13/09/2026
ຂໍຂອບໃຈ ທາງເພຈ Lao Sports Media ຢ່າງສຸດຊຶ້ງທີ່ໄດ້ນຳສະເຫນີຂ່າວກິລາທີ່ດີໆ ແລະ ເຜີຍແຜ່ຂ່າວກິລາໃຫ້ແກ່ເຍົາວະຊົນຍຸກໃຫມ່ໃຫ້ຫັນມາໃສ່ໃຈການຫລີ້ນກິລາ ຮ່າງຈາກສິ່ງເສບຕິດຕ່າງໆ 🇱🇦🥇
--------------------
ສະໂມສອນເທຄວັນໂດ PMS Taekwondo Club PMS SPORT WEAR ເຄື່ອງກິລາ
9 ປີແຫ່ງການກໍ່ຕັ້ງສະໂມສອນ ເທຄວັນໂດ ພີເອັມເອັສ (PMS TAEKWONDO CLUB)
ຖ້າເວົ້າເຖິງວົງການກິລາເທຄວັນໂດໃນ ສປປ ລາວ ປັດຈຸບັນ, ຊື່ຂອງ ສະໂມສອນ ເທຄວັນໂດ ພີເອັມເອັສ (PMS TAEKWONDO CLUB) ແມ່ນໜຶ່ງໃນສະໂມສອນທີ່ກຳລັງມາແຮງ ແລະ ສ້າງຜົນງານໄດ້ຢ່າງໂດດເດັ່ນຈົນກ້າວຂຶ້ນມາຄອງເປັນເບີ 1 ຂອງວົງການກິລາເທຄວັນໂດລາວຢ່າງຍິ່ງໃຫຍ່ ໂດຍສະເພາະຜົນງານຫຼ້າສຸດ ກໍສາມາດຄອງຂັນຊະນະເລີດທ່ານເອກອັກຄະລັດຖະທູດ ສ,ເກົາຫຼີ ປະຈຳສປປ ລາວ 2 ສະໄໝຕິດຕໍ່ກັນ.
ແຕ່ກ່ອນຈະເຕີບໃຫຍ່ ແລະ ປະສົບຜົນສຳເລັດຈົນກາຍມາເປັນເບີ 1 ຂອງປະເທດໄດ້ນັ້ນ ບໍ່ແມ່ນເລື່ອງງ່າຍເລີຍ ທຸກຢ່າງຕ້ອງຜ່ານການບໍລິຫານຈັດການທີ່ມີມາດຕະຖານແບບມືອາຊີບ ພາຍໃນໄລຍະເວລາພຽງ 9 ປີເທົ່ານັ້ນ!
PMS TAEKWONDO CLUB ໄດ້ສ້າງຕັ້ງຂຶ້ນເມື່ອປີ 2017 ໂດຍມີຈຸດເລີ່ມຕົ້ນຈາກສະໂມສອນນ້ອງໃໝ່ທີ່ມີນັກກິລາພຽງແຕ່ 15 ຄົນເທົ່ານັ້ນ, ຕັ້ງຢູ່ທີ່ບ້ານພະໂພ (ໃກ້ກັບໄຟແດງທາດຂາວ) ເມືອງສີສັດຕະນາກ ນະຄອນຫຼວງວຽງຈັນ. ມາຮອດປັດຈຸບັນ, ດ້ວຍຄວາມມຸ່ງໝັ້ນ ແລະ ຄວາມເຊື່ອໝັ້ນຈາກຜູ້ປົກຄອງ ເຮັດໃຫ້ມີນັກກິລາເພີ່ມຂຶ້ນເຖິງ 65 ຄົນແລ້ວ!
