Lao National Ozone Unit

ກົມຄວບຄຸມ ແລະ ຕິດຕາມກວດກາມົນລະພິດ, ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ຈຸດປະສານງານແຫ່ງຊາດ ຂອງ ອະນຸສັນຍາມົງເຣອານ ມີຄວາມຍິນດີເຊີນທ່ານເຂົ້າຮ່ວມ “ການແຂງຂັນງານສິນລະປະຮູບພາບ” ປະກອບມີ 3 ປະເພດຄື: ການອອກແບບດ້ວຍກຣາຟຟິກ , ຮູບແຕ້ມ ແລະ ຮູບຖ່າຍ ພາຍໃຕ້ຫົວຂໍ້ ອານຸສັນຍາມົງເຣອານ-ຊ່ວຍໃຫ້ໂລກເຢັນ, ການເກັບຮັກສາສະພາບອາຫານ ແລະ ວັກຊີນ ພ້ອມຊື່ຮູບພາບ ແລະ ຄຳບັນຍາຍຮູບພາບ ລາຍລະອຽດເພິ່ມຕື່ມ ຕິດຕໍ່ສອບຖາມ ຕາມຂໍ້ມູນໃນໂພສເຕີ້ ຫຼື www.ozone2climate.org
ຫຼື ໝ່ວຍງານໂອໂຊນແຫ່ງຊາດ ໂທ 020 52997979

ລາງວັນຊະນະເລີດ: Tablet 1 ເຄື່ອງ (ມີ 6 ລາງວັນ)
ລາງວັນຊົມເຊີຍ: smartwatches 1 ໝ່ວຍ (ມີ 6 ລາງວັນ)

Would Ozone day 16 September

World Ozone Day 16 September

ເພື່ອເປັນການສະເຫລີມສະຫລອງວັນໂອໂຊນໂລກ #16ກັນຍາ ກຄມ,ກຊສ ຂໍເປັນສ່ວນໜຶ່ງໃນການຫລຸດຜ່ອນສິ່ງເສດເຫລືອປລາສຕິກ ຫລຸດຜ່ອນສິ່ງເສດເຫລືອຂອງໂລກ ໂດຍການຫັນມາໃຊ້ ຈອກທີ່ສາມາດນຳກັບມາໃຊ້ຄືນໃຫມ່ໄດ້ ຫັ້ນໃຊ້ສິ່ງເສດເຫຼືອໃຫ້ເກີດປະໂຫຍດສູງສຸດ ຂໍຂອບໃຈມາຍັງທະນາຄານຂີ້ເຫຍື້ອ ມຊ ທີ່ຊ່ວຍໃນການອອກແບບຖົງງາມໆ

ສຳເລັດການຝຶກອົບຮົມໃຫ້ແກ່ເຈົ້າຫນ້າທີ່ພາສີ ພາກກາງ ແລະ ພາກໃຕ້ ໃນການຈັດຕັ້ງປະຕິບັດ ການຄຸ້ມຄອງການຳເຂົ້າ-ສົ່ງອອກ ສານເຮັດຄວາມເຢັນພາຍໃຕ້ອະນຸສັນຍາມົງເຣອານ ໃນວັນທີ 28 ມັງກອນ 2021 ທີ່ແຂວງສະຫວັນນະເຂດ ໂດຍການເປັນປະທານ ຂອງ ທ່ານໂລນຄຳ ອາດສະນະວົງ ຫົວໜ້າກົມ ຄວບຄຸມ ແລະ ຕິດຕາມກວດກາມົນລະພິ,ກຊສ, ໂດຍມີຜູ້ເຂົ້າຮ່ວມທັງຫມົດ 35 ທ່ານ

ໃນຕອນເຊົ້າວັນທີ 14 ທັນວາ 2020, ຫນ່ວຍງານໂອໂຊນແຫ່ງຊາດ ໄດ້ເຂົ້າພົບ ກົມພາສີ ເພື່ອປຶກສາຫາລື ການຮ່ວມມືຈັດຕັ້ງປະຕິບັດກິດຈະກຳພາຍໃຕ້ ອະນຸສັນຍາມົງເຣອານ ເນື້ອໃນຕົ້ນຕໍປະກອບມີ:

- ການປັບປຸງສາລະບານສິນຄ້າ
- ການສ້າງບົດບັນທຶກຄວາມເຂົ້າໃຈ
- ການກຳນົດມື້ຝຶກອົບຮົມເຈົ້າຫນ້າທີ່ພາສີສຳລັບປີ 2021.

ເພື່ອສາມາດປະຕິບັດຕາມພັນທະ ກິກາລີ ສະບັບດັດແກ້, ເອກະສານດັດແກ້ ພາຍໃຕ້ອະນຸສັນຍາມົງເຣອານ, ສປປ ລາວ ຈະຕ້ອງໄດ້ມີລະບົບຄຸ້ມຄອງສານເຄມີ HFC ໂດຍຜ່ານລະບົບໂຄຕ້າ ແລະ ລະບົບອອກໃບຢັ້ງຢືນການນຳເຂົ້າ-ສົ່ງອອກ ພາຍໃນ ວັນທິ 1 ມັງກອນ 2021.

