https://www.facebook.com/178655055339156/

Sports Media, 233B Meera Nagar Road Nintavur/11, Ampara (2026)

06/10/2026

#இலங்கையின் முன்னணி ஈட்டி எறிதல் வீரரான ருமேஷ் தரங்க, ஆண்டின் சிறந்த மெய்வல்லுநர் வீரர் விருதுக்கான பரிந்துரைப் பட்டியலில் இடம்பெற்றுள்ளார்.

06/10/2026

பூப்பந்தாட்ட போட்டியில் கிழக்கு மாகாண சம்பியனானது நிந்தவூர் பிரதேச செயலக அணி.

(முஹம்மட் சிஜாம்)

கிழக்கு மாகாண விளையாட்டுப் போட்டிகளின் ஒரு பகுதியாக இன்று (06) நடைபெற்ற பூப்பந்தாட்டப் போட்டியில், அம்பாறை மாவட்டத்தை பிரதிநிதித்துவப்படுத்திய நிந்தவூர் பிரதேச செயலக அணி சிறப்பான ஆட்டத்தை வெளிப்படுத்தி கிழக்கு மாகாண சம்பியன் பட்டத்தை வென்றுள்ளது.

குழுநிலைப் போட்டியில் முதலிடத்தையும் இரட்டையர் ஆட்டத்தில் முதலிடத்தையும் பெற்று கிழக்கு மாகாண பூப்பந்தாட்ட சாம்பியனாக தெரிவு செய்யப்பட்டுள்ளனர்.

நிந்தவூருக்கு பெருமை சேர்த்த நிந்தவூர் பிரதேச செயலக அணிக்கு ஸ்போர்ட்ஸ் மீடியா சார்பாக வாழ்த்துக்களைத் தெரிவித்துக் கொள்கின்றோம்.

06/10/2026

இந்திய மகளிர் கிரிக்கெட்
அணியின் தலைமை பதவியிலிருந்து
ஹர்மன்பிரீத் கெளர் விலகல்!

- அனைத்து வகை கிரிக்கெட் தலைமை பொறுப்பிலிருந்தும் உடனடியாக விலகுவதாக அறிவிப்பு

இந்திய மகளிர் கிரிக்கெட் அணியின் தலைவி ஹர்மன்பிரீத் கெளர், உடனடியாக அமுலுக்கு வரும் வகையில், Test, ODI, T20I ஆகிய அனைத்து வடிவக் கிரிக்கெட் போட்டிகளுக்குமான தலைமை பதவியிலிருந்தும் விலகுவதாக அறிவித்துள்ளார்.

இந்திய மகளிர் கிரிக்கெட் அணியை நீண்டகாலமாக வழிநடத்தி பல முக்கிய வெற்றிகளுக்கு இட்டுச் சென்ற அவர், தனது தலைமை பதவியை உடனடியாகத் துறப்பதாக அறிவித்துள்ளார்.

இதனையடுத்து இந்திய மகளிர் அணியின் அடுத்த தலைவர் யார் என்பது குறித்த எதிர்பார்ப்பு விளையாட்டு உலகில் அதிகரித்துள்ளமை குறிப்பிடத்தக்கது.

06/10/2026

தேசியமட்ட பெண்கள் உதைபந்தாட்டம் - மீண்டும் மகாஜனக் கல்லூரி சாம்பியன்!

இலங்கைப் பாடசாலை 17 வயது பெண்கள் உதைபந்தாட்ட அணிகளுக்கிடையே கல்வி அமைச்சால் தேசியமட்டத்தில் நடாத்தப்பட்ட போட்டியில் யா/மகாஜனக் கல்லூரி அணி தொடர்ந்து ஐந்தாவது தடவையாக பெற்றிபெற்று வரலாற்றில் தடம்பதித்துள்ளது.

17 வயதுப் பெண்கள் அணிகளுக்கிடையில் கல்வி அமைச்சால் 2022 ஆம் ஆண்டு உதைபந்தாட்டப் போட்டி அறிமுகப்படுத்தப்பட்ட காலம் தொடக்கம் மகாஜனக் கல்லூரி சாம்பியன்களாக வலம் வருவது பொன்னெழுத்துக்களால் வரலாற்றில் பதிவாகின்றது.

