LK7EL لكحل

الآدمين 2 يخاطبكم :

بعيدا عن المستطيل الأخضر، جاتني الفكرة نستغل هاد التوقف باش نهضر على واحد الموضوع مهم:

اولاً: الكورة و المنافسة راه حدها 90 دقيقية،

ثانيا: فاش كتجي تشوف اللعابة لي غادي ينافسو في هاد 90 دقيقة والله القسم إلا كل واحد عندو النمرة ديال لاخر و قبل مايدخلو يلعبو راه البوسان و التعناق و بعد مايساليو كيتبادلو التونيات،

ثالثاً: نتا كجمهور خاسر فلوسك ووقتك ومريسكي و جاي تفرج، هداك اللعاب راه هديك خدمتو ومخلص عليها، ايسالي ماتش تدويشة و يركب الرانج و المرسيدس ويمشي لڤيلا،

ربعاً: فاش كتوقع الواقعة راه الوالدين و الاقارب هما لي تيدوقو المرار و يرغبو و يزاوگو في ليسوا وليميسواش، و لي مجرب راه عارف شكاين، حدها الفرقة تخسر عليك باقة ورد في المباراة الموالية و لا محامي لي أصلا بايع الماتش،

خامساً: قريت واحد المقال مؤخراً تيهدر على تنزيل بطاقة FanID لجميع الجماهير المغربية، راه إلا مشا حتى نجح هاد الورش (وغادي ينجح) راه دير شي حاجة ليوما يشدوك البارح 😂.

باش نختم المنشور، بغيت نگول، شد فيا نشد فيك في المواقع، هز تيفو نهز تيفو في التيران، زها نزها في الڤيراج…. و هادشي يحبس هنا… راه إلا كان هادشي والله إلا البطولة غتزيان و ديما غتشوف التيران 100% من الطاقة الاستيعابية…

نتمنى هاد الهدرة تعمم على الجميع و المنشور يوصل للماكس ديال الناس..

و اخيرا: الجيش بيك نعيش ❤️💚🖤🫡

الآدمين 34 يخاطبكم:

ربيع يا ربيع او زلال فرق البيضاء😂… نشكرك و لا شنو ندير

جيتي صغير للفرقة و غتمشي فعينينا كبير ، ليفار هزاتك و نتا هزيتيها…

إذا كان هاد هو آخر فصل فالحكاية، فاعرف بلي الاسم ديالك غادي يبقى مرتبط بجيل كامل عاش معاك الفرح، الألم، الانتصارات، وخيبة الأمل، ولكن عمرنا شكينا فالإخلاص ديالك للقميص العسكري.

الله يسهل عليك وخا كونا باغيين كثر…

الجيش بيك نعيش ❤️🖤💚🫡

دبا هادا كون كان كوايري فالمغرب، إنا فرقة ايكون تيلعب فيها ؟

وجهو ديال اولمبيك شي حاجة 😂

ربيع شكرا على كلشي لقدمتي للفرقة و مشكرانش على دكشي لمقدمتيهش نهار بغيناك…

الشاوني نتا دبا العميد… الخبار فراسك، عندك عام زايد…

الصورة معبرة…

الجيش بيك نعيش❤️🖤💚

محسن من الكبار.

كانت عندي واحد المحادثة قصيرة مع محسن مورا الماتش ضد نادي الرجاء البيضاوي…

وكان گاليا في الاخير بهذ اللفظ :

"الله يهدي الجميع، في الآخر كتجي غير في العائلة و الوالدين…"

الله يدير لي فيها الخير.

الجيش بيك نعيش 🖤💚❤️.

الآدمين 2 يخاطبكم:

بلا شك عرفتوه : رضى سليم،

ليوما شفت واحد اللعيبة و حللتها و عرفت ان الجمهور حتى هو عند دور في هادشي لي وصلنا ليه.

كنت في الشاطئ مع العائلة، سي رضى جا للشاطئ مع الأصدقاء ديالو (من حقو ماحد الدراري نقيين و متيكميو ما والو، وغير دراري، غير هما ماشي رياضيين)، بانو ليا جوج فئات ديال الجمهور:

- الأولى (كلها ملابساش التوني ديال ليفار): كدوز حداه كتوقف كتسلم عليه وضاحكة وتصور معاه وتزيد.

- الثانية (لي لابسين التوني) ؛ واللهم حاشاوها ليه.

