The South Origine 62

اللويسي الأسطورة قراهم الكرة 💚 الحاج مايواف الحق للي نويو عليه من والو كتب لينا تاريخ و مشى خلاها نقية الله يطول عمرك.

تواركة الفريق الرباطي مانقولوش لا هما من رباط و الفلوس و الجامعة و البكى و الشكى بحال شي وحدين ، لا ثم لا فريقة عندها سياسة ديال ولاد المدرسة و دراري ديال الناشئين ديال الأزقة و هواة و تجيبهم و توفر ليهم بيئة فين ينعس و يتريني كلشي نقي و ماتفاجئش فاش لاعبة ديالهم فاكبر فرق.
حنا نهار طحنا ماعرفنا والو شكون بقى شكون مشى مهم الهواة ينادي و الجمهور ساكت .

سكوت اللي غادية بيه الفرقة من بعد ماطحنا كايأكد الفرقة غادية كي ديما فال عشوائية لا لعابة جداد لا اللجنة اعلامية لا تيران تقاد مهم الهواة ينادي .

العام الجاي ان شاء الله باشمن دخلة غادخلو بومبونيرو بوميونيرا ولا او ڤاموس اولامبيكو ؟؟؟
الفرقة فوندات فعامها الأول بسباب مسيرين عقلية الهواة و التيران فاش كانلعبو ليماشي ديالنا لهذا ضيعنا النقط حيت الجمهور ماغاديش اظغط كثر بحال فانا و دبا كولشي ساكت بحالا راضيين على هاد الدل بلا تا حركة من المجموعة ولا المكتب لا فسخ عقد اللاعبيين ولا شركة توقف على معقلنا لي اقدر اردنا العام الجاي لبريميرا ولا استفادة من اللاعبين ليمشاو ولا إنتذابات و كولشي ساكت لهاد الجراثيم في حين مجموعات اخرين خارجين كايحاربو المسؤولين على الانتذابات و محاربة الرئيس و فرقة اخرى بدلات الرئيس وحنا مرقين مع الاخرين ليهمهم الوحيد مكانة فالبرلمان .. الهدرة ديال اشغادير ماكادخلش ليا لراسي حيت عطا الله مادير حنا راس مال الفرقة انحيدو اي ميكروب كايلعب بمصلحة الفرقة فيقو ماحد باقي الوقت الا بدا العام غا سيرو حركو راسكم و هوما بكرهم الا كنتو مرقين معاهم ماغاديش اتسوقو ليكم حيت غرضهم قداوه دارو ليكم السكاتة

داك تيران بالظبط ماتسرطش ليا .. شوفو ديال واد زم و زمامرة راه مايمكنش ملعب معايير احترافية حنا سي زيتوني لاح البلان فيه شوية د الألوان و كتبة بفرونسي و تباث زعمة الجديد .

كانظن اغلبكم شاف هاد الملعب كايتواجد فحي مولاي رشيد فالدار البيضاء ملعب ب ديزاين احترافي و ناضي و اجي تشوفو بلان اللي جابو لأحمد فانا لفريق فقسم الإحتراف مهزلة لفريق بحجم الأولمبيك وجمهورها زيتوني و دهموش فيناهي الوعود و تهضرو على المدينة رياضياً فالجامعة !

ايوب باكي ولد المدينة و الفرقة كلشي كايعروفو دري فنان ديال بصح و كوايري كون بقا اللويسي فالفرقة كون طلعو و مكتب مابغاش يدير شي حركة هاد دري هاد العام بغيناه فالفرقة الاولى باش ماكان مابغيناش نضيعو فهاد الموهبة كلشي شاهد عليها.

المكتب هادي هي الوقيتة تجيبو ولاد المدينة منهم رضى صليان و العربي لامين عندهم تجربة كبيرة في القسم ممتاز ، المكتب شي حركة !

السقوط ماشي عيب العيب الا بقيتي ساكت على السقوط ودخل لراسك عقلية تعيش فالهواة عرفناها تعيش فأي ظرفية ولكن الا بقيتي ساكت على هادشي ماتصدمش العام الجاي الا الخبور كايتشفاو فينا وكايقولو لينا ديربي مع أيت ملول …
مازال الوقت الا اتفيقو ديرو رينيو مع الادارة والرئيس اتحط بروجي العام الجاي أولها الفسخ مع هاد اللاعبين بدون إستتناء ( اد سعيد،بومليك،بوغاز،بوجمعة،سباعي،حمدي،فاهمي،اوبيضار،أمزيلي،عبا،أبردي،أيت حمو،جبران )و تجيب لاعبين عندهم تجربة حيت هي ليكاتلعب الدور و مدرب ليه التجربة بحال اللويسي ولا هو نيت و اوقفو على التيران اكمل العام الجاي و هاد العام فالمستوى راه غايرجعو ماطلعناش بجوج الأوليين أنطلعو تاني بالباراج من غير هادشي اغيروها و الا بقات الكروب ساكتة على هادشي فراه قمة الدل و هي الأولى ليخاصها تغيير ولا تجمد النشاط حتى تصفى الخواطر بين ولاد المدينة مابغيناش البراني اتشفا كولشي كايتسنا فالدورة واخا هادشي مابغيناش نوصلوه…