Verde Unido - فيردي أونيدو

السلام عليكم، مورة ماتكالمينا شوية و فقنا من الحلمة أجي ندويو واحد الشوية بالعقل و بلا عاطفة الصفقة الحلم لي ناض عليها الصداع البارح و لي خلاتنا طلعنا الطموح و سقف التوقعات لواحد الدرجة ميمكنش واحد 3 سوايع و موراها تضربنا بتسرفيقة لي فيقتنا السبب فهادشي 3 تاع الناس (الحسناوي-كابيبي-الديجيطال) كاملين سرحو الجمهور غلطو مغلطوش بلعاني مبلعانيش بلان بوحدو هداك و لكن حنا كجمهور خاص نعرفو بلي مخاصش نبقاو نتيقو فحتا واحد من هادوك الجوج (الديجيطال موضوعهم بوحدو) اللاعب لي جا كيتعتابر قنبولة يا غتفرغع علينا يا غيسكتنا كاملين و غنعرفو بلي فعلا عندنا مدير رياضي واعر (هادشي لي كنتمناو) دبا سينا ولا محسوب علينا معندنا منبدلو حتا يبدا العام إن شاء الله غير هو فهاد الظرفية لعابة بهاد الشكل مخاطرة نحن في غنى عنها حيت باش تجيب بحال هاد اللعابة هاص تكون عندك فرقة واقفة بعني وها تغلط مغتأترش بزاف.

حاليا نوعا ما بدات كتبان لينا 11 رسمية و لي باقي ناقصها تقريبا (مهاجم-كاسور-مدافع) و عاد لاعبين لي غتقوي بيهم الإحتياط، ضغط مع راسك دوي على فرقتك من حقك حيت لحد الآن الخدمة لي كاينة 50/50 و خصوصا بنادم حلم البارح بزاف، غير هو عرف كيفاش ضغط را كاينين لي وسطنا و خدامين مصالحهم متهرسش و إنما ظغط باش نبنيو، بالنسبة للحسايني بعيد على واش مزيان ولالا ولكن بنادم كيدوي على فشل الصفقة بسبب 50 مليون شكون غال هاد الخبر؟ واحد من هادوك لي سرحو أمة البارح مع كامل إحتراماتي للجميع ولكن را لي باقي كيتيق فشي واحد من دوك أشباه الصحفيين را كانبو و مكيفكرش بعقلو.

🟢 عاش نادي الرجاء الرياضي ⚪️
💚

مني جات الإدارة الرياضية إستبشرتا خير و عطيناكم الحماية و الدعم التام من السماسرية و الحياحة، كانت واحد التقولية فاللول و غمضنا عينينا غلنا تعطلنا فتعيين الإدارة الرياضية عادي يتعطلو شوية جبتو جوج لعابة مزيانين و زدنا تقنا فيكم حسمتو صفقة الدحماني مورة جوج سيمانات و غمضنا عينينا، طالبنا ديك المرة بتسريع الحسم و متبقاوش تعطلو فيه حيت ميمكنش تفاهم مع واحد اللعاب و فرقتو و تخليه كيتسنا بدون سبب و غلنا سرعو غير الحسم ماشي مشكل تعطلو فالمفاوضات و لكن الزيات مباغيش يمرغ و كل مرة مخرج داك البوق تاعو بكدبة و سرحة جديدة لعاب غالك مفاهمين معاه شوية لا حغا خيار تاني 2 لعابة أجانب لا حغا فلان مبغاش فرقتو مبغاتش…

⚠️دبا أنغولو ليك را المدير الرياضي مغيصبرش على هاد التهرغاويت و العشوائية تاعكم حنا عارفينك مدعوق و كيخلعوك دوك خوتنا و لكن را الخلعة تاع جمهور الرجا خيب بزاااف و راك مجربها و واقيلة باغي تعاود تجربها باش تأكد و عطي لدوك الناس الحماية و الصلاحية الكاملة و متبقاش تابع دوك خوتنا و كتفشل فالمفاوضات را والله مخرج هاد الميركاطو بداكشي لي باغين و لعابة واجدين تاغتشرف اللخر ورا غاداك العام جربتي و مبقيتشي كتحضر فالتيران و سمعتي و شفتي و لاكانت عاجباك ديك 25 مليون باردة را غتمشي ليك⚠️

