Thetitanium.Fit

الف الف مبروك ❤️❤️❤️😍🫶🇲🇦🇲🇦🇲🇦

ن*ك والكر و اخر مستوى له قبل مستر اولمبيا باقل من 6 اسابيع 🔥🔥

البطل حسين ابن مدينة الدار البيضاء تجهيز بدأ بترونسفورماسيون واليوم جائنا بفضية كلاسيك فزيك بطولة NPC EUROPEAN من اول مشاركة تحياتي لهذا البطل و المحارب الذي تحدى عناء السفر لوحده من الدارالبيضاء الى اسبانيا للمشاركة بالرغم من انها اول بطولة يشارك بها

السلام عليكم ورحمة الله وبركاته...

كيفما وعدتكم البارح راح اتكلم عن تجربتي الخاصة مع Mk677 الشهير و اللي الكل يتكلم عنه بين مادح له و اخر يقول ان ليس له تاثير كبير..

و بما انني تقريبا دابا شهر باش دخلت على فترة الضخامة و الى جانب مكملات اخرى خديتها لهاد الفترة فقلت لازم انني نضيف Mk677 باش نشوف شنو لي تقدر تزيدني فهاد الفترة..

بالنسبة المكملات لي خديت هي كالتالي :
- واي بروتين
- كرياتين
- احماض امينية اساسية EAA
- مالتيفايتامين
- سيترولين
- كافيين

فبعد عدة بحوث على Mk677 وجدت ان افضل استعمال لها هي تبدا ب 10 مغ فالاول و تدريجيا حتا توصلها ل 20 مغ و هنا غادي نقول ليكم الايجابيات و السلبيات ديالها :

✅ الايجابيات :
- احتباس المياه فالجسم و لي كاتخليك تبان Full و هي النقطة لي كاتخليك تدفع اوزان مزيان

- نوم افضل بالليل خصوصا ايلا كنتي من النوع بحالي لي كاينعس بكري مع 22:00 راه كاتغرق فالنوم

⛔ السلبيات :
- ايلا خديتيها وسط اليوم ديالك و كنتي فالعمل فهي كاترخيك بزاف و كاتخلي فيك بحال النعاس ديال مور الغداء 😅

- مكاين حتا شي تغيير على الشهية ديالك و هذا كان هو الغرض الاساسي علاش خديتها انا علما ان كاع الابحاث لي قريت عليها كايكولوا انها كاتحفز هرمون الكريلين ( هرمون الجوع) و كاتخليك تاكل اكثر و اكثر، بالعكس انا فالاسبوع الثالث و الرابع كانوا بعض الايام منين كاناخذها مكانقدرش ناكل الوجبة ديالي علما انني كاناخد 3 د الوجبات عاد كانمشي نتمرن.

🚫 خلاصة 🚫

هاد ال Mk677 بالنسبة لي مكمل لي يقدر الواحد يستغنى عليه و ماشي ضروري ففترة الضخامة ( هو ماشي هرمون و غير ملزم انك تقوم ب PCT من موراه) يستحسن ان الواحد بفلوسوا يمشي ياخد بيها شي حاجة اخرى كماكلة او شي مكمل لي يقدر يعطيه الإضافة ففترة الضخامة، و هادشي لاش بغيت نشارك معاكم تجربتي الخاصة باش تعرفوا مزيان الايجابيات و السلبات ديالوا.

َ السلام عليكم ورحمة الله وبركاته.

Le bodybuilding nous permet de voir l'invisible.

السلام عليكم ورحمة الله وبركاته..
بعد غياب طويل على الكتابة او اي شيء يتعلق بكمال الاجسام فقط فالسوشل ميديا على العكس فالحياة الواقعية ديالي باقي منضبط على التمرين و التغذية على قدر المستطاع بحكم العمل و المسؤوليات الكبيرة لي كاتكون على عاتق كل واحد فكايكون صعيب انك تبقى اكتيف و ديما تكتب و تحط حوايج جداد...
بطبيعة الحال هاد الوقيتة بديت فترة التضخيم لي الغرض منها ماشي اكتساب الوزن بزاف و الفات بقدر ما بغيت نجرب اشياء جديدة لي غادي نشاركها معاكم و منها ال MK677 لي الكل تكلم عليه و كل واحد عطا الراي ديالو و لكن انا غادي نعطيكم خلاصة القول عليه من خلال اربعة اسابيع من الاستعمال الى حدود كتابة هاته الاسطر وواش بصح خاصك تاخدوا او لا و واش يستاهل هاد الضجة لي دايرين عليه و شنو الايجابيات و السلبيات ديالوا و واش عندوا شي منفعة خصوصا ففترة التضخيم؟
هادشي كامل انشاء الله غادي نبارطاجيه معاكم غذا فموضوع مفصل و نشرح ليكم فيه كل حاجة بخصوص هاد المكمل..
انشاء الله غادي نحاول انني نبارطاجي معاكم هاد فترة التضخيم كاملة لانني يالاه بديت فيها و غادي نشوفوا كاملين كيفاش غادي تسالي و الخطوات كاملة لي غادي ندوزوا منها و اي شخص عندوا شي سؤال او استفسار احنا هنا للمساعدة..
نشوفكم غذا انشاء الله 🍲🍗🍲🍗👌

Put a plan, trust it.. You will see the results 👀👀

السلام عليكم ورحمة الله وبركاته
موضوع اليوم غادي يكون عبارة عن برنامج تدريبي لي شخصيا بديت كانخدم بيه مؤخرا بعدما غيرت البرنامج التدريبي العادي لي كنت خدام بيه او نقدروا نقولوا الكلاسيكي.

هاد النظام التدريبي شخصيا كايعجبني بزاف بزاف و كانلقا فيه راحتي و حتى الجسم ديالي كايطور فيه و كايرتاح فيه، النظام هو (دفع، جر، الرجلين) او PPL / PUSH PULL LEGS و من خلاله كاتخدم الجسم ديالك جوج مرات فكل ثمانية ايام كالتالي :

الأثنين : PUSH
الثلاثاء : PULL
الأربعاء : LEGS
الخميس : OFF
الجمعه : PUSH
السبت : PULL
الاحد : OFF
الاثنين : LEGS

كيفما شفتو الاسبوع فهاد البرنامج كايكون فيه 8 ايام ماشي 7، و من بعد كاتكمل الاسبوع ديالك عاوتاني بنفس النظام.

البرنامج مستخرج من كتاب خاص بنظام ال PPL ماشي اختارعتوا من راسي و كيفما قلت انا شخصيا كانرتاح فيه حيت اولا كايخليك تعاود بزاف ديال الزوايا فالجسم ديالك فنفس الاسبوع و ايضا فترة التدريب كاتكون اقصر الشي لي كايخليك تبقا مرتاح اكثر ايلا كنتي كاتخدم او كاتقرا و كاتنوض فالصباح بكري.

بالنسبة للتغذية و المكملات داكشي كايبقا لكل واحد و شنو داير فالنظام ديالو.

و السلام عليكم ورحمة الله وبركاته. 🙏🙏✅✅

السلام عليكم ورحمة الله وبركاته...

اليوم بالليل شنو تبغيو نبارطاجي؟

برنامج تدريبي؟ ام تحليل بطولة ارنولد كلاسيك؟

😁😁✅✅