И моето дете ќе навива за Пелистер

Знаеме е дека е лесно, после војна сите да сме генерали, исто како што знаеме дека поразот пред ШЕСТ дена, сеуште печи и е болна тема, кај сите нас.

ФАКТ е дека кривица, неможи и не смее да биди кај еден човек, но факт е дека кога спортскиот дел е во прашање, истиот беше ЦЕЛОСНО оставен на луѓе, кои беа назначени за шефови, луѓе кои се здобиле со лиценци за раководење, односно менаџирање со екипата.

Најпрво ќе започнеме со она што е статистика, а таа никогаш не лажи:

● Димитар Капинковски:
-9 Натпревари - 7 Бодови
-2 победи
-1 нерешена
-6 порази

● Милан Стојановски
- 15 Натпревари - 15 Бодови
- 3 победи
- 6 нерешени
- 6 порази

● Марјан Секуловски
- 9 Натпревари - 18 бодови
- 5 победи
- 3 нерешени
- 1 пораз

Да се вратиме 9 месеци назад, назначен беше Димитар Капинковски за нов шеф на стручниот штаб, иако во комбинација беа уште два искусни тренери, управата се реши довербата да му ја додели на Капинковски, кој истовремено беше/е селектор на репрезентацијата на Македонија до 17 години.

Капинковски на првиот тренинг имаше 7 фудбалери на располагање од кои:
- Капитенот Мирко Ивановски, 2 голмани и 4 млади фудбалери, зборуваме од оние со договори, тоа го остави во наследство претходната управа, која пак имаше цели 30 МЕСЕЦИ да направи барем костур на екипата, за кој ќе се гради стабилен Фк Пелистер, но наместо тоа, оставено хаос.
Капинковски имаше целосни одврзани раце околу составувањето на екипата, па така беа донесени Булатовиќ, Белиќ, Здравковиќ, Спировски, Ристиќ, Ристовски, Петковски, Здравевски, продолжени договори со Ќерим, Грозданоски, Наумоски, Бошковски, Трајковски, Ристевски...

Лоша серија, порази на домашен терен од Арсими, Башкими, нетипично за Пелистер кога станува збор за домашен терен и неосвојливата тврдина под ,,Тумбе Кафе", бодови што во конечниот пласман и тоа како би играле улога.

Лоша серија и од ведро небо донесен Милан Стојановски, некогашен репрезентативец на Македонија, човек што требаше да стави 'здрава рака' на екипата, ред, дисциплина, мир, но од се тоа остави уште поголем ХАОС.

Стојановски се реши да го одстрани Ристевски Александар од екипата, без разлика дали тоа беше правилен потег или не, но факт е дека ниту беше момент, а ниту пак на Пелистер тогаш тоа беше најголемиот проблем. Стојановски загуби на првиот официјален натпревар против Шкендија Арачиново во 1/8 финалето од купот на Македонија со 1-0. Загубени бодови на домашен терен против Македоноја Ѓ.П. (1-1), против Тиквеш (0-0), од готово вересија со Арсими во гости (3-3, Пелистер имаше водство од 3-1 во 64 минута од натпреварот). На полусезона на место Пелистер да се засили на потребните позиции, онаму каде што фалат играчи, Стојановски кој исто така имаше одврзани раце и сам одлучуваше околу составот, ги донесе Србијанац кој рака на срце беше еден од подобрите оваа полусезона, Милојевиќ, Филип Петровиќ, Михајло Петровиќ, Томче Гроздановски, Кире Ристевски кој исто така беше столбот на одбраната.
Обработени припреми во Анталија, овозможени услови како никогаш до сега, сите предиспозиции Пелистер, да има одлична пролет и да обезбеди директен опстанок, но...

Победа во првиот натпревар против Работнички, а потоа следуваше серија од 7 натпревари без победа, со што Стојановски беше заменет со Секуловски.

