أخبار الرجاء الرياضي

https://youtu.be/xatRQ-1ld08

متابعي صفحة أخبار الرجاء الرياضي الأعزاء، تجدون آخر فيديوهاتي على قناتي في اليوتيوب، والخاص بما حدث بالديربي وكذا انتخاب عزيز البدراوي رئيسا جديدا للرجاء على الرابط التالي :

https://youtu.be/KCb_3nD5DWA

#الرجاء #الوداد #الديربي #الرجاءالرياضي

هو راه مزيان ملي فهمو راسهم غير بجوج كليمات ديال السبان ( رغم عدم اتفاقي مع نوعيته ) وقدمو استقالتهم بعد الأخطاء الكارثية الفادحة لي دارو فظرف أقل من سبعة أشهر، ولكن ما يحز في النفس هو هاد عدم الاستقرار لي كاين فالرجاء، كل شوية كايطلع شي حد يترأس يجرب فينا ويخرمز ويدير شرع يديه ويمشي… راه لا يعقل نطالبو بتحسين جودة اللاعبين والمدربين المشتغلين كأجراء في النادي ومانطالبوش بأهم شيء وهو جودة المسيرين، وفهاد الشق راه المسؤولية كايتحملوها المنخرطين حيت هوما لي عندهم هاد القوة الانتخابية.
شخصيا فاقد الأمل تماما فالمسير الحازق لي باغي يجي يشد الراجا ويقول ليك الراجا ماكاتوقفش على مول الشكارة والراجا كاتجيب الموارد المالية راسها وماشي عن طريق الأشخاص.. حيت بكل بساطة راه بصح الراجا كاتجيب فلوس راسها حست الاسم ديالها كبير وكايسوق لنفسو ولكن أين حسن تدبير هاد الفلوس ؟ ماكينش حيت ماعدناش مسيرين ذوي كفاءة.
#الرجاء #المغرب

فيديو أتحدث فيه باختصار عن مباراة الأمس .. عن أسباب تراجع المستوى وانحطاط وضعية الفريق والأسباب المؤدية لذلك، تجدونه على الرابط التالي :

https://youtu.be/Pha_2XkPwu8
#الرجاء #الرجاءالرياضي

أتفق جملة وتفصيلا… ملي غاتولي جلدة منفوخة تقتل على ودها أخوك المسلم فراه دمك حلال هدره بكل بساطة، الله يلعن مها هاد كورة لي تسبب فأذية أي روح.

مباراة اليوم هي كارثة بكل المقاييس، كارثة على المستوى التقني، كارثة على مستوى اختيارات اللاعبين، كارثة على مستوى أداء اللاعبين المخنثين قلال النفس، وباش كملات سلوك بعض الكلاب المسعورة من الجمهور لي غايتسببو بكوارث على الفريق لي هو أصلا كارثة ويعيش في مستنقع الجهل التسييري وانعدام الكفاءة عند المدرب مول اللسان الطويل .
نجيو نهضرو دابا على دوك لي شفناهم لابسين الخضر فالملعب : اللاعب لي ماعندوش أبجديات كرة القدم ولي هي الكونطرول باص فراه مايمكنش تعطيه لقب "لاعب كرة قدم" ، وهادوك لي شفنا ليوم لاعبين بالتوني دالراجا حاشا واش يكون لاعبين محترفين لكرة القدم وإنما شيء آخر. الراجا وصلات لواحد المستوى من الانحطاط غير مسبوق.
ماكاين ما نحلل فالماتش، من راس الحربة لي جاي يضرب بريكول فالمغرب ويجمع حصيصة لا غير لآخر مدافع عندنا، كلشي بحال بحال وكلشي مسگي بمغرفة وحدة.
الحاجة الوحيدة لي كانستبشر بيها خير هي عدد من الكرارس غايسالي ليهم العقد هاد العام وبالتالي غايمشيو، وكانتمنى وحدين آخرين مازالا العقود ديالهم سارية المفعول يتبعوهم وعلى رأسهم الهدهودي والطاوسي.
فيما يخص الكلاب المسعورة لي هضرت عليها ولي تسببت فأذى لشخص بريء لي هو حكم الشرط، ولي ما راعاو لا للشرع ولا القانون وكانو يقدرو يتسببو بكارثة انسانية حقيقية حنا في فنى عنها، فمن كل قلبي كانتمنى يتعرفوا ويدوزو أحلى أيامهم مورا الگرية.
#الرجاءالرياضي #الرجاء

رغم كل ما وصل إليه الفريق حاليا على مستوى البطولة من ثبات على مستوى النتائج الإيجابية، ولكن كلشي كاعي وساخط على ما يجري داخل الفريق، حتى واحد ماعاجباه الحالة لي وصل ليها الفيستيير من تسيب، وحتى واحد ماعاجبو دوك فعايل النگافات فالسطوريات ، ولكن فهادشي كامل فيناهو المدرب ؟ ملي كايكون عندك مدرب ضعيف الشخصية ماقادرش يضبط الأمور وماقادرش يگلس متولي لي خارج على الفورمة بدنيا وتقنيا وكايجي يقوليك بوطويل ماكيلعبش حيت خاصو ينقص الوزن والمورابيط حيت غير منضبط .. فيناهو الانضباط أصلا عند لاخرين ؟
#الرجاء

الحمد لله سالا الماتش بالمرض والسكر وثلاث نقاط… بنجديدة كيف ديما السيد كايدخل كايعتق الفرقة.
أبو يقطينة كانطلب الله تعالى أنها تكون آخر سنة ليه فالفرقة.

متولي : لقى السيبة ومدرب ضعيف الشخصية، من البدية ديال الميطا تانية وهو كايجر فرجليه وطيح النيفو بزاف، وفالمقابل : يلعب أكثر من 80 دقيقة وتعطيه يلعب بيلانتي لي عاد ضيعو الماتش لي قبل ويعاود يضيعو تاني ويخليك تعيش على الأعصاب حيت النتيجة مامضموناش.
أعيد وأكرر صحاب متولي مارادونا والمايسترو ومول البالون راكم حليتوها ليه، اللخر ديال العام غايمشي الصنم ديالكم مول المقولة الشهيرة "يمشي حسبان نلعب فابور" ، ديك الساعة سيرو تبعوه.

متولي كايجر فرجليه والسي الطاوسي داير عين ميكا ماباغيش يخرجو…
صحاب متولي مارادونا مايسترو … كانتمنى تكونو فرحانين بسيدكم

تيفو الجماهير الرجاوية اليوم
نتمنى أن تصل الرسالة للاعبين أيضا.
#الرجاء

#الرجاءالعالمي

‎خرج إلينا رئيس نادي الرجاء الرياضي في لقاء أجراه معه الصحفي بإذاعة راديو 2M يوسف الشاني بمجموعة من النقاط حول أربع محاور : التقنية ، المالية ، الإدارية والتنظيمية ، وأجاب محفوظ على مجموعة من النقاط والتساؤلات التي طرحت عليه.
‎في هذا الفيديو عقبت على ما جاء به السيد أنيس محفوظ في هذا اللقاء الخاص، وتطرقت لمجموعة من المحاور التي بدت لي غير مفهومة ، بل وغير مبررة أيضا، راجيا أن ينال الفيديو المتواضع رضاكم، وأن لا تبخلوا علي بإبداء آراءكم حوله.

‎تجدون الفيديو على الرابط التالي :

https://youtu.be/Qbp7lGcA6XY

#الرجاء #الرجاءالعالمي