National Olympic Committee of Laos - NOCL

ພິທີໂອ້ລົມຄະນະກິລາທີມຊາດລາວ ເຂົ້າຮ່ວມງານມະຫາກໍາມກິລາເອຊຽນເກມ ຄັ້ງທີ 20 ແລະ ງານມະຫາກໍາກິລາເອຊຽນເກມພາຣາເກມ ຄັ້ງທີ 5 ທີ່ເມືອງ ໄອຈິ-ນາໂກຢະ ປະເທດ ຍີ່ປຸ່ນ, ຈັດຂື້ນທີ່ ກົມກິລາລະດັບສູງ, ວັນທີ 11 ກັນຍາ 2026

ພິທີດັ່ງກ່າວ ໃຫ້ກຽດເປັນປະທານໂດຍທ່ານ ກິ່ງມະໂນ ພົມມະຫາໄຊ, ຮອງລັດຖະມົນຕີ ກະຊວງ ສຶກສາທິການ ແລະ ກິລາ

ການກຽມຄວາມພ້ອມ ເຂົ້າຮ່ວມງານມະຫາກຳກິລາເອຊຽນເກມ ຄັ້ງທີ 20
ແຕ່ວັນທີ 19 ກັນຍາ - 04 ຕຸລາ 2026 ທີ່ເມືອງ ໄອຈິ-ນາໂກຢາ ແລະ ງານມະຫາກຳກິລາເອຊຽນພາຣາເກມ ຄັ້ງທີ 5 ແຕ່ວັນທີ 10-25 ຕຸລາ 2026 ທີ່ປະເທດ ຢີ່ປຸ່ນ

1. ປະເພດກິລາທີ່ລັດຖະບານຮັບຜິດຊອບປະກອບມີ 9 ປະເພດ: ວູຊູ, ກະຕໍ້, ແລ່ນ-ລານ, ລອຍນໍ້າ, ຢູໂດ, ກາຣາເຕໂດ, ຈູຈິດສູ, ມວຍສາກົນ ແລະ ເທັກບອນ.
2. ປະເພດກິລາທີ່ສະຫະພັນກຸ້ມຕົນເອງປະກອບມີ 6 ປະເພດ: ຟັນດາບ, ຍິມນາສຕິກ, ອີສະປອດ, ດອກປີກໄກ່, ປິ່ງປ່ອງ ແລະ ຊ໋ອຟເທັນນິດ;
3. ມີຄະນະນຳ, ກອງເລຂາ, ແພດ ແລະ ນັກຂ່າວ 12 ທ່ານ, ຄະນະຄູຝືກ 38 ທ່ານ, ນັກກິລາ 72 ຄົນ, ລວມທັງຫມົດ 122 ທ່ານ;
4. ການເເຂ່ງຂັນມີຢູ່ 2 ຈຸດໃຫຍ່ຄື: ໄອຈິ-ນາໂກຢາ ແລະ ນະຄອນຫຼວງໂຕກຽວ (ສະເພາະກິລາລອຍນໍ້າ);
5. ຄະນະນັກກິລາຄົນພິການທີມຊາດ ຈະເຂົ້າຮ່ວມການແຂ່ງຂັນເອຊຽນພາຣາເກມ ທັງໝົດ 4 ປະເພດກິລາ (ແລ່ນ-ລານ, ລອຍນ້ຳ, ລົດຖິບ ແລະ ບານບວ້ງລໍ້ເລື່ອນ), ມີຄະນະນໍາ, ຄູຝືກ ແລະ ນັກກິລາ ເຂົ້າຮ່ວມທົງໝົດ 27 ທ່ານ

ແລະ ຄວາມຄາດຫວັງຂອງທັບນັກກິລາເຮົາ ຈະສູ້ຊົນໃຫ້ໄດ້ 1 ຫຼຽນເງິນ ແລະ 2 ຫຼຽນທອງຕິດມືກັບປະເທດພ້ອມ
ສຸດທ້າຍນີ້ ຂໍສົ່ງສຽງເຊຍ ແລະ ເປັນກໍາລັງໃຈແກ່ ທັບນັກກິລາຂອງ ສປປ ລາວ ເຮົາດ້ວຍ

ກອງປະຊຸມໃຫຍ່ ຄະນະບໍລິຫານງານ ຄະນະກໍາມະການໂອແລມປິກແຫ່ງຊາດລາວຊຸດທີ VIII (ປີ ຄ.ສ 2022 - 2026)

