Kottawa Ananda Maha Vidyalaya Football Team

🙏 ස්තූතියි 88 O/L & 91 A/L ආදී ශිෂ්‍ය කණ්ඩායමට! 🙏

කොට්ටාව ආනන්ද මහා විද්‍යාලයේ 88 O/L & 91 A/L ආදී ශිෂ්‍ය කණ්ඩායම විසින් පාසලේ පාපන්දු කණ්ඩායම් සදහා අඩුපාඩු වී තිබූ ක්‍රීඩා උපකරණ විශාල ප්‍රමාණය සහ ඉදිරියේ පැවැත්වෙන තරගාවලි සහ ඉදිරි පාපන්දු ක්‍රීඩාව ආශ්‍රිත ක්‍රියාකාරකම් කළමනාකරණය උදෙසා රු. 250,000/= පාපන්දු ක්‍රීඩාව වෙනුවෙන් පිරිනමන ලදී.

28/03/2026 දින හෝමාගම The Grand Amalya උත්සව ශාලාවේදී පැවති ආදී ශිෂ්‍ය සුහද හමුවේදී මෙම පරිත්‍යාග සිදු කෙරුණි. මේ අවස්ථාව සදහා අප පාසලේ සහකාර විදුහල්පති ගමගේ ගුරු පියාණන් , බාලක පාපන්දු ක්‍රිඩාව භාර මහේෂ් චතුරංග ගුරු පියාණන් ,බාලිකා පාපන්දු ක්‍රිඩාව භාර ශිරාණි සමරතුංග ගුරු මෑණියන් සහ ක්‍රිඩා අංශය නියෝජනය කරමින් ශමිත් මදුසංක ගුරු පියාණන් ඇතුළු ගුරු මව් පියවරු රැසක් පාසල නියෝජනය කරමින් මේ අවස්ථාව සදහා සහභාගී විය.

ආදී සිසුන්ගේ මේ ආදරය සහ කැපවීම නිසා අපේ ක්‍රීඩක ක්‍රීඩිකාවන්ට ජයග්‍රහණ කරා යාමට මහත් ශක්තියක් ලැබෙනවා.
ඔබ සැමට හදවතින්ම ස්තූතියි! ❤️🖤

මහරගම අධ්‍යාපන කොට්ඨාස පාපන්දු තරග - 2026

✅17 න් පහළ බාලිකා ශූරතාවය 🥇
✅20 න් පහළ බාලිකා දෙවන ස්ථානය 🥈
✅16 න් පහළ බාලක තෙවන ස්ථානය 🥉

මෙම ජයග්‍රහණ වෙනුවෙන් ක්‍රීඩා කල සියලුම ක්‍රිඩක ක්‍රිඩිකාවන් හට සුබ පැතුම් එක් කරන අතර ක්‍රීඩා කටයුතු මෙන්ම අධ්‍යාපන කටයුතු සාර්ථකව ඉදිරියට කරගෙන යාමට ශක්තිය ලැබේවා..!

Championship🏆🥇🥉

අම්බලන්ගොඩ පුහුණුකරුවන්ගේ සංගමය විසින් සංවිධානය කරන ලැබූ ආරාධිත පාසල් වයස අවුරුදු 14 න් පහළ සහ 16න් පහළ නිදහස් කුසලාන පාපන්දු තරගාවලියේදී අප පාසලේ වයස අවුරුදු 14න් පහළ බාලක කණ්ඩායම ශුරතාවය ලබා ගැනීමටත් 16න් පහළ කණ්ඩායම තුන්වන ස්ථානය ලබා ගැනීමටත් හැකි විය. මෙහිදී 14න් පහළ වයස් කාණ්ඩයේ දක්ශතම ක්‍රීඩකයා ලෙස අප කණ්ඩායම් නායක සුදාර ලක්ෂිත කුසලාන දිනා ගන්නා ලදී. පාසල වෙනුවෙන් ජයග්‍රහණ ලබාගත් සියලුම ක්‍රිඩකයින්ට සුභ පැතුම්....🏆❤️💛💙

