Signaler ولك الأجر

بما أن من 200 متفاعل شاطوا غا خمسطاش كلهم رجال ، تحية ليكم رجعتو بي حنين الماضي وسهرات معاكم
لكن سؤال

شكون ادمن لي عقلتوا مزيان ؟

أ سلام على من رد سلام

شي حد عاقل علينا بغينا نبشروكم بلي حنا مزال حيين 😂
ناس قدام لقدام نييت بانو ؟ توحشتكم 😊

جزء اخير من قصة . . . كانو عندي شي فلوس فالمغرب صرفتهوم اورو .. و تحركت نقلب على راسي نبدا نبني حياتي ... دورت على خدمة ولكن مكيحملوناش كيكرهو العرب خصوصا منين مكيكون عندك لا وراق لا والو ... كيعاملوك كيف الكلب ... تلاقيت معا واحد المغربي عندو ريسطورا ... رغبتوو باش يخدمني عندو ولكن ماكاين مانخدم حيت ماعنديش الوراق و لكن عاملني عطاني ناكل و داني معا لدار بت عندو شي ليلات بينما نلقا شي خدمة ... واحد نهار قالي شوف راه صعيب تخدم هنا .... تالواحد نهار جا قالي كاينا واحد ريسطو د صاحبي اسبليوني غاتخدم تبقا تغسل طواليطات ... كيف قالهالي نزلات عليا كيف الصاعقة عيني بداو كيدمعوا .. قالي راه اسبانيا ماساهلاش اخويا خاصك تقاصي و تردم باش تصور طرف د الخبز مشيت نخدم ... نهار الاول حاتني حكرة شوف فين تلات بيا الايام ولكن حمد الله كيعطيوني شي براكة باش نعيش و نصوفي راسي هيا هديك بديت كنخدم ولكن كنتعرض لمضاياقات بزاف ... كيمسحوا فيك رجليهوم قمة العنصرية ... ديك الحياة ليتايحلم بيها بنادم بالغربة ماشي هيا الواقع ... كنحلمو بجنة ولكن هيا جحيم ... دازت شي 2 سيمانات قلت لديك سيد عافاك عطيني نعيط لميمتي راه معندهوم عليا خبار دابا ... عيطيلها كيف سمعت صوتها طاح عليا الضيم كتبكي بالفرحة حيت عرفاتني مزال حي ... قتلها ميمتي محتاج غي نعنقك و نشم ريحتك ... مبغيتش نبينلها بلي الوضع ديالي خايب هنا بالعكس قوتلها راني عايش مزيان باش متمرضش مسكينا ... بغيت ندير وراقيا ولكن صعيب نديرهوم .. عايش بحال ارهابي مخبي من بوليس لا شدوني يسيفطوني ريفولي لبلادي حتا لواحد نهار كنت خدام على راسي دخل واحد اسبليوني لطواليط ... لقاها موسخا عاد ناضت منها واحد خيتي ... بدا تيغوت جا المعلم لقا ديك الغوات و الحايحا جرا عليا من الخدمة ... معرفت لين نرد راسي تاديك المغربي ليكنت عايش معاه قالي انا مرتي دابا غاترجع من سفر خاصك تمشي ضبر على راسك ... بقيت تانبكي ... ماعرفت مندير حتا لواحد نهار وانا غادي فزنقة بانلي واحد خونا ملعق ضربتلو البزطام و سلتت وبقيت مخبي فديك الغابة دازت اايام قليلة وقف عليا المخزن ... حيتاش واحد الكاميرا دواحد المحل شداتني ... ديك ساعة شدوني داوني عطاوني قتلة د العصا خصوصا منين عرفوا معنديش الوراق و غي مهاجر سري ... بداو كيعاملوني كي الكلب 3 ايام عاد سيفطوني لبلادي... فرحت كيف تلاقيت ميمتي رجعت نعيش بكارامتي فبلادي واخا نشرب غا اتاي وناكل خبيزة حافيا المهم الكرامة ... اخيب شعور هوا يزطمولك على كرامتك ...نتمناو تفهمو شنو بغيت نوصلكوم .... راه مكاينش حسن من بلادكوم ... راه ديكشي ليكيعاودلكوم على الخاريج مكاينش .. لامامشيتيش بقرايتك ولا خدمتك غي متمشيش ... عافاكوم اولاد بلادي ... تهلاولي فميماتكوم ووو ديرو عقلكوم خليكوم فبلادكوم ... واخا معطاتناش بلادنا راه حسن من الخاريج و بزاف
عجباتك القصة دير جيم +رايك فالقصة و طاغي عشرانك

الجزء الرابع من قصة
. . .... طلعنا فالفلوووكة الموووت د البرد و واحد الخووف مكتشووف والو غي ظلمة ... و اسبانيا ليكتبان قريبا ولات ماكتبانش قبل منمشيو عطاونا تعليمات بلي مغنوصلوش للضفة د اسبانيا غايلوحونا قريب وحنا نكملوها عومان ... صافي بقينا غاديين شي كيبكي شي كيرد حيتاش الموج كيدوخ... تاوصلنا لديك نقطة ليغايلوحونا فيها موالف البحر كيكون هادي يعني رجليك كيوصلو للارض تكملها مشيان ولكن للاسف ديك نهار البحر كان طالع بنادم كيبكي حيت مكيعرفش يعوم... كولشي تلاح وديك ليسايق الفلوكة كيلوح فبنادم و حمد الله وصل فينا النص..... ولكن للاسف نص مات و غراق ..... صافي هبطنا فديك البحر بعيد على المدينة ليغانمشيولها ضربنا على رجلينا بزاف و خايفين لا نتصادفوا معا شي بوليس ولا مخزن ..... وصلنا لوسط المدينة ... الدنيا كيدايرا تما النقاوا و التيتيز وبزاف دحوايج زوينين..... بقينا مجلوقين تا طلع صباح مبغيناش نبقاو مجموعين حيتاش غانجيبو الشبهة لراسنا .... تسالمنا وكل واحد شد طريق ... سيمانا لولا كولها دوزنتها غي فواحد الغابة كنكاكل غي من الزبالة ... وكنعس فالخلا ... كنبكي كيكانتفكر ميمتي ... و كيكنت من وسط دارنا ... مليت ديك سيمانا قلت خاصني نقلب على راسي المشكل كانعرف غي شي كلمات قلال ب اسبانية تال واحد نهار ....
يتبع