ກອງປະຊຸມໃຫຍ່ຄະນະບໍລິຫານງານ ຄະນະກໍາມະການໂອແລມປິກແຫ່ງຊາດລາວ ຊຸດທີ VIII (2022-2026) ໄດ້ຈັດຂຶ້ນໃນຕອນເຊົ້າວັນທີ 03 ກັນຍາ 2026, ທີ່ຫ້ອງປະຊຸມໂຮງແຮມແລນມາກ, ພາຍໃຕ້ ການເປັນປະທານຂອງ ທ່ານ ຮສ.ປອ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ, ລັດຖະມົນຕີກະຊວງ ສຶກສາທິການ ແລະ ກິລາ, ປະທານ ຄະນະກໍາມະການໂອແລມປິກແຫ່ງຊາດລາວ, ໂດຍມີທ່ານປະທານກິດຕິມະສັກ ຄອລ ຕະຫຼອດການ, ອາດີດປະທານ ຄອລ, ຄະນະທີ່ປຶກສາ, ບັນດາທ່ານຮອງປະທານ, ຄະນະບໍລິຫານງານ ຄະນະກໍາມະການໂອແລມປິກແຫ່ງຊາດລາວ, ມີຫົວໜ້າຫ້ອງການ, ທ່ານຫົວໜ້າກົມ, ຜູ້ອໍານວຍການສະຖາບັນ, ຮອງຫົວໜ້າກົມຈາກກະຊວງສຶກສາທິການ ແລະ ກິລາ, ບັນດາ ກໍາມະການ, ກໍາມາທິການກິລາຂອງ ຄອລ, ປະທານ ແລະ ເລຂາທິການສະຫະພັນກິລາແຫ່ງຊາດ ເຂົ້າຮ່ວມທັງໝົດ 147 ທ່ານ, ຍິງ 40 ທ່ານ.

ກອງປະຊຸມໄດ້ຮັບຟັງ ແລະ ຮັບຮອງເອົາບົດສະຫຼຸບການຈັດຕັ້ງປະຕິບັດການເຄື່ອນໄຫວຄະນະກໍາມະການໂອແລມປິກແຫ່ງຊາດລາວ 04 ປີ 2022-2026 ແລະ ທິດທາງແຜນການເຄື່ອນໄຫວປະຈໍາ 04 ປີ 2027-2030 ຂອງຄະນະບໍລິຫານງານ ຄະນະກໍາມະການໂອແລມປິກແຫ່ງຊາດລາວ, ບົດລາຍງານວຽກງານການເງິນຂອງຄະນະ ກໍາມະການໂອແລມປິກແຫ່ງຊາດລາວ ໃນໄລຍະ 4 ປີ, ການສະເໜີບົດຮຽນການຈັດຕັ້ງປະຕິບັດໜ້າທີວຽກງານຂອງ 02 ກໍາມະການ ແລະ 01 ກໍາມາທິການນັກກິລາ, 05 ສະຫະພັນກິລາແຫ່ງຊາດ, ບົດລາຍງານຂອງການຈັດຕັ້ງປະຕິບັດກອງທຶນສົ່ງເສີມຂະບວນການໂອແລມປິກ, ສະເໜີລາຍຊື່ເປົ້າໝາຍຄະນະບໍລິຫານງານ ຄອລ ຊຸດທີ IX, ປະກອບຄໍາເຫັນ ແລະ ລົງມະຕິຮັບຮອງລາຍຊື່ເປົ້າໝາຍຄະນະບໍລິຫານງານ ຄອລ ຊຸດທີ IX ເພື່ອສະເໜີຂັ້ນເທິງພິຈາລະນາ. ພິເສດ ຍັງໄດ້ຮັບຟັງການໂອ້ລົມຂອງທ່ານ ຮສ.ປອ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ, ລັດຖະມົນຕີກະຊວງສຶກສາທິການ ແລະ ກິລາ, ປະທານຄະນະກໍາມະການໂອແລມປິກ ແຫ່ງຊາດລາວ.

