كلنا ضد خونة الوطن و القسم

حشاكم القحاب الكبار و حابسين سطوريات و هاد القحاب ديال الخليج ديالنا :

🔴 سابقة...

لاول مرة، يستدعي قاضي التحقيق بمحكمة الإستئناف بالبيضاء العلبة السوداء لاخنوش و شريكه، الملياردير الحسين بيشا وابناؤه.

نفوذ بيشا وابناؤه شريك مول المازوط بشركة Gaz afric لم يمنع السلطة القضائية من التطبيق السليم للقانون و استدعاء الملياردير النافذ للمثول هو و ابنائه، للتحقيق معهم في شبهات الجرائم المالية والاقتصادية في حق الوطن والمواطنين، من شركات مستنسخة وتبييض الأموال وتمويه العدالة والسطو على العقارات وووووو...

بادرة طيبة في الاتجاه الصحيح لتنظيف الوطن ام مجرد خاوية فعامرة لذر الرماد فالعيون ؟!

يتبع...

اخت الشيخ حاكمة الكفاف 😃

موظفة الجماعة نجاة الشباكي اخت شيخ الكفاف الشباكي، شرات ساروت حانوت من عند نائب الرئيس الاول (نبي الكفاف)، لي ماشي من حقو يبيع أملاك الجماعة، هرفت على اربع دكاكين ديال الجماعة، شركاتهم صحة معوالحانوت لي شرات و خرجت منهم قهوة كارياها للغير و ما كتخلص والو للجماعة من 2012 !

الساكنة فراسها، الشيخ فراسو، رئيس الجماعة فراسو، نبي الكفاف نائب رئيس الجماعة لي باع الساروت فراسو، المجلس فراسو، النيابة العامة فراسها (شكاية رسمية)، العامل فراسو كل التفاصيل... و والو و الله ما صورو من اخت الشيخ باش ينقيو سنانهم...

هاذي هي المرأة لي قالت بأن زوجها المسمى قيد حياته فهيم عبد الرحيم كان مصاب بالفشل الكلوي، مشا نهار 4 / 08/ 2022 لسبيطار الحسن الثاني بخريبكة فوق دراجة نارية صحيح فصيح لا يعاني من اي مرض باش يدير حصة دياليز، حتى قالو ليها مات وبأنهم خادوه للإنعاش قبل الوفاة ديالو، مشات لمشرحة الاموات صابتو مازال سخون مقطعين لو التيو ديال الدياليز من يدو.
هي كتقول بأن الوفاة ديالو نتيجة للإهمال الناتج عن اصطفافه إلى جانب الجمعية لي كانت شادة قسم دياليز لي فصلنا فقصتها مع عصابة المدير الدجايجي لي طردت ذات الجمعية من قسم الدياليز بعد ما اعترضات على محاولات البيع و الشرا فلائحة المستفيدين، و بأنهم كيركبو ليهم التيوات وإغبرو اعليهم.

الأرملة فقدت سندها بعد الله وتقدمت بشكاية كون الموت مشكوك فيها.

أين وصلت هذه الشكاية ؟
.

دولة الحق و القانون حقا ؟!

مجموعة من الناس، فيهم مغاربة و أجانب شراو ستوديهات من عند المنعش العقاري المدعو نور الدين بنعبو مالك شركة كنعان بروموسيون.

ملي خذاو شواهد الملكية كيتفاجؤا ان العمارة لي شراو عندها مشكل ديال (Empiétement) يعني العمارة واخذة مساحة من عمارة مجاورة، و هو ما يعني انهم مستحيل يعاودو فيها البيع، تقدر تسكن و لا تكري فقط، ملي مشاو يسولو المنعش العقاري و النوطير، علاش ما خبرتوناش قبل مانشريو، بقى واحد يلوحهم للاخر و يخرجو ليهم فالاعذار، حتى فهمو فالاخير انهم تنصب عليهم.

عطاو راسهم للامر الواقع و سرطوها، من بعد اخ المنعش مالك الشركة لي دايرو مدير المبيعات المدعو محمد بنعبو غادي ينصب نفسو سانديك صحة على السكان، بلا جمع عام بلا انتخابات...جاب ليهم ورقة ساني فيها هو و خوه، دار على السكان عطاهم سوارت العلبة البريدية و قاليهم وقعوا هنايا و اعتبرها وثيقة ديال الجمع العام.