இது மகாஜனாவிற்கு கிடைக்கும் பெரும் சாதனையும் கௌரவமும் ஆகும்.
இந்த வருடம் நேற்று யாழ் மத்திய கல்லூரியில் இடம்பெற்ற தேசமட்ட இறுதிப்போட்டியில் யூனியன் கல்லூரியை சந்தித்த மகாஜனா 1:0 என்ற கோல்கணக்கில் வெற்றிபெற்று சாம்பியனாகியது.

06/10/2026

35 ஆண்டுகள் அர்ப்பணிப்பு! விளையாட்டுத்துறையில் தனது சேவையை நிறைவு செய்தார் (SO) எஸ். எல். சபூர்தீன்

பிரதேச செயலக விளையாட்டு அதிகாரியாக 35 வருடங்கள் அர்ப்பணிப்புடன் சேவையாற்றிய (SO) எஸ். எல். சபூர்தீன் அவர்கள், தனது நீண்டகால தொழில் பயணத்தை நிறைவு செய்துள்ளார்.

35 வருட கால சேவையின் போது மாவட்ட, மாகாண மற்றும் தேசிய மட்டங்களுக்கு தெரிவாகிய பல திறமையான விளையாட்டு வீரர், வீராங்கனைகளை உருவாக்குவதில் முக்கிய பங்காற்றியுள்ளார். அத்துடன், விளையாட்டுத்துறையின் வளர்ச்சிக்கும் தனது சிறப்பான பங்களிப்பை வழங்கியுள்ளார்.

தனது சேவைப் பயணத்தில் தன்னுடன் இணைந்து பயணித்த விளையாட்டு வீரர்கள், பயிற்றுவிப்பாளர்கள், அதிகாரிகள் மற்றும் நண்பர்கள் அனைவருக்கும் தனது மனமார்ந்த நன்றியையும் தெரிவித்துள்ளார்.

எஸ். எல். சபூர்தீன் அவர்களின் சிறப்பான சேவைப் பயண நிறைவுக்கு Sports Media சார்பாக மனமார்ந்த வாழ்த்துக்கள்!

05/10/2026

சர்வதேச சிநேகபூர்வ கால்பந்தாட்ட போட்டியில் மொரீஷியஸ் அணியை 3–2 என்ற கோல் கணக்கில் வீழ்த்தி இலங்கை அணி சிறப்பான வெற்றியைப் பதிவு செய்துள்ளது.

இலங்கை அணிக்காக ராகுல், நிரோஷன் மற்றும் சாம் ஆகியோர் தலா ஒரு கோலைப் பதிவு செய்தனர். கடுமையான போட்டியில் சிறப்பாக விளையாடிய இலங்கை அணி, இறுதியில் 3–2 என்ற கணக்கில் வெற்றியை உறுதி செய்தது.

05/10/2026

10 வீரர்களுடன் விளையாடி இரண்டாமிடம் பிடித்த கொட்டகலை தமிழ் மகா வித்தியாலயம்!

அகில இலங்கை பாடசாலைகள் மட்ட கால்பந்தாட்டத் தொடரில், 10 வீரர்களுடன் களமிறங்கி விளையாடிய கொட்டகலை தமிழ் மகா வித்தியாலய அணி சிறப்பான ஆட்டத்தை வெளிப்படுத்தி இரண்டாமிடத்தைப் பெற்றுக்கொண்டது.

குறைந்த வீரர்களுடன் சவாலான சூழ்நிலையில் போட்டியிட்டு இறுதிவரை போராடிய மாணவர்களின் அர்ப்பணிப்பு பாராட்டுக்குரியது.

05/10/2026

கிழக்கு மாகாண மட்ட இறுதிப் போட்டியில் அப்துல் ஹுதா சிபான் அசத்தல்.

50ஆவது தேசிய விளையாட்டு விழா 2026
இன்று திருகோணமலையில் நடைபெற்ற கிழக்கு மாகாண மட்ட மென்பந்து கிரிக்கெட் இறுதிப்போட்டியில், அம்பாறை மாவட்ட அணியில் களம் கண்ட அப்துல் ஹுதா சிபான் தனது நிதானமான துடுப்பாட்டத்தின் மூலம் அணியின் வெற்றிக்கு முக்கிய பங்களிப்பை வழங்கினார்.

சிறப்பான Timing மற்றும் Placement உடன் நேர்த்தியான Shot-களை விளையாடிய அவர், தனது திறமையான துடுப்பாட்டத்தின் மூலம் அனைவரின் கவனத்தை ஈர்த்தார்.