ຜ່ານການຮັບຟັງການລາຍງານ, ການປະກອບຄໍາເຫັນຂອງບັນດາທ່ານຜູ້ແທນກອງປະຊຸມ ແລະ ອີງໃສ່ ທິດຊີ້ນໍາຂອງທ່ານປະທານກອງປະຊຸມ, ກອງປະຊຸມໄດ້ຕົກລົງເຫັນດີຮັບຮອງເອົາ ເປັນມະຕິຂອງກອງປະຊຸມ ດັ່ງນີ້:
1. ກອງປະຊຸມເຫັນດີຮັບຮອງເອົາບົດລາຍງານຜົນສໍາເລັດການເຄື່ອນໄຫວຂອງຄະນະກໍາມະການໂອແລມປິກ ແຫ່ງຊາດລາວ ຊຸດທີ VIII (2022-2026) ແລະ ແຜນການເຄື່ອນໄຫວໃນຕໍ່ໜ້າ ຂອງຄະນະກໍາມະການ ໂອແລມປິກແຫ່ງຊາດລາວ;
2. ກອງປະຊຸມເຫັນດີ ຮັບຮອງເອົາບົດລາຍງານວຽກງານການເງິນ ຂອງຄະນະກໍາມະການໂອແລມປິກ ແຫ່ງຊາດລາວ ປະຈໍາ 04 ປີ (2022-2026);
3. ກອງປະຊຸມເຫັນດີ ຮັບຮອງເອົາການສະເໜີບົດຮຽນການຈັດຕັ້ງປະຕິບັດໜ້າທີວຽກງານຂອງ 02 ກໍາມະການ ແລະ 01 ກໍາມາທິການນັກກິລາ, 05 ສະຫະພັນກິລາແຫ່ງຊາດ, ບົດລາຍງານຂອງການຈັດຕັ້ງປະຕິບັດກອງທຶນສົ່ງເສີມຂະບວນການໂອແລມປິກ ທີ່ນໍາສະເໜີໃຫ້ເປັນຂໍ້ມູນ ແລະ ບົດຮຽນ;
4. ກອງປະຊຸມເຫັນດີ ຮັບຮອງເອົາບົດລາຍງານການຈັດຕັ້ງປະຕິບັດກອງທຶນສົ່ງເສິມກິລາສູ່ຂະບວນການ ໂອແລມປິກ ແລະ ແນວຄວາມຄິດການເສີມຂະຫຍາຍກອງທຶນເພື່ອມານໍາໃຊ້ສົ່ງເສີມວິຊາສະເພາະໃຫ້ກວ້າງຂວາງ;
5. ກອງປະຊຸມເຫັນດີມອບໃຫ້ການຈັດຕັ້ງ, ພາກສ່ວນທີ່ກ່ຽວຂ້ອງສຸ່ມໃສ່ປະຕິບັດວຽກສໍາຄັນທີ່ເປັນຍຸດທະສາດການພັດທະນາກິລາ ແລະ ເປັນບຸລິມະສິດ ດັ່ງນີ້:
5.1 ສືບຕໍ່ນໍາພາສຶກສາອົບຮົມການເມືອງ-ແນວຄິດ ໃຫ້ແກ່ນັກກິລາ, ບຸກຄະລາກອນກິລາ, ກໍາມະການຕັດສິນ ແລະ ຄູຝຶກ ໃຫ້ເລິກເຊິ່ງ ແລະ ທົ່ວເຖິງ;
5.2 ມອບໃຫ້ຄະນະບໍລິຫານງານ ຄະນະກໍາມະການໂອແລມປິກແຫ່ງຊາດລາວ ນໍາເອົາຜົນສໍາເລັດແຕ່ລະດ້ານຂອງກອງປະຊຸມ ໄປສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດຄວາມຮັບຜິດຊອບຂອງຕົນ ເປັນຕົ້ນ ການປັບປຸງແບບແຜນວິທີເຮັດວຽກ, ວຽກງານບໍລິຫານຄຸ້ມຄອງ, ວຽກສົ່ງເສີມວິຊາການ, ວຽກປະສານງານພາຍໃນ ແລະ ຮ່ວມມືພົວພັນກັບອົງການກິລາສາກົນ ໃຫ້ມີປະສິດທິພາບ ແລະ ປະສິດທິຜົນດີຂຶ້ນ;
5.3 ຄະນະກໍາມະການໂອແລມປິກແຫ່ງຊາດລາວ, ບັນດາສະຫະພັນກິລາແຫ່ງຊາດ ປະສານງານ ແລະ ສົມທົບກັບກົມກິລາລະດັບສູງ ກະຊວງສຶກສາທິການ ແລະ ກິລາ ພ້ອມກັບພາກສ່ວນທີ່ກ່ຽວຂ້ອງສ້າງແຜນສະເພາະ ເພື່ອຈັດປະຊຸມຖອດບົດຮຽນຂອງການເຂົ້າຮ່ວມແຂ່ງຂັນງານມະຫາກໍາກິລາລະດັບຕ່າງໆ ດ້ວຍການວິເຄາະວິໄຈ, ຕີລາຄາທາງດ້ານວິຊາການແຕ່ລະດ້ານ ເລີ່ມແຕ່ການກະກຽມ, ການເຂົ້າຮ່ວມແຂ່ງຂັນ ເພື່ອຄົ້ນຄວ້າປະເດັນ ແລະ ປັນຫາຂອງແຕ່ລະຫົວຂໍ້ຢ່າງມີວິທະຍາສາດ ເລີ່ມແຕ່ການຄັດເລືອກນັກກິລາ, ການຝຶກແອບ, ການເຂົ້າຮ່ວມແຂ່ງຂັນເປັນແຕ່ລະຂັ້ນຕອນ, ໃຫ້ເປັນມາດຖານທີ່ສອດຄ່ອງແທດເໝາະ ແກ່ການພັດທະນາແບບຍືນຍົງຕາມຍຸດທະສາດການພັດທະນາກິລາລາວ;
5.4 ຄະນະກໍາມະການໂອແລມປິກແຫ່ງຊາດລາວ ສືບຕໍ່ການສົ່ງເສີມ, ສ້າງຄວາມເຂັ້ມແຂງໃຫ້ບັນດາກຳມະການກໍາມາທິການນັກກິລາ, ສະຫະພັນກິລາແຫ່ງຊາດ ໃຫ້ຕໍ່ເນື່ອງ ແລະ ທົ່ວເຖິງ ເຮັດໃຫ້ບຸກຄະລາກອນ, ນັກກິລາຮັບການເສີມສ້າງ ແລະ ມີການພັດທະນາດີຂຶ້ນ;
5.5 ໃຫ້ສືບຕໍ່ປັບປຸງວຽກງານບໍລິຫານຄຸ້ມຄອງຂອງຄະນະກໍາມະການໂອແລມປິກແຫ່ງຊາດລາວ ໃຫ້ມີ ຄວາມເຂັ້ມແຂງ ເປັນປັດໃຈຕັດສິນ ໃນການເຄື່ອນໄຫວວຽກງານຄະນະກໍາມະການໂອແລມປິກ ແຫ່ງຊາດລາວ ໃຫ້ມີປະສິດທິພາບ ແລະ ປະສິດທິຜົນ;
5.6 ຄະນະກໍາມະການໂອແລມປິກແຫ່ງຊາດລາວ ເພີ່ມທະວີຮ່ວມກັບກົມວິຊາການກິລາ ແລະ ບັນດາສະຫະພັນກິລາແຫ່ງຊາດ ໃນພັດທະນາກິລາແບບຍືນຍົງ ໄປຕາມຍຸດທະສາດການພັດທະນາກິລາລາວ ຈະສ້າງໄດ້ກໍາມະການ, ຄູຝຶກ ແລະ ນັກກິລາທີ່ມີຄຸນນະພາບ;
5.7 ຄະນະກໍາມະການໂອແລມປິກແຫ່ງຊາດລາວ, ບັນດາສະຫະພັນກິລາແຫ່ງຊາດ ແລະ ກົມກິລາລະດັບສູງ ເລີ່ມຕົ້ນກະກຽມສ້າງເອກະສານນໍາສະເໜີຜ່ານລັດຖະບານ ເພື່ອຮອງຮັບການເປັນເຈົ້າພາບຊີເກມ ຄັ້ງທີ 36 ໃນປີ 2031 ໄປແຕ່ລະບາດກ້າວ.

