08/08/2026
Во периодот од 6 до 9 август 2026 година, во Букурешт, Романија, се одржува Меѓународниот турнир во борење за сениори „Ion Cornianu & Ladislau Simon“ FS, WW, GR, во рамките на кој се организира полагање за меѓународни судии од I категорија.
Претставниците на Македонската федерација за борење, Игор Христов и Гоце Ангелов, по успешно положениот онлајн тест, и писмениот дел, ќе го полагаат и практичниот дел од испитот за стекнување со звање меѓународен судија од I категорија.
Ова претставува уште една потврда дека Македонската федерација за борење континуирано вложува во едукацијата, усовршувањето и меѓународниот развој на своите судии, со цел унапредување на квалитетот на судењето и претставувањето на македонското борење на највисоко ниво.
На Игор Христов и Гоце Ангелов им посакуваме многу успех на практичниот дел од испитот и успешно стекнување со звањето меѓународен судија од I категорија.