الجزء الثالث من قصة >
واحد لحظة دايز واحد خونا باينا فيه ملعق قوتلوو حبس حبس غانوقوا على هادا... انا مراضيش براسي غانسرق ولكن للاسف دارتها ظروووف ... صافي وقفنا على بنادم بجنوية قتلو جبد اشعندك ... جبد شي كمشة د فلوس تكون شي 20 الف ريال بدا كيرغب ديو ليبغيتو غي متقيسونيش قلتلو متخافش حيدتلو واحد 300 درهم وطلقناه طلعنا لدار دغيا جبت البوطة للواليدة و انا مكره خلصت ديك كريدي ليفينا و دموع فعيني .. حيتاش شفرت و ماشي من الاخلاق ديالي متربيتش هاكدا ولكن للاسف كاينا ظروف ... دازت واحد السيمانا ضبرت فخدمة سيكوريتي ... حارس فواحد الشركة بشهرية متوسطة ... بديت كنجمع فلوس الحمد الله بعدا مبقاش خاصنا الفلوس و مخليتش ميمتي كتشقا قدام الفران ... واحد نهار جراو عليا من الخدمة حمد الله كنت جمعت شي فليسات وبغيت نمشي للخاريج ان شاء الله ... بقات خاصني شي 10 ريال .. قاتلي ميمتي عافاك اوليدي متسمحش فينا و بقا معانا .. ميمتي راه غانجرب ... البحر واعر اوليدي متمشيش عافاك ... ميمتي راني قررت و مغنرجعش فكلامي ... بدات كتخدم ميمتي مسكينا تاكملاتلي الفلووس ديالي و بديت نوجد راسي باش نريسكي ونقطع البحر نشوف ديك العالم كيداير ليكيحلم بيه جل الشباب....هيا هديك صافي رصيت معا سمسار ليغايدينا باش نقطعوا البحر ميمتي مسخاتش بيا وانا مسخيتش بخوتي ولكن كانت كتبالي الجنة مور البحر.....مشينا فليل معا ل10 شدينا طريق لطنجة باش نصبحو فطنجة و ندوزو نهار تما وفليل نقطعوا البحر... وصلنا وهوا ...
يتبع
قريتي مافيها باس طاغي شي صديق ولا جوج ولا عشرين خخخخخخه :)

الجزء الثاني من قصة .
بس : مكانش تفاعل = مكاينش كمالة
. ديك ليلة خرجت لزنقة و كانت شتا و برد ما عندي لين نمشي ... بقيت غي كنتمشا نحاول نجيب صباح ولكن كتعيا ضور ضور كتلقاها يالاه ساعة ليدازت .. كانت 2 دليل دزت من حدا واحد العلبة ليلية ... Boite de nuit راكوم عارفين لاش كتصلاح وقفت شويا قبالتها كنشوف ديكشي خطير جدا جدا كتشوف غير طوموبيلات الواعرين و ساطات يا سلاااام ناس د الفلوس ديكشي د الافلام كيوقف بنادم بطوموبيل العساس كيفتحلو الباب كيهز طوموبيل ويسطاليها ... شويا جرا عليا ديك العساس تحرك علينا منهنت معدناش المهرجان بقيت غادي كل شوية كيبالك بنادم نكسل فجيه نعندو فين ينعس ها ليمفرش كارطونا ها ليمفرش ملاية ... كتشوف فرق كيداير بنادم مالاقي فين يبات و بنادم كيخسر الملاين فالحرام ... حياة د ليل صعيبة لا مكنتيش سبع راه ياكلوك الذياب هادشي مغيحسش بيه غي ليفايت مجرب ... ولكن مكاينش ليقولك حياة دزنقة حسن حيتاش كيما كان فداركوم كتنعس مرتاح مغطي من البرد دايرين بيك حبابك ميقدوش يأذيوك حيت فزنقة لاداتك غي عينك كون متأكد غاتفيق اتلقا راسك شفروك ولا تعداو عليك الذياب ... معليناش دازت ديك ليلة باش ماكان رجعت لدارنا صباح ... بست لميمتي على راسها ... كل نهار نفس روتين ميمتي كطيب الخبر تخرج تبيعو انا كنخرج نضبر على راسي باش ماكان خوتي كنسيفطهوم للمدراسة ... كنت كنزير عليهوم يقراو حيت انا ندمت لاحقاش مقريتش ... حتا لواحد نهار فاقت ميمتي صباح سخراتني جبت طحين وخميرة و بدات كتعجن كيف كل نهار كرصات ديك الخبر ... شعلات الفران مابغاش عيطاتلي نشوف مال الفران بقيت مقاتل معاه والو مخدمش حركت البوطة بقيتها خفيقة قلت للواليدة راه البوطا خوات خصنا نبدلوها قاتلي والو الفلوس اوليدي سير لعند مول الحانوت قولو يقيدها تايكون فلوس ونعطيه مشيت عندو وانا حشمان خويا لاحفظظك شي بوطة وقيدها تاندوزلك فلوس ... بقا كيشوف وهوا ينفاجر فوجهي ... شحال قدي دكريدي كل نهار قيد قيد خلصوني فديكشي ليباقي كنتسالكوم ... انا مرضيتش كيفاش دارلي هاكاك قدام ناس خدرت عيني حسيت بحكرة و مشيت عند الواليدة ملقيت منقولها قولتلها اصباري راه مكاينش لبوطات هانا شويا ونمشي نشوف واش جاو عيطت لواحد عشيري قتلو اجي وجيب معاك الموطور نمشيو نضربو شي تيليفون راه عندنا أزمة فدار هيا هاديك جا من بعد شويا صافي ركبناا فموطور وقصدنا واحد درgب كيكون خاوي ... واحد اللحظة .