من هنا خرجت باستنتاج ديالي:

لي فوسط هادشي لي واقع للفرقة ومزال عندو الجهد يلبس التوني راه واللهتا هو الجمهور الحقيقي، الناس لخرين غير سامعين بليفار وممخليينش الجمهور الحقيقي يدير الإصلاح (كيحلوها للعابة، و مينخرطو معاك فحتى حملة غير كيتفرجو فيك نتا مقاتل).

المهم ومن الآخر راه تنعرفو غير ليفار يمشي لعاب يجي لعاب، و ليدارنا فوق راسو و عرف قيمتنا راه مغدي يشوف غير الخير (ولي تلف يسول سيدكم القديوي) ولي تمرگن بينا راه إلى مزبلة التاريخ.

للمعلومة: كنت لابس التروا كولور 😂.

الجيش بيك نعيش. 💚🖤❤️

بيدرو غونسالفيس... واش هو المدرب المناسب للجيش الملكي؟

بيدرو فالدمار سواريس غونسالفيس، مدرب برتغالي من مواليد لشبونة سنة 1976، حاصل على رخصة UEFA Pro. بدا المسيرة ديالو فالتكوين داخل أكاديمية سبورتينغ لشبونة، فين خدم أكثر من 15 عام وساهم فتطوير عدد كبير من المواهب قبل ما يدخل عالم التدريب الاحترافي بإفريقيا.
🏆 أبرز الإنجازات
🥇 بطل الدوري الأنغولي مع فرق الفئات السنية ديال Primeiro de Agosto.
🏆 بطل COSAFA U17 مع منتخب أنغولا سنة 2018.
🌍 أول مدرب كيأهل منتخب أنغولا لأقل من 17 سنة إلى كأس العالم.
🏆 بطل COSAFA مع المنتخب الأول سنتي 2024 و2025.
🇦🇴 قاد أنغولا إلى ربع نهائي كأس إفريقيا، وهو أفضل إنجاز للمنتخب
منذ سنوات.

📈 أصبح أكثر مدرب حقق انتصارات في تاريخ منتخب أنغولا.

⚽ شنو هو الأسلوب ديالو؟

غونسالفيس معروف بـ:
الانضباط التكتيكي.
الدفاع المنظم.
الضغط الجماعي.
التحولات السريعة.
الاعتماد غالباً على 4-3-3 الهجومية أو 4-2-3-1 حسب نوعية اللاعبين.

واش يناسب الجيش الملكي؟ 🇲🇦

من وجهة نظري: نعم، بنسبة كبيرة.

الجيش الملكي فريق كيكون قوي ملي كيلعب بانضباط، ضغط عالي، وانتقالات سريعة، وغونسالفيس خدم سنوات طويلة فإفريقيا، وعارف العقلية الإفريقية وكيفاش يتعامل مع المنافسات القارية. هاد التجربة تقدر تساعدو يندمج بسرعة مع محيط البطولة المغربية.
النقطة الوحيدة اللي خاصها تتوفر ليه هي إدارة كتدعمو بلاعبين مناسبين وتعطيه الوقت الكافي باش يطبق المشروع ديالو. إلى توفر هاد الشرط، فهو كيبان اسم قادر ينافس على البطولات المحلية و القارية.

الآدمين 2 يخاطبكم :

منين نبدا و باش نسالي… غتشوف حتى تشوف و غتلقاك العام الجاي غادي للتيران، و كتشقى فتيكي، و ختفرح معا الغالية، و دبا نتا لكتقرا فهاد البوسط كاعي.

مبروك لفريق المغرب الرياضي الفاسي على التتويج (القاعدة كتقول: عطيها حقها غتعطيك حقك).

سالا العام، سي بلقشور شكرا ملي أجلتي كاس العرش للسنة المقبلة و عطيتينا فرصة نشاركو قمسابقة إفريقية…

بزاف ديال الأمور خصهم إعادة النظر. معنديش الجهد لي يكتب عليهم، اندير واحد الفيديو و انهدر على كلشي بإذن الله.

الجيش بيك نعيش 💚🖤❤️🫡

نادي المغاربة الجيش الملكي AS FAR
ديما ديما الجيش الملكي
Association Sportive des Forces Armées Royales - ASFAR
ASFAR Digital MEDIA
#المغرب
#المغربالفاسي
#الشمايت
#ماشيراجل
#الكيادر

كلشي دون المستوى... كلشي يمشي يتحوى
اولهم إدارة العار سباب دمار ليفار