Jujitsu Lao Federation

ປະສົບການໃຫມ່ ທີ່ໃຫຍ່ກວ່າເກົ່າ
ເປັນຄັ້ງທຳອິດທີ່ກິລາຈູຈິດຊູທີມຊາດລາວລົງທຳການແຂ່ງລາຍການກິລາເອຊຽນເກມຫາດຊາຍ (ທຽບເທົ່າເອຊຽນເກມ)
ນັກກິລາທຸກຄົນມີຄວາມຕັ້ງໃຈໃນການຝຶກຊ້ອມແລະແຂ່ງຂັນໃນລະດັບທີ່ດີ
ເຖິງວ່າຊິບໍ່ປະສົບຄວາມສຳເລັດ ແຕ່ກໍຖືເປັນບົດຮຽນລ້ຳຄ່າທີ່ຈະນຳມາແກ້ໄຂ ແລະ ພັດທະນາຕໍ່ໄປ

ລາຍການຕໍ່ໄປ
ຊີງແຊມປ໌ອາຊຽນ ເດືອນ 8 ຢູ່ກຳປູເຈຍ
ເອຊຽນເກມ ເດືອນ 9-10 ຢູ່ຍີ່ປຸ່ນ
ຊີງແຊມເອເຊຍ (ຖ້າໄດ້ໄປ) ເດືອນ 7 ຢູ່ຄາຊັກສະຖານ
ເອຊຽນອິນດໍຣ໌ ແລະ ມາຣ໌ຊຽລອາຣ໌ຕເກມ ເດືອນ 11 ຢູ່ ຊາອຸດິບາຣາເບຍ

ຜົນການແຂ່ງຂັນ ຈູຈິດຊູ ງານມະຫະກຳກິລາເອຊຽນເກມຫາດຊາຍ 2026
Asian Beach Games Sanya 2026
ນັກກິລາຈູຈິດຊູທີມຊາດລາວບໍ່ສາມາດຄວ້າຫຼຽນລາງວັນໄດ້ ໂດຍທີ່
ທ້າວ ນິດສອນ ເພັງໂສພາ -69ກກ ເສຍໃຫ້ນັກກິລາ ປະເທດ ຄີກິສະຖານ ຮອບ 32 ຄົນ ສຸດທ້າຍ
ທ້າວ ຄຳແກ້ວ ວິໄລພອນ-62ກກ ເສຍໃຫ້ນັກກິລາ ຈາກປະເທດ ທາຈິກິສະຖານ ຮອບ 32 ຄົນ ສຸດທ້າຍ
ນາງ ຈອມມະນີ ມະນີໄຊ -52ກກ ເສຍໃຫ້ນັກກິລາຈາກປະເທດໄທ ຮອບ 32 ຄົນ ສຸດທ້າຍ
ແລະ ນາງ ຕຸກກີ້ ແສງດາກີ -57ກກ ເສຍໃຫ້ນັກກິລາຈສກປະເທດ ຈໍແດນ ຮອບ 16 ຄົນ ສຸດທ້າຍ
ແລະໃນການຈັດອັນດັບນັກກິລາຈູຈິດຊູທີມຊາດລາວ ເຂົ້າຮ່ວມແຂ່ງຂັນກິລາເອຊຽນເກມຫາດຊາຍ ທີ່ເມືອງຊັນຢາ ສປ.ຈີນ
ທ້າວຄຳແກ້ວ -62ກກ ຢູ່ອັນດັບທີ 17
ທ້າວນິດສອນ -62ກກ ຢູ່ອັນດັບທີ 17
ນາງຈອມມະນີ -52ກກ ຢູ່ອັນດັບທີ 17
ນາງຕຸກກີ້ -57ກກ ຢູ່ອັນດັບທີ 9

