17/09/2026
سمع مزيان هاد الهضرة، حيث بعض السماسيرة المؤييدين ديالهم هادي هي الخطة ديالهم باش يشوشو عليكم
وكيروجو امتوكة بوحدها ما كافيش وهادي كذبة كبيرة
اجي نحسبوها بالعقل والمنطق والقاسم الانتخابي الحقيقة بالأرقام.
دائرة أمتوكة فيها 8 جماعات اشمرارن، تمليلت، بوابوض أمدلان، بوابوض، رحالة، تاولوكلت، سيدي عبدالمومن، كوزمت،
إلى صوتنا بالإجماع غير 18.000 صوت صحيحة ونقية لولدنا إبراهيم العسري.
وخا تكون الدائرة كاملة ديال شيشاوة كمثال فيها 280.000 مسجل، القاسم الانتخابي هو 70.000.
ولكن المقاعد لا توزع إلا بأكبر البقايا!
في انتخابات 2021، المقعد الرابع فشيشاوة طلع غير 15.000 صوت
يعني بـ 18 ألف صوت ديال أمتوكة بوحدها، المقعد مضمون 100% بلا ما نحتاجو لا شيشاوة المدينة ولا مجاط ولا حتى امنتانوت
إذن أمتوكة قادرة تنجح نائب بوحدها إلى بغات!
غير لعبة السماسرة بما ان كل جماعة فيها 3 سماسرة، كل واحد باع راسو لواحد من الشكايرية ديال الفلوس مقابل الاصوات
هاد السمسار ما كيهموش مصلحة أمتوكة، كيهمو يرضي سيّدو اللي عطاه الفلوس باش يبقى خدام معاه 5 سنين جاية.
ولكن السمسار عندو فم واحد، امتوكة عندها آلاف الأفواه.
السمسار كيجُر 20 صوت بالفلوس، ولكن الرجل الحر كيجُر 200 صوت بالكرامة.
✉️رسالة لأحرار أمتوكة شباب شياب رجال ونساء لا للاستسلام
لا تسمعوا لمن يقول لكم ما كافينش فهذه كلمة السمسار الخائف
أنتم 8 جماعات، أنتم جيش، أنتم تاريخ، أنتم من كنتم ترفعون البرلمانيين على أكتافكم وتوصلونهم للرباط ثم ينسونكم.
اليوم عندكم ولدكم، منكم وإليكم، كيعرف دواركم، كيعرف عطشكم، كيعرف طريق سبيطاركم.
السماسرة 3 فالجماعة، ولكن الأحرار 3000 فالجماعة.
يوم 23 شتنبر، كل واحد يصبح سمسار للخير، كل واحد يجيب عائلتو، جيرانو، يفيق بكري، ويمشي يبصم.
لا تقولوا صوتي ما غايبدل والو بالعاكس صوتك هو اللي غايجيب المقعد ان شاء الله بالإرادة الطموح كلشي عند الله قريب
هاد المرة ماشي انتخابات... هاد المرة حرب على الكرامة
يا تكون أمتوكة، يا ما تكونش.
بصمو بقلب رجل واحد... والمقعد ديالنا بإذن الله
إبراهيم العسري
#امتوكة
أخبار تولوكلت Akhbar tawloukelt
