Strong Gym Zuwara

13/10/2026

🔥 المتعة تبدأ من حلبة سترونج جيم! 🔥

قوة وتحدي مع الكوتش عمر 💪🥊

عيش أجواء الملاكمة، طوّر لياقتك، قوّي ثقتك في روحك، وطلّع كل طاقتك في حصة مليانة حماس! 🔥

📢 الأماكن محدودة!
اللي يبي يحجز مكانه، يلحق قبل ما تكتمل المجموعة 💥

🥊 STRONG GYM — قوتك تبدأ من هنا! 💪

21/09/2026

🥊 أجواء حصة الملاكمة

حيث تلتقي القوة بالدقة والسرعة بالتركيز تتشكل المهارة الحقيقية.
تدريبات متخصصة على أساسيات الملاكمة (الحركة واللكم والدفاع) مع التركيز على تطوير الأداء والمهارات.

🥊 بإشراف الكوتش | عمر دباب
خبرة في التدريب…تركيز على التفاصيل…الارتقاء بالمستوى خطوة بخطوة.

الملاكمة أسلوب… والانضباط هو أساس الاحتراف. 🔥

11/09/2026

غدا من 8 صباحا الي 2صباحا ان شاء الله 😉

STRONG GYM — خليك أقوى كل يوم. 💪🔥

10/09/2026

😂💪 أجود جاي لسترونج جيم بيرفع أوزان…

لكن بدل ما يرفع الأوزان،
رفع المعنويات 😂🔥

01/09/2026

🚨 تنبيه مهم لجميع مشتركي ومشتركات سترونج جيم 🚨

أزمة النافطة الخانقة وصلت لمرحلة أصبح معها الاستمرار في العمل بالشكل الطبيعي أمرًا صعبًا جدًا…
والله النفسية صفر والوضع سيئ جدًا، ولم نعد نعرف كيف نستمر في ظل هذه الظروف التي أصبحت فوق طاقتنا. 💔

لذلك نرجو من جميع المشتركين والمشتركات، قدر الإمكان، تنظيم حضوركم للتدريب من:

⏰ الساعة 3:00 مساءً إلى الساعة 6:00 مساءً

⏰الساعة 10 ليلا الي الساعة12 ليلا

خلال هذه الفترة سنحاول تشغيل المولد وتوفير أفضل ظروف ممكنة للتدريب.

⚠️ بعد هذا التوقيت ستبقى الصالة مفتوحة، ولكن بدون مولد، وبالتالي لن تكون الكهرباء والتكييف متوفرين بالشكل المعتاد.

نحن لا نريد إيقاف العمل، ولا نريد التقصير معكم، لكن للأسف الأزمة أصبحت أكبر من قدرتنا.

نسأل الله أن يفرّجها على الجميع، وأن تنتهي هذه الأزمة قريبًا.

والله غالب، وحسبي الله ونعم الوكيل في كل من له يد في التضييق على الناس ومعيشتهم.

🙏 نطلب منكم فقط تفهم الوضع والصبر معنا…
سترونج جيم مستمرة بكم، رغم كل الظروف. ❤️‍🔥

21/08/2026

⚠️ ارجو أخذ الحيطة والحذر 😂

شركة ريكسونا لما كتبت 48 ساعة هذا مش موجه لينا نحن!

نحن في الحر والـ40 درجة، ومع طرح الأحمال والتمرين والأوزان 😅🔥

هنا المزيل ليس كل 48 ساعة…
يستعملوه بعد كل وجبة، وبعد كل حركة، وعلى مدار اليوم 😂😂

ولو شدّ معاك 12 ساعة…
بارك الله فيه، هذا إنجاز يُذكر ويُشكر! 🤣💪

18/08/2026

خبر عاجل في سترونج جيم 😂⛽

بشرى للمشتركين الكرام ❤️
اعتمدنا طريقة دفع جديدة بجانب طرق الدفع السابقة:

💵 كاش
💳 تحويل
📱 دفع إلكتروني
⛽ والدفع عن طريق النافطة 😂

يعني لو جيت للتمرين ومش معاك فلوس…
جيب معاك جالون نافطة، والاشتراك علينا نحسبوه باللتر 😂😂

في سترونج جيم…
حتى أزمة الوقود دخلناها في نظام الاشتراكات! 💪⛽

16/08/2026

ياحصرى لما كانت النافطة يابلاش 😭

بما إن النافطة وصلت 3 دينار للتر… نبو نعطوكم فوائد مهمة في المرحله القادمه 😅

التدريب في الظلمة مع الحرارة عنده فوائد عظيمة:

* تحمل أعلى… جسمك يتعود على أصعب الظروف
* لياقة ذهنية… تتعلم تصبر وتكمل مهما كانت الظروف
* عرق أكثر = حرق دهون أسرع 🔥
* تركيز عالي… لأنك مش شايف حد أصلاً 😂
* تحس بروح التحدي… كأنك تتمرن في معسكر خاص 😎
*استنشاق الروائح تجعلك تتدرب بسرعه بدون توقف 💪

المنشور الجاي نقوللكم على فوائد الاستحمام في البيت 😅

16/08/2026

04/08/2026

جديد متجر سترونج جيم!

متوفر الآن آيس كوفي ستاربكس بدون سكر، مع 20 غرام بروتين في كل عبوة.

سواء قبل التمرين أو بعده، يعطيك طعم ستاربكس اللي تحبه مع جرعة بروتين تدعم أهدافك الرياضية.

سترونج جيم… مش مجرد صالة رياضية.
نوفرلك كل ما يحتاجه الرياضي في مكان واحد:
🏋️‍♂️ تمارين
🥤 مكملات
🍫 سناكات صحية
☕ مشروبات بروتينية

كل احتياجاتك الرياضية… تلقاها عندنا. 🔥