Tactique B’darija - تكتيك بالدارجة

تدريبات بيسكارا على طريقة القراصنة 🇮🇹📸

السبب لإعتماد هذه الطريقة حسب المدرب سيلفيو بالديني هي لتعزيز القدرة على اللعب تحت الضغط

🇮🇹

رسميا السلوفاكي مارك هامسيك كيعتزل اللعب دوليا

أجيو نتعرفو على شكون هو هامسيك و فين لعب و الألقاب الجماعية و الفردية لي ربح.

- بطاقة تعريف :

•مارك هامسيك، تزاد نهار 27/07/1987 بمدينة بانسكا بيسطريكا ف تشيكوسلوفاكيا

-أرقام، إحصائيات و بعض المعلومات :

•الهداف التاريخي ديال المنتخب السلوفاكي ب 26 هدف.
•أكثر لاعب فتاريخ المنتخب السلوفاكي لعب ماتشات ب 135 ماتش.
•أكثر لاعب فتاريخ نادي نابولي لعب ماتشات ب 520 ماتش.
•الهداف التاريخي الثالث ديال نادي نابولي ب 121 هدف.

-الفرق لي لعب فيها :

2004 : سلوفان براتيسلافا 🇸🇰
2004-2007 : بريتشيا كالشيو 🇮🇹
2007-2019 : نابولي 🇮🇹
2019-2021 : داليان ييفانغ 🇨🇳
2021 : كوتيبورغ🇸🇪
2021 : طرابزون سبور 🇹🇷

-الألقاب الجماعية :

2012 : كأس إيطاليا مع نادي نابولي
2014 : كأس إيطاليا مع نادي نابولي
2014 : كأس سوبر الإيطالي مع نادي نابولي
2021 : الدوري التركي مع نادي طرابزون سبور

-الألقاب الفردية :

2008 : أحسن لاعب واعد فالدوري الإيطالي
2009, 2010, 2013, 2014, 2015, 2016, 2017 : أحسن لاعب سلوفاكي
2013, 2015 : أحسن ممرر فالدوري الإيطالي

✅رسميا البلجيكي دي بروين ربح جائزة أحسن لعاب فالدوري الإنجليزي هاد العام 👏🏼🏆

- أرقام دي بروين هاد العام:
• 15 هدف
• 7 أسيست

🚨رسمياً رابطة كالتشيو كتعلن على جوائز أفضل اللاعبين هاد العام في كل مركز

✅ أفضل حارس: مايك مينيان (اسي ميلان)

✅ أفضل مدافع: جيلسون بريمير (تورينو)

✅ أفضل لاعب وسط: مارسيلو بروزوفيتش (إنتر)

✅ أفضل مهاجم: تشيرو إيموبيلي (لاتسيو)

✅ أفضل لاعب شاب (U23): فيكتور أوسيمين (نابولي)

موضوع اليوم: خطة 4-3-3 كيفية التحرك، مميزاتها و عيوبها

- مونديال 1974 ألمانيا كان أول منتخب كيلعب بهاد الخطة و ربحات بها كأس العالم ضد هولندا فالفينال.

- خطة هجومية و ممتعة و لعبو بها بزاف ديال المدربين بحال الأرجنتيني بييلسا، الهولندي فان خال، الألماني يورجن كلوب و الإسباني بيب جوارديولا و كلهم نجحو بها و متعو بها الجمهور .

- الفرقة لي كتلعب بهاد الخطة كتكون من 4 مدافعين، 3 خط وسط و 3 مهاجمين.

#الدفاع : كيتكون من 2 لاعبين قلب دفاع، كل واحد فيهم كيكون عندو دور مختلف على الآخر، واحد كيلعب دور أو و الآخر كيكون متقدم شوية وكيكون مكلف بمراقبة مهاجم ديال فريق الخصم (Men to men)

#الأظهرة : فبحال هاد الخطط كيكون للأظهرة دور كبير فالمهام الهجومية و أغلبيتهم عندهم نزعة هجومية و كيمتازو بالسرعة و اللياقة البدنية الكبيرة لي كتخليهم يشاركو فالهجوم و يرجعو للدفاع.

