Itihad Family 57

غنقولوها بكل صراحة الفرقة حاليا محتاجة نالجمهور ديالا كثر من أي وقت …باقيلنا بارديدوس مقودين فبطولة وتابعانا مبارة مصيرية فكأس العرش مع بركان،لهذا ضروري خص يتوحدو الصفوف وكولشي يفكر فمصحلة العامة ولهي الأفضل لاتحاد وللمجموعة ،خصنا نرجعو الأيام والهينون طنجة كاملة حومة وحدة هيركوليس كاملة دطنجة وطنجة دهيركوليس ماهي دفلان ماهي دشي حومة،لهذا يد وحدة مكتصفقشي وحدو الصفوف وحيدو لي مكيفكرشي فهادشي
وخليونا نزيدو القدام الاتحاد بلا جمهور ديالا مساويا والو.

مصلحة الفريق والجمهور فوق الجميع لي عندو شي نية أخرى يتفضل من الباب الواسع ،لي عندو شي حساب مع شي حد يصافيه برا الجمهور ولي مباغيشي الخير نهاد المدينة وكيفكر غير فمصلحتو(الشخصية) تاهو مرحبا يتفضل …
ادا بغينا نحققو شي حاجة فالمستقبل خصنا ناس لي كتهما مصلحة دالفرقة والمدينة يعني النية و التحام كل مكونات المدينة من المجموعة الا الجمهور عامة و مكتب مسير و طاقم الفريق نحو هدف واحد،مصلحة الفريق أولا ولا شيء غيره👍🏻

تحول كبير من نقطة الضعف لي خوفانين منا الى نقطة القوة لي خلاتنا فالمباراة ليوما مع خصم صعيب لي كيتافس على الدوري و بلا منساو عامل الارض و الجمهور لي كان فنهارو ليوما بقيادة الترا هيركوليس لي قدمو ضغط عالي على الخصم ..
ملتقانا فالجديدة بحسابات جديدة ان شاء الله على امل 3 نقاط من تما 💙

قطع طيكي ديالك لبس زرق ديالك قصد كامبو بكري
شجع تسعين دقيقة ، يسالي بارديدو قصد دار ديالك ولا الخدمة ديالك … وهاتينا دوزتي بارديدو ديالك مضخم

كاملين خوت كاملين طنجاوة مدينة وحدة زيرو تخاسر فوجه كولشي خوتك زيرو بيونة زيرو كريساج طلع شجع غوت خرج دكشي لي فداخل ديالك بطريقة نقية ✊🏻💙

والأهم نشجعو فرقة نعاونوها ثلاثة نقاط متخروجشي من طنجة .

📌تذكير💙

من أحسن الحاجات لي يقدرو يوقعو نهار الأحد هو الجمهور يدخول بكري …بمجرد دخول الاعبيين لتسخينات يجبرو كامبو عامر وتجشيعات نتفكرو بيها الهينون مع الجنرال بنشيخة💙

⁉️

بركاتك يابنشيخة فما حاجة🔥✊🏻💙

ياك نهار ريان ازواغ فاير فوسط بارديدو خرجتوه وخارجو علينا هاد التقبة اصاحبي ورا حشومة وعيب وعار لعبو بهاذ المقتول فالفرقة ولا ريان كان حيط سطيطو قدامكم؟