Ahmed alwarfalli - أحمد الورفلي

توجع ياعزيزي الطحطوح أليس كذالك 🥵

بالنسبة ليا انتهى الاحتفال وحان الوقت للحديث عن الميركاتو ونواقص الفريق وإبداء الأراء في هذا الملف الذي نتطلع بأن يكون الشغل عالمي ونظيف ودقيق

(شكشك- بلاتي توريه- كامارا ) يعقوبو - مانزي ؟؟

نواقص الفريق :

1: مدافع يساري محترف سوبر 💰

2: جناح ايمن محترف سوبر 💰

3: جناح ايسر محترف سوبر 💰

4: تسعة محترف سوبر 💰

بالنسبة للثلاثي شكشك وبلاتي وكامارا هذم بقائهم مؤكد مليون في المية والتلاتة سوبر السوبر ومستحيل وغلط انك تفرط فيهم

اسحاق يعقوبو سوبر ومليح وحتى هوا كاسح، لكن الهوني اصاباته هلبا وصعب تعتمد عليه موسم كامل، ولو غاب شفنا ان مفيش حد يقدر يعوض 50% من مستواه، برجل واحدة حمدو افضل من اي جناح ايسر مع احترامي، لهذا تقدر تجيب ظهير محلي ينافس المنير وتستفيد من بطاقة اسحاق في محترف مركزه الجناح الايسر يعاون الهوني بدل مايعاون المنير 🖐️

مانزي زي ماذكرت في المنشور السابق تقدر تجيب بداله مدافع يساري قوي وسوبر بداله لأن اصاباته كترو وغياباته بدو اكثر من حضوره، والموسم الجاي حتلعب علي 3 جبهات من المجازفة تعتمد عليه بأمانة

جناح ايمن وتسعة هذم اهم زوز مراكز وميقبلوش الغلطة فيهم، لازم يكونو سوبر ولازم يكونو اساسيين ولو المحلي خذي عليهم الاساسية زي ماصار الموسم هذا اعرف ان الصفقات فيهم تبزنيس ونتايش تجري عليهم وخلاص

في الصفقات المحلية زي ماذكرت فوق جيب ظهير ايسر يبدل مع المنير، وجيب وسط يعاون كامارا وبلاتي وبشير وبلقاسم رجب، بالنسبة لصانع الألعاب عندك بالزايد، اللافي والعرفي وغيضان امورك طيبة فيهم

الجناح الايمن عندك بالزايد حتى هوا، وبرآيي تقدر تستغني حتى علي البعض في المركز هذا لأن صاير فيه تكديس: بشارة - التاجوري - عمران سالم ورقم 27 في الاواسط نسيت اسمه طلعه اعارة باش ياخد دقايق اكتر ويصقل موهبتة لأن عنده مايقدم، وايضا الهرام تقدر تلعبه كجناح ايمن لان الظهير شكشك والاجنف يسدو غادي

في الجناح الايسر نتطلع لمنح فرصة لأنيس مكراز، الي مخداش فرصته الموسم هذا، لكن الموسم الجاي تستحقه بالذت انك تلعب علي 3 جبهات

بالنسبة للمهاجم، جيب مهاجم سوبر، ولو امكن مهاجم محلي حتى هوا يعاونه، المريمي لقي روحه في مكان صعب وفشل فشل ذريع في السداسي والكاس لأن اصلا هوا مفروض مش اساسي هوا دكة لمحترف اساسي عليه لكن خش مكانة صعبة عليه هلبا، كخيار للدكة نشوف فيه مقبول عادي لان مفيش في السوق المحلي تسعة خارق اصلا

بالنسبة للدفاع عندك خط دفاع منظم جيبله محترف بس مع الصويعي، والدكة عندك التربي والحوتي، الورفلي تقريبا هذاكا هوا استغني عليه وجيب بداله مدافع محلي يكون جاهز للعب مش كل مرة نقولو كان ينقص وزنه وكان يرجع الفورما، هذا الاهلي مش الترسانة ياتنضبط وتكون جاهز لما يبيك الفريق يا طريقك مفتوحة ربي يسهلك

هذا كان رايي في الميركاتو ولكل رايه ونحترمه

الحمد لله حققنا الكاس وعوضنا ولو قليلاً الإخفاق في الدوري، الكاس هذي أهميتها تكمن في ضمان المشاركة في الكونفدرالية ✅

قدامك شهرين واكثر للتجهيز للمشاركة الأفريقية

من اليوم لشهر القدام راحة، ومن بداية شهر 7 يبدا التحضير، يعني الصفقات الافضل انك تكون تامها مع بداية 7 باش تجهز الفريق ويبدا يلعب وديات ويجيب رتم المباريات قبل الافريقية

الحمد لله الموسم وتم بكري، وعندك الوقت باش تخدم بشكل نظيف وشكل يليق بتطلعات الجمهور الي متعطش للمشاركة الأفريقية

ملف المحترفين أهم ملف ومنبوش النتايش والبزناسة فيه لأن المرة هذي مش حنسكتو وتقولونا مش وقته ومن هذا الكلام، مصلحة الأهلي أولا وأخيراً

بالنسبة للمحترفين برآيي :

(شكشك - بلاتي توريه - كامارا - يعقوبو)
هذم يستحقو البقاء والاعتماد عليهم للموسم القادم

مانزي في حالة لقيت مدافع يساري حتكون نقلة افضل لان مانزي اصاباته كترو وغياباته اكثر من حضوره

(ستانلي - بوكويا - صباغ)

ستانلي بدايته كانت ممتازة وبعدين طاحت بيه، بوكويا مخداش فرصته كويس لكن مش حتقدر تعتمد عليه لأن المحترف متبيش لاعب تصبر عليه تبي لاعب يعطيك طول، وبابلو شادها رقيص وغني ودماغه برا الملعب عقليته مش حتنجح معانا نهائياً

انت هكي استخدمت 5 بطاقات للمحترفين ومزالك زوز، بطاقة تكون للجناح وبطاقة تكون للتسعة، وهذم اهم زوز مراكز، نبو جناح سوبر وتسعة سوبر يقدمو الاضافة للفريق مش صفقات نص كم يقعدو دكة لعزو المريمي

رايكم بالخصوص ؟