ເປົ້າໝາຍຫຼັກຂອງສະໂມສອນ ບໍ່ພຽງແຕ່ຝຶກຝົນໃຫ້ນັກຮຽນ ແລະ ເຍົາວະຊົນຫັນມາອອກກຳລັງກາຍເພື່ອຫ່າງໄກຈາກສິ່ງເສບຕິດເທົ່ານັ້ນ; ແຕ່ຍັງສຸມໃສ່ພັດທະນານັກກິລາໃຫ້ກ້າວໄປສູ່ການແຂ່ງຂັນໃນລະດັບສາກົນ ເພື່ອເປັນກຳລັງສໍາຄັນ ແລະ ເປັນຕົວແທນໃຫ້ກັບທີມຊາດລາວໃນຮຸ່ນຕໍ່ໆໄປອີກດ້ວຍ.
ຜົນງານໃນຕະຫຼອດໄລຍະຜ່ານມາຂອງ PMS TAEKWONDO CLUB ກໍເປັນການກາຣັນຕີຄວາມ ຍິ່ງໃຫຍ່ ຈາກຜົນງານຂອງການແຂ່ງຂັນໃນລາຍການຕ່າງໆ ທັງພາຍໃນ ແລະ ຕ່າງປະເທດ ຢ່າງໜ້າ ປະທັບໃຈດັ່ງລຸ່ມນີ້
• ປີ 2023: ຄວ້າອັນດັບທີ 3 ໃນການແຂ່ງຂັນຊິງຂັນທ່ານເຈົ້າຄອງນະຄອນຫຼວງ, ຄວ້າອັນດັບທີ 2 ຈາກລາຍການ E-san League Thailand (ຈັງຫວັດຂອນແກ່ນ).
• ປີ 2024:
o ຄວ້າອັນດັບ 1 ຈາກລາຍການ UD Town Taekwondo Championship (ຈັງຫວັດອຸດອນທານີ, ປະເທດໄທ) ແລະ ລາຍການແຂ່ງຂັນທີ່ໜອງຄາຍ.
o ຄວ້າອັນດັບ 3 ຊິງຂັນທ່ານປະທານສະຫະພັນເທຄວັນໂດແຫ່ງຊາດ.
o ສ້າງຊື່ສຽງໃນເວທີສາກົນ ດ້ວຍການສົ່ງນັກກິລາ 2 ຄົນ ເຂົ້າຮ່ວມການແຂ່ງຂັນ Korea Open Seongnam International Taekwondo Championship 2024 ທີ່ແຂວງຊອງນຳ ປະເທດເກົາຫຼີໃຕ້ ໂດຍ ທ້າວ ລັດຕະນະພອນ ລັດຕະນະປະເສີດ ສາມາດຄວ້າ 1 ຫຼຽນຄຳ ມາຄອງໄດ້ສຳເລັດ ແລະ ນາງ ນະລິນດາ ເຂັມມະລາ ຄວ້າຫຼຽນທອງແດງມາໄດ້ຢ່າງສະຫງ່າຜ່າເຜີຍ!
• ປີ 2025:
o ຄວ້າອັນດັບ 1 ການແຂ່ງຂັນຊິງຂັນທ່ານເອກອັກຄະລັດຖະທູດ ຄັ້ງທີ 9 (ປີ 2025).
o ຄວ້າອັນດັບ 2 ລາຍການ UD Town Taekwondo Championship ຄັ້ງທີ 2 ແລະ ຊິງຂັນທ່ານເຈົ້າຄອງນະຄອນຫຼວງ ຄັ້ງທີ 7.
o ຄວ້າອັນດັບ 1 ຈາກລາຍການຊິງຂັນທ່ານປະທານສະຫະພັນເທຄວັນໂດ ແລະ ຊິງຂັນ PMS Taekwondo Championship 2025.
o ຄວ້າອັນດັບ 1 ການແຂ່ງຂັນຊິງຂັນທ່ານເອກອັກຄະລັດຖະທູດ ຄັ້ງທີ 10 ປີ 2026
ສະໜບສະໜູນການລາຍງານຂ່າວໂດຍ
&NFC
ີດຄຸນນະພາບ
ີ່ປຶກສາກົດໝາຍອາໄພສັກສິດ
FC
#ຮ້ານບັນເທີງBB999
