Raja Club Tiki Taka

رسميا جواد الزيات ينتخب كرئيس جديد لفريق الرجاء الرياضي البيضاوي
بالتوفيق لفريقنا الغالي
💚🦅🦅💚

منذ مدة مبقيتش كنتفاعل مع أخبار الرجاء لأن بكل بساطة عارف اش واقع فالكواليس و ماشي هادي هي الرجاء لي بغينا و حنا صغار.

بين ليلة و ضحاها المسييرين ولاو تبارك الله أغنياء و الفلوس ترشرش و مشينا جبنا بانون و مالانكو و مازال كنتفاوضو معةلاعبين آخرين،،

الإخوان غير لي مبغاش يعيق و يفهم داكشي علاش عفت نبقا نهضر فالرجاء ماحد مؤسسة المنخرط هي لي كتسير فالرجاء واش محامي يتفاوض مع لاعب كرة قدم،، اش هاد الخرطي و لعل خرجة بلقشور توضح كل شيء

مؤسسة المنخرط وباء و بلاء و سرطان ينخر الرجاء و ما عمر الرجاء ترجع للقمة في إفريقيا ما حد هاد المؤسسة كتناوب على تسيير الرجاء

ديما رجا و الرجا فالله

🏁 نجاح بلقشور هو نجاح على المدى القريب
🏁 نجاح الزيات هو نجاح على المدى البعيد
لكم الاختيار

أنا كرجاوي و نكون مسؤول و الله ما نقدر نزيد نبان فشي خرجة إعلامية و لا ندير شي إفطار بحال هكدا,,

موسم كارثي على جميع المقاييس، لا كوررة لا لعابة لا ألقاب لا مستشهرين لا زين لا مجي بكري

مؤسسة المنخرط وبال و بلاء على الرجاء،، ما حد المنخرط هو من يسير فالفريق، الرجاء يسصبح فريق عادي و عادي جدا

الرجاء فالله 💚🦅

إلاخوان مؤخرا غبرت لأنني مابقيتش قادر نتفرج فهاد النسخة ديال الرجاء و مبقيتش قادر نفسيا نستحمل ان فريق الرجاء كيسيرو منخرط،، هادي بوحدها خلاتني نبتعد على كل ما يحيط بأخبار الرجاء لأن ميمنكش فريق مرجعي و عندو تاريخ يسيرو منخرط هادي مامسروطاش ليا و خير دليل على هذا شوفو غير الماتش اللخر ديال تطوان،،
إلى ذلك الحين و في انتظار الفرج و يجيو مسؤولين كبار يسيرو هاد الفريق العظيم لا أظن نقدر حتا نتفرج فشي ماتش ديال الرجاء و راسي كيدور فيه هالا و أنيس و الأندلسي و بيرواين مع احترامي ليهم و لكن الرجاء ولا فريق عادي جدا جدا مع هاد المتطوعين.
الرجاء فالله و الله ينصر خوتنا في غزة.

ليبيا بانو ليها غا اللعابة ديال الرجاء سبحان الله واحد الفراقي آخرين مكتشوفش اللعابة ديالهم مشاو ليبيا،، واش هادشي صدفة ؟ واش هادشي عادي؟ و علاش غير اللعابة ديال الرجاء؟

من هم الاشباح المتربصون بهاد الفرقة ؟ شكون لي مكان عندو والو و بسباب الرجا درا لباس ؟

واش فهمتو علاش الرجاء عمرها تقلع ؟
الرجا فالله 💚🦅

رجوع الزرهوني للتداريب، نوفل الزرهوني من بين أحد أفضل الاعبين السنة الماضية يعد قطعة غيار مهمة للمدرب لسعد الشابي الذي يعول عليه كثيرا لحل مشكل العقم الهجومي.

غادي نشوفو زرهوني مغاير مع الشابي في المقابلات القادمة.

