SC - الاتحاد الليبي

الاوروبي هوا اللي يطلع مش بالآشهر .

تبوا ولاماتبوش هذا في 3 مباريات ضد الفلاشة كان راجل ودار مباريات كبيرة لاعمره تكلم ولادار العار ولا قال نبي اساسي .

نعيد ونحرر ماتعطيش ملاعبيتك اللي يستاهلوا يقعدوا معاك وتخلي المنبطحين المهزومين

المصراتي انت محتاجه اكثر منهم فااعطيه حقه لأن الولد عنده مايقدملك ماتجيش تقول فكوه مني لأنه معاش يرد ، اللاعب تحتاجه وقوي قلبك وادفع ..

مطووووولة

والحقيقة مافيش أي شيء راه مايكذب عليكم حد، ماطلعوا التريس من الحبس بيجيبوا ملاعبية، مش فاضيين بيكم.

مدامها هكي، ردولنا التسييرية وخلاص.

الشقاقة بداية الموسم جددوا مع سند الورفلي بـ4 مليون مع انهم عارفين عنده مشكلة مع البدري ومش حيلعب لكن الموضوع ومافيه يعرفوه رياضي كويس ومافيش مدافعين لوص في ليبيا يبو يحرموا اي نادي منافس من الاستفادة منه .

لكن احنا جمهورنا حتى اللاعب الي بيفيده يحسب في الفلوس تقول بيخلص من ورث جده .

الاهل عندهم المنير ظهير يسار من اعلى العقود في ليبيا وموقعين مع سيف جدور للموسم الجاي وجايبين يعقوبو بفسخ عقد 700 الف دولار .

احنا عندنا جمهور يقولك مانبوش المصراتي غالي جبنا اوغبيلو ، يا حبيب قلبي تدفع في حاجة من جيبك انت الرقم الي مش حتدفعه انت بيدفعوه الاهل ولا السويحلي ومن خزينة الدولة .

الاتحاد ناقصه ركائز محليين قبل المحترفين وليبيين خبرة يعرفوا اجواء الضغط واللعب على البطولات مش اي ملاعبية كدسهم فوق بعض ويجوا يلقوا فريق مشرتع تقول ملقط من الشارع .

المصراتي موافق يجي للدوري الليبي إذا بأي مبلغ جيبهولي يا اخي الرقم مادخليش فيه ولا انت دخلك فيه ماتدفعش من جيبك يا غالي .

لو هذا وقع لاي نادي ليبي غير الاتحاد ، ادارتنا قيموا قشيشكم وبرا النادي انتم واي صفقة ثانية بتجيبوها .

الاتحاد محتاج عمود فقري متكون من محليين خبرة ومتعودين على ضغط الاندية الكبيرة بعدها تضيف عليهم محترفين مش تكديس وكل 6 شهور تغير وخلاص .

وشن فيها كان وسطنا هكي مانستاهلوش احني ولا كيف.؟

المصراتي، بن علي، عزيز، أوغبيلو ومن غيره محليين.؟

كساد لتوا كأنه أحني الي عندنا الدوري وتوا نستنوا في الكأس.

الجار يخدم ع الأفريقية وأحني نتفرجوا وخلاص.

خلال فترة الانتقالات الشتوية نادر الغندري كان معروض على الاتحاد وتم الاتفاق معاه لكن المدرب خالد بن يحي رفض اللاعب واختار ادم عليلات ، بعد نهاية الانتقالات بإسبوعين تحت إشراف المدرب السابق تمت اقالته وجلب موكوينا بدلا منه لان حضرتهم مش مقتنعين بالأداء

يعني مدرب معاش تبيه غيرته على الاقل في فترة الانتقالات وعطيت الجديد صلاحيات بدل ماتجيبه بعد مامدرب ثاني يختار التعاقدات ، هذه نقطة من بحر العشوائية الكبيرة خلال موسم الاتحاد مع الادارة الفقيرة كرويا .

ادارتنا حتى لو كانت نيتكم طيبة وتبو تخدموا الاتحاد راكم ضعاف فنيا وماتفهموش فيها الكورة ، لو تبو مصلحة النادي خليكم على الامور المادية بس وجيبوا الناس الي تفهم .

جماعة الكورة يقولولها طابة.

هاذي اول بطولة ليكم وبديتوا زي الاولمبي والشط والظهرة مزال الثانية وتبدوا زي المحلة.

خليك في حالك الاتحاد كبير وبعيد عليكم.