🟢 عاش نادي الرجاء الرياضي ⚪️

💚

"بانون لي مخبي فالفرقة و حاشا تكون ولد الفرقة"

دوينا معاك بجميع الطرق الممكنة و نتا عارف الجمهور و تا واحد فالرجا مبقا باغيك و حاملك من الإدارة الرياضية للمدرب للجمهور حيت مكتقد الإضافة لا رياضيا لا ماديا لا معنويا و غير كتزيد تكحلها بهادشي لي كادير من الصداع لي درتي على الشابي فالبدية تاع العام، لفاضلو و داكشي لي كنتي كادير على قبلو، للبطولة لي مشات و نتا واحد من الأسباب الرئيسية للفسخ لي مبغيتيش تفسخ للنقابة لي باغي دير لنابي حاليا و الصداع لي منوض فالفيستيير و تاباطرونيت

بغينا غير نعاودو نغولو ليك را مغتبقاش إن شاء الله وخا يبقاو السماسرية و صحابك يلوحو فالفيديوات و يضغطو و يكتبو و أي حاجة حيت صافي وليتي مكروه و داك الشوية تاع الإحترام لي كان باقي بينك و بين الجمهور مشا و وليتي مقيض من أخنز اللعابة لي دازو فالفرقة ماشي غاحيت زرغ و لكن حيت ماشي راجل و معندك نفس.

🟢 عاش نادي الرجاء الرياضي ⚪️

💚

السلام عليكم، لحد الآن الميركاتو كيدبر فأحسن الأحوال و بأحسن القرارات، أولهم كان تخفيض كتلة الأجور و تنقية الفيستيير مورة ماسيفطنا بوغرين خافيف و اللعابة لي نهاية العقد (العقوبة لبانون و دوك الزرغين لي فطريق..) و تانيا بإنتداب أحسن مكاين محليا (قنيديل-دحماني-زيداني) لعابة صغار فالسن و كبار فالعطاء و لي غتبني عليهم المشروع إن شاء الله كما باقة مفاوضات مع لعابة نفس الشكل و لي كلشي باغيهم الله يسر فيهم، و كل الدعم للإدارة الرياضية فالقرارت لي خدات و لي غتاخد فالمستقبل كيفما بغات تكون.

من حق الجمهور يضغط و يطالب بتسريع وتيرة الإنتدابات و تسيفط دوك الزرغين باش ندخلو المعسكر كاملين و بالفرقة لي غتلعب العام الجاي إن شاء الله، غير هو كاينين سماسرية وسط الجمهور لي كايديرو فيها رجاويين و زعما كيضغطو و باغين الخير ولكن العكس هما باغين ينوضو الصداع و يضغطو على الإدارة الرياضية و الرئيس عن طريق الجمهور باش يبداو يتقبلو اللعابة تاعهم و يبقاو شي لعابة تاعهم فالفرقة و يرجعو يضربو الغوامل وراه ولاو معروفين شكون يعني طالب باللعابة غير عرف كيفاش و إمتا و متصاغش مع دوك خوتنا.

🟢 عاش نادي الرجاء الرياضي ⚪️

💚

السلام عليكم، بعد تعيين الإدارة الرياضية إستبشرتا خير و غلنا أخيرا ولينا نادي تاع الكرة و محترم الأساسيات تاع هاد الرياضة و زاد تأكد هادشي فالقرارات الرياضية و المالية لي تخادو و بديانا كنشوفو نوعا ما شوية تاع الإحترافية و داكشي لي كنا باغين سنين هادي، و لكن و ليومنا هذا كاين واحد التماطل و التآخر لي كبير فحسم الصفقات فبعد ما كيكون التفاهم على جميع الأمور المالية و القانونية مع اللاعب و فرقتو كيبقا واحد التماطل فالحسم لي معرفناش السبب تاعو، لهذا أنطالبو أنه تكون السرعة فحسم الصفقات (ماشي الإختيار و إنما الحسم) خودو وقتكم الكافي فالبحت و المفاوضات و لكن الحسم لا خصوصا و أنكم مفاهمين مع كتر من 3 لعابة بلا توقيع بدون سبب مدكور.