🚨නිවාසාන්තර ක්‍රීඩා උළෙලේ පාපන්දු තරග - 2026🚨

⚽16 න් පහළ බාලක ශූරතාවය තිසර නිවාසය 🏆️

⚽විවෘත බාලිකා ශූරතාවය තිසර නිවාසය 🏆️

⚽20න් පහළ බාලක ශූරතාවය මයුර නිවාසය🏆️

සියලුම ක්‍රිඩක ක්‍රිඩිකාවන්ට සුභ පැතුම් ☄️

14න් පහළ පාපන්දු සැණකෙළිය - 2025

කොළඹ දිස්ත්‍රිකයේ පාසල් පාපන්දු කණ්ඩායම් 70 පමණ සහභාගීත්වය පැවති වයස අවුරුදු 14න් පහළ තරගාවලියේ දී පළමු වටයේ තරග ජයග්‍රහණය කර දෙවන වටයේ දී පූර්ව අර්ධ අවසන් පූර්ව වටයෙන් ඉවත් වීමට සිදු විය. මේ ජයග්‍රහණ ලබාගත් සියලුම ක්‍රිඩකයින්ට සුභ පැතුම් එක්කර සිටිමු.

සමස්ත ලංකා පාසල් පාපන්දු තරගාවලිය - 2025

මහරගම කොට්ටාස ශූරතාව,ශ්‍රී ජයවර්ධනපුර කලාප ශුරතාව,බස්නාහිර පළාත් අනුශූරතාව ලබාගනිමින් 2026/01/28,29,30,31 දිනවල අනුරාධපුරයේ ශාන්ත ජෝසප් විද්‍යාලයේ ක්‍රිඩා පිටියේ පැවැති 17න් පහළ බාලිකා සමස්ත ලංකා තරගාවලියේ දී අප විදුහලේ 17න් පහළ ක්‍රිඩිකාවන් අර්ධ අවසන් පුර්ව වටයේ තරගය නියමිත කාලය අවසානයේ දී සමව අවසන් විය. ජයග්‍රහකයා තේරීමට දඩුවම් පහර ලබා ගන්නා ලදි. එහිදී දඩුවම් පහර 4-3 ලෙස ඉතා අවාසනාවන්ත ලෙස පරාජයට පත්විය.

පාසල වෙනුවෙන් ලබා ගත් මෙම ජයග්‍රහණ පිටුපස සිටින සියලුම ක්‍රිඩිකාවන්ට විශේෂ ගෞරවය පුද කරන අතර ඔවුන්ගේ ඉදිරි අධ්‍යාපන කටයුතු හා ක්‍රීඩා කටයුතු වලට සුභ පැතුම් එක් කර සිටිමු.

ශ්‍රී ලංකා පාසල් පාපන්දු සංගමය මගින් සංවිධානය කරනු ලබූ වයස අවුරුදු 16න් පහළ බාලිකා සමස්ත ලංකා තරගාවලිය 2026/01/25,26 දින වලදී අනුරාධපුරයේ දී පැවැත්වුණි. තරගාවලියේ දී තරග දෙකක් පරාජයට පත් වී එක් තරගයක් ජය පරාජයෙන් තොරව අවසන්වීම හේතුවෙන් ලීග් වටයෙන් ඉවත් වීමට සිදු විය.

1.මහජන විදුහල යාපනය 05 - 02

2.කිරිදිවැල මධ්‍ය විද්‍යාලය 02 - 01

3.ඇල්පිටිය ආනන්ද විද්‍යාලය 00 - 00

කොළඹ දිස්ත්‍රික් 16න් පහළ බාලිකා ශූරතාවය දිනාගනිමින් සමස්ත ලංකා තරගාවලියේදී ආනන්දය වෙනුවෙන් ක්‍රිඩා කල සියලු ක්‍රීඩිකාවන්ට සුභ පැතුම් එක් කර සිටිමු.

සමපෝෂ 14න් පහළ බාලක, බාලිකා කොළඹ දිස්ත්‍රික් තරගාවලිය - 2025