Omar Er-raqi

أفطل تشكيل بنسبتي لي

- شنو قال تشافي ؟ كلشي كايتفرج فكورة و لكن غير 5% لي كايفهموها .

- شنو قال شوبنهاور ؟ من بين كل 100 يالاه كاين واحد كايستاحق نجادلوه .

- شنو قال توماس بين ؟ الهضرة مع شخص ماكايهضرش بمنطق بحالا كاتعطي الدوا لشي جثة .

- داكشي علاش لا لقيت غا 100 فاهميني راني رابح ، الرحيل ديال بوسكيتس عتابروه رحيل هاد البروفيل إلى الأبد إلا لا كانت شي معجزة ، أمتع كاسور فالتاريخ هاد اللاعب بدل مفهوم الارتكاز لي كان خاصك ديما تكون صحيح و واقف و مكلخ كرويا باش تلعبو ، جا بوسكي مافيهش مواصفات الكاسور التقليدي و صنع المستحيل ، سطى كاع الأساطير و تصريح ريكيلمي مثلا كايبين العظمة ديالو ، مدحو بزاف و قال " بوسكيتس فيه كاسور و 10 ، بوسكي حير الكرة العالمية ".

- ماشي إثارة جدل و لكن إنييستا مثلا ممكن يتعوض ، راه بيدري قادر يفوتو مستقبلا بغيتي ولا كرهتي حيت فهاد العمر ماكانش اينييستا نجم فالبارصا و هاز التمنية فظهرو ، أما بوسكيتس شكون لي غايجي بحالو ، يقدر يجي حسن منو و لكن بحالو لا و الله تا غانبداو نتصدمو مستقبلا مني غاتشوف الكورة كاتمشي لينا فالميليو حيت شي واحد ماعرفش يخرجها ، حيت سحابنا ساهلة هو را بوسكي لي بينها ساهلة ، عقلو مزيان مازال غانخسرو كواري فالميليو .

- السنوات الأخيرة الميديا خلات بوسكيتس يبان سبب الريمونتادات ضدنا ، هو صحيح نقص دفاعيا و لكن و الله ما هو السبب الرئيسي ، شتي الإعلام عمرك تتبعو ديما و عمرك تتبع بنادم را كلشي كايدير فيها كايفهم ، و لكن الحقيقة ماشي كلشي واعر ، غا داك العام دار ماتش أسطوري ضد البايرن وسط الأليانز أرينا ، السبب الأول فداكشي لي وقع هو شتيغن و الله و غاتبان من بعد ، كاع الحراس كايعتقو فراقيهم و كايعنقوهم اللعابة حنا عمرو بان فالماتشات الكبار و تا حد ماكايجبدو ، غا ضد الليفر را قمة العيب دوك البيوتة خصوصا البيت التاني .

- وداعا بوسكيتس ، خبر حزين رياضيا و الله شخصيا أحسن لعاب عندي مورا ميسي هو هذا و أحسن ميليو ، وداعا أ أكثر واحد تفنن و بدع فالميليو ، و كي قلت ماكانتسناش كلشي يفهم هاد البوسط ، حيت كلهم جداد و كايتفرجو غا فالسطوريات .

مابتخسر شي إدا تابعتني 👌🏻🥺 متابعة فضلاً