05/10/2026

தேசிய மட்டத்தில் தங்கம் வென்று சாதனை – மட்/வின்சன்ட் மகளிர் உயர்தரப் பாடசாலையின் 44 வருட காத்திருப்பு நிறைவேறியது!

கல்வி அமைச்சினால் பாடசாலைகளுக்கிடையில் நடத்தப்பட்ட 2026ஆம் ஆண்டுக்கான தேசிய மட்ட உடற்பயிற்சிப் போட்டி திகனவில் இவ்வாரம் நடைபெற்றது.

இதில் மட்டக்களப்பு மாவட்டத்தின் 200 வருடப் பாரம்பரியமிக்க மட்/வின்சன்ட் உயர்தர மகளிர் பாடசாலையின் உடற்பயிற்சிக் குழு 13 அணிகளுடன் போட்டியிட்டு முதலாம் இடத்தைப் பெற்று தங்கப் பதக்கத்தை வென்றுள்ளது.

நீண்ட 44 வருடங்களாக எதிர்பார்க்கப்பட்ட தேசிய மட்ட தங்கப் பதக்கக் கனவை நனவாக்கிய வின்சன்ட் மாணவிகள், பாடசாலைக்கும் மட்டக்களப்பு மாவட்டத்திற்கும் பெருமை சேர்த்துள்ளனர்.

கடந்த 2024ஆம் ஆண்டு தேசிய மட்டப் போட்டியில் வெண்கலப் பதக்கம் வென்றிருந்த நிலையில், இம்முறை தங்கப் பதக்கத்தை வென்று தங்களது சாதனையை மேலும் உயர்த்தியுள்ளனர்.
இந்த வெற்றிக்கு வழிகாட்டிய உடற்கல்வி ஆசிரியர்களான திருமதி சுவீற்றா பிரியாழினி, எபநேசர் தர்ஷன், செல்வி எமா குளோரியா ஞானப்பிரகாசம் மற்றும் திரு. கிருபைராசா புருஷோத்மன் உள்ளிட்ட ஆசிரியர்களுக்கும், அர்ப்பணிப்புடன் பயிற்சி பெற்ற மாணவிகளுக்கும் பாராட்டுகளும் வாழ்த்துகளும்!

05/10/2026

அகில இலங்கை பாடசாலைகளுக்கிடையிலான உதைபந்தாட்ட சுற்றுப்போட்டிகள் யாழ்ப்பாணம் மாவட்டத்தில் கடந்த நான்கு தினங்களாக நடைபெற்றன.

இதன் 20 வயதுக்குட்பட்ட பிரிவு இறுதிப்போட்டியில், இன்று (05.10.2026) கொழும்பு ஸாஹிரா கல்லூரியை எதிர்த்து கொட்டகலை மகா வித்தியாலய அணி களமிறங்கியது. விறுவிறுப்பாக நடைபெற்ற இறுதிப்போட்டியின் முடிவில் கொழும்பு ஸாஹிரா கல்லூரி அணி வெற்றி பெற்று சம்பியன் பட்டத்தை தனதாக்கிக் கொண்டது.

எனினும், கொட்டகலை மகா வித்தியாலய அணியின் போராட்டம் பாராட்டுக்குரியது. குறிப்பாக, இறுதிப்போட்டியில் 10 வீரர்களுடன் களமிறங்கி, போதிய அடிப்படை வசதிகள் எதுவுமின்றி, “வெற்றி பெறுவோம்” என்ற மனஉறுதியுடன் போராடிய இந்த மாணவர்களின் முயற்சி உதைபந்தாட்ட ரசிகர்கள் மத்தியில் பாராட்டைப் பெற்றுள்ளது.

வசதிகள் இல்லாவிட்டாலும் திறமையும், அர்ப்பணிப்பும், மனஉறுதியும் இருந்தால் சாதனைகள் தூரத்தில் இல்லை என்பதை இந்த மாணவர்கள் நிரூபித்துள்ளனர்.

இந்த மாணவர்களை வழிநடத்திய ஆசிரியர்களுக்கும், பயிற்றுவிப்பாளர்களுக்கும் Sports Media சார்பாக மனமார்ந்த பாராட்டுக்கள்!

Congratulations Team Kotagala! 🏆👏

Sports Media

06/10/2026

06/10/2026

06/10/2026

06/10/2026

06/10/2026

05/10/2026

05/10/2026

05/10/2026

05/10/2026

05/10/2026

Address

Website

Alerts

Shortcuts

Share

Category

Listing takedown request