الجزء الاول من قصة



السلام عليكم انا فؤاد انعاودلكوم قصة ديالي ... كيف كنت هاني مهني فبلادي المغرب ومشيت تجلوقت فبلادات الناس ... الواحد هوا ليحمد الله على ليعندو معندو لاش يبغي شي حاجة كثر ...نعرفكوم على راسي ... فؤاد 25 سنة ... عاطل. .. عازب .... ساكن فكازا ... اصلي من شمال ... تربيت فعائلة فقيرة بزاف كنا مكنلقاوش ماناكلومن بعد ما ميمتي مرضات ... كانو عدنا مشاكيل بزاف فدار الواليد ديالي مخدامش غي مرة مرة كيضبر على راسو وصافي ... الواليدة كتعجن الخبز وتبيعو لحد هاد وقيتة كنا عايشين مزيان ... عايشين معدناش مخصناش راضيين بلي قسم الله ... واخا الواليد كان ديما كيضرب مي ... حيتاش هوا كان كيشرب ... وكيدخل فليل كيبقا يهلل و يعربط فدار وكيضرب الواليدة ... كنعقل واحد نهار دخل قالها فينو العشا وهوا سكران ... قاتلو راه فالكوكوط سير حط كول انا راني مريضة نهار كامل وانا كنتحرق قدام الفران ... هوا يهز واحد لvase وشير عليها بيه ... نضت انا معجبنيش الحال تغاوت انا وياه وجرا عليا ديك ليلة من دار اشغانقولكوووم حياة اليل خايبا بزاف ديك ليلة شفت شي حوايج كنت جامي كنتخيل يوقعووولي ... بغيتو تسمعلو الكمالة ؟؟

