Verde Unido - فيردي أونيدو

يونس ريام الرجاوي صاحب القلب الطيب و وجه الخير و لي كلشي كيشهد بالخدمة و الجد تاعو في سبيل نادي الرجاء الرياضي بكل فروعه لا ماديا لا معنويا و مكيبخل بحتى حاجة فسبيل الفريق و بكل فرح و سرور، اليوم و للأسف تم القبض عليه من طرف الشرطة، لهذا كنتمناو كلشي يبارطاجي و يتضامن معاه و أيضا متنساوهش بالدعوات

✌🏻

🟢 بداية عهد جديد ⚪️

◻️اليوم تم رسميا عقد الشراكة بين "نادي الرجاء الرياضي" و "مارسا ماروك" عن طريق "SPORTS4IMPACT" و اللي غتكون هي الوسيط بين الشريكين، هاد الخطوة كتعتابر خطوة جد إيحابية فالتاريخ تاع عاد الكيان العظيم و أيضا فتاريخ الكرة الوطنية المغربية.

🟩 أول حاجة إيجابية فهاد الشراكة هو الدعم المالي اللي غادي يعاون الفريق باش يتخلص من جميع الديون لي عليه و يحسن الوضع، ويطور من التجهيزات ديال الأكاديمية والبنية التحتية. هادشي مهم باش الفريق يرجع للبلاصة لي عاهدناه عليها و نشوفوه فأعلى مستوى، و أيضا كيدفع النادي باش يمشي فمسار احترافي أكثر، ويخدم على تسويق الصورة ديالو مزيان.

◻️ ثانيا هاد الشراكة كتعطي صورة زوينة على النادي، وكتزيد من الثقة ديال الشركات الأخرى باش يجيو يستتمرو فالنادي.

🟩 و في الختام، كنبغيو تأكدو على أن هاد الشراكة ماشي غير دعم مالي، ولكن هي خطوة فطريق الاحتراف.

🟢 و ليظل الرحاء مثالا جديرا بالإقتداء من لدن مختلف الأندية الرياضية الوطنية ⚪️

💚

🟢 المدير الرياضي فالرجا ⚪️

⬜️ خطوة مزيانة فالرجا و كتبين النظرة الإحترافية و الفكر العصري تاع المكتب الجديد و حسن النية تاعهم و أنهم وفاو بأحد الوعود تاعهم و هادشي مزيان.

⚫️ إلا أن تم إختيار الشخص الغلط نظرا لأن هاد السيد ما عندوش حتى CV يشفع ليه، لا إنجازات، لا بصمة، لا خبرة فمستوى كبير و أبرز تجاربو كانت كمدير تقني و لي كتختالف تماما على المدير الرياضي لي كتر من 2 السنوات و حنا كنطالبو بيه، و غير الطريقة باش تكتب البلاغ غتبين لك أن الإنجازات و التعريف لي عطاوه راه تاع مدير تقني ماشي رياضي و رغم أن البلاغ تصحح إلا أنه تم دكر التسيير الرياضي و لي كيختالف أيضا على مهام المدير الرياضي.

🟢 حنا ماجيناش نحكمو و إنما فقط عطينا الرأي تاعنا و بينا يقدر هاد السيد ينجح و ماشي بعيد و إنما من الأفضل يتم التغيير تاعو من مدير رياضي لمدير تقني لي هو الإختصاص تاعو و يتم جلب مدير رياضي عندو تجارب و خبرة هادشي لي غيخلي نسبة النجاح تاعو طالعة و الجمهور متفائل.

💚

🟢 الديجيطال فالراجا ⚪️

⬜️ مند مدة و الديجيطال فالراجا كيعاني هادشي من فترة بودريقة بعدما تم فك الإرتباط مع سامفوني لأسباب كثيرة كتر فيها القيل و القال بدون دليل و بقا شخص واحد هو لي شاد الديجيطال حنا اليوم مغندويوش عليه باش منتسناوش حغارة و كنقصدو الأشخاص غندويو علمة حيت من مورة ماكنا حنا اللولين فالمغرب و من الأوائل فالقارة و شي مرات كنا كنحطمو أرقام عالمية ولينا ضحكة و الصفحات ديال النادي فالسوشيال ميديا خدامة بطريقة عادية، ما فيهاش إبداع، وما كتواكبش التطورات شي مرات كيتأخرو فالنشر، ومرات كيتدار محتوى ما فيهش احترافية، حتى الموقع الرسمي ولا مهمل، ما فيهش تحديثات مستمرة، ولا محتوى كيشد المتتبع.