The General Assembly of the 8th Executive Board of the National Olympic Committee of Laos

Held on the morning of September 3, 2026, at the Landmark Hotel Conference Room, under the chairmanship of His Excellency Mr. Thongsalith Mangnomek, Deputy Prime Minister, Minister of Education and Sports, President of the National Olympic Committee of Laos, with Honorary President NOC, former President of the National Olympic Committee of Laos, Advisory Board, Vice Presidents, Executive Board of the Lao National Olympic Committee, Head of Office, Director of Department, Director of Institute, Deputy Director of Department from the Ministry of Education and Sports, Members, Sports Committee of the Lao National Olympic Committee, President and Secretary of the National Sports Federation, a total of 147 people attended and there were 40 women.

The meeting listened to and approved the summary of the implementation of the activities of the National Olympic Committee of Laos for the 04 years 2022-2026 and the direction of the 04-year action plan for the 2027-2030 years of the Executive Board of the National Olympic Committee of Laos, the financial report of the Lao National Olympic Committee over the past 4 years, the presentation of lessons from the duties implementation of 02 members and 01 Athlete's Commission, 05 National Sports Federations, the report on the implementation of the Olympic Process Promotion Fund, the proposal of the targets list of the 9th Executive Board of the National Olympic Committee of Laos, comments and a resolution approving the targets list of the 9th Executive Board of the Lao National Olympic Committee for submission to higher levels for consideration. In particular, it also listened to the speech of Mr. Assoc. Prof. Thongsalith Mangnomek, Deputy Prime Minister, Minister of Education and Sports, President of the Lao National Olympic Committee

After listening to the reports, a commendation from the conference delegates, and based on the guidance of the conference chairman, the conference agreed to adopt the following resolutions:

1. The meeting agreed to adopt the report on the achievements of the activities of the 8th National Olympic Committee of Laos (2022-2026) and the future action plan of the National Olympic Committee of Laos;
2. The meeting agreed to approve the financial report of the National Olympic Committee of Laos for the 04 years (2022-2026);
3. The meeting agreed to approve the presentation of lessons learned from the duties implementation of 02 commissioners and 01 athlete's commission, 05 national sports federations, and the report on the implementation of the Olympic Process Promotion Fund, which was presented as information and lessons learned;
4. The meeting agreed to adopt the report on the implementation of the Sports Promotion Fund for the Olympic Process and the idea of ​​expanding the fund to be used to promote specific disciplines more widely;
5. The meeting agreed to assign organizations and relevant parties to implement important tasks that are strategic for sports development and are priorities as follows:
5.1. Continue to lead the political-ideological education for athletes, sports personnel, referees and coaches in depth and comprehensively;
5.2 Assign to the Executive Board of the National Olympic Committee of Laos to take the achievements of each aspect of the conference and continue to implement its responsibilities, such as improving work methods, administrative work, technical promotion work, internal coordination work and cooperation with international sports organizations to be more efficient and effective.
5.3 National Olympic Committee of Laos, National Sports Federations coordinate and collaborate with the Department of Elite Sports, Ministry of Education and Sports, and relevant parties to create a specific plan to organize a meeting to learn from participating in major sports events at various levels with analysis and technical evaluation of each aspect, starting from preparation and participation in the competition, to scientifically research the issues and problems of each topic, starting from athlete selection, training, and participation in each stage, to provide a consistent and appropriate standard for sustainable development according to the Lao sports development strategy.
5.4 National Olympic Committee of Laos continues to promote and strengthen the members of the Athletes' Committee and the National Sports Federation continuously and comprehensively, so that personnel and athletes are strengthened and develop better.
5.5 Continue to improve the management and administration of National Olympic Committee of Laos to be strong as a decisive factor in the efficiency and effectiveness of the National Olympic Committee of Laos's activities.
5.6 National Olympic Committee of Laos has will work with the Department of Sports and National Sports Federations to develop sustainable sports in accordance with the Lao Sports Development Strategy, which will create quality officials, coaches and athletes;
5.7 National Olympic Committee of Laos, National Sports Federations and the Department of Elite Sports will begin preparing a proposal through the government to support the hosting of the 36th SEA Games in 2031, step by step.

ກິລາເອຊຽນເກມຄັ້ງທີ 20 ຈະໄດ້ຈັດຂື້ນທີ່ປະເທດຍີ່ປຸ່ນ, ທີ່ເມືອງ ແລະ ຂົງເຂດເທດສະບານເມືອງ ໄອອິຊິ- ນາໂກຢະ, ເລີ່ມຈາກວັນທີ 19 ກັນຍາ ຫາ 04 ຕຸລາ 2026 ທີ່ຈະມາຮອດໃນໄວໆນີ້

ເຊິ່ງມີກິລາທີ່ຈັດແຂ່ງຂັນທັງຫມົດມີ 71 ປະເພດກິລາ ໃນ 43 ຊະນິດກິລາ ແລະ ສໍາລັບປະເທດລາວເຮົານີ້ ໄດ້ສົ່ງເຂົ້າຮ່ວມ 15 ຊະນິດກິລາ:
1. ລອຍນ້ຳ (Swimming)
2. ແລ່ນ-ລານ (Track & Field)
3. ຄາລາເຕ້ (Karate)
4. ຢູໂດ (Judo)
5. ຈູຈິດສູ (Jiu Jitsu)
6. ອີສະປອດ (E-Sport)
7. ຟັນດາບ (Fencing)
8. ຍິມນາສຕິກ (Gymnastic)
9. ມວຍສາກົນ (Boxing)
10. ດອກປີກໄກ່ (Badminton)
11. ກະຕໍ້ (Sepak Takraw)
12. ປິ່ງປ່ອງ (Table Tennis)
13. ວູຊູ (Wushu)
14. ເທັກບອນ (Teqball)
15. ຊອຟເທັນນິດ (Softennis)

20th Asian Games 2026 will take place in the Aichi Prefecture and its capital city, Nagoya, Japan, from September 19 to October 4, 2026

There are a total of 71 sports in 43 sports disciplines, And for Laos, we have sent 15 sports to participate.

ໃນວັນທີ 12 ສິງຫາ 2026 ທີ່ຜ່ານມາ ຄະນະກໍາມະການໂອແລມປິກແຫ່ງຊາດລາວ ໄດ້ຕອນຮັບ ຄະນະທີມງານຈາກປະເທດ ຕີມໍ ເລສເຕ້.