ປັດຈຸບັນ ກຄມ ຍັງຢູ່ໃນຂັ້ນຕອນການປຶກສາຫາລືກັບຂະແຫນງທີ່ກ່ຽວຂ້ອງ ເພື່ອກຳນົດຄວາມຮັບຜິດຊອບ ພ້ອມທັງປັບປຸງ ລະຫັດພາສີ ເພື່ອສາມາດຄວບຄຸມສານ HFC ແຕ່ລະຊະນິດໄດ້ຢ່າງມີປະສິດທິພາບ.

ໜ່ວຍງານໂອໂຊນແຫ່ງຊາດ ພວມກະກຽມປັບປຸງ ໂປສເຕີ ວິທີການກວດສອບເບື້ອງຕົ້ນ ສຳລັບສານເຄມີທີ່ທຳລາຍຊັ້ນໂອໂຊນ ເພື່ອອຳນວຍຄວາມສະດວກໃຫ້ແກ່ເຈົ້າຫນ້າທີ່ພາສີ ໃນການກວດສອບສານເຄມີທີ່ທຳລາຍຊັ້ນໂອໂຊນ. ເນື້ອໃນການປັບປຸງສະບັບໃຫມ່ຈະລວມເອົາ
1. ລະຫັດພາສີໃຫມ່ ເພື່ອລະບຸແຕ່ລະປະເພດສານເຄມີ (ໃນຂັ້ນຕອນເຈລະຈາ)
2. ປັບປຸງເນື້ອໃນວິທີການກວດສອບການລັກລອບນຳເຂົ້າ
3. ລະບຸສານເຄມີທີ່ຖືກຄວບຄຸມພາຍໃຕ້ອະນຸສັນຍາ ທີ່ມັກພົບເຫັນ ອີງຕາມການສຳຫລວດຄັ້ງລ້າສຸດ ປິ 2020.

ຕິດຕາມເພຈ ຂອງພວກເຮົາ ສຳລັບຂໍ້ມູນອັບເດດ ແລະ ນິຕິກຳທີ່ຈະບັງຄັບໃຊ້ໃນໄວໆນີ້.

ໃນວັນທີ 4 ມັງກອນ 2019 ຄະນະຮັບຜິດຊອບການລົງກວດກາສານເຮັດຄວາມເຢັນ ທີ່ນໍາເຂົ້າແບບຊະຊາຍ, ໃນນັ້ນ ລວມມີ ກົມຄວບຄວບຄຸມມົນລະພິດ ສົມທົບກັບຂະແໜງການທີ່ກ່ຽວຂ້ອງຄື: ກົມການຄ້າພາຍໃນ, ກະຊວງ ອຸດສະຫະກໍາ ແລະ ການຄ້າ; ກົມຕໍາຫຼວດສິ່ງແວດລ້ອມ, ກະຊວງ ປ້ອງກັນຄວາມສະຫງົບ; ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ນະຄອນຫຼວງ; ນາຍບ້ານ ບ້ານໜອງດ້ວງ ແລະ ບ້ານຂົວຫຼວງ, ປກສ ແລະ ກອງຫຼອນບ້ານໜອງດ້ວງ ແລະ ບ້ານຂົວຫຼວງ, ເມືອງ ຈັນທະບູລີ ໄດ້ກວດກາ ແລະ ຢືດ ສານເຮັດຄວາມເຢັນປອມປົນ ແລະນໍາເຂົ້າແບບຊະຊາຍ ທີ່ວາງຂາຍຕາມເຂດຕະຫຼາດໜອງດ້ວງ ແລະ ບ້ານຂົວຫຼວງ ຈໍານວນ 709.36 Kg ລວມເປັນມູນຄ່າສະເລ່ຍຫຼາຍກວ່າ 42,000,000 ກີບ. ສານເຮັດຄວາມເຢັນປອມປົນທີ່ກວດກາ ແລະ ຢຶດມານັ້ນ ແມ່ນຈະນໍາໄປຈັດການຢ່າງຖືກວິທີຕໍ່ໄປ.

ການຝຶກອົມຮົມໃຫ້ແກ່ບັນດານາຍຊ່າງສ້ອມແປງແອເຢັນ ກ່ຽວກັບການນຳໃຊ້ສານເນັດຄວາມເຢັນ R-32 ເພື່ອຫລຸດຜ່ອນພາວະໂລກຮ້ອນຢ່າງຖືກວິທີ ໃນວັນທີ່ 2-3 ສິງຫາ 2018 ທີ່ວິທະຍາໄລເຕັກນິກລາວ-ເຢຍລະມັນ