر كان كلّه تخطيط، سعي، لمسات أخيرة لمشروع عم احلم فيه سنين وقريباً رح يبصر النور 🤩

يا رب 🤲🏻

آب شهر من أجمل وأصعب الشهور.

صبحية القهوة مع ماما،
ضحكة عفويّة،
لمّتنا على سفرة غدا ما بتتقارن بأي شي بالدنيا.

كل لحظة عشتا أخدت مكانها بذكراياتي

الإجازة مش رفاهية.
الإجازة بتفرجيك قديه التعب كان كبير… وقديه لسا فيك طاقة للحياة.

والرجعة؟
الرجعة أكيد مش سهلة…
تترك الأهل، تودّعهم بدموع وتركب طيارتك وترجع لحياتك.

بس المسؤولية كبيرة.
وطريق بدنا نكمّله بإيمان.

كل سنة جديدة هي فرصة،
وكل تحدّي رح نعيشه، مكتوب لالنا.

﴿ وَأَن لَّيْسَ لِلْإِنسَانِ إِلَّا مَا سَعَى ﴾
﴿ لَا يُكَلِّفُ ٱللَّهُ نَفْسًا إِلَّا وُسْعَهَا ﴾

#ذكرايات #لبنان🇱🇧 #كويت

تمّوز كان تذكير ناعم إنو الحياة مش سباق…
وإنو اللحظات الحقيقية ما بتتصوّر…
بتنعاش.

تعلّمت بهالشهر إنو أبطّئ،
أتنفّس بعمق،
وانبسط بأبسط التفاصيل يلي كانوا حوالَيّي
كل الوقت… وأنا مش شايفتها.

ما كان شهر الإنجازات،
بس كان شهر الهدوء الحقيقي.
وشهر التصالح مع فكرة إنو مش لازم نركض كل الوقت.

ويمكن هيدا هو نوع التقدّم يلي عنجد بيحرّكنا لقدام.