الرجا فالله 💚🦅

✅️ سامي الطرابلسي رسميا مدربا للمنتخب التونسي،،

✅️🔙 مدرب نصحت بيه إدراة الرجاء 3 سنوات هادي و لكن العلماء ديال المكتب و المنخرطين لي تبارك الله درزو الكوورة الكبيرة لهم رإي آخر

✅️ بقاو يدورو و يتبربصو حتا تلفو و مشاو جابو الشابي لعل و عسى يستر الفضائح التسييرية ديالهم.

الرجا فالله 💚🦅

نصيحة تقنية لمسؤولي الرجاء, هاد السيد رغم أنه حاليا يعمل بالدوري القطري إيلا بغيتو تصنعو تاريخ جديد للرجا وتفوزو بالالقاب ما عليكم ايلا تفتحو باب المفاوضات مع سامي الطرابلسي و أنا على يقين أن الجمهور الرجاوي غيفرح بزاف مع هاد السيد

❌️❌️ مؤسسة المنخرط وبال و بلاء لن تقلع الرجاء معه إلى الأبد،،

❌️❌️ أنا بالرغم من أنني رجاوي متعصب و لكن غنكول ليكم سيرو تعلمو من سعيد الناصيري لي المستوى التعليمي ديالو على قد الحال مكاين لا محاماة لا دكتورة و لكن قراكم التسيير و خراكم من سراولكم اللعاب المخير فالوداد لي كان كيكول أنا كان كيكلس معاه و كيقنعو يبقى فالوداد بالرغم من ان العروض لي كتجيهم كانت كبيرة بزاف و لكن الناصيري بالرب لا طلقو النتيجة ؟ الوداد كان كل عام لاعب على العصبة و بقوة

❌️❌️ هادو عندنا كتبان الهوتة كيطلق اللعاب و يغمق علينا بديك راه سمح فلوسو،، و الجمهور ديال الرجاء ماسوقوش فالفلوس الجمهور بغا نهار الأحد يجي يتفرج في فريق قوي و كيربح و كيفرج،،

❌️ المكعازي لقيتو خوه ؟ لا
❌️ المقدم لقيتو خوه ؟ لا
❌️ موهوب لقيتو خوه ؟ لا

و الأمثلة كتيرة و بزاف،، المنخرط مستحيل يكون كويري ببساطة لأنه ماشي تقني و ماعمرو لعب الكوورة ممكن تحتاجو فشي استشارة قانونية نعم و لكن تقنيا المنخرط أكبر مخرب للشق التقني فالرجا

داكشي علاش الرجاء ماعمرها تكبر كفرقة و غتبقى فكنف الأزمة المالية و التقنية

الرجا فالله

رسالة لأصحاب القرار لي خواو الفرقة ببيع لاعبين ممتازين في صفقات يجب المسائلة عليها،

❌️ واش باقين باغين تصيفطو زريدة من بعد الكارثة ديال الوسط الدفاعي اليوم لي لولا الألطاف الإلهية كون را حنا خاسرين اليوم.

❌️ اللهم قد بلغت لي بغا يبقا ساكت شغلو هداك الحفاظ على الركائز الأساسية هو أهم شيء فالفريق

مبروك علينا 3 نقاط بعد مباراة جد صعبة و ضد فريق لم ينهزم 11 مباراة متتالية،،

✅️الإيجابيات هو خلق فرص عديدة فالمباراة و هو شيء إيجابي

❌️ السلبيات: الوسط الدفاعي اليوم بقيادة الفردوسي و بيكورو تكرفصو على الفرقة لا إضافة تذكر و الدفاع هز الدق بزاف بسباب ضعف الوسط الدفاعي.

نتمنى رجوع زريدة لي يقدر يعطي التوازن شوية للوسط.

ايلا كان الخبر صحيح فهذا يعد بمثابة الكارثة و الجريمة الكروية في حق الرجاء

مغاديش نبقا نكول المكتب المسير و لكن غنكول المنخرطين أجرمو في حق الرجاء هاد الموسم ببيعهم أبرز الاعبين و خواو الفرقة و خلاو فيها غا الكرارس

ما يقع بالرجاء خطير و خطير جدا هادشي ماعمري شفتو فحياتي،،

شكون مازال باقي ماباعوش ؟
🚨🚨🚨🚨