Chrif Lahcen

الحمد لله قدرت نحقق بزاف ديال الحوايج فالمسار ديالي، ماشي كلشي ولكن الحمد لله كنمشي خطوة بخطوة وكنقرب شوية بشوية للحلم ديالي. الطريق ماشي ساهل ولكن بالإرادة وبالخدمة كل نهار كنحاول نكون حسن من قبل.

الحمد لله لعبت بزاف ديال البطولات وربحت تجارب زوينة علماتني بزاف، ومن أحسن اللحظات فحياتي كانت المشاركة فبطولة العالم فإيرلندا أقل من 23 سنة 🇲🇦. كانت تجربة كبيرة وغنبقى ديما نفتاخر بها، خصوصاً مع فريق زوين اللي عمرني ما ننساه.

كنبقى ديما نفتاكر البدايات ديالي، حيت فعلاً القديم أجمل، والبدايات هي اللي كتعلّم الإنسان الصبر والعزيمة باش يكمل الطريق ديالو.

كل نهار كنزيد نتعلم وكنزيد نآمن براسي وبالحلم ديالي أكثر. مازال الطريق طويل ولكن بالعزيمة والصبر كلشي ممكن إن شاء الله.

شكراً بزاف لكل واحد كيوقف معايا وكيشجعني، سواء بكلمة زوينة أو بدعم بسيط. وحتى اللي كيعلق عليا بنية إيجابية ولا حتى بنقد، كنقول ليكم شكراً حيث حتى هاد الشي كيخليني نتعلم ونكون أقوى.

الحمد لله على كل خطوة، والجميل مازال جاي إن شاء الله
Dima mghrib 🇲🇦❤️