Fati Boubker : Coaching et encadrement des personnes handicapées

نحن مقبلون على اليوم العالمي للتوحد – 2 أبريل، اي
نحن مقبلون على يوم مهم، يوم كيذكرنا بضرورة الفهم قبل الحكم، وبأن الاختلاف ليس عيبا بل تنوعا يستحق الاحترام.
اضطراب طيف التوحد ليس مرضا، بل هو طريقة مختلفة لرؤية العالم والتفاعل معه.
كاينين أطفال بزاف كيعيشو تحديات يومية ما كيبانوش، ولكن فداخلهم عالم غني وقدرات مميزة إلا لقينا الطريق الصحيح باش نوصلو ليهم ونعاونهم اكشفوا عليها انكونوا سعدناهم بالفعل من خلال فهمهم والدفع بهم نحو حال افضل وانهم اعيشوا اختلافهم بتميز.
- التوحد ماشي ضعف
ـ التوحد ماشي نقص
التوحد هو اختلاف خاصو الفهم والدعم، اليوم خاصنا نبدلو نظرتنا، ماشي نحاولو نغيرو الطفل ونخليوه يشبه لينا ولعالمنا، ولكن نحاولو نفهموه وندخلو لعالمو 💙
👩‍👧 رسالة لكل أب وأم:
ولدك ماشي “مشكل”، او ماشي "مريض" ولدك مختلف
ولدك حكاية خاصة كتستاهل الحب، الصبر، والمرافقة
رسالتي ليك: "نفهمو التوحد، باش نقدرو نحتاويوه”

#التوحد

🌿 ليس كل صمتٍ ضعفاً… كيف نساعد طفل اضطراب طيف التوحد على بناء عالمه الاجتماعي؟
تخيل أن الطفل يريد أن يتحدث… لكنه لا يجد الكلمات.
أو يريد أن يلعب… لكنه لا يعرف كيف يبدأ.
هذا ليس عناداً، وليس نقصاً في التربية، بل طريقة مختلفة لرؤية العالم.
الطفل في طيف التوحد لا يحتاج إلى الضغط ليتغير، بل يحتاج إلى من يمد له يد الفهم أولاً.
✨ عندما تلاحظ أن الطفل لا يجيب بالكلام… حاول أن تفهم إشارته، نظراته، أو سلوكه.
فالتواصل ليس صوتاً فقط، بل شعور ورسالة.
🌸 عندما يحاول الطفل التواصل، حتى لو بطريقة بسيطة… شجعه.
ابتسامة صغيرة قد تكون بداية ثقة كبيرة.
🎲 اللعب ليس ترفيهاً فقط، بل لغة يتعلم بها الطفل معنى المشاركة والانتظار والتفاعل مع الآخرين.
🌼 لا ترفع صوتك على طفل لا يفهم الصراخ.
الهدوء أقرب لقلبه من العقاب.
❤️ تذكر دائماً:
الطفل لا يحتاج أن يصبح نسخة من الآخرين…
بل يحتاج من يؤمن أن داخله قدرة تنتظر من يكتشفها.
🤍 الاندماج يبدأ حين نفهم الطفل قبل أن نطلب منه أن يتغير.

🔷 اضطراب طيف التوحد: كيفاش نفهمو الطفل ونتعاملو معاه؟
كيبقى السؤال المهم:
كيفاش نتعاملوا مع الطفل لي فعندو اضطراب طيف التوحد؟
أول حاجة خاصها تكون هي الفهم.
الطفل ما كيديرش بعض السلوكيات عناد ولا قلة تربية، ولكن حيث الطريقة ديالو ففهم العالم مختلفة.
🔹 التواصل ماشي غير بالكلام
ماشي كل الأطفال كيهضرو، ولكن كل طفل كيتواصل بطريقتو:
نظرة، بإشارة، باللعب، أو حتى بسلوك.
الدور ديالنا هو نفهموا الطريقة ديالو وما نفرضوش عليه شي حاجة ما كتناسبش معاه.
🔹 الروتين كيعطي الأمان
الأطفال لعندهم اضطراب طيف التوحد كيرتاحوا مع الروتين الوضوح.
التغييرات المفاجئة تقدر تقلقهم وتخليهم يتعصبوا.
🔹 السلوك راه رسالة
أي سلوك صعيب راه وراه سبب:
تعب، خوف، حساسية من الصوت ولا الضوء، أو ما عرفش كيفاش يعبر.
العقاب ماشي هو الحل، الحل هو نفهموا السبب.
🔹 دور الأسرة مهم بزاف
الأسرة هي الأساس.
التقبل، الصبر، والتعاون مع المختصين كيساعدو الطفل يطور المهارات ديالو ويندامج أكثر.
✨ كلمة أخيرة
طفل اضطراب طيف التوحد ما خاصوش يتبدل، خاصو غير لي يفهمو ويآمن بيه.
الاختلاف ماشي ضعف… راه طريقة أخرى للحياة.
🤍 معا نحو وعي أكبر وتقبل أكثر.