:كيكون واحد من هاد ثلاثة عندو دور لاعب أو وأحسن مثال هو (سيرجيو بوسكيتس) و (جورجينيو).

- ثاني لعاب كيكون عندو دور يعني لعاب لي كيعون لاعب ارتكاز فالمهام الدفاعية و كيعون المهاجمين فالمهام الهجومية و كيكون قريب لمربع العمليات ديال الخصم وأحسن مثال هو (لوكا مودريتش)و (تياغو ألكانتارا).

- ثالث لعاب كيكون عندو دور هجومي و حرية أكثر من و و هو لي كيربط ما بين خط الوسط و الهجوم و أحسن مثال هو (بيرناردو سيلفا) و (دي بروين).

#الهجوم الشكل الأول: كيكون فيه 2 أجنحة و قلب هجوم و كيكون للأجنحة دور كبير و من المهمات ديالهم هي الاختراق من الأطراف و العرضيات لقلب الهجوم لي كيكون فمنطقة عمليات الخصم.

-الشكل الثاني: كيكون واحد من المهاجمين مورا المهاجمان الآخرين و قدام ثلاثي الوسط و المهمة الأساسية ديالو هي يخلق فراغات فدفاع الخصم و كيلعب حتا دور المهاجم الوهمي وأحسن مثال هو (ليونيل ميسي).

#مميزاتها : كتضمن ليك هاد الخطة الهجوم مع المتعة و الأداء و كتستحوذ على الكرة و كتخنق الخصم فالمنطقة ديالو.. لا تحتاج مهاجم قناص حيت أساس الخطة كيخلي جميع لعابة مهاجمين و أي واحد يقدر يماركي.. كتحتاج ثلاثي الوسط يكون كويري وكيلعب تحت الضغط وكينوع فالتمريرات مرة قصيرة مرة طويلة و بالأخص تمريرات مورا ظهر دفاع الخصم.

#عيوبها : كيكون دفاع ديالك متقدم بزاف و كيكونو مساحات فالخطوط الدفاعية.. أي كرة مقطوعة كتشكل خطر وبنسبة كبيرة كيكون هدف خاصة ملي كتلعب ضد فرقة كتلعب ب 4-5-1 أو 4-2-3-1.

موضوع اليوم: شنو الفرق بين التكتيك و التكنيك ؟

-التكتيك هي كلمة يونانية الأصل و المعنى ديالها فالكرة هي مجموعة ديال التحركات الجماعية و الفردية لي متافق عليها و هي مهمة ديال المدرب بحال (طريقة لي كتطبق بها الخطة، دور ديال كل لعاب، طريقة لي كتوظف بها كل لعاب و الاستراتيجية لي كيتبعها فكل ماتش)

-التكنيك حتا هي كلمة يونانية الأصل و المعنى ديالها فالكرة هي مهارة كل لعاب بحال (التسديد، الكنترول، المراوغات، القدرة ديال الباص تحت البريسينغ) ولي كتعاون مهمة ديال المدرب.

-كل مدرب كيلعب على حساب نوع ديال لعابة لي عندو فالفرقة.

كيعتمد التكنيك على نوع ديال لعابة:
•لعابة رقايقية لي كتعرف تلعب تحت الضغط و كتخترق من الوسط.
٠لعابة سراع لي كتستافد من المساحات ديال دفاع الفريق الخصم و كتقن الهجمات المضادة.

عشاق كرة القدم مرحبا بكم في تكتيك بالدارجة-Tactique B’darija

هاد صفحة أتكون مختصة ٪؜100 فشرح جميع المعلومات لي كتخص تكتيك و أساسيات ديالو ، تكنيك، تحليل الماتشات ، أنواع الخطط و أي حاجة كتعلق بعالم التدريب فكرة القدم.. كولشي أيكون بالدارجة و بطريقة مبسطة لي يقدر أي واحد يفهم بيها

عشاق المستديرة بلا ما نوصيكم على البارطاج باش نكبرو الصفحة 🙏🏼