ກ່າວຕ້ອນຮັບໂດຍທ່ານ ສົມພູ ພົງສາ, ຮອງປະທານ ຄະນະກໍາມະການໂອແລມປິກແຫ່ງຊາດລາວ ພ້ອມຄະນະ, ຄະນະທີມງານຈາກປະເທດ ຕີມໍ ເລສເຕ້ ມີຈຸດປະສົງເພື່ອຕ້ອງການເຂົ້າມາພົບປະຢ້ຽມຢາມສົນທະນາ, ເຊິ່ງທ່ານ ສົມພູ ພົງສາ ຂໍນໍາສະເໜີປະຫວັດຄວາມເປັນມາຂອງ ຄອລ, ການສ້າງຕັ້ງ ຄອລ, ການເຂົ້າຮ່ວມແຂ່ງຂັນກິລາໃນລະດັບຕ່າງ ແລະ ການບໍລິຫານພາຍໃນອົງກອນ ໃຫ້ຄະນະທີມງານຈາກປະເທດ ຕີມໍ ເລສເຕ້ ໄດ້ຮັບຮູ້ ແລະ ເຂົ້າໃຈ ໃນການເຄື່ອນໄຫວແບບພາບລວມຂອງ ຄະນະກໍາມະການໂອແລມປິກແຫ່ງຊາດລາວ

ສຸດທ້າຍນີ້, ຄະນະກໍາມະການໂອແລມປິກແຫ່ງຊາດລາວ ກໍໄດ້ມີການມອບຂອງຂວັນທີລະນຶກ ເພື່ອເປັນການຂອບໃຈ ສໍາລັບການມາຢ້ຽມຢາມໃນຄັ້ງນີ້ດ້ວຍ👏👏

ຄະນະກໍາມະການໂອແລມປິກແຫ່ງຊາດລາວ ຂໍສະແດງຄວາມເສຍໃຈ ແລະ ຂໍຮ່ວມໄວ້ອາໄລ ຕໍ່ການຈາກໄປ ຂອງ ພະນະທ່ານ ໄຊສົມພອນ ພົມວິຫານ, ກຳມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປ ລາວ.

ຄະນະກໍາມະການໂອແລມປິກແຫ່ງຊາດລາວ ຂໍສະແດງຄວາມຮູ້ບຸນຄຸນອັນເລິກເຊິ່ງ ແລະ ຊາບຊຶ້ງຕໍ່ຄຸນງາມຄວາມດີ ທີ່ທ່ານໄດ້ເສຍສະຫຼະ ເພື່ອປະເທດຊາດ ແລະ ປວງຊົນລາວ ທັງຊາດ.

ຄະນະກໍາມະການໂອແລມປິກແຫ່ງຊາດລາວ ຂໍແບ່ງເບົາຄວາມທຸກຄວາມໂສກ ທີ່ໄດ້ສູນເສຍບຸກຄົນສຳຄັນໄປໃນຄັ້ງນີ້ນໍາ ພັກ-ລັດ, ປວງຊົນລາວທັງຊາດ ແລະ ຄອບຄົວ ພົມວິຫານ.

ດ້ວຍຄວາມອາໄລຮັກ ແລະ ຂໍນ້ອມລໍາລຶກເຖິງຄຸນງາມຄວາມດີຂອງທ່ານຕະຫຼອດໄປ

National Olympic Committee of Lao would like to express its condolences and sympathies on the passing of His Excellency Xaysomphone Phomvihane, Member of the Politburo of the Party Central Committee, President of the National Assembly of the Lao PDR.

We would like to express our deep gratitude and appreciation for the merits and sacrifices you made for the country and the Lao people

We would like to share the sorrow and grief of losing such an important person with the Party-State, the Lao people and the Phomvihane family.

With love and gratitude, we will always remember your merits and sacrifices

@แฟนตัวยง

ພິທີສະຫລຸບການລົງຝຶກງານຂອງນ້ອງນັກສຶກສາ, ສາຂາການບັນຊີ 2 ຄົນ ຈາກວິທະຍາໄລເຕັກນິກ ປາກປ່າສັກ ເປັນໄລຍະເວລາ 45 ວັນ ທີ່ຫ້ອງການ ຄະນະກໍາມະການໂອແລມປິກແຫ່ງຊາດລາວ

ການເຜີຍແຜ່ວຽກງານ ການບໍລິຫານການກິລາ ໃຫ້ແກ່ນັກສຶກສາຈາກສະຖາບັນກິລາ-ກາຍຍະກໍາ ໃນຕອນເຊົ້າ ວັນທີ 23 ກໍລະກົດ 2026