За Мане, нема што многу да пишуваме, човекот дојден и го издигна Пелистер од 'пепелта' како Феникс, успеа да постави ред и дисциплина, да направи хемија во екипата, нешто што на неговите претходници не му појде од рака, успеа со истата екипа која незнаеше за победа во 7 натпревари, да направи екипа која во 9 натпревари ќе има само еден пораз и од зоната за директно испаѓање, да дојде на 2 бода од директен опстанок, за на крај преку бараж, да не успее во целта. Ќе остани човекот што стално го гаснел пожарот и бил тука кога никој друг не бил.

Сега, кога клубот по шестипат е во ВМФЛ, кога управата иако можеби со најмалце вина оваа сезона си превзеде целосна одговорност, нешто што за СИТЕ претходни управи било условна именка, управи каде сопственото его и самобендисаност ги ставале над ПЕЛИСТЕР и немале ни храброст ни доблест за такво нешто, време е можеби за КОРЕНСКИ ПРОМЕНИ, ЕДНАШ ЗА СЕКОГАШ, само така, овај Пелистер ќе се крени и ќе биди клуб. Почнувајќи од економ што се вели зборот, преку тренери во младинската школа, играчи, па се до раководни структури.
Со чест на исклучоци, списокот каде ќе треба реорганизација е огромен.

И да, кога ќе кажете дека не сме пишувале, имајте на ум дека ЗНАЕВМЕ дека во случај на неуспех, оваа управа ќе поднеси одговорност, нешто што претходно НИКОГАШ не се случило. Кога ќе кажете дека не сме пишувале, не немало, не заборавајте дека за претходните не се пишуваше 36 МЕСЕЦИ, го превзедоја Пелистер на полусезона во зона за испаѓање, ветија дека ќе направат се да се спаси, ништо од тоа, ветија дека веднаш ќе се вратат во ПМФЛ, Пелистер заврши на 4то место во ВМФЛ, веднаш за Вардар, Воска и Гостивар. Наредна сезона во ВМФЛ (сезона 2023/24 г.) Пелистер заврши на втората позиција зад Беса и директно се пласира во ПМФЛ.
Не заборавајте дека за претходната управа не се пишуваше се до промената на Влатко Костов, по желба и со спинување на тогашен директор на Фк Пелистер, а во реализација на тогашната управа.

П.С. Од толкава љубов према клубот, во неделата кога цела Битола беше во шок и плач, две друштва во позитивна и опуштена атмосфера, наводно биле видено по битолските локали, на балкански пејачи...

В година ПМФЛ, на место дерби натпревари, полни трибини, нови деца 'навлечини' со фудбал да се занимаат, в година ќе гледаме празни трибини, без дерби натпревари, тимови без стадиони, клубови кои должат плати, без свои младински школи, ама пошто ќе им се дозволи па ќе си "купат". На место чесност и транспарентност ќе гледаме клубови кои се под истрага од УЕФА, сумливи "сопственици", ама нели никој не е крив се додека не се докажи спротивното.

'За МакедонЦкиот Фудбал' - џабе не рекле, од лошо има и полошо.

🟢🎙 Марјан Секуловски на денешната завршна прес-конференција се обрати до јавноста:

„Прво сакам да им се заблагодарам на сите наши навивачи што дојдоа во Кавадарци да нè поддржат. Количеството на радост при израмнувачкиот гол и тагата по загубените пенали се доказ колку Пелистер им значи на битолчани.“

„Сакам да им се извинам на сите што не успеавме да ги оствариме нашите цели, иако мислам дека јас сум тој што најмалку треба да се извини. Во последните два месеци, на девет натпревари забележавме пет победи, три реми исходи и само еден пораз. Со тие 18 бодови, Пелистер под мое водство во девет натпревари би бил на второто место, веднаш зад Вардар.“

„Надежта последна умира. Сметам дека постојат механизми поради кои Пелистер може да остане во ПМФЛ. Имаше сличен случај во една соседна земја, која ќе игра на Светско првенство, каде што беше стопирана одлуката за намалување на лигата. Затоа верувам дека Пелистер може да игра и следната сезона во елитата.“

🕊🖤 Пелистер оваа сезона ни покажа дека е пример за како треба да функционира еден клуб, големите работи се во малите нешта, а фудбалерите на Пелистер испратија последен поздрав до прерано починатиот Аган Асани, 13 годишниот фудбалер на ФК Куманово.