ﺍﻟﺤﻠﻘﺔ ﺍﻷﺧﻴﺮﺓ ) 😻😻😻
- ﺻﺎﻓﻲ ﻏﻴﺮ ﻋﻠﻰ ﻫﺎﺩﺷﻲ ... ﺃﻧﺎ ﻋﻨﺪﻱ ﻟﻴﻚ ﻣﺎ ﺣﺴﻦ 😄
- ﻭﺍﻳﻠﻲ !! ﺷﻨﻮﻭﻭ ؟؟
- ﻭﺍﺣﺪ ﺍﻟﺴﻴﺪ ﺻﺎﺣﺒﻲ ﺍﻟﺮﻭﺡ ﺑﺎﻟﺮﻭﺡ ﻭ ﻣﻴﺮﺿﻨﻴﺶ ﻫﻮ ﺍﻟﻠﻲ ﻣﻜﻠﻒ ﺑﺈﺧﺘﻴﺎﺭ
ﺍﻟﻤﻮﺳﻴﻘﺎﺕ ﻓﻮﺍﺣﺪ ﺍﻟﻘﻨﺎﺓ ﺩ ﺍﻟﻐﻨﻰ
- ﻭﺍﺍﺍﻳﻠﻲ ﺯﻋﻤﺎ ﻳﺒﻐﻲ ، ﻭﺍ ﻏﺪﺍ ﺍﻟﺼﺒﺎﺡ ﻧﻤﺸﻴﻮ ﻧﺸﻮﻓﻮﻩ ﻭ ﻋﺮﻓﺘﻲ ﺇﻻ ﺻﺪﻗﺎﺕ
ﻋﻤﺮﻱ ﻣﺎ ﻧﻨﺴﻰ ﻟﻴﻚ ﻫﺎﺩ ﺍﻟﺨﻴﺮ ﺍ ﻋﻤﻲ
- ﻭﺍ ﺭﺍﻩ ﺧﺼﻨﻲ ﻧﻤﺸﻲ ﻧﻄﻞ ﻋﻠﻰ ﻣﺮﻭﺍﻥ ﻭ ﻧﺸﻮﻓﻮ ﻛﻴﺒﻘﻰ
- ﻻ ﻻ ﻻ ﺃﻧﺎ ﺭﺍﻩ ﺑﺎﻟﻌﺎﻧﻲ ﻋﻴﻂ ﻟﻤﻼﻙ ﻭ ﺟﻴﺖ ﺑﺤﺎﻟﻲ ، ﺑﺎﺵ ﻧﺨﻠﻴﻬﻢ ﻳﺒﻘﺎﻭ
ﺑﻮﺣﺪﻫﻢ ، ﺣﻴﺖ ﺃﻧﺎ ﻋﺎﺭﻑ ﻣﺮﻭﺍﻥ ﻏﻴﺮ ﻏﻴﺸﻮﻓﻬﺎ ﺟﺎﻟﺴﺔ ﺣﺪﺍﻩ ﻣﺎﻏﺎﻳﺒﻘﺎ ﻋﻨﺪﻭ
ﻭﺍﺍﺍﺍﻟﻮ
- ﻫﻬﻬﻬﻬﻬﻬﻪ ﻭﺍ ﺻﺎﻓﻲ ﻣﻨﻴﻦ ﻫﺎﻛﺎ ﻳﺎﻟﻠﻪ ﻧﻤﺸﻴﻮ ﻋﻨﺪ ﺍﻟﺴﻴﺪ
ﻣﻼﻙ ﺗﻔﻜﺮﺍﺕ ﺑﺎﻫﺎ ﻗﺒﻞ ﻣﺎﻳﻤﻮﺕ ﻓﺎﺵ ﻛﺎﻥ ﻧﺎﻋﺲ ﺗﺎ ﻫﻮ ﻓﺎﻟﺴﺒﻴﻄﺎﺭ ، ﻭ ﺧﺎﻓﺖ
ﻻ ﺗﻮﻗﻊ ﻟﻴﻪ ﺷﻲ ﺣﺎﺟﺔ ﺑﺤﺎﻝ ﺑﺎﻫﺎ ، ﻭ ﺧﺼﻮﺻﺎً ﺃﻧﻪ ﻛﺮﻳﻢ ﻗﺎﻟﻬﺎ ﺑﻠﻠﻲ ﺭﺍﻩ ﻣﻦ
ﺑﻌﺪ ﻣﺎ ﻗﻤﻌﺎﺗﻮ ﺧﺮﺝ ﺗﻴﺠﺮﻱ ﻭﺿﺮﺑﺎﺗﻮ ﻃﻮﻣﻮﺑﻴﻞ ، ﻭ ﻧﺪﻣﺎﺕ ﻋﻼﺵ ﺳﻄﺮﺍﺗﻮ
ﻗﺒﻴﻠﺔ ﻭ ﺑﺪﺍﺕ ﻛﺘﺤﺲ ﺑﺸﻲ ﺣﺎﺟﺔ ﻣﻦ ﺟﻴﻬﺘﻮ ، ﻭ ﺑﻘﺎﺕ ﺟﺎﻟﺴﺔ ﺣﺪﺍ ﻣﺮﻭﺍﻥ ﺍﻟﻠﻴﻞ
ﻛﺎﻣﻞ ﺗﺎ ﺩﺍﻫﺎ ﺍﻟﻨﻌﺎﺱ 😜
ﺿﺮﺑﺎﺗﻮ ﺍﻟﻔﻴﻘﺔ ﻣﻊ ﺩﻳﻚ ﺍﻝ6 ﺩ ﺍﻟﺼﺒﺎﺡ ﻭ ﻟﻘﺎﻫﺎ ﺟﺎﻟﺴﺔ ﺣﺪﺍﻩ ﻭ ﺩﺍﻳﻬﺎ ﺍﻟﻨﻌﺎﺱ ﻭ
ﺷﺎﺩﺍ ﻟﻴﻪ ﻓﻴﺪﻳﻪ ، ﻭ ﻫﻮ ﻳﺮﺟﻊ ﻳﻨﻌﺲ ﺻﺤﺎﺏ ﺭﺍﺳﻮ ﻏﻴﺮ ﻛﻴﺤﻠﻢ ،
ﺣﺘﻰ ﻓﺎﻕ ﺍﻟﺼﺒﺎﺡ ﻭ ﻟﻘﺎﻫﺎ ﻫﺎﺩ ﺍﻟﻤﺮﺓ ﻓﺎﻳﻘﺎ ﻭ ﺗﺄﻛﺪ ﻫﺎﺩ ﺍﻟﻤﺮﺓ ﺃﻧﻬﺎ ﺑﺼﺎﺡ ، ﻣﻊ
ﺣﻞ ﻋﻴﻨﻴﻪ ﻭ ﻫﻲ ﻃﻴﺮ ﻋﻠﻴﻪ ﺑﺘﻌﻨﻴﻘﺔ ﻭ ﻗﺎﻟﺖ ﻟﻴﻪ ﺧﻠﻌﺘﻴﻨﻲ ﻋﻠﻴﻚ 😻
ﺷﺎﻑ ﺣﺘﺎ ﻋﻴﺎ ﻭ ﻣﺎﻓﻬﻢ ﻭﺍﻟﻮ ﻭ ﻫﻮ ﻳﻘﻮﻝ ﻟﻴﻬﺎ ﺳﺮﻓﻘﻴﻨﻲ ﺍﻟﻠﻪ ﻳﺤﻔﻀﻚ ، ﻗﺎﻟﺖ
ﻟﻴﻪ ﻋﻼﺵ ، ﻭ ﻫﻮ ﻳﻘﻮﻟﻴﻬﺎ ﺑﺎﺵ ﻧﻌﺮﻑ ﺭﺍﺳﻲ ﻣﺎﻛﺎﻧﺤﻠﻤﺶ ، ﻭ ﻫﻲ ﺗﻬﺒﻂ ﻋﻠﻴﻪ
ﺑﻮﺍﺣﺪ ﺍﻟﺘﺴﺮﻓﻴﻘﺔ ﻛﺎﻧﺖ ﻏﺎﺕ ﻓﻘﺪﻭ ﺍﻟﺬﺍﻛﺮﺓ ، ﻗﺎﻟﻴﻬﺎ ﻏﻴﺮ ﺑﺸﻮﻳﺔ ﻭ ﻧﺘﻲ ﺩﺭﺗﻴﻬﺎ
ﺑﺼﺢ ﻭ ﺑﻘﺎﻭ ﺗﺎﻳﻀﺤﻜﻮﺍ 😹
ﺍﻟﻤﻬﻢ ﻛﺮﻳﻢ ﻭ ﺑﺎﺕ ﻣﺮﻭﺍﻥ ﻓﺎﻗﻮ ﻭ ﻓﻄﺮﻭﺍ ﻭ ﻣﺸﺎﻭ ﻋﻨﺪ ﺍﻟﺴﻴﺪ ، ﻏﻴﺮ ﺷﺎﻑ
ﺩﻭﻙ ﺍﻷﻏﺎﻧﻲ ﻋﺠﺒﻮﻩ ، ﻣﺎﺣﺘﺎﺟﻮﺵ ﻏﺎﻉ ﻳﺮﻏﺒﻮﻩ ، ﻗﺎﻟﻬﻮﻡ ﻫﺎﺩﻭ ﻏﻴﺪﻭﺯﻭ ﻏﺪﺍ ﺇﻥ
ﺷﺎﺀ ﺍﻟﻠﻪ ﻣﺘﺎﺑﻌﻴﻦ ، ﻭ ﻣﺎﻧﻜﺮﻫﺶ ﺗﺠﻴﺒﻮ ﻟﻴﺎ ﻣﻮﻻﺗﻬﻮﻡ ﺩﺍﺑﺎ ﻧﺪﻳﺮ ﻣﻌﺎﻫﺎ
INTERVIEW ﺑﺎﺵ ﻧﺪﻭﺯﻭ ﻣﻮﺭﺍﻫﻮﻡ ، ﻭ ﻧﻴﺖ ﻧﺼﻮﺭﻫﺎ ﻛﺎﺗﻐﻨﻴﻬﻮﻡ ، ﺑﺎﺵ
ﺍﻟﻨﺎﺱ ﻳﺘﻌﺮﻓﻮﺍ ﻋﻠﻴﻬﺎ ﻛﺘﺮ ☺
ﻫﻮﻣﺎ ﻓﺮﺣﻮﺍ ، ﻭ ﺑﺎﺕ ﻣﺮﻭﺍﻥ ﻗﺎﻝ ﻟﻜﺮﻳﻢ ﺃﻧﺎ ﺃﻧﺒﻘﺎ ﻣﻌﺎ ﺍﻟﺴﻴﺪ ﻫﻨﺎ ﻭ ﻧﺘﺎ ﺳﻴﺮ
ﺩﻏﻴﺔ ﻋﻴﻂ ﻋﻠﻰ ﺍﻣﺎﻝ ، ﻭﺻﻞ ﻋﻨﺪﻫﺎ ﻟﻠﺪﺍﺭ ﺻﻮﻧﺎ ، ﻭ ﺗﻴﻄﻠﺐ ﺍﻟﻠﻪ ﺗﺨﺮﺝ ﻟﻴﻪ ﻫﻲ
، ﻣﺎﻓﻴﻪ ﻣﻴﺘﺴﺎﻃﺢ ﻣﻊ ﺷﻲ ﻭﺍﺣﺪ ﻣﻦ ﺍﻟﻠﺨﺮﻳﻦ ، ﺍﻟﺤﻤﺪ ﺍﻟﻠﻪ ﺧﺮﺟﺎﺕ ﻫﻲ ، ﻭ
ﻟﻜﻦ ﻗﺎﻟﺖ ﻟﻴﻪ ﺍﺵ ﻛﺎﺩﻳﺮ ﻫﻨﺎ ، ﻗﺎﻝ ﻟﻴﻬﺎ ﻳﺎﻟﻠﻪ ﻣﻌﺎﻳﺎ ﺩﻏﻴﺔ ﻟﻮﺍﺣﺪ ﺍﻟﺒﻼﺻﺔ
ﻏﺘﻌﺠﺒﻚ ، ﻭﺍﻟﻮ ﻋﻴﺎ ﻣﻌﺎﻫﺎ ﻣﺎﺑﻐﺎﺗﺶ ، ﺣﺘﻰ ﻗﺎﻝ ﻟﻬﺎ ﺷﻲ ﺣﺎﺟﺔ ﻛﺘﻌﻠﻖ
ﺑﺎﻟﻤﻮﺳﻴﻘﻰ ، ﻭ ﻋﺎﺭﻑ ﻫﻮ ﺑﺎﻟﻠﻲ ﻫﺪﻳﻚ ﻫﻲ ﻧﻘﻄﺔ ﺍﻟﻀﻌﻒ ﺩﻳﺎﻟﻬﺎ ، ﺍﻟﻤﻬﻢ
ﺻﺎﻓﻲ ﻣﺸﺎﺕ ﻣﻌﺎﻩ 😃
ﻓﺎﺵ ﻭﺻﻠﻮﺍ ﻟﻠﺴﺘﻮﺩﻳﻮ، ﻭ ﻋﺎﻭﺩﻭ ﻟﻬﺎ ﻛﻮﻟﺸﻲ ، ﻣﺎ ﺣﺴﺎﺗﺶ ﺣﺘﻰ ﻃﺎﺭﺕ ﻋﻠﻴﻪ
ﺑﺘﻌﻨﻴﻘﺔ ، ﻣﻦ ﺑﻌﺪ ﻣﺎ ﺻﻮﺭﻭﻫﺎ ﻛﺘﻐﻨﻲ ﻭ ﺩﺍﺭﻭ ﻣﻌﻬﺎ ﺍﻝINTERVIEW ،
ﺃﺧﻴﺮﺍً ﺗﺼﺎﻟﺤﺎﺕ ﻣﻊ ﻛﺮﻳﻢ ﻭ ﻫﻮ ﻳﺘﻔﻜﺮ ﺍﻟﻤﺴﺮﺣﻴﺔ ﺍﻟﻠﻲ ﻗﺎﻟﻬﻮﻡ ﺍﻷﺳﺘﺎﺩ ﺩ ﺍﻟﻤﻌﻬﺪ
ﻣﻦ ﺑﻌﺪ ﺳﺎﻋﺔ ، ﻣﺸﺎﻭ ﺩﻏﻴﺔ ﻫﻮ ﻭﻳﺎﻫﺎ ﻭ ﺑﺎﺕ ﻣﺮﻭﺍﻥ ﻟﻠﺴﺒﻴﻄﺎﺭ 😁
ﻟﻘﺎﻭﻩ ﻋﺎﻳﺶ ﺍﻟﺤﻴﺎﺓ ﻣﻊ ﻣﻼﻙ ﻭ ﻣﺮﻳﺤﻴﻦ ﻣﻘﺎﺑﻠﻴﻦ ﻣﻊ ﺍﻟﺸﺮﺟﻢ ﻭ ﺗﻴﺘﺴﻨﻄﻮ ﻟﻸﻏﺎﻧﻲ
، ﺟﺎﻭ ﻋﻨﺪﻭ ﻭ ﻣﻊ ﺑﺎﻧﻠﻴﻪ ﺑﺎﻩ ﻭﺍ ﻣﺮﻍ ﻭ ﻧﺎﺽ ﺩﻏﻴﺔ ، ﻗﺎﻟﻴﻬﻢ ﻛﺮﻳﻢ ﺭﺍ ﺍﻟﻤﺴﺮﺣﻴﺔ
ﺑﻘﺎﺕ ﻟﻬﺎ ﻧﺺ ﺳﺎﻋﺔ ﺳﺮﺑﻴﻮ ، ﺻﺎﻓﻲ ﺑﺎﺕ ﻣﺮﻭﺍﻥ ﻣﻦ ﺑﻌﺪ ﻣﺎ ﺧﻠﺺ ﺍﻟﺴﺒﻴﻄﺎﺭ ﻭ
ﺗﻬﻨﺎ ﻋﻠﻰ ﻭﻟﺪﻭﺍ ﺭﺟﻊ ﻓﺤﺎﻟﻮ ﻟﻠﺪﺍﺭ ، ﻭ ﻫﻮﻣﺎ ﻣﺸﺎﻭ ﻟﻠﻤﻌﻬﺪ 😊
ﻭﺻﻠﻮ ﻟﻠﻤﻌﻬﺪ ﻟﻘﺎﻭﻫﻢ ﺑﺎﺩﻳﻴﻦ ﻋﻠﻴﻬﻢ ، ﻭﺻﻞ ﺍﻟﺪﻭﺭ ﺩﻳﺎﻟﻬﻮﻡ ﺩﺍﺭﻭ ﻣﺴﺮﺣﻴﺔ
ﻣﺘﻮﺳﻄﺔ ﻣﻊ ﻣﺎ ﻭﺟﺪﻭﺵ ﻟﻬﺎ ﻣﺰﻳﺎﻥ ﻭ ﻣﻊ ﺍﻟﻤﺸﺎﻛﻞ ﺍﻟﻠﻲ ﺩﺍﺯﻭ ﻋﻠﻴﻬﻢ ، ﺣﺼﻠﻮ
ﻋﻠﻰ ﺍﻟﻤﺮﺗﺒﺔ ﺍﻟﺜﺎﻟﺜﺔ ، ﻭ ﻫﻮ ﻳﺪﺧﻞ ﺍﻟﻤﺪﻳﺮ ﺩ ﺍﻟﻤﻌﻬﺪ ﻗﺎﻟﻴﻬﻮﻡ ﺑﺎﺵ ﻧﺸﻜﺮﻛﻢ ﻋﻠﻰ
ﺍﻟﻌﻤﻞ ﺍﻟﺠﺪ ﺩﻳﺎﻟﻜﻢ ، ﺭﺍﻧﻲ ﻣﻮﺟﺪ ﻟﻜﻢ ﻭﺍﺣﺪ ﺍﻟﻤﻔﺎﺟﺄﺓ 😻
ﻗﺎﻟﻬﻮﻡ ﺑﻠﻠﻲ ﻭﺍﺣﺪ ﺍﻟﻤﺨﺮﺝ ﻛﺎﻥ ﺗﻴﺘﻔﺮﺝ ﻣﻌﺎﻩ ﻓﻬﺎﺩ ﺍﻟﻤﺴﺮﺣﻴﺎﺕ ﺍﻟﻠﻲ ﺩﺍﺭﻭ ﻭ
ﺧﺘﺎﺭ 9 ﻣﻨﻬﻮﻡ ﻳﻤﺜﻠﻮﺍ ﻣﻌﻪ ﻓﻮﺍﺣﺪ ﺍﻟﻔﻴﻠﻢ ، ﻭ ﻫﺎﺩ ﺍﻟﺘﺴﻌﻮﺩ ﻫﻤﺎ ﺍﻟﻤﺠﻤﻮﻋﺎﺕ
ﺍﻟﺜﻼﺛﺔ ﺍﻟﻠﻮﻟﻴﻦ ﻭ ﺍﻟﻠﻲ ﺑﺎﻟﻄﺒﻊ ﻓﻴﻬﻢ ﻛﺮﻳﻢ ﻭ ﻣﺮﻭﺍﻥ ﻭ ﻣﻼﻙ ، ﻭ ﻛﺮﻳﻢ ﻣﺸﺎ
ﺭﻏﺒﻮﺍ ﺑﺎﺵ ﻳﺨﻠﻲ ﺗﺎ ﺍﻣﺎﻝ ﺗﻤﺸﻲ ﻣﻌﺎﻫﻮﻡ ﻭ ﻗﺎﻟﻴﻪ ﻣﻤﻨﻮﻉ 😱
ﻭ ﻫﻲ ﻃﻴﺢ ﻋﻠﻰ ﻛﺮﻳﻢ ﺍﻟﻔﻜﺮﺓ ﺩﻳﺎﻝ ﺍﻟﻐﻨﻰ ، ﻭ ﻓﺎﺵ ﻫﻀﺮ ﻟﻴﻪ ﻛﺮﻳﻢ ﻋﻠﻰ
ﺻﻮﺗﻬﺎ ﺍﻟﺮﺍﺋﻊ ﻭ ﻛﺎﺗﻜﺘﺐ ﻭ ﻛﺘﻠﺤﻦ ﺍﻷﻏﺎﻧﻲ ، ﺍﻟﻤﺨﺮﺝ ﺣﻐﺮﻫﺎ ، ﻭ ﻏﺎﻟﻴﻪ ﺑﺎﻗﺎ
ﺻﻐﻴﺮﺓ ﺷﻮﻳﺔ ، ﻭ ﻟﻜﻦ ﻓﺎﺵ ﻣﺸﺎ ﻛﺮﻳﻢ ﺟﺎﺑﻬﺎ ﻟﻴﻪ ﻭ ﺳﻤﻊ ﺻﻮﺗﻬﺎ ﺍﻟﺮﺍﺋﻊ ﻭ
ﺍﻻﻏﺎﻧﻲ ﺍﻟﻠﻲ ﺻﻮﺑﺎﺗﻬﻢ ﺑﻮﺣﺪﻫﺎ ، ﻗﺎﻟﻴﻬﺎ ﻧﺘﻲ ﺍﻟﻠﻲ ﻏﺘﺼﺎﻭﺑﻲ ﻭ ﻏﺘﻐﻨﻲ ﺍﻟﺠﻴﻨﻴﺮﻳﻚ
ﺩﻳﺎﻝ ﺍﻟﻔﻴﻠﻢ ﻭ ﻗﺎﻟﻴﻬﻮﻡ ﺭﺍ ﻣﻌﻨﺪﻧﺎﺵ ﺍﻟﻮﻗﺖ ﺍﻟﻠﻲ ﻧﻀﻴﻌﻮﻩ ﺭﺍﻩ ﻏﺪﺍ ﻏﺎﻧﻘﻠﻌﻮ ، ﻭ
ﻓﺎﻟﻠﻴﻞ ﻋﻴﻂ ﻛﺮﻳﻢ ﻟﻮﺍﻟﺪﻳﻪ ﻗﺎﻟﻬﺎ ﻟﻬﻮﻡ ﻭ ﻓﺮﺣﻮ ﺑﻴﻪ ﺑﺰﺍﻑ ﻭ ﺟﻤﻊ ﻫﻮ ﻭ ﻣﺮﻭﺍﻥ
ﺩﻛﺸﻲ ﺍﻟﻠﻲ ﻏﻴﺤﺘﺎﺟﻮﻩ ، ﻭ ﻧﻌﺴﻮ 💤
ﺻﺒﺢ ﺍﻟﺼﺒﺎﺍﺍﺍﺍﺍﺡ ☀ ☀ ☀
ﻭ ﻣﻼﻙ ﺟﺎﺕ ﺩﺍﺯﺕ ﻋﻨﺪﻫﻮﻡ ، ﻭ ﻣﺸﺎﻭ ﻋﻨﺪ ﺍﻣﺎﻝ ﺩﺍﺯﻭ ﻋﻨﺪﻫﺎ ﻭ ﺳﻠﻢ ﻋﻠﻰ
ﺧﺎﻟﺘﻮ ﻭ ﻭﺻﺎﺗﻮ ﻋﻠﻰ ﺍﻣﺎﻝ ﻭ ﻣﺸﺎﻭ ﻟﻠﻤﻌﻬﺪ ، ﺍﻟﻤﻬﻢ ﻭﺍﺧﺎ ﻋﻄﺎﻭﻫﻢ ﻏﻴﺮ ﺃﺩﻭﺍﺭ
ﺛﺎﻧﻮﻳﺔ ﻗﺎﻟﻴﻬﻮﻡ ﻛﺮﻳﻢ :
" ❤ ﺑﺪﻳﻨﺎ ﺑﺄﺩﻭﺍﺭ ﺛﺎﻧﻮﻳﺔ ﻭ ﻟﻜﻦ ﻣﺎﺣﺪﻧﺎ ﻣﺠﻤﻮﻋﻴﻦ ﺑﺮﺑﻌﺔ ﺑﻴﻨﺎ ﺗﺎ ﺣﺎﺟﺔ ﻣﺎ
ﻏﺎﺗﻮﻗﻔﻨﺎ ﻭ ﺇﻥ ﺷﺎﺀ ﺍﻟﻠﻪ ﻣﺎﺯﺍﻝ ﻧﻤﺜﻠﻮ ﺃﺩﻭﺍﺭ ﺍﻟﺒﻄﻮﻟﺔ ﻓﺎﻟﻤﺴﺘﻘﺒﻞ ❤ "
ﺍﻟﻨﻬﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻳﺔ 😍
لي عجباتو القصة يخلي جيم وكمونت و طاغي الاصدقاء ديالك حتا هوما يقراو !! :)

