Scouting Studio

Uli Hoeness - Bayern's Legacy Builder
أولي هونس Uli Hoeness تزاد فالخامس من يناير سنة 1952 فمدينة أولم فجنوب ألمانيا ، دوز طفولة نوعا ما عادية بحيث أنه كان كيمشي المدرسة و فأوقات الفراغ كان كيساعد الأب ديالو لي كان جزار فالمحل لي كانت العائلة كاملة خدامة فيه , و فين غادي يتعلم هونس الشيء الكثير لي غادي يعاونو فالمستقبل ديالو باش يكتب الإسم ديالو بأحرف من ذهب فتاريخ العملاق البافاري .
هونس بدا كرة القدم فنادي صغير TSG Ulm فالمدينة ديالو فين تعلم أبجديات الكرة و تبين أنه غادي يكون واحد من أحسن المواهب فالكرة الألمانية .
من بعد ما كان فنادي صغير فالمدينة ديالو لقا راسو فالبايرن وسط مجموعة كبيرة من النجوم أبرزها الاسطورة جيرد مولر, لكن تمكن هونس من انه يضمن المكانة ديالو داخل الفريق و يكون عنصر جد مؤثر فتحقيق ألقاب كبيرة مع جيل تاريخي لي تمكن من تحقيق البوندسليغا ثلاث مرات و دوري أبطال أوروبا ثلاث مرات متتالية و تمكن من الفوز بكأس العالم سنة 1974.
هونس كان انسان لي نقدرو نقولو أنه كان سابق الزمان ديالو ، اللاعب كان كيركز على الجانب التسويقي بالموازاة مع الكرة ديالو ، و الأكثر من ذلك فكان كيربح منو أكثر بكثير من الربح لي كان كيحقو بالكرة من خلال اشهارات تلفزيونية ، توقيع كتب و حاجات آخرة ، كما انه كان سبب مباشر فأول صفقة لمستشهر غير رياضي فالتاريخ ديال البايرن من بعد ما سير المفاوضات ما بين النادي و المستشهر و هادشي كيبين انه أولي كان visionnaire فالزمان ديالو .
المسيرة ديال هونس كلاعب غادا تعرف النهاية ديالها مبكرا من بعد ما تلقى فنهائي دوري الأبطال ضد Leeds إصابة قوية على مستوى الركبة لي عمرو ما تعافى منها بشكل كامل و هادشي لي خلاه يحبس الكرة سنة 1979 باش ياخد المنصب ديال Manager فوحدة من أصعب الاوقات لي داز منها البايرن لي كان كيعاني من أزمة مالية كبيرة و لي كانت معاها حتى أزمة نتائج لكن هونس خدا المنصب و عطى وعد بلي غادي يخلي البايرن مامحتاجش لفلوس التذاكر من بعد ما كانت هي مصدر الربح الاساسي للفريق .
كان الهدف ديال هوينس هو يحول النادي من مجرد فريق كيلعب الكرة إلى ماركة تجارية كبيرة كاتحقق الربح ديالها من مصادر مختلفة و متنوعة ، لكن قبل ذلك دار هوينس الصفقة لي غادا تخرج الفريق من الأزمة بانتقال كارل هاينز رومينيغي للإنتر ب 11 مليون مارك ألماني لي كان ثاني أغلى انتقال فداك الوقت و من الفلوس لي ربح جاب واحد من أحسن اللاعبين لي دازو فالبايرن لوطار ماطاوس ، و من تما إلى يومنا هذا البايرن debt free .
من بعد ذلك قرر هونس يمشي لأمريكا باش يشوف و يتعلم من les modèles الناجحين للفرق فدوريات NFL و NBA و بعد الرجوع ديالو بسنوات قرر انه يبني ملعب خاص للبايرن Allianz Arena لي كيتعتابر إرث خلاه هوينس للفريق.
سنة 2013 كانت سنة فيها أحاسيس مختلطة للرجل من بعد الفوز ديالو بلقب دوري الابطال كرئيس للنادي تورط هونس بقضية التهرب من الضرائب و تحكم عليه بثلاث سنوات و نصف من السجن ، و بعد الخروج ديالو ترشح لولاية أخرى لرئاسة النادي و تمكن من حصد %98 من الاصوات .
هوينس رجل لي الراحة النفسية و الجسدية ديالو كاترتابط اشد الارتباط بنجاح البايرن ، فنا عمرو فبناء إرث و اتستقلال و عظمة العملاق البافاري ، تنحى على الرئاسة سنة 2019 و رغم ذلك كاتلقاه فكل مباراة للبايرن وسط الملعب كيشجع الفريق لي ساهم فالبناء ديالو .
Uli Hoeness ' Du bist der best Mann '

