فدائي

😂😂😂😂😂😂😂

عرضها مهتوك داخلة للحومة 👌👉

رغم فوضى الديريي، تبقى العرجاء ضحية

البدوية الهجينة الضحية، بالتحكيم ديالك و بمارسا ماروك و دعم الجامعة و الداخلية، كيف ما بكيتي قبل الاندماج غاتبقاي ديما تبكي بعدو.

تاريخ كبير عمرو ما يموت 📜

في مثل هذا اليوم، من سنة 1948، اسدل الستار عن الجولة الأخيرة من البطولة الوطنية و التي توج فيها الوداد الرياضي بطلا للمغرب للمرة الاولى في تاريخه.
رغم خسارته أمام الصام، فقد حسمها قبل جولتين حين فاز على فضالة سبورت، يوم 11 أبريل من نفس السنة.
نترككم مع مقال جريدة العلم، لسان حزب الاستقلال، التي أبدعت في تجسيد شعور حلاوة التتويج، فكلماتها أبلغ من كل وصف، خصوصا بعد عدة محاولات حل فيها الوداد وصيفا، و رغم العارقيل و الصعوبات التي فرضتها الوضعية الاستعمارية للبلاد انذاك.

✅️

الضرورة كاتفرض نكظمو الغيظ ديالنا، و نوقفو مع التوني لي فيه الشعار.
لي كايمرضنا ماشي موضوع الخسارة بذاته، و لكن التهاون فالمحاولة، هنا كاتولي حالة العداء مع الجمهور، لي خص يفهموه اللعابة و لي معاهم، أن داك التوني خصك ليه ال*لاوي ديال النحاس باش تشرفو، و هذا ماشي اختيار، هذا أمر مفروض عليك، و لا دور غيرها.
هاد الهضرة بطبيعة الحال مستثني الرئيس منها، لي جامع بين الغباء و الانبطاح.
بين تطلع للتدارك، و قلق من تكرار نفس المهازل، كل واحد يبذل من جهدو فالدفاع و التشجيع، و لكل حدث حديث.
عاش الوداد ⚪️🔴

📌

جزء من المشكلة لي دوينا عليها البارح كاتجلى فالفضاء الرقمي، البجاغط فالسنوات الأخيرة حرفو الهوية ديال الموفمون، بالمواضيع المريضة و المكلخة لي ولاو كايبازيو عليها و كاتلقى تفاعل كبير منهم. الحرية فالمواقع عرات على الجهل و العفن المعشعش فالأدمغة ديال جيل لا يقرأ، و نشرات سيل من المغالطات على ثقافة الاولترا.
ولات الطوندونس فالنقاش على الحركية هي الطاليعة الخاوية المبنية على الكذب و الادعائات، صفحات على قدها و غروبات مسخرة غير لهاد الأغراض، كاتلقا برهوش عندو 17 عام و تا هو كايدوي على وقائع و أحداث وقعات فوقت ما كانوش كايعرف فيها تا شكل الكرة كيف كان.
التنقاز و تخراج العينين فالخاوي، جاية من براهش ما عاشو ما شافو، حتى السمع مستحيل يكون حيث ما كايعرفوش يسمعو أصلا.
بلا ما نهضرو على الحسنات لي كسبوها من وراء الترويج لأفعال الاجرام و تأجيج نار الفتن.

معا ضد الدخلاء

ولينا كانحسو بالغربة فوسط تيرانا، مظاهر معفونة مثل عقول اصحابها، كرهات لينا أهم lien بينا و بين الوداد لي هو التشجيع.
* فماتش ديال الأعصاب و الغليان، ملي الواحد كايتسنا يسالي الماتش باش غير يتصور و يلوحها فالسطوري، فالوقت لي الأمة كاملها حاقدة على الحالة، واش هاد النوع غاتهمو مصلحة الوداد ولا المصير ديالها ولا اشنو لي واقع
* فماتش ديال الهول و الضغط، ملي الواحد كايبقا مقابل غير بليتو، الماتش كامل و هو غير كايبرم، باش غاينفع هاد النوع فلومبيونص و لا التصفار، زيادة على أنه غير كايعطي صورة مغلوطة للجينارسيون لي طالعا على كيفاش خص يكون البروفيل ديال المشجع الودادي
* فبقية لي زون، واحد النوع ما كايبان ليه الوقت فين يجيب ال*حيبة ديالو تا المتشان المصيريين، ما عندو فين يديها كايصدق شاد بيها بلاصة فمكان واحد خور ودادي على ملة مو...

و غيرها من الحالات لي كاتجيب الغثيان، الشغف النقي توسخ مع الهركاوة، هنا ما خصش جرس الانذار يشعل، خص شي صاروخ انشطاري يريب المشهد و نعاودو التعازيلة.
المدرجات ديال دونور راها إرث و أمانة، و الصورة ديال الجمهور راها تاريخ قبل ما تكون انطباع، قارنو كي كنا و كي ولينا، لي عندو الارادة و الغيرة باش يصلح ما يترددش لثانية يدير من جهدو و الموقع ديالو فمحاربة الدخلاء علينا.
عودة الوداد كايبدا من عودة الجمهور للهوية ديالو.
RENDEZ NOUS NOTRE CLUB
RENDEZ NOUS NOTRE PUBLIC

Emblématique ✨️

الرئيس ايت منا و القرارات الارتجالية قصة عشق مزال مطولة. ماتش مهم على الأبواب و نتا كاتضعفنا لحساب الخصم.
ماشي بهاد العقلية باش غاتنجح فتسيير أكبر نادي فالبلاد، السياسة باش غادي راه غادي تخرجك غير من الباب الضيق نهاية الموسم.

🔴⚪ الأول يدافع و الآخر ينتصر

من زمان الأمة كانت جند للوداد، و لكن الظرفية ديال دبا أكثر وحدة خاص تطبق فيه هاد المقولة بالحرف، غبنا بزااف على البوديوم و في كل محاولة رجوع كنشوفو التحكيم والبرمجة اش كيديرو للوداد، حنا كجمهور كندافعو من جانبنا و كانحصنو المحيط، و اللعابة مع السطاف خاص يعرقو التوني ويعرفو أنه لا بديل عن الألقاب هاد العام، هذا إعلان هام و "الشعب الودادي يريد..." اتبقاو تسمعوها في لخر ديال كل ماتش هي وكونو معانا رجالة.

وصلنا لمنعرج مهم، مطالبون بإتقان أكثر ما نجيد فعله، نربحو زكارة وباشما بغاو ونخليو العديان يموتو بالحسرة، نتلاقاو الأحد والأربعاء في دونور.
نحن الوداد

رمضان مبارك كريم عليكم

السلام عليكم ورحمة الله، تقبل الله صيامكم و قيامكم و جعلكم من الفائزين الغانمين في هذا الشهر المبارك.
في رمضان حيث تصفد الشياطين، لا زال خدامهم طليقين سائرين على نهجهم، حيث يتفنون كل سنة في إنتاج مسلسلات العهر و الرذيلة و التفاهة، تعرض في وقت الافطار، مليئة بمشاهد تفسد على الناس صيامهم و عبادتهم و أخلاقهم، و ليقطعو طريق العبادة و الرحمة عن الناس.
فاحذروا و حذرو منهم أقربائكم، و قاطعو ما يخالف دينكم و شريعتكم و أعرافكم.