ຂະບວນສວນສະໜາມຂອງນັກກິລາລາວ ໃນງານມະຫະກຳກິລາເອຊຽນເກມຫາດຊາຍ ທີ່ເມືອງຊັນຢາ ສປ.ຈີນ ຫຼື Asian Beach Games Sanya 2026
ໄດ້ຮັບກຽດຖືທຸງໂດຍ ທ້າວ ນິດສອນ ເພັງໂສພາ ແລະ ນາງ ຕຸກກີ້ ແສງດາກີ ນັກກິລາຈູຈິດຊູທີມຊາດລາວ

ຜົນການຈັບສະຫລາກແບ່ງສາຍ ການແຂ່ງຂັນກິລາຈູຈິດ ໃນງານມະຫະກຳກິລາເອຊຽນເກມຫາດຊາຍ 6th Asian Beach Games Sanya 2026 ຂອງນັກດິລາຈູຈິດຊູທີມຊາດລາວ
ວັນທີ 23 ເມສາ 2026 ຈະລົງທຳການແຂ່ງຂັນ 2 ຮຸ່ນ
ຄື ນາງ ຈອມມະນີ ມະນີໄຊ ຮຸ່ນ -52ກກ ຮອບທຳອິດ (32ຄົນສຸດທ້າຍ) ພົບກັບ ນັກກິລາຈາກປະເທດໄທ ແລະ ທ້າວ ຄຳແກ້ວ ວິໄລພອນ ຮຸ່ນ -62ກກ ຮອບທຳອິດ (32ຄົນສຸດທ້າຍ) ພົບນັກກິລາ ຈາກປະເທດ ທາຈິກິດສະຖານ
ສ່ວນ ວັນທີ 24 ເມສາ 2026 ນາງ ຕຸກກີ້ ແສງດາກີ ຈະລົງທຳການແຂ່ງຂັນ ຮອບ 16 ຄົນສຸດທ້າຍ ພົບກັບນັກກິລາຈາກປະເທດ ຈໍແດນ ແລະ ທ້າວ ນິດສອນ ເພັງໂສພາ ຮຸ່ນ -69ກກ ຈະລົງທຳການແຂ່ງຂັນຮອບທຳອິດ (32ຄົນສຸດທ້າຍ) ຈະພົບກັບນັກກິລາຈາກປະເທດຄີກິສະຖານ

ຮ່ວມສົ່ງແຮງໃຈເຊຍນັກກິລາລາວໃຫ້ຄວ້າຫລຽນລາງວັນກັບສູ່ປະເທດລາວດ້ວຍ

ວັນທີ 21 ເມສາ 2026 ທັບນັກກິລາຈູຈິດຊູທີມຊາດລາວ ເດີນທາງໄປຮ່ວມການແຂ່ງຂັນກິລາເອຊຽນເກມຫາດຊາຍ (Asian Beach Games Sanya 2026) ທີ່ເມືອງ ຊັນຢາ ສປ. ຈີນ
ເຊິ່ງຈະທຳການແຂ່ງຂັນ ລະຫວ່າງ ວັນທີ 23-24 ເມສາ 2026 ນີ້

We are Ready
ຄັ້ງທຳອິດທີ່ ນັກກິລາຈູຈິດຊູທີມລາວ ຈະເຂົ້າຮ່ວມແຂ່ງຂັນໃນງານມະຫະກຳກິລາ Asian Beach Games ທີ່ ປະເທດຈີນ