بالنسبة للمغادرين فراه باينين و متفق عليهم من الجمهور للإدارة الرياضية را مبقيناش باغين نسمعو الفسخ بالتراضي را شخص واحد لي كيكون راضي هو السمسار إما النادي را ديما عندو الخسارة، را الفراقي ولاو حافظين ليكم هاد اللعبة تاع فسخ و أجي و اللعابة براسهم.

🟩 و ختاما، بغينا نهار 11 فالشهر الطيارة و اللائحة لي غتمشي للمعسكر تكون كاملة ميكون فيها حتا لعاب زايد ولا ناقص قبل هاد التاريخ خاص الفرقة لي أتلعب العام الجاي إن شاء الله كاينة كاملة.

🟢 عاش نادي الرجاء الرياضي ⚪️

💚

السلام عليكم، كيما كلشي كيعرف هاد الصفحة ماشي تاع شي شخص و إنما تاع أقدم غروب ففايسبوك تاع الرجاويين و من نهار تأسس و رغم كل المشاكل لي وقعو لي حاجة عادية فأي مجمع تاع الناس بقا الهدف واحد لي هو الدفاع عن مصالح الكيان لا غير و الصفحة ديما كانت كتمتل أفكار تاع الأعضاء كاملين و ماشي تاع شي شخص معين

و مؤخرا أحد المسيرين قام بواحد البوسط لي جبد الصداع مع واحد الشخص لي هو Raja Tactics & Scouting و كنقدمو ليه السماحة نيابة عن جميع أعضاء و مسيريين الصفحة و كنبغيو نأكدو ليه مرة أخرى أن شخص واحد هو لي كان مورا داك البوسط و ماشي جميع الأعضاء و را كلشي كيشوف العمل لي كيدير داك الدري لي قليل فالمغرب و للأسف وقع سوء تفاهم أدى لهاد المشكل لي أول مرة أيوقع لصفحة المجموعة لمدة أكتر من 10 سنوات دبا.
و تحياتنا للأخ صاحب الصفحة و الله يسهل عليه في خدمة و الغيرة على نادي الرجاء الرياضي.

عطيناكم فرصة باش تبعدو و تعطيو للرجا التيقار و تحشمو شوية على العراض لي معندكمش و تغولو صافي الله يجعل البراكة كتر من 10 سنين و حنا كناكلو من الفرقة صيف و شتا و درنا الديور و الطونوبيلات و الشركات و المحلات و لكن نتوما تريكة الجوع و كروش الحرام و كتموتو على التكلبين و اللهفة و اليوم أنبداو واحد الفقرة تاع الفرشة و أنعطيو السميات تاع شي صفحات و كونطات كيجرو معاهم و للأسف فئة كبيرة من الجمهور بلاما يحسو و كيستغلوهم فأنهم يقضيو المصالح الشخصية تاعهم اليوم أنجبدو غير السميات باش بنادم يعرف، المرات الجاية أنجبدو السكرينات الأديوات الميساجات و بالدليل و التاريخ إن شاء الله.

و نبداو على بركة الله:RAJA news, كورة أنفو, Trolls RAJA sarcasm, شرشبيل، اللاصحفي مشجع بيراميدز، RAJA connect, RAJA casablanca

زيد عليهم الشارف و مول الدوا لي فالمكتب و لي كنتمناو يتم الإبعاد تاعهم حيت هوما لي كيخرجو السميات تاع اللاعبين و كيضغطو على المدير الرياضي باش يجيب و يخلي شي لاعبين بمعية البراحة تاعهم باش يضربو فيهم الغاميلة

🟢 عاش نادي الرجاء الرياضي ⚪️

💚

"بانون لي مخبي فالفرقة و حاشا تكون ولد الفرقة"

كتبنا بوسط و دوينا معاك بالآداب و الإحترام وخا متستاهلش حيت ماشي راجل و ماشي رجاوي، طلبنا تمشي و تخلي بلاصتك واحد شووووووية لي بقا نقية و أن كل نهار كتزيد فالفرقة غيزيد يكحل علك السوايع من الجمهور و متستغربش لبديتي كتسمع سميتك فالتيران كتسب من غير لمعندك نفس (بحال لي سبقوك) سيمانة دبا و كتطير و تنزل نتا و وكيل الأعمال تاعك (م.ع) و لي هو نيت وكيل تاع السلامي نسيب شرشبيل لي مخرجينو كيبرح بمعية الصفحات (RAJA casablanca, RAJA news, كورة أنفو، RAJA tactics & scouts…) و كيخرجو فإشاعات على عراسي باش الجمهور يضغط و تخوا بلاصة مدافع فالفرقة و يبقا السلطان، و أيضا كيضربو فواحد المدافع تربطات سميتو بالفرقة على أساس أنه أقل من بانون و كيقارنو الدوري الإسباني و الفرنسي مع المغربي و لعاب صغير فالسن مع واحد غد البلغيتي