الحلقة 13 ( ما قبل الأخيرة ) 😍
خلاتو مسطر قدام داك الخلق كامل ، و كريم بانليه داك البلان فهم كولشي ، و ناري حشم منو و ماعرف مايقوليه حيت هو اللي قتارح عليه الفكرة ، مروان ناض و جا عندو :
- كريم : ممماعرفت ماننن...سمحليا بزاف
- مروان : مادير فبالك والو ا خويا نتا مادرتي ليا والو ، بالعكس حسيت براسي بردت فاش عشت داك المنظر و بنادم تيصفصق ، و دبا كيما فكرتي فيا و مانستينيش تانا ماغانساكش ، و فالليل داك خونا غانوريو لمو يلعب بينا
وصل الليل 🌙
مشاو للفندق مروان دار راسو طالع ينعس فالبيت ، عطاه داك خونا السوارت و عرف باللي القضية فيها إن حيت مجاش معاه صاحبو ، مروان فاش طلع بدا تيغوت فالبيت ، داك خونا طلع يشوف اش كاين ، لقاه تيغوت قاليه اش كاين و بدا مروان تايتلفو بالهدرة ، و فالحقيقة ماااا عندوش مع هادشي ، دغيا فهم كاينة شي لعيبة ، كريم دخل سالت ، خدا الكتاب فرحان ، يالله غيدور يخرج بحالو ياا تا شنق عليه خونا ، قال ليه :
- حصلتي لمك ها ، براهش بحالكم باغيين يطلعوها عليا أنا
- نتا لي سرقتي ليا كتابي
- أنا ماحملتكش من النهار اللول ، و هاد الكتاب عمرك ما غاتعاود تشوفو
يا تا هبط عليه مروان بواحد العصا للضهر جابو كاو ، و علق و جر معاه كريم ، هو يجري و كريم وراه ، بقاو يجريو يجريو ، زادو فالشانطي كيجريو ماتجي غير واحد الطوموبيل ضربات مروان و هربات 😨
داه كريم للسبيطار ، بقى تيتسنى ، قاليه الطبيب الحمد الله ماشي شي حاجة خطيرة ، الطوموبيل ما كانتش غدا بسرعة كبيرة ، و غدا و لا بعدو يقدر يمشي ، و كريم عيط لملاك تبقى معاه بيدما يمشي يعلم والدين مروان 😖
ملاك تخلعات عليه و جات بالزربة ، و بقات جالسة حداه و هو ناعس ، كريم وصل للدار و مشا جلس حدا بات مروان :
- عمي بغيت نقولك شي حاجة و ماتخلعش
- ياك لاباس !!!
- مروان درباتو طوموبيل ولكن قال ليا الدكتور ماعندو والو
- !!!! و كيفاش وقع هادشي ؟!!!
- كنا غادين فالطريق و بغى يقطع الشانطي بالزربة و هي ضربو
- وااالو ما كتعرفش تكدب ! غير عاود ليا عاود ؟
(من بعد ما عاودليه كريم على البلان كامل من طقطق تال السلام عليكم )
- و نتا هاد الكتاب اللي منوض عليه القيامة فاش أيعونك غاع مع امال
- سمعت فأحسن اداعة عند امال فالراديو اللي مكتحيدهاش من ودنيها كيقولو للناس يسيفطو لهوم الأغاني لي صاوبو لهم فالموقع الرسمي ديالهم و غيدوزوهم السيمانة الجاية
- صافي غير على هادشي...أنا عندي ليك ما حسن 😄
يتبع...