ປະທາຍສະຫະພັນກິລາຈູຈິດຊູແຫ່ງຊາດລາວ ລົງສະຫມັກເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ X ເຂດເລືອກຕັ້ງທີ 1 ນະຄອນຫຼວງວຽງຈັນ.
ເບີ 9
#ຊີວະປະຫວັດຫຍໍ້:
- ທ່ານ ປອ ຕຸດາວັນ ໜໍ່ເມືອງເສດ : ວັນ, ເດືອນ, ປີເກີດ: 25.11.1979
- ເກີດທີ່: ບ້ານໂພນໂຮງ, ເມືອງໂພນໂຮງ, ແຂວງວຽງຈັນ, ຊົນເຜົ່າ: ລາວ
- ປັດຈຸບັນຢູ່: ບ້ານ ໂຊກຄໍາ, ເມືອງ: ໄຊເສດຖາ, ແຂວງ: ນະຄອນຫລວງວຽງຈັນ
- ຊັ້ນຕຳແໜ່ງ ແລະ ໜ້າທີ່ຮັບຜິດຊອບ: (ເບື້ອງພັກ) ຄະນະປະຈໍາພັກກະຊງ, (ເບື້ອງລັດ) ຫົວໜ້າກົມຈັດຕັ້ງ
- ລະດັບການສຶກສາສາມັນ: ມ.6, ລະດັບວິຊາສະເພາະ: ປະລິນຍາເອກ
- ລະດັບທິດສະດີການເມືອງ: ຂັ້ນສູງ
- ວັນ, ເດືອນ, ປີ ເຂົ້າສັງກັດລັດ: 01.10.2003
- ວັນ, ເດືອນ, ປີ ເຂົ້າພັກສົມບູນ: 14.02.2013

#ການເຄື່ອນໄຫວໂດຍຫຍໍ້ໃນແຕ່ລະໄລຍະ:

- ປີ 1986 - ປີ 1997: ຮຽນຢູ່ໂຮງຮຽນປະຖົມນາໂບ, ມັດທະຍົມຕອນຕົ້ນສຶກສາສົງ, ມັດທະຍົມສົມບູນ
ເມືອງທ່າແຂກ, ແຂວງຄໍາມ່ວນ;
- ປີ 1997 - ປີ 2002: ສຶກສາລະດັບປະລິນຍາຕີ ຢູ່ມະຫາວິທະຍາໄລແຫ່ງຊາດ;
- ປີ 2006 - ປີ 2014: ສຶກສາລະດັບປະລິນຍາໂທ ແລະ ປະລິນຍາເອກ ຢູ່ ສປ ຈີນ;
- ປີ 2003 - ປີ 2006: ພະນັກງານວິຊາການຢູ່ຫ້ອງການຈັດຕັ້ງ ແລະ ພະນັກງານ ມຊ;
- ປີ 2014 - ປີ 2017: ຮອງຫົວໜ້າພະແນກຄຸ້ມຄອງລັດຖະກອນ, ຫ້ອກງານຈັດຕັ້ງ ແລະ ພະນັກງານ ມຊ;
- ປີ 2017 - ປີ 2020: ເລຂາລັດຖະມົນຕີກະຊວງສຶກສາທິການ ແລະ ກິລາ;
- ປີ 2020 - ປີ 2024: ຄະນະພັກກະຊວງ, ຮອງຫົວໜ້າກົມຈັດຕັ້ງ, ກະຊວງສຶກສາທິການ ແລະ ກິລາ;
- ປີ 2024 - ປັດຈຸບັນ: ຄະນະປະຈໍາພັກກະຊວງ, ຫົວໜ້າກົມຈັດຕັ້ງ, ກະຊວງສຶກສາທິການ ແລະ ກິລາ;

#ອົງການສະເໜີ: ກະຊວງສຶກສາທິການ ແລະ ກິລາ

ນອກຈາກນີ້ ໃຫ້ຜູ້ຮັບສະໝັກເລືອກຕັ້ງຕ້ອງປະກອບເອກະສານຕາມມາດຕາ 14 ຂອງກົດໝາຍເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ຫຼື ຄູ່ມືການເລືອກຕັ້ງ ສສຊ-ສສຂ.

ສຳລັບ ທ່ານ ປອ ຕຸດາວັນ ໜໍ່ເມືອງເສດ ກຳມະການປະຈຳພັກກະຊວງ, ຫົວໜ້າກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ ແມ່ນໜຶ່ງໃນຈຳນວນ 25 ຜູ້ຮັບສະໝັກເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ X ເຂດເລືອກຕັ້ງທີ 1 ນະຄອນຫຼວງວຽງຈັນ.