🛑 فالوقت اللي فرق صغار كيخدمو على البراند ديالهم رقمياً وكيقربو الجمهور من الفرقة في حين الرجا باقا فالتقليدية ما كاينش استثمار فالرقمنة، لا فالفيديوهات، لا فالمحتوى الحصري، لا فالتفاعل مع الجمهور و اللي ولى كيتجاهل هاد الصفحات الرسمية تاع النادي وكيبقى يعتامد على صفحات ففايسبوك باش يعرف جديد الفرقة.

⚠️ و في الختام كنطالبو من الزيات يلقا حل في أسرع وقت لهاد المشكل حيت هادشي كيتسبب فضعف الصورة التسويقية ديال النادي لي خاص تستاغل و تكون من الطرق لي كدخل بيهم الفرقة الفلوس.

💚

🟢 الراجا هي المدراسة ⚪️

▫️هاد العام إن شاء الله غنشوفو بزاف تاع الدراري ولاد الفرقة فالصنيور لي دعمهم الشابي و عطاهم الثقة تاعو من مختلف الفئات السنية، هادشي لي من شحال و حنا باغين نشوفوه و لكن السماسرية و الشناقة كانو كيحاربو ولاد المدرسة باش يبقاو يجيبو اللعابة بمبالغ ضخمة بدون فائدة.

◻️الدراري الصغار خاصهم الدعم منا حنا، خاصهم يسمعو التصفيق ماشي الانتقادات، حيت البداية ديما كتكون صعيبةولا ما وقفناش معاهم اليوم، غادي نضيعو نجوم الغدو نتحصرو عليهم من بعد كيفما وقع لينا مع بزاف اللعابة ولا كيفما حرغنا بزاف اللعابة.

🟩 مني كيطلع شي لاعب صغير من المدرسة راه كيمثل المدرسة و تاريخ هاد الكيان العظيم وكيمثلنا حتا حنا كجمهور حيت كيكون واحد منا، هادشي علاش خاصنا نساندوه و نصبروا عليه، ونعطيوه الثقة اللي غادي تخليه يبان ويعطي كل ما عندو (كنجيبو لعاب عندو 30 عام بالملاين و كتغولو نصبرو عليه و لعاب عندو 20 عام ولا قل مكتبغيوش تصبرو عليه حيت دغو فيكم داك الفيس تاع ولاد المدرسة زرغين).

⬜️ و في الختام، كنبغيو نطالبو حتا من الزيات و الناس المسؤولة على الفئات السنية باش يعطيوهم إهتمام و يجيبو مؤطرين ذو كفاءة و تجربة كتوازي طموحات الجمهور و الفريق و أيضا يحطو بين عينيهم تاريخ مدرسة الراجا.

🟢 الرجاء عمرها كانت كتشري النجوم، الرجاء كتصنعهم و كتربيهم.⚪️

💚

٠ ملي كل واحد ولا كيدير الدور تاعو رجعنا لفترة لي بغا يعرف شي حاجة على الفرقة يقلب فالصفحة الرسمية هادشي لي فقدناه لسنين هادي بسباب السماسرية و الكلاب تاعهم و لي حنا اليوم معاهم حتا يتفرشو واحد بواحد بالدليل و البرهان

٠ كيفما كنطالبو من الزيات يخدم على الديجيطال تاع الفرقة و نرجعو نشوفو التقديم و الخدمة فالباح بطريقة أكتر إحترافية إن شاء الله بحيت أن صفحة نادي الرجاء الرياضي من أكبر الصفحات فالقارة الإفريقية و لي خاص نبنيو عليها و نزيدو نتطورو من هاد التاحية

💚

٠ دوينا و نبهنا بإحترام كاين لي عطا لراسو الراحة و فكر فمصلحة الفرقة و كاين لي مبغاش إحشم و غندوزو عليهم واحد بواحد…

🟥 البداية غتكون بهاد "كووورة أنفو" لي كتعتابر من أتباع "رجا كونكط" و بالضبط السمسار و الشفار تاع "ولد الشينوبة" دبا غنعطيوكم آخر إندار باش تبعدو من الرجا و تخليو الناس تخدم و إلا و الله حتا غتعيشو العداب و نديروكم محتوى و الصغيرة و الكبيرة عليكم غتلاح من "م.ر"ط.ش" تال "المصور تاع بلعاني"

◻️ و في الختام، كنعاودو نطلبو من أي رجاوي يعطي لراسو الراحة يخلي الناس تخدم و ميتفاعلش مع هاد الصفحات المشوشة و يسحب منهم المتابعة.

💚

🟢 بسم الله الرحمن الرحيم ⚪️

٠ محيط نادي الرجاء الرياضي يعرف هدوءا و إستقرارا جميل مند تولي جواد الزيات و مكتبه زمام الأمور داخل النادي إلا أن باقين بعض الحياحة و السماسرية و صحاب الحصري لي مبغاوش يحشمو و كيحاولو يديرو ما فجهدهم باش يجبدو الصداع و المشاكل.