ການເຜີຍແຜ່ດັ່ງກ່າວນີ້ ແມ່ນທ່ານ ສົມພູ ພົງສາ, ຮອງປະທານ ຄອລ ເປັນຜູ້ຖ່າຍທອດຄວາມຮູ້ການບໍລິຫານການກິລາ ຄື: ການຈັດຕັ້ງກິລາກາຍຍະກໍາ, ເຊິ່ງມີຢູ່ 2 ແບບ: ອົງການຈັດຕັ້ງກິລາຂອງລັດ ແລະ ການຈັດຕັ້ງກິລາທາງສັງຄົມ, ຜູ້ບັນຍາຍໄດ້ອະທິບາຍເຖິງການບໍລິຫານທີ່ມີຄວາມແຕກຕ່າງ ລະຫວ່າງ ອົງການຈັດຕັ້ງກິລາຂອງລັດ ແລະ ການຈັດຕັ້ງກິລາທາງສັງຄົມ ຫຼືເອີ້ນອີກຢ່າງໜຶ່ງແມ່ນ ແບບສາຍຕັ້ງ ແລະ ສາຍຂວາງ, ນອກນັ້ນ ຍັງມີການນໍາສະເໜີ ສິດ ແລະ ໜ້າທີ່ຂອງການຈັດຕັ້ງກິລາທາງສັງ, ໂຄງຮ່າງການການຈັດຕັ້ງກິລາທາງສັງຄົມດ້ວຍລະບົບເລືອກຕັ້ງ, ການຈັດແບ່ງວຽກຂອງຫ້ອງການ ຄະນະກໍາມະການໂອແລມປິກແຫ່ງຊາດລາວ ແລະ ບ່ອນເຮັດວຽກທີ່ນັກສຶກສາຈະເຂົ້າເຖິງໄດ້ ເມື່ອຈົບການສຶກສາ ແລະ ການກຽມໂຕໃນເບື້ອງຕົ້ນ

ຄະນະກໍາມະການໂອແລມປິກແຫ່ງຊາດລາວໄດ້ເຂົ້າຮ່ວມກອງປະຊຸມສະພາສະຫະພັນກິລາຊີເກມຄັ້ງທີ 2, ໃນລະຫວ່າງວັນທີ 15 - 18 ກໍລະກົດ 2026 ທີ່ໂຮງແຮມຊັນເວ ຣີສອດ, ປະເທດມາເລຍ

ໃນກອງປະຊຸມສະພາສະຫະພັນກິລາຊີເກມຄັ້ງທີ 2, ເຈົ້າໜ້າທີ່ໄດ້ສະຫຼຸບລາຍການກິລາສໍາລັບການແຂ່ງຂັນກິລາຊີເກມປີ 2027. ໂດຍສະພາໄດ້ອະນຸມັດເພີ່ມກິລາໃໝ່ອີກ 5 ຊະນິດ ເຮັດໃຫ້ຈໍານວນກິລາທັງໝົດເພີ່ມຂຶ້ນເປັນ 43 ຊະນິດ.

ຊະນິດກິລາທີ່ໄດ້ຮັບການອະນຸມັດໃໝ່ມີຄື:
1. ກິລາເຕັ້ນ
2. ຮ໊ອກກີ້ນໍາແຂງ
3. ຄາບັດດີ້ (ຖ້າສົມທຽບກິລາຂອງລາວເຮົາ ຄ້າຍຄືຫຼິ້ນໝາກໄລ່ຕ້ອຍເຂັມ ຫຼື ບ່າຈິລຸ້ນ ຕອນສະໄໝຍັງເປັນເດັກນ້ອຍ)
4. ພາເດລ
5. ເທັກບອລ

ການຕັດສິນໃຈດັ່ງກ່າວ ໄດ້ເກີດຂື້ນໃນລະຫວ່າງກອງປະຊຸມສະພາຊີເກມອາຊີ ຄັ້ງທີ 2 ສໍາລັບວາລະປີ 2025 - 2027 ທີ່ໂຮງແຮມຊັນເວຍ໌ ຣີສອດ ເປັນການສີ້ນສຸດດໍາເນີນການອະນຸມັດລາຍການກິລາ ກ່ອນທີ່ມາເລເຊຍຈະເປັນເຈົ້າພາບຈັດການແຂ່ງຂັນກິລາຊີເກມ

During the South East Asian Games Federation (SEAGF) Council Meeting No. 2 (held on July 17, 2026, at the Sunway Resort Hotel in Malaysia), officials finalized the sports program for the 2027 SEA Games. The council approved five additional sports, bringing the final tally to 43 sports.

The newly approved sports are dance sport, ice hockey, kabaddi, padel and teqball.