لهذا و آخر إندار سير فحالك سير فحالك سير فحالك را مغتبقاش معانا العام الجاي وخا طير و تنزل وراك عارف جمهور الرجا فاش كيدير راسو فشي واحد و كيعيق بيه و غول لدوك المنخرطين صحابك يجمعو كلابهم را مبقاوش أينبشو من الرجا إن شاء الله…

🟢 عاش نادي الرجاء الرياضي ⚪️

مورة ما تفرش شرشبيل و بان ولي نعمته و عندمن خدام، اليوم و الحمد لله بان تاني سمسار و تاني مشوش، لي هو ال(لا)صحافي مشجع بيراميدز و السمسار صاحب إنتدابات "هيرفي-ساخو…" و لي تاهو تخنق و مبقاش لاقي منين يكدب و ياخد الحصري و داكشي تاع السبق الصحفي و عاد بانليه رفع سقف الطموحات و الضغط فين كنتي الأعوام السابقة؟ ولا كنتي كتشجع بيراميدز ديك الساعة داير فيها عما حيت كاينة الغاميلة (و هي نوعان..)

و نعاودو نغولوها كل الدعم للإدارة الرياضية فأي قرار و أي إنتداب غيدار و أي لعاب غيتسيفط حيت دوك ناس أدرى مني و منك و من أي واحد من الجمهور مكيحراجو لا ضغط لا والو باش يخدمو عارفين أش كيديرو، معلينا غير نعطيوهم التيقار و نحاربو السماسرية و المدونين(غير داوين) بحالكم

🟢 عاش نادي الرجاء الرياضي ⚪️

💚

"بانون لي مخبي فالفرقة و حاشا تكون ولد الفرقة"

المنخرط اللعاب الكابيطان المسير و السمسار، هادو ماشي بزاف تاع الأشخاص و إنما شخص واحد فيه هاد الصفات كاملة، طرتي و نزلتي نتا و المنخرطين السماسرية لي معاك باش ترجع و كل مرة كتفشل المحاولة حتال داك العام جيتي و سينتي بتقريبا 500 مليون(بإحتساب البريمات و السفريات…إلخ) دوزناها رغم الأفعال السابقة (سمحتي فالرجا فماتش مهم باش تمشي للأهلي، هبطتي خديتي التوني من عند الخنز، تاباطرونيت لي كنتي داير قبل…) ولكن مني رجعتي و نتا كتقلب على الصداع و باغي تحكمها من الشابي لي نوظتي الروينة باش تسيفطو لفاضلو لي وليتي تقرر شكون يمشي و شكون يجي ولاعبها كيما بغيتي فالفيستيير حاكمها زعما للقطة مع لاميرات فالديربي و الحمرات لي خديتيهم بطرق كتحيل للشك و شحال و شحال… و منساوش المرض لي عندك تاع القلب (الله يجيب الشيفا) لي من المستحيل تلعب فشي فرقة كتحتارم راسها بيه و الفحوصات الطبية لي كتهرب منهم و فشلتي فيهم

🚨 كخلاصة، مغنسبوك منعيروك أندويو معاك بكل إحترام و أنغولو ليك سير فحالك و بلاما تحاول تخدم دوك التدخلات(المنخرطين، الصحفيين..) باش تبقا را الجمهور عافك و الإدارة الرياضية عاقت بيك و كل نهار غتزيدو فالرجا أتزيد تكحلها بيه على راسك مع الجمهور كتر ما مكحلها، و خلي الفرقة تزيد القدام لاكنتي رجاوي (كيما كتغول) و خلي دراري آخرين يلعبو بحال المشخشخ لي تحرغ عام كامل بسبابك مورا ما دار نص عام واعر مع الشابي العام لي فات.

🟢 عاش نادي الرجاء الرياضي ⚪️
💚