ຂໍມຄນຮູບພາບ: ຂ່ສວສຶກສາ ວູທະຍາສາດ ແລະ ກິລາ

Judoooo! 🥰🥋🥋❤️

ສະຫະພັນກິລາຈູຈີຊູແຫ່ງຊາດ ຍ້ອງຍໍຄະນະນຳ, ຄູຝຶກ ແລະ ນັກກິລາ ຊຸດສ້າງຜົນຄວ້າ 1 ຫຼຽນທອງ ຊີເກມ ທີ່ປະເທດໄທ
++++++++++++++++++++++++++

ສະຫະພັນກິລາຈູຈີຊູແຫ່ງຊາດລາວ ໄດ້ຈັດພິທີສະຫຼຸບຜົນງານຂອງທັບນັກກິລາຈູຈີຊູລາວ ໃນການເຂົ້າຮ່ວມງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບ ໃນວັນທີ 14 ມັງກອນ 2026 ທີ່ສູນກິລາບູໂດເຊັນເຕີ (ຂ້າງສະໜາມກິລາເຈົ້າອານຸວົງ) ໂດຍໃຫ້ກຽດເຂົ້າຮ່ວມຂອງ ທ່ານ ປອ ຕຸດາວັນ ໜໍ່ເມືອງເສດ ຫົວໜ້າກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ ທັງເປັນປະທານສະຫະພັນກິລາຈູຈີຊູແຫ່ງຊາດລາວ, ທ່ານ ສີຈັນ ຈິດຕະປັນຍາ ຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ແລະ ທ່ານ ແສງພອນ ພົນອາມາດ ຮອງປະທານ-ເລຂາທິການຄະນະກຳມະການໂອແລມປິກແຫ່ງຊາດລາວ ພ້ອມດ້ວຍບັນດາຄະນະບໍລິຫານງານສະຫະພັນ, ຄູຝຶກ, ນັກກິລາ, ຜູ້ໃຫ້ການສະໜັບສະໜູນ ແລະ ສື່ມວນຊົນເຂົ້າຮ່ວມ.

ໃນພິທີ, ທ່ານ ກັນຍາເພັດ ພັນດານຸວົງ ຮອງເລຂາທິການສະຫະພັນກິລາຈູຈີຊູແຫ່ງຊາດລາວ ກໍໄດ້ລາຍງານໃຫ້ຮູ້ວ່າ: ໃນການເຂົ້າຮ່ວມງານມະຫະກຳກິລາຊີເກມ ຄັ້ງທີ 33 ຄັ້ງນີ້ ທັບນັກກິລາຈູຈີຊູທີມຊາດລາວ ໄດ້ເຂົ້າຮ່ວມແຂ່ງຂັນທັງໝົດ 7 ຄົນ, ຍິງ 3 ຄົນ, ໃນນັ້ນ ສາມາດຍາດໄດ້ພຽງ 1 ຫຼຽນທອງ ມາຄອງຈາກປະເພດຟ້ອນຄູ່ຍິງ ລາຍການ Women Duo Show ຈາກ ນາງ ມາລາ ຈັນທະລັກສາ ແລະ ນາງ ກຸງກິ່ງ ບຸດດາໄຊ ສຳລັບສາດທີ່ເຮັດໃຫ້ພວກເຮົາບໍ່ປະສົບຜົນສຳເລັດ ກໍຍ້ອນສະຫະພັນກິລາຈູຈິດຊູແຫ່ງຊາດລາວ ໄດ້ສ້າງຕັ້ງຂຶ້ນໃໝ່ ມາຮອດປັດຈຸບັນແມ່ນ ເກືອບ 2 ປີ ແລ້ວ (ສ້າງເດືອນ 04 ປີ 2024). ສ່ວນແຜນການເຄື່ອນໄຫວແມ່ນໄດ້ເລີ່ມແຕ່ ປີ 2023 ເປັນຕົ້ນມາ, ໂດຍໄດ້ຮັບງົບປະມານຈາກທາງລັດຖະບານ ແລະ ຄະນະກໍາມະການໂອແລມປິກແຫ່ງຊາດລາວ ໃນການສົ່ງນັກກິລາໄປຝຶກຊ້ອມ ແລະ ແຂ່ງຂັນຢູ່ຕ່າງປະເທດ ຍັງມີຈຳກັດ, ການຫາແຫຼ່ງທຶນໃນການສະໜັບສະໜູນດ້ານຕ່າງໆ ກໍຍັງມີບໍ່ພຽງພໍ. ສະນັ້ນ ຈຶ່ງຂໍສະເໜີ ກະຊວງສຶກສາທິການ ແລະ ກິລາ ສະໜອງງົບປະມານໃນການຝຶກແອບ-ຝຶກຊ້ອມ ລວມເຖິງການເຂົ້າຮ່ວມແຂ່ງຂັນໃນລະດັບຕ່າງໆ ເພີ່ມຂຶ້ນ; ສະເໜີຂໍຄູຝຶກຈາກຕ່າງປະເທດ ຜູ້ທີ່ມີຄວາມຊ່ຽວຊານມາຝຶກແອບໃຫ້ນັກກິລາ ທັງໄລຍະສັ້ນ ແລະ ໄລຍະຍາວ ແລະ ສະເໜີການເຂົ້າຮ່ວມຝຶກອົບຮົມດ້ານຕ່າງໆ ເຊັ່ນ: ຄູຝຶກ, ກໍາມະການຕັດສິນ, ຮູບແບບການບໍລິຫານງານສະຫະພັນ ເພື່ອເປັນແນວທາງໃນການພັດທະນາກິລາຈູຈິດຊູລາວ ໃນອະນາຄົດ.