The decision, made during the second SEAGF council meeting for the 2025-2027 term at the Sunway Resort Hotel, concludes the approval process for the sports programme ahead of Malaysia's hosting of the Games

ອ້າງອີງຂໍ້ມູນຈາກ: https://www.nst.com.my/sports/others/2026/07/1491003/five-new-sports-approved-2027-sea-games-bringing-total-43

ການອົບຮົມຄູຝຶກກິລາຣັກບີ້ ໃນວັນທີ 9-11/7/2026 ນີ້, ມີຜູ້ເຂົ້າຮ່ວມ 14 ຄົນ ຈາກບັນດາສະໂມສອນພາຍໃນນະຄອນຫຼວງວຽງຈັນ ແລະ ຕ່າງແຂວງ ເຊີ່ງຜ່ານການຮຽນທິດສະດີ ແລະ ໂຕຈິງ ເຫັນໄດ້ວ່າ ບັນດາຜູ້ເຂົ້າຮ່ວມແມ່ນໄດ້ຮຽນຮູ້ເຕັກນິກຣັກບີ້ຫລາຍຂື້ນ ແລະ ຮູ້ຈັກກົດລະບຽບການຫລິ້ນຕ່າງໆ. ຫວັງວ່າ ບັນດາຜູ້ເຂົ້າຮ່ວມ ຈະໄດ້ນຳເອົາທັກສະ ໄປຜັນຂະຫຍາຍຕື່ມ ໃນສະໂມສອນຂອງແຂວງຕົນເອງ.

OS Technical Course for Coaches in Rugby 09-11 July 2026
The rugby coaching course held from July 9–11, 2026, was attended by 14 participants from clubs in Vientiane Capital and provinces. Through a combination of theory and practical training, the participants gained a deeper understanding of rugby techniques and the rules of the game. It is hoped that they will apply and further develop these skills within their respective provincial clubs

ອົບຮົມຄູຝຶກກິລາບານສົ່ງ ລະດັບ 1 (06-10 ກໍລະກົດ 2026) ມີຜູ້ເຂົ້າຮ່ວມຝຶກອົບຮົມ: ມາຈາກ 5 ແຂວງ ແລະ 6 ສະໂມສອນ ລວມທັງໝົດ 22 ທ່ານ, ຍິງ 3 ທ່ານ ຄື:
ແຂວງ ອັດຕະປື 1 ທ່ານ, ແຂວງ ຈໍາປາສັກ 4 ທ່ານ, ຍິງ 1 ທ່ານ, ແຂວງ ສະຫວັນນະເຂດ 3 ທ່ານ, ແຂວງ ຫຼວງພະບາງ 2 ທ່ານ, ແຂວງ ຊຽງຂວາງ 2 ທ່ານ, ສະໂມສອນ ກອງທັບ 3 ທ່ານ, ຍິງ 2 ທ່ານ, ສະໂມສອນ ໂກຣ ອັບ 2 ທ່ານ, ສະໂມສອນ ບຣູຮາວາຍ 1 ທ່ານ, ສະໂມສອນ ວຽງຈັນ 1 ທ່ານ ແລະ ສະໂມສອນ ກອງບັນຊາການທະຫານອາກາດ 1 ທ່ານ

ສະຖານທີ່ຈັດຝຶກອົບຮົມ ແລະ ສອບເສັງແມ່ນຢູ່ສະໂມສອນ ຄະນະກຳມະການໂອແລມປິກແຫ່ງຊາດລາວ, ລົງຝຶກຊ້ອມພາກສະໜາມ ທີ່ເດີ່ນບານສົ່ງໃນຮົ່ມກອງທັບ ຫຼັກ 5, ບ້ານຈອມມະນີ, ເມືອງໄຊເສດຖາ, ນະຄອນຫຼວງວຽງຈັນ

ຜົນການສອບເສັງໃນການອົບຮົມຄັ້ງນີ້ ທັງພາກທິດສະດີ ແລະ ພາກປະຕິບັດໂຕຈິງ ແມ່ນຜ່ານຫມົດທຸກທ່ານ (ຂໍຊົມເຊີຍ 👏👏👏) ສ່ວນອັນດັບທີ 1 ມີຜົນສອບເສັງດີເລີດ ແມ່ນທ່ານ ຄໍາເພັດ ອານຸວົງ, ຄູຝຶກຈາກສະໂມສອນ ອິນທະສອນ

Technical Course for Coaches in Volleyball FIVB Coaches Course Level I, there are participants 22 people (including 3 Women) Representing 5 provinces and 6 clubs:
Attapeu Province 1 participant, Champasak Province 4 participants ( including 1 woman), Savannakhet Province 3 participants, Luang Prabang Province 2 participants, XiengKhouang Province 2 participants, Army Club 3 participants (including 2 women), Grow Up Club 2 participants, Blue Hawaii Club 1 participant, Vientiane Club 1 participant and Air Force Command Club 1 participant)

The training and examination venue is the Lao National Olympic Committee Hall, while field practice takes place at the Army Indoor Volleyball Court at Km 5, Chommany Village, Xaysetha District, Vientiane Capital

All participants passed both the theoretical and practical components of the training (congratulations! 👏👏👏). Mr. Khamphet Anouvong, a coach from Inthasone Club, achieved the top ranking with excellent results.

https://drive.google.com/drive/folders/18XMP_7tKHYjuLclYECGFfVzMmlptanhz?usp=sharing ລິ້ງຮູບເດີ້