محمد التيمومي أسطورة من أساطير الكرة المغربية ولد حي القصر الملكي (تواركة)، بدا المسيرة ديالو بالفئات ديال اتحاد تواركة و في سن 19 سنة آلتحق بنادي الجيش الملكي و إيلا سولتي المحبين و العشاق ديال هاد النادي فأكيد غيكون إجماع بأن محمد التيمومي هو أحسن لاعب داز في تاريخ النادي ، الأسمراني الفنان كتب الاسم ديالو في تاريخ الكرة المغربية بأحرف من ذهب ، صاحب اليسرى الساحرة ، و سلطان زمانو بتمريرات حاسمة و أهداف بقات محفورة في ذهن كل مغربي . ف 1985 تيمومي الأسطورة تربع على عرش الكرة الإفريقية و حرز على الكرة الذهبية الإفريقية متفوقا على واحد من أحسن اللاعبين لي دازو في تاريخ الكرة الجزائرية رابح مجر بفارق أصوات كبير و كبير بزاف ، حمو كيف ما كانو كيناديوه المقربين ديالو واحد من صناع ملحمة 86 في المكسيك جيل لي عمرنا غنساوه ، مهارتو الكروية و الرؤية ديالو للملعب و السرعة ديالو خلات إفريقيا و العالم كلو يتحدث عليه في عصر لي كان فيه ضعف على مستوى التسويق و مكانتش هاد الأرقام الفلكية لي ولات دابا ، و أنا متأكد لو أن التيمومي كان في هاد العصر غنشوفوه فكبرى الفرق العالمية .
إيلا كان الجيل القديم عايشوك و استمتعوا بيك فهاد الجيل الجديد كلو كيبغيك و مفتاخرين بيك 🇲🇦.

سكاوتينغ ستوديو كايقدم ليكم concept جديد : الطريق إلى المجد.
موعدنا كل أسبوع مع فيديو فيه نقاش حول مجموعة من مجموعات كأس العالم قطر 2022. الانطلاقة غادا تكون هاد الأسبوع بحول الله مع المجموعة الأولى.
الحلقة غادا تكون متوفرة في صفحتنا على فيسبوك و كذلك قناتنا في يوتيوب.

بلا شك أن جميع متتبعي الكرة العالمية سامعين بهذا الاسم : جورج مينديش. باعتباره ملك الميركاتو و الاسم الرنان لي كايطيح مباشرة في الأذهان فاش كيتعلق الأمر بوكلاء اللاعبين. لكن السؤال المطروح : شنو قصة مينديش ؟ منين جا ؟ و شنو لي خلا يكون عندو هاد التأثير كامل ؟

جورج مينديش برتغالي الجنسية من مواليد لشبونة سنة 1966، ابن عائلة متوسطة و منذ الصغر كان مولوع بكرة القدم لكن مامارسهاش على أعلى مستوى. في سن العشرين غادي ينتاقل لغرب البرتغال عند الأخ ديالو و غادي يبدا المسار المهني ديالو في مجال الموسيقى و من تم فتح مطاعم و حانات. ف واحد اليوم غادي يلتاقي ب نونو سانتو فأحد المطاعم ديال مينديش، غادي يتعرفو على بعضهم و غادي تبدا بينهم صداقة لي غادا تدفع مينديش يتكلف بالشؤون ديال الصديق ديالو نونو سانتو لي كان آنذاك لاعب في صفوف فيتوريا غيماريش.
زاد الاهتمام ديال مينديش بهاد المجال الشيء لي غادي يخليه ينشأ شركة Gestifute لي من خلالها تمكن من تمثيل العديد من اللاعبين الشباب في البرتغال و إلحاقهم بأندية كبرى، الشيئ لي خلا أكثر لاعب واعد في البرتغال يطلب التمثيل ديالو من طرف مينديش.. هاد اللاعب ما هو إلا كريستيانو رونالدو.