12 😻
فاش ملقاوهش و هبطو سولو داك خونة على الكتاب قال لهوم ماشافوش ، و كريم هو يشوفو مخشي بين الكتوب ديال الفندق ، فهم بللي داك السيد محملوش من النهار اللول لدرجة خلاه ديك النهار ينعس فالزنقة كون ماكانش مروان
المهم كريم فكر مزيان و كان متئكد أنه مغايبغيش يعطيه عليه و خصو يخدو بيديه ، دار راسو مشاف والو و قال لمروان صافي يالله فحالنا تنرجعو بالليل و ديك تنرجعو بالليل قالها بالجهد بلعاني باش يسمعها لداك خونا ، فاش خرجو قاليه را شفت الكتاب و قاليه تنرجعو بالليل او نتا غتلاهيه ليا باش أنا ندخل ناخد الكتاب ، المهم دبا خصنا نركزو على البلان د ملاك ، يالله نمشيو نتغداو دغيا ، را مبقاش بزاف على الوقت د المعهد 😁
المهم تغداو ، و مشاو للمعهد ، بقاو تيقلبو على ملاك بانتليهوم مخشية فوسط واحد الجماعة و بنادم كثير فديك البلاصة ، مروان مقدرش يمشي ، و كريم بقى تيشجع فيه و تيزعم فيه ، مروان قال اللي ليها ليها واخا يضحك عليا بنادم هانية هي بوحدها اللي كتهمني و مشا 😻
قرب شوية لعندهم و عيط ليها ، شافتو مقاد مزيان و هاز كادو تفاجأت و مافهمات والو ، قربات لعندو و قاتلوا نعام ؟ تحنا على ركبتو و مد لها الكادو و قالها جوطيم ، الوقت اللي تيتسنا بنادم يبدا يضحك عليه ، بنادم كولو من الطرف للطرف بدا تيصفق عليه ❤
هي فالحقيقة عجبها الحال بزاف ، و لكن فالصيف اللي فات كانت كاتبغي واحد الدري و مشا مع وحدة خرا و تفلا عليها ، و تعدبات باش نساتو ، و فاش دخلات للمعهد ، واعدات راسها بللي مدير علاقة مع تا شي دري ، و تكمل الحلم ديالها ( التمثيل )
و لكن فاش شافت البلان اللي دار مروان ، بحال إلا بدات كتغير رأيها ، و لكن فكرات مزيان و قلت مع راسها ، كلهم تيبداوها زوينة و بصعوبة باش قدرات تخرجها من فمها قالت ليه ، سمح ليا و لكن سبق لي قلت ليك بللي ما بقيت بغيت ندير تا شي علاقة خرا و مركزة على هدشي لي كندير دابا و مشات بحالها 😱
يتبع...