السكان ملي عاقوا قررو يديرو سانديك ديالهم، لكن مول الشي و خوه ما غايعجبهمش الحال و غادي يبداو شغل المافيات، الاعتداأت و المضايقات و البلطجة ضد السكان، خصوصا لي كيهضرو فيهم.

السانديك ولا يمشي عند السكان و الكراي منهم مغاربة و أجانب، يتحرش بيهم و يطلب منهم يخلصوه على اساس انه هو السانديك، يسد عليهم الكاراج، يحبس عليهم المصعد، و يجري ليهم على الكراية...

السكان ناس اغلبهم نقيين و مثقفين، ملي شافوه كثر، اعطاو السانديك لشركة مختصة ديال واحد اوروبي عندو تجربة و اسم معروف فالميدان، نظمت ليهم الجمع العام ، علمو السطة المحلية فالاجال القانونية، كلشي داروه على حقو و طريقو...

هنا غادوز عصابة الباطرون و خوه لسطاج الوحش معاهم و غايخرجو ليها نيشان... ولاو ينشرو صور الملاك مغاربة و اجانب يشهرو بيهم حدا العمل و حدا السكنى ديالهم، و يكتبو عليها رئيس عصابة هارب من العدالة إلى اخره، يثقبو للسانديك الجديد البنوات ديال السيارة، يرميو ليه الزبل قدام باب دارو، يحطو ليه مش ميت فكرطونة، ياخذو اسماء الزوجات و ارقامهم من عقود البيع و يبداو يتحرشو بيهم و يهددوهم، يتاصلو بيهم فالعمل و يبداو يسبو فيهم و لا مالقاهش كيعرقو للكاتبات ديالهم، يجري على الكراي ديالهم، يخشي ليهم المسامر فالكانون ديال البيبان، يقطع عليهم الضو، يحبس ليديك ما يخليهمش يدخلو، كيشري لي كارت ب 20 درهم من الزنقة و يظل يسب فيهم و يهدد نهار كامل...

وصلت بيهم يجيبو البلطجية ديالهم بالسيوفا و الكلاب، ضربو السانديك هرسو ليه كتفو، واحد خدام عند احد الملاك هرسو ليه سنانو... المهم حولوا حياة بعض الملاك إلى جحيم و مازال المسلسل مستمر إلى اليوم...

قرروا السكان يلتجؤوا للقانون ينصفهم، لكن غادي يلقاو راسهم وسط بيئة متعفنة فاسدة، و غايحسو بالحكرة ديال بصح، اكثر من 15 شكاية و لا وحدة تفعلت، و أي إجراء او مسطرة داروها كيلقاو التماطل و الخواض، و عمر شي متابعة ما تدارت ضد العصابة.

التواطؤ مفروش و رهيب ديال امن الدائرة 13 "غاندي" مع العصابة ضد السكان، المحكمة نفس الشيء، لكن ملي غادي يكتشفو ان نسيب المنعش المافيوزي هو رئيس لابيجي، غايفهمو علاش ملي كيبغي الباطرون و خوه يلفقو لاحد السكان شي منتف كيتصلو بالبوليس كيحضرو ف جوج دقايق، بينما ملي الا اتصلوا السكان يبلغو على اجرام السانديك المزور و خوه، كيديرو البوليس ثلاث سوايع...

ناس دراوش و نقيين طاحو فمجرمين محترفين، ملي التجؤا لذوك لي خاصهم يسهرو على تطبيق القانون ينصفوهم لقاوهم هوما أخطر المجرمين...

شنو خاص يديرو هاذ الناس دابا ؟!

نداء للسيد الوكيل العام بمحكمة الاستئناف و للإعلام الخريبكي الحر حول قضيه الكوميسير قاتل زوجته، و المحامي السمسار.