لكن الشيء لي خلا مينديش يكون حالة خاصة و استثنائية ف هاد المجال هو القدرة ديالو على تكوين شبكة علاقات مع مسؤولين و مستثمرين كبار مثل بيتر ليم (مالك نادي فالنسيا) أو فوسون غروب (ملاك نادي وولفرهامبتون) و عدة شخصيات أخرى لي كايعتامدو على جورج مينديش ماشي فقط ف جلب اللاعبين ولكن حتى ف أداء دور مستشار رياضي ف هاد النوادي. من جهة أخرى مينديش كايربط علاقات مع أندية صغيرة في البرتغال لي كاتكون كقنطرة بالنسبة لعدة لاعبين شباب خاصة القادمين من أمريكا الجنوبية (مثال فابينيو لي بدا المسيرة ديالو ف أوروبا مع نادي ريو آفي البرتغالي).
طبعا هاد الشبكة المعقدة كاتخلي جورج مينديش مسيطر على جزء مهم من الصفقات الوازنة.
الخطة كاتكون هي جلب لاعب لفريق صغير في البرتغال و بعدها كاينقلو لفريق مسيطر عليه مينديش مثل وولفرهامبتون أو فالنسيا من أجل التسويق ديالو نحو الفرق الكبرى، أو كايكسب الثقة ديال أجود المواهب الشابة من أجل تمثيلهم (بفعل الشعبية ديالو و السمعة ديالو في جلب عقود ضخمة) و كاينقلهم نحو الأندية الكبرى.
هاد المسارين المذكورين أعلاه تم النهج ديالهم مع جميع اللاعبين لي كايكون الوكيل ديالهم جورج مينديش (كريستيانو، جواو فيليكس، فابينيو، غيديش، لياو، خاميس رودريغيز، دي ماريا، فالكاو ...).
جورج مينديش بالرغم من الانتقادات اللاذعة و المؤاخذات لي كاتكون عليه من طرف الناس لي داخل المجال إلا أنه دائما مستمر في تمثيل أجود العناصر و استعمال نفس الخطط في عمليات الانتقال و كايتبث أنه Super Agent بامتياز.

كاسميرو إلى مانشستر يونايتد ، هل الصفقة مفيدة حقا ؟ أم هي لتقليل الحملة الشرسة على ملاك النادي ؟
آخر الأخبار تحدثت عن امكانية رحيل دبابة خط وسط ريال مدريد إلى الشياطين الحمر التي تعاني الأمرين في هذا الموسم الكروي .
باعتبارات عدة ومع تواجد مؤيدين و معارضين للفكرة سنحاول طرح هذه الفكرة على أرض الواقع من خلال الاجابة على عدة أسئلة.
هل كاسميرو هو القطعة المفقودة في اليونايتد ؟
اذا ما عالجنا هذه الفكرة في الموسم الماضي نعم فالدبابة البشرية قد تساعد الفريق ، لكن هل أفكار ايريغ تينهاغ باخراج الكرة من الدفاع تناسب كاسي ؟
يعلم الجميع أن نجم ريال مدريد يجد صعبات كبيرة في اخراج الكرة بسلاسة فهو ليس بذلك الاعب المبدع فنيا ، من منظورنا الشخصي قد يساهم كاسي في تقليل معانات اليونايتد دفاعيا ، لكنه لن يكون مفيدا في خطط تنهاغ بالخروج السلس للكرة من الدفاع إلى الهجوم.
قد يكون خطأ آخر ترتكبه ادارة اليونايتد في حق هذا الفريق العريق ، فكما يعلم الجميع هناك قليلون من خرجوا من الملكي و سطع بريقهم.