08/01/2023
تعددت أسماء المدن و الضحايا ولكن الجاني واحد واش هادي صدفة اولا ݣاع هاد الناس كيكذبوا ؟ اولا ملي كيكون الفعل يخص جمهور الرجاء كانسمعو الأحكام و حنا راجعين فالطريق قبل الوصول، لدرجة هاد السيناريوهات ولات معروفة بالنسبة لينا .
اليوم كانتأملو جميع في حال الملثمة لي تقنات لعب جميع الأدوار فحدث خريبكة، من المقدم، إلى واشية و صحفية، لي جمعات جميع الصور و فرقاتهم على دوائر الشرطة، حتى بعض الصفحات السوداء وصل بيها الخبث باش تنشر معلومات شخصية لدراري كانو حاضرين، و حتى لي غابو ماسلموش من خبث الملثمة.
و اليوم حنا ف 2023 البلاد كاملة ولات عارفة الفريق لي عندو "الحصانة" من الجهات العليا او حتى المنابر الإعلامية لي الدور ديالها كيكون فعال غير فاش كيخص الأمر جمهور الرجاء فقط مابقاتش كاتقدر دوي واش خوف من فقدان الوضيفة كل هذا او اللجنة المركزية في سبات عميييييق !!
وجدة ، تلاتة الولاد ، الحسيمة ، الرباط ، جمعة سحايم او اليوم تطوان و قائمة الأفعال البلطجية طويلة .. هادو كاملين ضحية جمهور الهلوسة و اكتئاب الشذوذ، تحت رعاية قائدهم .