تذكرون قصة الكوميسير عبد الرحيم لمنيني لي قتل مراتو المسماة قيد حياتها سكينة اوفارس بداية هاذ الصيف، الضحية كانت حاملة، قتلها ببندقية صيد على بعد خطوات منها و هي مشغولة في إعداد وجبة الغذاء فالمطبخ، قتلها و اتصل بالبوليس مباشرة قاليهم راني قتلت المرا علم الشاف ديال لابيجي، بجيو هزوها.

الكوميسير كان كيعاني من الوسواس و الشك المفرط و اتهم مرتو الضحية بان الابناء ماشي اولادو، لكن الخبرة الجينية للجنين والطفل معا من بعد وفاتها، تؤكد انهم اولادو .

محامي الكوميسير السمسار المعروف انس السكتاني لي حال دار مو بحال الزاوية كل اسبوع لموظفي المحكمة، و لي كان يعيط للوكيل السابق سرحان "حبيبي" حيث ما كانش تاهوا يحيد من دار مو، كيدير مناورات باش يخرج منها الكوميسير لي كان معروف بعلاقاتو الوطيدة مع رجال قضاء و محامين، و كان يجيب ليهم ملفات للسمسرة، باش يفكو من الاعدام على اساس ان السيد مريض و احمق عندو اختلالات نفسية،

حمق و عندو بندقية صيد مسجلة فاسمو، و فاخر جلسة كيسولو القاضي واش كتسمعني، كيجاوبو فالبلاصة، لا ما كنسمعكش 🙂 !

يتبع...

ضابط أمن فسطات، سحابليه قطع الواد و نشفو رجليه.
شوهتي الجهاز و الكسوة.
ترد الحقوق (50 مليون) و لا العمارية ؟

يومين هاذي وانا كنسول على شي قسم ولادة و لا أشعة فشي مستشفى عمومي خدام بما يرضي الله، و الله ما لقيت !
الوزارة Vu.

السويسي : طبيب جراح، قلوب الناس اداويها…
ياكما سحابلك حتى واحد ما سايق خبارك اسي محمد العروسي. ؟ يسحابلك غنتقولبو بالصور و البروباغاندا التلفزية ؟ ريحتك فالسبيطار عاطية، و دبا خاصها تخرج على برا!
البروفيسور المدرح قالك 250 عملية قلب مفتوح فابور، و حنا كنتحداوه يفتح غا قلب دجاجة بوحدو، بلا الجراح الشبح لي كيكتب اسمو فبلاصتو !
الاستاذ العروسي هو رئيس المصلحة الوحيد فالرباط لي ماعندو علاقة لا بطب ولا بتخصص ولا باستاذية ! حنا بغينا غير نعرفو كي دار ليها ؟
استاذ و رئيس مصلحة شبح بامتياز، استاذ غير فالاوراق، الواقع حاضي غا الرابورات و المكائد، ولا وجود له فالكلية..
جراحة القلب، فعهد هاذ خونا ولا هو السربيس الوحيد فالرباط لي كيتخرج منو طبيب متخصص باك + 13 و مايقدرش يدير عملية جراحية كاملة بوحدو و لو ابسطها !
هاك الديبلوم و ايلا خدمتي بيه ها وجهي ها وجهك…

وكيل الملك بخريبكة ابراهيم زهير يدخل على الخط ويأمر بالتحقيق في ملف السيدة الأرملة لي قالت طلبات منها الطبيبة 1500 درهم.

بيضاوة النخوة و الرجولة، ولدكم المناضل الحر مراد الكرطومي يتعرض لضغط رهيب من عصابة السوق.
كيدافع عليكم و مخلينو منو ليهم، حشومة !

اقسم بالله، في حالة لم تتراجع العصابة عن التهديدات و التضييقات على المناضل الحر مراد الكرطومي، سنقوم بترجمة فيديوهاتو و مقالاتو إلى الفرنسية و الانجليزية و الاسبانية بعدة مواقع اجنبية، و الخبر ما ترون لا ما تسمعون...

حنا بغينا نغسلو وسخنا بيناتنا و لكن ملي القضية وصلت لتهديدو بالقتل، غادي نديرو جهدنا باش نضربو ليكم الطر خارج الحدود ان شاء الله.

فانظروا ما ترون.