🟥 لهذا غنعطيوكم الإندار الأول و غنطلبو منكم تبعدو على هاد الفرقة و تخليو الناس خدامة أولا غندوزو معاكم لحوايج آخرين مغيعجبوكمش و لي عليه شي حاجة غتخرج بالسمية و التاريخ و الدليل…

🔲 كيفما كنبغيو نبهو أيضا الجماهير الرجاوية أنها ميصوغوهاش هاد الناس و يستعملوك كوسيلة ضغط و يسرحوكم بالحصري و رسميا لخدمة مصلحتهم الشخصية كيفما دارو فالفترة الأولة تاع الزيات.

🔳 لهذا فينما يبان لك شي واحد كيلوح الأخبار تاع الميركاطو و الحصري أو كينتاقد بدون سبب تجاهلو و متحاولش أصلا تناقش معاه و تفاعل معاه حيت بحال هكاك غيستاغلك بلاما تحس نتا.

🟢 عاش نادي الرجاء الرياضي و لا عاش من خانه ⚪️

💚

🟢 الرجاء و مارسا ماروك تاريخ قديم جاء بمجهودات الرجال ⚪️

٠ نبداو بالترحم على روح الفقيد و أحد رجالات نادي الرحاء الرياضي السيد "عبد القادر الرتناني" و لي كان ليه الفضل الكبير فيما نحن عليه الآن مع "مارسا ماروك" و لي بدا معاهم العلاقة مند موسم 87/88 و كانو أحد أول مستشهري الفريق الله يرحمو و يرحم جميع رجالات الكيان.

٠ كما نشكر كل الحكماء و المنخرطين و رجالات مدينة الدار البيضاء الذين ساهموا في إقتاع و جلب الشريك الحالي و الداعم الأول لفريقنا "مارسا ماروك"و لي خدمو على هاد المشروع لسنين، و كنعاودو نأكدو مرة أخرى عن إمتناننا و تقديرنا لهم و لي كيتمتلو فكل من (عبد الله غلام، أحمد عمور، محمد أوزال، عبد الله فردوس، جواد الزيات، محمد حوراني، محمد حصاد، صلاح الدين مزوار، منير الشرايبي، مامون البلغيتي، فؤاد بريني، طارق العروسي…)

🟢 و ليظل الرجاء مثالا جديرا بالإقتداء من لذى مختلف الأندية الوطنية الرياضية ⚪️

💚

٠ سي مصيطيف أحد رجالات الخفاء في نادي الرجاء الرياضي و من أول المنخرطين و اللي عطا الكتير للكيان في عدة فروع أهمها اللقب لي حقق مع فرع كرة السلة سنة 1999 (كان أنداك هو الرئيس تاع هاد الفرع لي مؤخرا ولا كيعاني بسبب سوء التسيير من طرف الرئيس تاع الفرع غنرجعو لهاد الموضوع).

٠ لهذا كنتمناو من أي واحد سبو ولا بغا يضحك عليه حيت راجل كبير يحشم شوية و يطلب منو السماحة و يمسح داكشي لي لاح إحتراما ليه و لعائلتو تخيلو باك.

٠ و في الختام كنبغيو نبهو بواحد النقطة ألا و هي بنادم قبل ما يضحك على شي واحد يفكر مزيان و يعرف أش كيدير و كيغول، و كنتمناو من هاد الرجل العظيم يسمح لينا 🙌🏼.

💚

🟢 بسم الله الرحمن الرحيم ⚪️

٠ بداية عهد جديد مع مكتب و مشروع جديد و لأول مرة في تاريخ الفرق المغربية و هادشي تعودنا عليه من هاد الكيان، هادشي مجاش من السما جا من السمية تاع الفرقة تاعنا أولا و مجهودات أشخاص رجاويين و وطنيين ثانيا (غنرجعو ليهم فبوسط آخر).

٠ الحمد لله داكشي لي بغيناه تم و من هنا كنعودو نأكدو واحد النقطة هو أن حنا مع الرجا = مع الزيات ولكن هادشي مكيعنيش مغنتاقدوه مغندويو عليه العيب علينا إلى ظلمناه لي أصلن منقدروش حيت غنطلمو الرجا و لي شي حاجة مستحيلة.

٠ و في الختام ندعو جميع الفعاليات الرجاوية إلى الإلتفاف و مساعدة النادي و عدم تفضيل المصلحة الشخصية على مصلحة هذا الكيان العظيم و جمهوره العريق و الذي بعد بالملايين.

🟢 عاش نادي الرجاء الرياضي و لا عاش من خانه. ⚪️

💚