𝗥𝗘𝗗 𝗡𝗔𝗧𝗜𝗢𝗡

01/09/2026

تا كيفاش حركاس ولا عيادة؟ واش سيفطك شيًواحد تحمقنا ولا كيفاش؟ كمل على خدمتك و جيب رابح راه غا مريح و زيد تا لعمراني راه غا مسالي مريح ف الراديو

31/08/2026

قبل متسيفط زياش سير بعدا دير لانڤونطير ديال للسطور سوف شحال من توني تباع ب سمية زياش، حيت قبل مندخلو ف جودة اللعاب التقنية خاص نشوفو شحال هاد السيد مستافدين منو ماديا، الا كان كيجيب مبلغ محترم ف المنطق كيقول خاصك تخليه، ندوزو ل جودة اللعاب التقنية لي مفيهاش نقاش ، سيد تدخلو ب ربع ساعة الاخيرة غادي يقلب ليك الماتش، تانيا ، شكون البديل؟ لحد الان معندناش بديل ب نفس المستوى، السوق المغربية خاوية و السوق للافريقية غالية! متعولش على الزماگرية ديال فرنسا و هولندا يصدقو ليك! زياش مشكلتو بدنية و الا قبل ليك يلعب نصف ساعة ولا عشرين دقيقة ف راه ربح لينا!! جيب ديك ساعة بديل مزيان و هبط الگاراج، البطولة مبقا ليها والو و تبدا، و تابعنا ماتش مصيري مع القوات المسلحة، عيب نطيحو ف هاد المشاكل لي غير كتفرق الجمهور و كدير الفتنة!!

31/08/2026

رسالة للعسري:

مني جا ولد مينا دار بزاف د الحوايج مزيانين ، كيما دار بزاف د الحوايج خايبين، جاب معاه فلوس و بقى كيسيني مع لعابا بدون نضرة تقنية، هادشي خلانا نتشوهو ف كاع المسابقات و نخرجو حادرين الراس بعد موسم كارتي.
ف نفس الوقت ولد مينا قدر يدير شي حاجات مزيانين، اولهم التواصل ، شفنا كيفاش كانت صفحات الوداد نشيطة و كاين تفاعل ، مرورا لل ماركوتينغ و التوقيع مع كابا، هادشي لي مشفناهش من شحال هادي، شفنا كيفاش ف الماركوتينغ و التواصل الوداد كانت خدامة و هادشي كيعني الناس لي مكلفين كانو على قد المسؤلية.
ب المنطق، نتا كًرئيس جديد كنتي عارف ان هاد الشق كان مقاد، الشق الرياضي و المادي لي كان واكل العصى مع ولد مينة، يعني نتا مهمتك تقاد الفريق ماديا عبر جلب سبونسور مزيان ( ماشي انجيليك) و تجيب مدير تقني يقاد الفريق.
علاش غادي تجري على كابا؟ و تجري على فريق الماركوتينغ و التواصل؟ اشنو السبب؟ يلا كان عندك سبب ما خرج و قولو!! متخليش بنادم كينعتكً ب الهرگاوي!

26/08/2026

بيان موجز وبسيط :

-للي بغا أقل الأضرار.. يصوت على العدالة والتنمية.

-وللي بغا صِفر أضرار.. يصوت على تحالف اليسار.

-وللي بغا جَميع الأضرار.. راه كاينة عصابات متنكرة في هيئة أحزاب، يصوت عليها.

-وللي بغا المعقول، يعتزل هاد الفتنة.. المعركة الحقيقية تقعُ بعيدا عن اللهفة على مقاعد برلمان صوري، لا يُسمن ولا يُغني.

انتهى .

12/08/2026

الدفاع و ما أدراك ما الدفاع، شفنا كيفاش اي فرقة كانت كتبورد علينا مع دفاع الطنين ( الوافي و ابوالفتح) ، ايجيو نشوفو شكون عندنا. ونحكمو :

صلاح الدين مصدق : لعاب لي بين بلي تقدر تعول عليه، خفيف و كيلعب ب رجليه مزيان، العيب ديالو هو كيقدر يسهى و يگيدك ف اخر دقيقة و هنا كتبقى شاك ف اللعاب ، تقنيا مزيان، ذهنيا الا ركز معانا ماتش كامل ف راه انكونو ربحنا مدافع مزيان.

كوفي: لعاب لي مقاتل و شرس ف لعبو، كما انه لعب عام كامل و التنافسية حاضرة، يعني يلعب معاك من دبا معندوش مشكل، كنضن غادي يكون ربح عندنا ف الدفاع، و يقدر يشكل تنائية مزيانة مع مصدق.

الوافي : ازرگ لعاب شفت، كنتمنى يمشي اعارة و يبين شوية و يحيب لينا عرض مزيان، معندوش بلاصة معانا.

فيريرا : تقرير طبي كيقول بلي موحال يكون حاضر ف مرحلة الدهاب ، نتمنى يرجع ب فورمة مزيانة

هادي من جهةً قلوب الدفاع، كنشوف خاصنا قلب دفاع اضافي و نكونو مزيانين.

12/08/2026

فاش كنجيو نشوفو التشكيلة لي عندنا، من غير هادشي لي ف صورة لتحت ف الباقي يا اما متوسطً ولا زرگ، انا ماشي باغي نتدخل ف التشكيلة ولا باغي نتدخل ف الامور التقنية للفريق، غير كًمشجع غيور كنشوف هادشي :

الحراسة : المهدي بن عبيد كحاارس اول و غانيمي حارس تاني : كاملين شفنا الدفاع المتقوب لي عندنا العام الفايت، لا من الأظهرة لا من قلوب الدفاع، بوشتى، بوشواري، الوافي و ابو الفتح كانو عبارة عن تقب الاوزون، تجيب نوير و يشبع بيوت، شفنا مؤهلات بن عبيد فاش كيكون قدامو دفاع مزيان و كاس العرب كان احسن برهان و دار بطولة نقية، كنظن ماشي اولوية نبدلو الحارس و حنا جبنا لعابا واقفين دفاعيا، نعطيوه فرصة و الا مبينش راه كين غنيمي تعدي بيه تا لانتقالات الشتوية، غنيمي حارس مزيان و صغير يقدر ينفعنا، ب شرط انه يكون واجد نهار نوقفو عليه، ف الفتح مقدرش ياخد الرسمية حيت كان الكرد ف الفورما و مخلاش الفرصة تمشي ليه من يدو ..

ندوزو للدفاع؟

09/08/2026

نزار الرشدان ودادي لموسمين! 🫡✅
لعاب لي البوسط ديالو 6 و يقدر يلعب معاك حتى 8 ، جا من قطر القطري لي دار معاهم موسم نقي ، لعاب كيقطعً كواري ، كيعطي اسيستات و مرة مرة كيماركي، نتمناو ليه مسيرة موفقة مع العائلة ❤️

05/08/2026

زعما؟ 😉

05/08/2026

حتى واحد مينكر ان زياش موهبة و يقدر يبدل الماتش من لقطة وحدة، ولكن عندو مشكل كبير ف اللياقة، شفنا كيفاش حكيم مكانش كيتقاتل معانا و ايا كرة مشات ليه كيبقا واقف كيتسنا مفيد يمشي وراها، العام لي جاي لاعبين على البطولة فقط و خاصها بنادم كيحرت تيران و يرجع يعاونك و يدير الطغط، سؤال للجهاز التقني، علاش بلاصة زياش منجيبوش جناح لي تقنيا عادي ولكن يتقاتل معانا و يتقام ب رخص ؟

04/08/2026