Публиката во Кавадарци го поздрави гестот, за разлика од публиката во Тетово пред година дена, каде не се почитуваше минута молк за загинатите во Кочани.

📢 Навивачката група Чкембари, преку јавно соопштение постави неколку прашања и услови, истото ви го пренесуваме во целост:

По неколку (не)преспиени ноќи, по безброј направени кавги меѓу нас навивачите а и меѓу целиот град каде е кривицата за овај пораз не само на Пелистер туку и на цела Битола. И покрај јавните реакции, до последно дававме поддршка и верувавме дека ќе заврши колку толку позитивно оваа сезона. Но на се иди крај! Наредниот период ЌЕ ИНСИСТИРАМЕ НА:
1. Иако знајме дека договорите ви се направени со дискретционо право, ИНСИСТИРАМЕ во јавноста да се објават со име и презиме, сумата која им била испаќана и улогата во клубот на сите оние кои не се фудбалери, односно кои имаат било каква функција освен фудбалер. Да се тргнат прашањата и обвинувањата во јавноста, да се завршат рекла-казала муабетите, одважете се и објавете ги јавно!!!
2. Да се понеси одговорност и јавно да се соопшти кој ги одобруваше оваа сезона трансферите на фудбалерите. Самата селекција е најодговорна за она шо беше ,,прикажано'' на терен. Кој го креираше тимот кој го играше најлошиот фудбал во цела лига? Која е улогата на гувернерот на Македонија Трајко Славевски во носењето на фудбалскиот анонимус Милан Стојановски?
Виновците за оваа катастрофа имаат име и презиме, овој пораз не е дојден сам од себе.

ОДГОВОРНОСТ ОД СИТЕ ДО ЕДЕН ШО ГО ДОНЕСОВТЕ КЛУБОТ НА ОВА НИВО!!!

📢 ФК Пелистер најави последна и завршна прес-конференција за сезоната 2025/26 г., а до јавноста се обратија со следното:

,,ФК Пелистер ве поканува на завршна прес-конференција за сезоната 2025/26. Средбата со новинарите ќе се одржи в среда, на 3 јуни, во 12:00 часот, во прес-конференциската сала на стадионот ,,Петар Милошевски" во Битола.

На истата ќе се обратат Александар Стефановски, Марјан Секуловски и Мирко Ивановски."

⚠️ Поднесени оставки во Фк Пелистер по испаѓањето во ВМФЛ, клубот преку соопштение ја извести јавноста, истото ви го пренесуваме во целост:

ФК Пелистер ја известува јавноста дека, по денешниот пораз и испаѓањето на клубот од Првата македонска фудбалска лига, претседателот на клубот, заедно со целокупната управувачка структура, техничкиот директор и целиот стручен штаб, ќе поднесат оставки до градоначалникот на Општина Битола, преземајќи морална одговорност за остварениот резултат.

Во изминатиот период беа преземени бројни активности и направени значителни напори за зајакнување на клубот и обезбедување на негов опстанок во Првата лига, но очигледно вложеното не беше доволно за постигнување на посакуваните резултати.

Покрај поднесените оставки, досегашната управувачка структура бара да се спроведе и целосна ревизија на досегашното работење на клубот, со цел јавноста да биде ослободена од какви било сомнежи во однос на евентуални злоупотреби на финансиски средства и да се потврди нивното наменско и транспарентно трошење.

Со овој чин се презема одговорност за резултатите, но и се остава простор за темелна анализа на досегашните чекори и носење на нови одлуки, сè во интерес на идниот развој и напредок на ФК Пелистер.