ເພື່ອເປັນການຍ້ອງຍໍຜົນງານທີ່ນັກກິລາສາມາດຍາດໄດ້ຫຼຽນທອງດັ່ງກ່າວ ທາງຄະນະບໍລິຫານງານສະຫະພັນກໍໄດ້ມອບເງິນໂບນັດ ຈຳນວນ 29 ລ້ານກີບ, ໃນນັ້ນ ຈຳນວນ 16 ລ້ານກີບ ແມ່ນມອບໃຫ້ນັກກິລາທີ່ສາມາດສ້າງຜົນງານໄດ້ 1 ຫຼຽນທອງ ສ່ວນ 8 ລ້ານກີບ ຊຸກຍູ້ໃຫ້ແກ່ຄະນະຄູຝຶກ ແລະ ອີກ 5 ລ້ານກີບ ແມ່ນມອບໃຫ້ນັກກິລາທີ່ບໍ່ສາມາດຍາດໄດ້ຫຼຽນໃນງານດັ່ງກ່າວອີກດ້ວຍ.

ໃນພິທີດັ່ງກ່າວ, ທ່ານ ຈິນຊ່ຽວຢິນ ປະທານບໍລິສັດ ເຄພີ ກໍ່ສ້າງ ຈຳກັດຜູ້ດຽວ ຍັງໄດ້ມອບເງິນ ຈຳນວນ 50 ລ້ານກີບ ໃຫ້ແກ່ສະຫະພັນກິລາຈູຈີຊູແຫ່ງຊາດລາວ ເພື່ອສືບຕໍ່ເຄື່ອນໄຫວພັດທະນານັກກິລາຈູຈີຊູລາວ ເຂົ້າຮ່ວມແຂ່ງຂັນງານຕ່າງໆ ທັງພາຍໃນ ແລະ ຕ່າງປະເທດ ຊຶ່ງຕາງໜ້າຮັບແມ່ນ ທ່ານ ປອ ຕຸດາວັນ ໜໍ່ເມືອງເສດ ຫົວໜ້າກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ ທັງເປັນປະທານສະຫະພັນກິລາຈູຈີຊູແຫ່ງຊາດລາວ.

ພາບ-ຂ່າວໂດຍ: ສົງການ ພັນແພງດີ
ຫນັງສືພິມສຶກສາ ວິທະຍາສາດ ແລະ ກິລາ