11 😍
صيفط لها '' Cc '' و هي واخا شافت الميساج ماجاوبتش و خلات ليه '' Vu '' و فهم بللي مقلقة عليه بزاف ، و واخا ما كاتجاوبوش بقى كيخوي عليها غاع داكشي اللي فقلبو و شرح لها داك البلان د ملاك ، هي قرات دكشي كامل أتر فيها و لكن مابغاتش تجاوب ، و طفات الPC و مشات نعسات ، و كريم واخا هو براسو عندو مشاكل مع امال مانسش عشيرو مروان اللي واعدو يعاونو فالمشكل ديالو مع ملاك و بقى الليل كامل تيفكر ليه فشي بلان ☺
صبح الصباح ☀
مشا كريم و مروان للمعهد و ريحو مع ملاك ، باش يساليو ديك الميني المسرحية ، و فالحقيقة تواحد فيهم مامركز مزيان حيت كولا و المشكل ديالو 😔
كريم طاح على فكرة ليه و فكرة لصاحبو ، قاليه أتجيب لها شي كادو و تعطيه لها قدام بنادم فالمعهد ، حيت هي موديرن و أتكون عزيزة عليها الرومنسية و نيت باش تعرفك ما كاتفلاش و كدوي من نيتك ، مروان قاليه صافي غدا و يدير الله خير 😁
مشا هو و ياه شراو الكادو ، و بداو كيفكرو فالكلام اللي غيقوليها ، وصل الليل و نعسو . لاغد ليه فالصباح , كريم مشا تيقلب فساكو على واحد الدفتر اللي كانت خلات عندو امال كاتبة فيه دوك الأغنيات و ملحناهم بالكتابة الموسيقية ، بغى يقضي بيه شي غاراض و والو ملقاهش ، و هو يتفكر باللي خلاه فالمجر د البيت اللي كان ساكن فيه فالفندق 😨
مشا شد تاكسي للفندق ، وصل قال لداك الرجل اللي فالإستقبال ، را نسيت واحد الكتاب فالبيت ، عافاك تقدر تعطيني الساروت نطلع نجيبو ، والو داك خونة مبغاش قاليه ممنووع ، إلا ماخلصتيش فلوس الليلة بلا ما تحلم دخل ، الفلوس اللي عندو ماكافينوش ، مشا رجع للدار 😡
رغب مروان يسلفو الفلوس ديال ديك الليلة ، و مشاو هو وياه الفندق ، خلصو ليه الليلة ماعندهم ميديرو و فاش طلعو يجيبوه مالقاوهش ، و غايكون شي واحد هزو ، و داك الكتاب هو الحاجة الوحيدة اللي تقدر تعاود تجمعو بأمال 😱
يتبع...

