We are Agadir

19 عام ديال العطاء
19 عام من أجل الحسنية
19 عام فالموفمون

عيد ميلاد سعيد لكاع ليبيهيست، كلمة شكر قليلة فحق اي واحد عطى سواء القليل و لا الكثير للكروب و الله يرحم كاع ولاد الكروب ليسلموا روحهم لبارئها و الله يطلق سراح كاع ولاد الكروب لي مورا القبضان و الله يسهل على كاع دراري لي فالغربة.

19 عام د الاولترا'

الوضعية الحالية مناش كادوز الحسنية خاص التعامل معها بعين الصواب ومانتسرعوش ونطيحو فأخطاء الماضي...المكتب الحالي توفرو ليه جميع الظروف باش يديرو عام زين ولكين وقع العكس، نستاغلو التوقف باش نرصيو الصفوف ديال الفريق ومنها نجيبو لعابة جداد فهاد الانتقالات الشتوية باش نعززو التركيبة البشرية ديال النادي فانتظار تحقيق نتائج إيجابية فدورات المقبلة

الحسنية للأبد

غدا عندنا ماتش كونطر أولمبيك الدشيرة لي هو اللخر قبل التوقف الدولي، كولشي يزطم للمحمدية لالشيئ إلا من أجل إنتزاع ثلات نقاط.



تعيش الحسنية.

رسالة مشتركة بين مجموعتنا و مجموعة وينرز الفصيل المساند لنادي الوداد الرياضي حول المجازر التي يتعرض لها الشعب السوداني الشقيق.

بطولة المهازل، مرةً أخرى غادي يتحرم الفريق ديالنا من اللعب داخل الديار و الرجوع لعبئ التنقلات لمدن خارج الجهة سواءً مستقبلين أو ضيوف، داكشي ليعانينا منو الموسم الفارط لي كان بين ليلة وضحاها أنكونو فالقسم الثاني بحكم هو السبب الرئيسي فالنتائج السيئة غادي نعاودو نطيحو فيه هاد العام الشيئ ليماموافقاش عليه المجموعة جملةً و تفصيلاً، بغيتو تسدو أدرار عطيونا البديل واخا نعرفوا انساحبو من البطولة و مالعبوش مزال على برا حيث عمر داود يعاود، هنا دور ديال الإدارة و السلطات المحلية و المسؤولين ديال الجهة وعلى رئسهم الوالي باش يوفروا للفرقة ملعب بديل

تعيش الحسنية

كولشي كايشوف الوضعية المزرية ليكاتدوز منها الفرقة و لي فهاد لبيريود خاصنا نتاحدو كاملين من أجل فريق الهوية ليكايمثل الجهة ديالنا باش مايضحكو علينا الرعاويين و لي كايتسناونا فالضورة

السبب لاش وصلات الحسنية كل واحد عندو نسبة منو باش مانضلموا حد مانتعاطفوا مع حد، بداية من المقاطعة لي بدا الجمهور فالبدية ديال العام تال المشاكل ليغرقونا فيها المسييرين السابقين ليجا تايخلي عرمة ديال الكريديات و المشاكل ويجي واحد فبلاصتو ويدير كثر منو حيث هاد التراكمات التسييرية هي ليخرجات علينا، نهيكم على أشباه اللاعبين ليعندنا لي حتى فريق فالهواة مايقدر يسيني معاهم وقابل بيهم هاد المكتب د الله يحسن العوان

عندنا ستة الميتشان هوما ليبقاو نحاولوا نساندوا الفرقة ومانخليوهاش تضيع بين يدينا و ناتبعوا مسار المطاردين ليقراب منهم ولي قراب لينا باش نحاولوا ما أمكن نهربوا شوية ف صبورة الترتيب.

الحسنية للأبد

المرجوا إحترام قرارات المجموعة⚫️

RENDEZ-VOUS SAMEDI PROCHAIN🛫

ليلة البارحة إتجه أعضاء المجموعة صوب المستشفى الإقليمي الحسن الثاني بأگادير حيث يرقد الجمهور الريزينغي الذي نتقاسم معه عامل الدفاع عن القضية الامازيغية والذي تلقى تهجما وحشيا من طرف مجموعة من المجرمين والعصابات الإجرامية التي تختبئ بقناع الأولتراس
لا طالمت المجموعة تطالب بتأمين مثل هكذا مباريات خصوصا المباريات التي تعرف حضور جمهورين علاقتهم متشنجة نتيجة نشر خطاب الكراهية و نشر الإستفزازات والتهديدات عبر مواقع التواصل الإجتماعي
نطالب الجهات المعنية بتفعيل المسطرة القانونية ضد المجرمين الذين ظهروا عبر مجموعة من المقاطع المصورة وردعهم كي يكونوا عبرة لكل من سولت له نفسه أن يتعدى على الأخر

بالشفاء العاجل للجماهير التيزنيتية

في تأكيد للصحوى الماضية التي أمضى عليها فريقنا الغالي، ستصب كل الأنظار للقاء المقبل الذي سيجمعنا بالفريق المحلي للجديدة وكلنا أمل على أن نفوز كي نزكي إنتصاراتنا الأخيرة و نتسلق سلم الترتيب شيأً فشيأً قصد إحتلال مراكز متقدمة للعب على واجهات قارية.

نحن كأولتراس إيمازيغن لم ننزل أيدينا يوماً بل وفي جميع الظروف نتواجد خلف الشباك وهذا ما عهدناه عن أبناء سوس العالمة، جميع المناطق التابعة للمجموعة على مستوى الجهة وكذا الفروع سوف تقوم بتنظيم عدة رحلات قصد تشجيع و مؤازرة نادينا في هذه المقابلة المهمة، دورنا كجماهير الحج بقوة لعاصمة دكالة من أجل نزع ثلات نقاط كاملة من أجل تصدر الترتيب في البطولة.

أولاً نتمناو كولشي يوصل بيخير وعلا خير، ومبروك علينا الرباح ديال البارح ليفرحنا كاملين وحنا ضاربين اكثر من 800 كلم كانحسو براسنا أنها مامشاتش غير هكك رغم بعض القرارات ليكايصدرو من طرف بعض المكاتب المديرية للفرق الوطنية ليبعيدة كل البعد عن الإحتراف وعن الروح الرياضية و تكافئ الفرص.

الرباح ديال البارح ماغاديش يخلينا نهبطو يدينا وماغايسكتناش غادي نبقاو نترافعوا على المطالب ديال الجمهور إلى أخر رمق حتى يتسواو الصفوف وتقاد الفرقة

#مانسيناش
السكيتيوي إرحل⛔️
بغينا نستاقبلو فمدينتنا🏟️
بغينا يتحل السطور👕
رفع المنع💸

الحسنية للأبد
عاشت أولتراس إيمازيغن حرة مستقلة