10
ملاك بغات تشرح لأمال و لكن ماخلاتهاش و صرفقات كريم و مشات بحالها ، كريم شرح لمروان و قاليه بللي راها بحال ختو ، و نقزات ملاك قالت لكريم و مالو هو فهاد البلان ، و هو يقولها مروان حيت كانبغيك ، قالت ليه أنا لا و ماكنفكر ندير تا شي علاقة دبا ، تصدم و مشا فحالو
فالليل فاش كريم مشا ينعس فالفندق و جا يخلصهم بحال ديما ، لقى الفلوس كاملين اللي كانو عندو تقاداو وداك شوية اللي بقى ليه ميكفيهش يخلص الليلة ، و عيا مايطلب فيهم يخلوه يبات غير هاد الليلة و الغد ليه يمشي يدبر على راسو ، و هما والو قالوليه إلا ماخلستيش بلاما تحلم تبات هنا
خرج للزنقة بالليل و الشتا كاطيح و ما زعمش يمشي عند خالتو تاني ، و خصوصاً أنه تا امال كاعية عليه ، الحل الوحيد اللي بقى ليه هو مروان واخا دارهم بعيدة و تا هو كاعي عليه ، مشا فديك الشتا و غادي ، تا وقفو عليه وحدين قالوا ليه حط دكشي لي عندك ، و تفكر بللي إلا بداو تيقلبو فيه غايلقاو البزطام فالجيب و فيه لا كارط ديالو اللي بلا بيها ميقدرش يعاود يدخل للمعهد ، و هو يهرب ، هو تيجري و هوما تابعينو ، هو عيا و هوما باقين تيجريو ، جاب الله تخبا لهم فواحد الجردة ما شافوهش
دارو فيه خير ، لقى راسو قرب بزاف لدار مروان ، فاش وصل و صونا حل ليه مروان نيت ، قاليه باقي عندك الوجه جاي عندي تال الدار ، و هو ينقز باه قاليه '' شكون تما ا مروان ، آه كريم دخل دخل ا ولدي '' مروان مشا لبيتو و كريم مشا ريح مع باه لقاه شاد ماتش د ارسنال تاني ، و بقى تايبلي فيه ، و كريم تا هو عجبو الحال
من مور ما سالة الماتش كريم عاود ليه على البلان د الفندق و ماعندو فين يبات هاد اليامات ، قاليه :
- مرحبا بيك ا ولدي على الراس و العين
- شكراً ا عمي
- غير بغيت نسولك واحد السؤال
- معلوم قوول
- واش مروان مخاصم معاك
- اه را عقع لينا واحد سوء تفاهم الصباح فالمعهد
- و شوف ا ولدي ، غير طلب منو السماحة و هو قلبو بيض دغية تقنعو
مشا كريم عندو لبيتو ، مبغاش يشوف فيه ، مشا ريح حداه و بقى تيعاود ليه البلان كامل و قنعو ، و بقاو تيضحكو ، و قاليه ملاك أتولي تبغيك إن شاء الله و غير بالحيلة . مروان عطاه يحل الفيسبوك ديالو و لقى امال مكونكتية .
يتبع...